.jpg)
فهد بصرامة: مين؟ رحمة: فهد الحقني بسرعة. فهد بخوف: رحمة انتي فين ومالك؟ رحمة: أنا في الشارع اللي ورا الفيلا، الحقني في ناس بتتهجم عليا. فهد لبس وطلع يجري، وندى ونور كانوا في الحديقة ومشافوش فهد وهو بيجري. فهد ركب العربية وراح ورا الفيلا، دخل مخزن هناك لقى رحمة بلبس فاحش. فهد باستغراب: رحمة فين اللي بيهاجمو عليكي؟ رحمة بخبث قربت من فهد: إيه يا فهد؟ أنت زعلان ليه؟ تعالى وأنا هبسطك. فهد بعصبية
مسك ذراعها ولفه ورا ضهرها: انتي اتجننتي؟ إيه اللي انتي بتعمليه ده؟ أنا بحب مراتي يا متخلفة. وقام راميها على الأرض وخرج برا وهو متعصب وركب عربيته وراح على الشركة. رحمة: ماشي يا فهد، أنا مش هخليك تتبسط ببنك ولا مراتك. بعد مرور وقت بضحك مع ملك ونور وندى. نور: مبقتش قادرة، عاوزة أنام. يلا تصبحوا على خير يا بنات. ندى: والله ولا أنا. يلا استنى نطلع سوا. نور: ملك يلا. ملك بتوتر: لأ، أنا هستنى لما عمر يجي.
ندى بخبث: ليه يا لوكا؟ نور فهمت: خلاص، تعالي يا ندى، إحنا نطلع. وطلعوا، وملك فضلت تستنى عمر. عند فهد. فهد بعصبية: بقى بنت الكلب عاوزاني أخون مراتي؟ لأ وايه حاطة كاميرا في نص الأوضة. مراد: بس انت عرفت منين إنها ورا قصة "خطر الحمل"؟ فهد: اسمع. فلاش باك. فهد: لأ، أنا لازم أتكلم مع الدكتورة تاني، أكيد فيه حاجة غلط. وركبت العربية وراح المستشفى. دخل وسمع صوت رحمة. رحمة: يعني صدقوا وينزلوا الطفل؟
الدكتورة: أيوه، كل حاجة اتفقنا عليها، قلتها وهم صدقوا. وشوفت معاملة فهد بيه للبت اللي اسمها ندى دي. فهد بعصبية: بقى بتلعبي معايا يا بنت الكلب؟ تمام أوي. باااااك. عمر: طب كويس، هنعمل إيه؟ الخطوة الجاية؟ فهد: اسمع. في فيلا الجرحى. ندى بملل: يعني إيه اللي أخر فهد لحد دلوقتي؟ أعمل إيه أنا دلوقتي؟ وقامت قعدت في البلكونة. وبعد وقت نامت على الكرسي في البلكونة. وبعد وقت وصل مراد وفهد وعمر. عمر: إيه دا؟
ملك نامت على الكنبة في الحديقة. وراح شايلها وطلع بيها على أوضتها. فهد بضحك: لما اطلع أطمن، وداها أوضتها ولا أوضته؟ مراد بضحك: يلا يا زعيم. وطلعوا وكل واحد على أوضته. في غرفة فهد وندى. فهد: ندى، ندى. وراح على البلكونة، لقاها نايمة. فهد بضحك: أنا متجوز طفلة. في حد ينام النومة دي؟ وراح شايلها ونيمها على السرير وأخدها في حضنه. وفضل يفتكر اللي رحمة عملته.
فهد بغيظ: وعد عليا، كل حد خلى دمعتك تنزل على خدك هيكون ليه عقاب، لأنك ملك فهد الجرحى. وناموا. في غرفة ملك. ملك صحيت على خبط الباب. ملك قامت وفتحت. ملك بصدمة.
تابع الفصل التالى من هنا
.jpg&description=فهد بصرامة: مين؟ رحمة: فهد الحقني بسرعة. فهد بخوف: رحمة انتي فين ومالك؟ رحمة: أنا في الشارع اللي ورا الفيلا، الحقني في ناس بتتهجم عليا. ف…){kind=link}
تعليقات
إرسال تعليق