.png)
بمجرد أن فتحت عيونها ونظرت إلى الشيطان العاري أسفل منها وهي مستلقية على ظهره، صرخت بقوة. "يخربييييتك، يخربييييتك ابعدددد... دفعتْهُ قدر بقوة، فأبعدته عنها وهي تتنفس بسرعة وصدمة وخجل مما وجدت نفسها عليه. بينما الشيطان ابتسم بإستمتاع وهو نائم أرضاً، تظهر عضلاته بشكل جذاب بسبب إضاءة نيران المدفأة عليها. "مالك بعدتي ليه؟ أنا كنت بس بدفيكي... قدر بغضب ووجه ورقبة حمراء من الغضب والخجل في آن واحد:
"بتدفيني إيه يا سافل يا واطي يا قليل الأدب يا اللي مش محترم... الشيطان بضحكة وسيمة: "ده آخرك في الشتايم؟ لا لا، انتي فعلاً متربية يا قدر، أصل ده مدح مش شتايم، وممكن فعلاً أوريكي دلوقتي أنا إزاي سافل وواطي وقليل الأدب... بس على فكرة، المفروض تشكريني إني وصلت في الوقت المناسب قبل ما تتجمدي مكانك من البرد." "وأنا بجد مش عارفة أقولك إيه غير حسبي الله ونعم الوكيل، والله ما عارفة أقولك إيه...
يا ريتك سبتني أموت، كنت أخلص من وشك على الأقل... الشيطان وهو يقوم من مكانه أرضاً ويقترب منها: "أنا عايز أقولك حاجة، أول مرة أقولها لحد يا قدر... قدر بغضب: "مش عايزة أسمع حاجة منك... الشيطان وهو يأخذ نفساً عميقاً: "أنا قلقت عليكي... "أيوة، يعني أعمل إيه بقلق أهلك دلوقتي؟! "على فكرة أنا قولتلك إني أول مرة أقولها لحد في حياتي، أنا عمري ما قلقت على حد... "يااااه، حقيقي زعلت، يااااه أنا اتأثرت، أبوس إيدك كفاية...
منديل مش معايا!! المفروض برضه أعمل إيه بقلقك عليا ده؟ أنا كنت هموت من شوية وراسي، ااااه، راسي مخبوطة ووجعاني أوي... رغماً عنه لم يتمالك نفسه من الضحك، رغم أن الموقف حزين ولا يتحمل الضحك، إلا أنه ضحك بشدة على طريقتها. "مش طبيعية والله!! ها، قررتي إيه؟ هترجعي معايا ولا هتقعدي هنا لوحدك؟ قدر بغضب: "هقعد هنا لوحدي... "تمام، براحتك، أنا غلطان إني رجعتلك تاني... اتجه الشيطان بهدوء ليخرج من الكوخ، ولكن قدر سبقته بخوف:
"خلاص خلاص، هرجع معاك، بس توعدني تخلص كل حاجة هناك عشان أرجع لبابا وماما... أومأ الشيطان بابتسامة مرعبة: "تمام، بس انتي كمان توعديني تنفذي كلامي بالحرف الواحد... "من النهاردة اسمك... "علا، خلاص عرفت إن اسمي علا... "ومتنسيش إنك من النهاردة مرات... "مراتك، خلااااص خلاص عرفت... يا أخي ده أنت غلبت الروايات اللي بقراها، يا ترى بقى هتقع في حبي وحب برائتي اللي مش محدودة في الصعيد وتتجوزني ونعمل فرح صعيدي؟! "برائتك مين؟
انتي عليكي أحكام؟! "ياااارب صبرني، امشي قدامي، خلينا نسافر، يكش أهلك يطخوك عيارين يريحوا البشرية منك... مر يومان، استعد بهما الشيطان وقام بكل التجهيزات اللازمة لكي يسافر، وبالتحديد تجهيزات التهريب التي سيفعلها، أو بالأحرى خطته مع القبطان الذي يريد وبشدة أخذ ثأره منه. الشيطان وهو يتحدث مع تيّم في هاتفه: "استعد يا تيّم، كلها يوم وهنبدأ اللي خططنا ليه سوا طول حياتنا...
"توعدني يا صاحبي إنك تبعد عن طريق التهريب ده تاني بعد ما تاخد تارك من القبطان وتميم؟ الشيطان بهدوء وتفكير: "اللي زيي مبيرجعش من طريقه، اللي زيي لو رجع، يتقتل، انت عارف كويس إن تجار المخدرات والسلاح اللي بهربلهم الحاجة معتمدين بشكل كبير على شركتنا، يعني لو بطلت، اقرأ على نفسي الفاتحة... "يعني إحنا هنفضل كده طول العمر؟! "سيبها بظروفها... خلينا دلوقتي في اللي هنعمله...
بدأ الاثنان الحديث عما سيفعلونه غداً على السفينة في القبطان الذي اغتصب في الماضي والدة الشيطان على سفينته ورماها في البحر بعدما قتلها. تيّم بعد فترة من الحديث بصدمة: "استنى كدا... انت هتسيب بنت النمر في الكوخ لوحدها... الشيطان بضحكة خبيثة: "قلقان عليها ولا إيه... تيّم بإيماء: "أيوة طبعاً، ده أبوها يودينا في داهية لو ماتت... "متقلقش، هتيجي معايا الصعيد... "انت بتهزر يا شيطان، صح... ده اللي هو إزاي بقى؟
ده انت بمجرد ما تدخل إسكندرية هتتمسك... "لا، ما هي سفينتي مش هتقف في مينا إسكندرية المرة دي... "تقصد إيه..؟! "أقصد إني هعدي من قناة السويس للبحر الأحمر وبعدها دغري على الصعيد... "يخربيتك؟! ما هو برضه ده في مصر يعني أبوها... "أبوها لو فكر يهوب للصعيد، يتدبح... متنساش إني حفيد الدسوقي باشا، عمدة البلد والقرية بتاعتنا في سوهاج... يعني ميتجرأش يخش قريتنا أصلاً، وبعدين قلقان ليه؟ هو في حد هيقدر ياخد ست من جوزها... "نعم...
جوزها... "أيوة جوزها... مش تبارك لأخوك يا تيّم؟ أنا اتجوزت قدر سابقاً، علا حالياً... "لا لا لااااا لاااااا لاااااا ينع... "انت تقووووولي إنك بتهززززر، انت أكيد بتهززززر... الشيطان بابتسامة خبيثة وهو يضحك: "واهزر ليه... هو حلال على أبوها يعمل كده، حرام عليا يعني...
إن كان هو نمر، أنا شيطان، وإن كان هو غني، فأنا عقلي أغنى من ثروته كلها، وإن كان هو أبوها، فأنا من دلوقتي جوزها، بس جوزها شكلاً بس، يعني تقدر تقول كده مجرد شكل قدام أهلي في الصعيد عشان ميلاحظوش إن في حاجة غلط... "ربنا يستر... ربنا يستر... ربنا يستر كمان مرة عشان أنا مرعوب من اللي جاي... "جمد قلبك، ده أنت صاحب الشيطان...
وبالفعل ركبت قدر بعدما غطت شعرها وارتدت عدسات لاصقة سوداء أحضرها لها الشيطان من ألمانيا حتى تخفي عيونها، كما أمرها، فهذه كانت شروطه المجبورة هي على تنفيذها من أجل العودة إلى مصر. أعد الشيطان سفينته بكل ما يلزم للمغادرة، وبالفعل بدأت سفينته بالإبحار. على السفينة يوجد طاقم الشيطان وهم رجاله متنكرين على شكل طاقم السفينة، والقبطان الذي من المفترض أنه سيقوم بتهريب المخدرات والسلاح...
ولكن الشيطان كان يعد له مفاجأة كبيرة بانتظاره. دخلت السفينة في أعماق البحر، وشعرت قدر بالرعب لأنها خطفت من أعماق البحر وسط عائلتها. كان الشيطان يقف بجانبها والسفينة تبحر، وهي تنظر للماء أسفل منها. "خايفة... قالها الشيطان وهو ينفث دخاناً من سيجارته بإستمتاع بمشاهدتها. "لا مش خايفة... أنا بس قلقانة شوية عشان أول مرة ركبت فيها سفينة في حياتي اتخطفت... الشيطان بابتسامة لئيمة:
"وأكيد تاني مرة برضه هتشوفي اللي مش هتقدري تشوفيه في حياتك... "تقصد إيه..؟! ابتسم الشيطان لها بخبث ليردف بنبرة لا تبشر بالخير: "هتشوفي دلوقتي... ماذا سيحدث يا ترى... وعلى الناحية الأخرى في قصر آدم الكيلاني... كانت تسوء حالة روان يوماً بعد يوم بسبب ابنتها، لم تستطع أن تأكل أي شيء، ولا يستطيع آدم الكيلاني فعل أي شيء إلا الحزن على زوجته وحبيبته وأيضاً ابنته. آدم بابتسامة بعض الشيء:
"يا روان، متنسيش إن بنت آدم الكيلاني هي اللي اتخطفت، مش بنت حد تاني، يعني لو حد قربلها، هو عارف إني هرجعها وهقتله هو وعيلته كلها... روان بحزن: "أنا عايزة بنتي يا آدم... أنا نفسيتي تعبانة، مش قادرة أتكلم... آدم بهدوء وحزن: "هرجعها لك والله، وعد مني هرجعها لحضننا تاني...
اتجه آدم ليخرج من الغرفة إلى الميناء في الإسكندرية، وقد خاب أمله، خصيصاً بعدما قام تيّم بتهريب والد الشيطان ولم يستطع رجاله أن يتتبعوا خطواته بسبب أن الصعيد لا تسمح لأي شخص غريب بالاقتراب منها، وقد فر هارباً. بينما سيف ويوسف بالخارج كانا ينتظران والدها ليخرج ويخبرهما حالة والدهما. آدم بحزن: "إن شاء الله هتبقى كويسة، بس أنا هحاول بكل جهدي ألاقي بنتي... سيف بحزن: "يا رب يا بابا تكون كويسة هي وقدر أختي، يا رب...
يوسف بحزن هو الآخر: "طب أنا هدخل أطمن عليها يا بابا وأروح الشركة عشان في شوية حاجات عايز أراجعها... آدم بابتسامة: "أنا فخور بيكم يا عيالي... انت يا سيف مسبتش أمك وبتحاول تخفف عنها وبتاخد بالك من القصر في غيابي، وانت يا يوسف مسبتش الشركة وواخد بالك منها كويس، مع إنك لسه صغير، إلا إن في الكام يوم اللي فاتوا دول كذا عميل تقيل كلمني وشكر لي في طريقة تسويقك الجديدة وشغلك بالطريقة الجديدة... سيف ويوسف بابتسامة:
"ربنا يخليك يا بابا يا رب... وبالفعل رحل آدم تاركاً القصر، وهو يعلم أن خلفه ذريته من عشيرة النمور تحمل عن عاتقه كل شيء. اطمأن يوسف على والدته ورحل ليتابع عمله، بينما سيف بقي في القصر مع والدته يحميها ويرعاها، وكذلك يدير شئون الضيوف الثقيلين على قلبه، بالتحديد سمر ابنة خاله. وبالفعل حدث ما توقعه سيف. نزلت سمر من غرفتها في الصباح وهي تحمل هاتفها، تتعارك مع أحد ما في مكالمة فيديو تقريباً أو شيئاً كهذا.
"على فكرة والله انتو فلورز وحشين أوي، وأيوة أنا عندي حبيب شبه الكوريين، استنوا هوريهولكم... أنزلت الهاتف من يديها قليلاً ونظرت إلى سيف الذي كان ينظر لها بغضب غير مبالي بها. "بقولك إيه يا أشقر، فين أخوك... "راح الزفت... فكرت سمر قليلاً بتوتر وهي ممسكة الهاتف ثواني، ونظرت إلى سيف لتردف بمرح: "طب جاريني في اللي هعمله ده وهديك تميمة أحلام زي أخوك... سيف باستغراب: "تعملي إيه... مش فاهم... رفعت سمر يدها بالهاتف لتردف بمرح:
"شوفتوا بقي، اهو حبيبي وكمان شبه الكوريين، بس على أشقر... صُدم سيف عندما سمعها تقول هذا ونظر في الهاتف ليرى أنها في بث مباشر أو لايف على الإنستجرام الخاص بها. سيف بغضب: "سمر... "اهاهاها، بيغير عليا زي سيوهيون وكيم جونج في مسلسل حياتها الخاصة... "بتعملي اييييه... اقفلي... "طب يا sounuoo (بنات) أنا هقفل دلوقتي عشان حبيبي بيغير... يلا annyeong annyeong (إلى اللقاء) ...
أومأت سمر برأسها كالكوريين عند التحية وأغلقت البث، ونظرت إلى سيف الذي يكاد ينفجر من الغيظ أمامها لتردف بتوتر: "بص هفهمك.... "من غير ما تفهميني، أنا هقول لخالي على عمايلك دي عشان بجد أنا اتخنقت والله... "لا لا ارجوك ارجوك متقولوش، والله هيضربني ويحرمني من المسلسلات الكورية لمدة شهر، ده أكبر عقاب ليا، ارجووووك... قالتها سمر بتوسل وهي تجلس على الأرض بطريقة أرعبت سيف من هذه المجنونة المهووسة بحركات الكوريين. سيف بتوتر:
"انتي قاعدة على الأرض ليه... "بعتذرلك... "دي طريقة كورية صح..؟! "أيوة... "ياااااا الله يا وولي الصابرررين... مرارتي هتتفقع منك يا سمر والله... "طب أنا آسفة والله، الفلورز بتوعي استفزوني، وحد منهم قالي انتي عمرك ما حد هيحبك طول ما انتي بتحبي الكوريين... "والله عنده حق، بس أنا ذنبي إيه تحشريني يا كدابة؟ دلوقتي تطلعي لايف وتقولي إنك كنتي بتكدبي وإني مش حبيبك، وامسحي اللايف اللي فات ده... "حاضر حاضر.... همست.
سكتت سمر قليلاً وابتسمت بخبث لتردف باستفزاز وقد أتت لها فكرة ما: "طب بقولك إيه... همسحه بشرط واحد، وانت عارفه... "هتمسحيه من غير شروط يروحمممك... "أخوكي يحبني... أنا أمحيه... سلم واستلم يا كدا يا إما هفضل أطلعك معايا غصبن عنك وهقول للفولورز بتوعي إني بحبك وانت بتموت في دباديب سمر يونج... "يونج على دماغ أهلك، امسسسسححي اللايف... "لا...
ضحكت سمر وجرت منه في أنحاء القصر، بينما هو كان يجري خلفها بغضب يريد هاتفها حتى يمسح بنفسه الفيديو. خرجا إلى الحديقة ليردف سيف لها بغضب: "تعالي هناااا يا بت.... "هيهيهيهيهي، عيب كده يا أشقر قلبي... قالتها سمر بخبث وكأنها رأت شخص ما. سيف بعدم فهم وهو يجري خلفها بغضب: "انتي عبيطة يا بنتي... توقف سيف في مكانه فجأة وتوقفت معه الدماء في جسده عندما رأى شخصاً ما يقف أمامهم محلقاً فيما يحدث. من هو هذا الشخص يا ترى...
وعلى الناحية الأخرى على سفينة الشيطان: ابتسم الشيطان بخبث وهو ينظر في ساعته ليردف بابتسامة سعيدة لأحد رجاله: "جه الوقت... جهزولي الطور الحديدي... وجهزولي كل اللي اتفقنا عليه... نظر إلى القبطان أعلى السفينة بخبث ليردف بابتسامة: "الليلة ليلتك يا عروسة... نظرت له قدر التي كانت تقف بجانبه بصدمة وعدم فهم لما يحدث وما الذي سيفعله هذا الشيطان... !!! ماذا سيحدث يا ترى...
تابع الفصل التالى من هنا
