سكريبت ريتال وادم (كامل) بقلم حبيبه الديب
_يعنى برضوا مش عايزه تقوليلي مالك يا ريتال ؟!
كنت نايمه على السرير و حاسه بدوخه و كسل رهيب
ابتسمت بالغصب :
_ يا حبيبي قلت لك اطمن انا كويسه صدقني
هى دوخه بسيطه بس ..!
_ انتى من امبارح نايمه و العصر قرب يأذن
كل ده نوم؟
اتاوبت و كلمته و انا بروح في النوم :
_مش عارفه مالي بجد
حاسه بخمول مش طبيعي
سيبني شويا بس الله يخليلك و لو جوعت اطلب أوردر .
باس راسي و اتكلم بحنيه :
_ انا هطبخ لك اكله حلوه بس شويا و تقومي تاكلي مفيش نوم تاني
فاهمه؟
_ حاضر يا حبيبي
أكل كاميليا معاك .
سيبتها نايمه و غطيتّها كويس و روحت المطبخ هعمل لها مكرونه بالبشاميل عشان بتحبها
و شوربة خضار عشان باين عليها التعب
و بسكويت ب الفراوله عشان بتحبه
جبت فيديو من اليوتيوب عشان اعمل البشاميل
و مشيت خطوه بخطوه و حطيتها في الفرن
_بابي بتعمل اي ؟!
_حبيبة بابي يا ناس تعالى
كاميليا جريت عليا و حضنتنى كالعاده زي ما بتعمل اول ما تصحى كل يوم
_صاحيه متأخر ليه يا كسوله؟!
_ما مامي كمان لسه نايمه
_مامي تعبانه شويه
اي رأيك نعمل ليها
بسكويت من اللى بتحبه سوا ؟
_هيييه موافقه طبعا ً
_ تمام بس الاول روحي خدى شاور و صلي و تعالى ماشي ؟
هستناكي ..!
_حاضر مش هتاخر .
راحت استحمت و صلت زي ما عودتها انا و ريتال و بعدين جت لي سرحت لها شعرها و بدءنا نعمل بسكويت سوا
و بعد ما خلصنا رصينا الاكل على السفره سوا و روحنا صحيناها
_ريتا حبيبتي قومي يلا يا بابا
_مااامي يلا قومي انا جعانه جداً جداً جداً
ريتال قامت و حضنتها و باست خدها :
_حاضر يا روح مامي قايمه اهو .
غسلت وشي و روحت معاهم و اتفاجئت أنه طبخ لي بنفسه و مطلبش أوردر
حضنته بحب :
_حبيبي يا دومي تسلملي ايدك .
بصلي بجديه:
_اعملي حسابك هناكل و نروح نكشف لك
_حاضر يا روحي
خلصنا اكل و مرضيش يخليني اشيل انا
و شاله هو و كاميليا و انا قومت أجهز عشان اروح معاه اكشف
و جهزنا و روحنا سوا و سيبنا كاميليا عند ماما
_هاا يا دكتوره
طمنيني ..!
ابتسمت :
_الف مبروك المدام حامل .
بصيت له بفرحه و هو كمان مع انها مش اول مره بس برضوا فرح اوي
_بجد يعنى هبقى أب؟
ضحكت و بصيت له :
_مانت أب يا آدم .!
_مانا عارف أن انا اب ل اجمل بنوته
بس قصدي هبقى أب تاني انا بجد مبسوط اوي .
الدكتوره ابتسمت :
_اهم حاجه الراحه خصوصاً في الشهور الاولى دي
و تاخدى الفيتامينات دي ب انتظام
_تمام يا دكتوره
متشكره اوي .
مشينا انا و هو و اتمشينا سوا :
_ آدم انا مبسوطه اوي اني هشيل حته منك جوايا من تاني .!
مسك كف ايدي و طبع بوسه :
_انا اللى مبسوط انك معايا و بحمد ربنا كل يوم انك جنبي
انتى و كاميليا اجمل هديتين في حياتي ..!
حط أيده على بطني و كمل :
_و الهديه التالته جايه في الطريق .!
***
روحنا ل ماما و عرفناها و فرحت اوي و كمان عرفنا بابا و خالتي
و خدنا كاميليا و روحنا البيت
و اتفاجئت أنهم عملوا بسكويت ب الفراوله
و كان نفسي فيه اوي الصراحة سهرنا احنا التلاته و احنا بناكل البسكويت و نتفرج على فيلم الباشا تلميذ
كنت أنا قاعده في حضن آدم
و كاميليا في حضني و متغطيين و آدم أيده كانت محاوطه بطني و كأنه بيضم البيبي
و هو ده الدفى اللى كان نفسي أعمله مع عيلتي
و عشان اختارت صح عرفت معنى العيله .
#تمت
#حواديت_ريتال_و_ادم
#حبيبه_الديب
تمت