حسيت بإحاسيس كتيرة، فرحانة إني طلعت بخلف، وحسيت بحيرة إن مراته إزاي حامل. معقولة بيخونها؟ منكرش إني حسيت إني عايزة أنتقم لنفسي وأروح أقولهم، بس قولت أسكت. أنا مش وحشة زيهم، بس لسه عايزة أنتقم. حاسة بإهانة وزعل. روحت لزكريا عشان أتأكد، مكنتش مصدقة. "إنت متأكد إن التحاليل صحيحة؟ ضحكلي وقال: "مظبوطة مية في المية." دموعي نزلت المرة دي بس بفرحة وابتسامة. "أنا طلعت بخلف، أحمدك وأشكرك يا رب."
فضلت فترة كبيرة أستوعب وأحمد ربنا. ماما طبعاً استغربتني، لأنها لاقتني فجأة مبسوطة وبضحك وبرقص. بصتلي بخوف وقالت: "إنتي اتجننتي؟!!! عدى وقت وزكريا بيهتم بيا. مش هنكر إني حبيته وحبيت حنيته، مختلف تماماً عن سالم. بس لسه جوايا جرح، جرح عمره ما هيروح غير لما أشوف حقي بيتاخد. حبيتها بكل تفاصيلها، بس مش قادرة أنسى اليوم اللي جوزها طلقها وهانها. حاسة إني أنا اللي اتهنت.
قررت إني هاخد حقها. لازم أقدم لها هدية وأنا رايح أتقدم ليها، وهي إني هاخد حقها. قررت إني هروح لطليقها بصفة إني الدكتور ولازم أبلغه إن التحاليل طلعت كاذبة. روحت خبطت على بيته، طلعتلي مراته، "لأ مؤاخذة، بقميص مكشوف." بعدت وشي وقولتلها: "نادي جوزك." "مش فاهم العبيط ده، بدل حبيبة بالمعفنة دي." جالي جوزها وأنا ضحكت وأنا ببدا خطتي.
"أهلاً وسهلا أستاذ سالم. أنا آسف إني جيت في وقت غلط، بس كان لازم تعرف حاجة مهمة. التحاليل طلعت غلط. مدام حبيبة اللي بتخلف، إنت مبتخلفش واستحالة تخلف." طبعاً وشه جاب ألوان ونفسه بدأ يعلى وشكله هيموت. حد لقيته دهل جاب مراته وسمعت صوت قلم خلاني أبتسم. لقيته خارج وهو بيشدها من شعرها وبيقولها: "حامل من مين؟ انطقي! هنا بدأت خطتي. عليت صوتي وفتحت الباب بحيث الجيران يسمعوا. "مراتك حامل ومبتخلفش! يادي الفضيحة!
متسكتش يا سالم، إنت اتفضحت." الجيران بدأوا يتلموا، وكنت بجهدي كله أقول للناس كلها إنه مبيخلفش. طبعاً أمه طلعت قعدت تلطم ومنظره بقى زبالة وسط الناس كلها. واللي عرفته إنه ضرب مراته جامد والشرطة لحقته قبل ما يموتها، والجيران طردوهم لأنهم بقوا نجسين. كنت سعيدة جداً، أقل شيء لرجل مثله. مع إني عارف إن حبيبة هتزعل. بس أنا ما كنتش ههدي غير لما آخد حقها. "أنا جاي أتقدم لحبيبة على سنة الله ورسوله."
كنت مكسوفة، حاسة إني أول مرة هتجوز. كنت بجد مبسوطة وبضحك، وطبعاً وافقت وقررنا نعمل كتب الكتاب على طول. قالي: "علي اللي هو عمله." منكرش إني خاصمته أسبوعين، بس صالحته في الآخر. وكمان مش هنكر إني حسيت ببعض الشماتة. وتم كتب الكتاب أخيراً. "أنا بحبك أوي يا حبيبة." "أنا أكتر يا عيون حبيبة." "قوليها تاني بالله عليكي." "قلبي يحبك حباً شديداً." حضني بفرح وبس. _بعد سنة كنت بكشف عند الدكتور اللي هو جوزي حبيبي.
وأنا نزلت سبقته عشان أجيب عصير لبنتي حبيبتي اللي أنا حامل فيها. قابلت بالصدفة سالم. اللي أول ما شافني جري عليا. "أنا آسف، ارجعلي، أنا كنت غبي و... سكت لما لمح بطني ولقاني حامل. بصلي وكان رايح يضربني. "إنتي اتجوزتي!!! بس جوزي لحقه وضربه على وشه. "أوعى تقرب من مراتي، إنت سامع." بصلي سالم بسخرية. "سبتيني عشانه؟ "إنتي اللي خونتيني وهنتيني، وربنا خد حقي. بس الحمد لله ربنا عوضني بزكريا وابني اللي في بطني."
مشي بعد ما عرف إنه خسر. "أنا شكلي هدور على عروسة، أصلك بقيتي كرنبة... صرخ لما ضربته بكل قوتي. "دنا هموتك يا زكريا." "بهزر يا روحي، دنا بموت فييكي." "قول والله." "والله بموت فييكي." "وأنا كمان بحبك."
تعليقات
إرسال تعليق