.jpg)
ندى بخوف شديد: فيه إيه يا فهد؟ فهد بعصبية: إنتِ إزاي تكلمي مراد وليه تطلبي منه حاجة وأنا روحت فين؟ شوفي يا ندى، لما أموت اطلبي اللي عاوزاه ومن أي حد، بس طول ما أنا عايش ولا عمرك تكلمي راجل ولا حتى أسمع سيرة أي راجل على لسانك. لما أموت أبقى اعملي اللي عاوزاه. ماشي؟
ندى بعياط: بعد الشر عليك، بس إنت اللي زعلتني في الأول وبدل ما تصالحني جيت وضربتني، وحتى مفكرتش إني حامل، وكمان خليتني أنام على الكنبة وظهري وجعني. وكل ده وزعلان مني كمان؟ طيب أعمل إيه يا فهد قول لي؟ فهد بحب، حضنها: طيب إنتِ ليه كنتِ متوترة تحت؟
ندى بدموع وانهيار: عشان الست دي مش بتحبني ومش زي ما إنت مفكرها وشايفها. هي وبنتها وأبويا مبيتحركوش في مكان غير لما يعملوا فيه مصيبة. وشفت ثريا بتتقرب منك إزاي وأنا بكون أولع من كدا علشان إنت ليا لوحدك يا فهد. إنت ملكي أنا. فهد: خلاص يا روحي اهدى، أنا غلط. أنا آسف يا روحي. ندى: بس ليه بتزعقلي قدامهم؟
فهد وهو بيمسح دموعها: لأنك عصبتيني. كنتِ قاعدة مش على بعضك وأنا كنت خايف على البيبي لأن الدكتورة قالت ممنوع أي مجهود أو توتر وخوف. ندى بحب: آسفة يا فهد. فهد: يا روح فهد، قلتي كنتِ عاوزة فشار. ندى بطفولة: أيوه فشار بس يكون حجم كبير. فهد: تمام، إيه رأيك أجيب فشار ونسمع فيلم بليل؟ ندى بحب، باستُه من شفايفه بوسة رقيقة: إنت أحلى فهد في العالم، أنا بحبك. فهد بتوتر: أنا لازم أمشي لأن كدا خطر عليكي وعلى الطفل.
ندى: إنت بتكلم نفسك يا فهد؟ فهد: هو إنتِ لسه قد إيه وتكملي الشهر التالت يا روحي؟ ندى بفرحة: شهر. فهد بصدمة: شهر كامل؟ لسه هستنى شهر؟ ندى بعدم فهم: تستنى إيه؟ فهد: لأ لأ، أنا لازم أمشي. يلا ننزل. ونزلوا الاتنين. ندى بهمس: فهد! فهد: عيونه. ندى: أنا لازم أروح المول النهارده. فهد باستغراب: ليه؟ إشمعنى؟ ندى: لأن هدومي كلها ضيقت ومش عارفة ألبس إيه، هروح أشتري هدوم وأيجي. فهد بحب: المهم متتأخريش، تمام؟ وخذي معاكي حرس، أوكي.
ندى بفرحة: أوكي. ملك: إيه يا ندى، كل ده فوق؟ بتعملي إيه؟ ندى: ملك، نور، يلا نروح المول. نور: ليه؟ ما إحنا كنا هناك امبارح. ندى بطفولة: عشان بطني كبرت وهدومي ضيقت. ملك ونور: إشطا يلا. فهد: تمام، يلا أوصلكم علشان أروح الشركة. ندى بفرحة: بجد يا فهد؟ فهد: أيوه يا روح فهدك. ملك: احم احم، إحنا موجودين يا عالم. ثريا بخبث: ندى، هو ممكن أجي معاكم؟ ندى بتوتر: إيه؟ تعالي. ثريا بدلع: طيب، وفهد هيوصلنا؟ ندى بغيرة،
بصت على فهد: لأ. ثريا: بس هو قال هيوصلنا. ندى بغيرة: بس أنا مش عاوزاه يوصلنا، هو هيروح الشركة صح يا فهد؟ فهد بص لها وهمس في ودنها: ندوشتي غيرانة. ندى ضربته في كتفه: يلا يا فهد، عارفة إنك اتأخرت. فهد: تمام، خلي بالك من نفسك. ومشي. ندى لنور: نور، ورانا مهمة. نور: تمام يا ريس، أنا جاهزة. ندى بهمس: أنا هطلع وتكونوا ورايا. الإتنين: هزوا راسهم. ندى: ماشي، يلا يا ثريا روحي البسي. في غرفة ندى:
ندى: دلوقتي البت دي بتتقرب من جوزي، أعمل إيه؟ نور: اسمعي، إحنا نروح المول ونخليها تضيع مكن. ندى وملك في صوت واحد: إزاي؟ نور: اسمعوا بقى. ندى: خطة جميلة. ملك: تمام، يلا. ندى: يلا. ونزلوا. ركب نور وندى وملك وثريا العربية، وملك سقت. في شركة الجرحى: فهد بعصبية: إزاي يعني ورق الصفقة يضيع؟ إزاي؟ مراد: اهدى، الورق ده، الشركة كلها عارفة إن ده ورق أهم صفقة. يعني مضعش الورق ده، اتسرق. مين عارف مكان الورق ده غيرك؟
فهد بتفكير: ومين ليه إيد يسره الورق ده؟ مراد: رحمة، اللي عملته كله عشان الفلوس، يعني تعمل أي حاجة عشان الفلوس برضو. فهد بغيظ: سيبها عليا، بنت الكلب دي. على فين دلوقتي؟ مراد: في مكتبها. فهد ساب مراد وخرج من المكتب وشكلها لا يبشر بالخير، واتجه إلى مكتب رحمة. ورحمة بدلع: حبيبي. ولسه هتقرب، فهد بعصبية مسكها من شعرها: اخلصي وقولي ورق الصفقة فين يا رحمة، مش عاوز أوريكي المخزن بتاع فهد الجرحى شكله إيه.
رحمة بتبلع ريقها: مخزن؟ لأ، وبعدين ورق صفقة إيه؟ فهد بضيق: لأ، شكلك حبة المخزن. انطقي يا بت، فين ورق الصفقة؟ رحمة بخوف من صوته: م. معايا. فهد بعصبية رماها على الأرض: كنت متأكد إنه معاكي. هاتى الورق يا روح أمك، بسرعة، يلا! رحمة بخوف راحت جابت الورق: أهو. فهد خد الورق ونده على مراد. مراد: هي اللي واخداه؟ فهد: أمال مين هيتجرأ ويدخل مكتبي غيرها. مراد: وإيه العمل معاها؟
فهد: على المخزن، تتأدب شوية على العمايل القديمة والجديدة. رحمة بدموع: لأ، والنبي يا فهد، المخزن لأ. فهد بزعيق: مراد، خدها أحسن ما أموتها لحد ما ألاقي وقت وأجيلها. مراد أخد رحمة مع استغراب الموظفين، وبعدين خرج فهد. فهد بزعيق: ده بيكون آخرة اللي يلعب مع فهد الجرحى. وأي حد هيحاول يلعب معايا، أنا بحب ألعب موت، وأكترهم بحب لعبت الحرامي والبوليس. يلا، كل واحد على مكتبه. ودخل مكتبه وبدأ يشتغل. عند البنات في المول:
نور: إيه يا ثريا، مش هتشتري حاجة ولا إيه؟ ثريا: هروح أشتري حاجة وأرجع. ندى: تمام، باي. نتقابل. ملك: كويس، خلصنا منها. ندى: يلا ندخل، متخليهاش تشوفنا خالص. ودخلوا المول. بعد ما دخلوا: ثريا: عليا برضو الشوية دول؟ ده أنا ثريا بنت سماح. أنا هعرفك. ودخلت وراهم. ندى بدأت تقيس، وثريا صورتها وهي عريانة. ثريا: حلو أوي يا ندوشة. الفهد ورنت على جو. ثريا: جو، إزيك؟ أخبارك؟ جو: ثريا، كويس، إيه مبقناش نشوفك؟
ثريا: قريب أوي، بس بقولك، أنا هبعتلك صور، عاوزاهم يكونوا الفوتوشوب يكون حلو أوي. جو: بس كدا، أي حاجة تانية؟ ثريا: لأ، شكرًا. الصور زمانها وصلت، عاوزاهم بكرة الصبح. جو: تمام. ثريا بخبث: أنا بقى هعرف آخدك إزاي يا فهد الجرحى؟
تابع الفصل التالى من هنا
