رواية نسيان مؤقت الفصل الثاني 2 بقلم ملك ابراهيم

رواية نسيان مؤقت الفصل الثاني 2 بقلم ملك ابراهيم

_ما أنا يا هشرحـ.ـك إنهارده يا تدفع تمن كُل إللي خربتـ.ـه دا!. 

_يا ست واللهِ أنا مخدتش بالي كنت بحاسب الناس وعيني غفلت عنك، خليني أمشي ونمشيها بالحُب!.. 

_بالحُب، بقولك إي أنا محترمة وبنت ناس لكن هاجي عند أي حد يجي علىٰ أكل عيشي وهبقىٰ تربية شـ.ـوارع.. تمن الحاجه إللي خربتـ.ـها بعربيتك دي مين هيدفعها!!.. 

وفجأة بتلاقي شخص بيقرب منهم وهو بيحاول يبعده عنها وبيقول:-

_الاسطىٰ محمد غلبان يا ست نوران وفاقد الذاكرة وبيجري علىٰ رجله... قصدي بيجري علىٰ أكل عيشه.. سامحيه المره دي وتمن الحاجه عندي.. 

بتسيبه نوران وهي بتبص ليه بنظرات خاليه من أي تعبير وبتقول:-

_فاقد الذاكره يقعد في بيتهم مش ينزل يخـ.ـرب حاجة الناس.. 

_معلش يا ست نوران.. عندي دي... 

وقتها كان رجالة عطوة وهو نفسه واقفين بيتفرجوا... وأول ما بتبص عليه نوران بتلاقيه بيقولها:-

_شاوري عقلك وقوليلي.. 

_منورتش يا عطوة.. إبعد عني بدل ما السر إللي مخبياه هيطلع والناس كلها هتعرف إنك.... 

_تمام يا بنت اكرم شكلك نسيتي أنا عملت في عصام إيه، نسيتي وحابه افكرك بس شاورتي وهتنولي، إستني وقابلي بقىٰ إللي هيحصلك.. 

_إستنىٰ يا عطوة، مقولتليش هقابل الساعه كام؟!. 

بيقرب منها محمد وهو بيقولها بصوت واطي:-

_هو مين دا؟! وعاوز منك إيه؟!. 

بتتكلم نوران وهي مش واخده بالها وبتقوله:-

_لا مفيش دا عطوة بلطـ.ـجي المنـ... 

وبتاخد نوران بالها إن محمد إللي بيتكلم... بتبصله وبتقوله:-

_إنتَ بتتحشر ليه! مناخيرك دي بتحشرها ليه؟! خُد عربيتك وإمشي كفايه وقفت حالي إنهارده.. 

بيمشي من قصادها محمد.. والناس كلها بترجع تشوف حالها.. بتفضل نوران باصه علىٰ العربيه بنظرات مليانه بالحسـ.ـره وهي شايفه الاكل واقع منها كله وبتضـ.ـرب إيدها بالتانيه وهي بتقول:-

_قدر الله ماشاء فعل... الحمدلله أكيد مش نصيبي إنهارده.. 

____________________

_يا بنتي زي ما قولتلك كدة.. نزلت فتحت عربية كبدة، عاوزة تعرنا أكتر ما إحنا قليلين.. 

كانت بسنت ماسكه التليفون وهي بتتكلم فيه مع صاحبتها المقربه هند... فـ بترد عليها وبتقولها:-

_بجد أختك دي بيئة أوي ومش عاوزة تعيشكم في مستوىٰ كويس دي حتىٰ مهانش عليها تعاملك كويس.. 

_ولا هي ولا ماما ورميت طوبتهم من بدري.. هيَ شايفه إني مبحبهاش وماما شايفه إنها الاولى والاخيره علشان الكبيره، عمرها ما دخلتني في الحِسبه بتاعتها.. ديمًا شايفين إني طمـ.ـاعه وبحب نفسي.. 

_معلش يا بسنت، أهو ربنا عوضك بـ صاحبة بتحبك وبتسمعك... أنا هفضل جنبك علىٰ طول.. 

_ربنا يديمك ليا يا هند، بتسمعيني ديمًا وبتقفي جنبي مش زيهم! عُمرك ما حسستيني إنك بتكرهيـ.ـني.. 

وقبل ما تسمع صاحبتها بتتكلم بتلاقي والدتها بتنده عليها من جوا.. بتقوم وهي بتتنهد بضيـ.ـق وبتقف على باب الاوضه وهي بتقولها:-

_عاوزة إيه؟!.. 

_ناوليني الدوا يا بسنت! عاوزة أخد الدوا بتاعي... 

_لما نوران تيجي تبقىٰ تديه ليكي، مش هيَ حبيبتك؟!.. 

وبتمشي من قصادها وهي بتسمعها بتقول:-

_واللهِ يابنتي هتتـ.ـحاسبي عليا.. وهتشوفيه في دنيتـ.ـك قبل أخرتـ.ـك، أنا مش مسمـ.ـحاكي يا بسنت.. مش مسمحـ.ـاكي يا بنتي.. 

_فيه إيه؟!.. 

_مفيش يستي بتهرتل كعادتها.. فكك منها المهم هنخرج فين إنهارده؟!.. 

_أي مكان يعجبك، أنا هقوم ألبس دلوقتي.. 

_ماشي وأنا كمان، نتقابل كمان ساعه.. 

وبتقوم بسنت لكن قبل ما تدخل أوضتها بتلاقي باب البيت بيخبط.. بتروح وبتفتح بتتصدم مكانها وهي بتقول:-

_المعلم عطوه بذات نفسه!. 

____________________

_إسراء، عامله إيه؟!!!. 

كانت نوران ماشيه في الشارع ومروحه.. بتلاقي قصادها صاحبتها إسراء... إللي كانت بتحاول تداري وشها بالطرحه وهي بتقول بتوتر:-

_أنا... أنا كويسه.. 

_إيه إللي في وشك دا يا إسراء؟!. 

بتبتسم إسراء إبتسامه كلها ألم وهي بتقول:-

_كالعاده يا حبيبتي.. ما إنتي عارفه كل حاجه.. 

_برضو أبوكي؟!نفسي أفهم ليه مش بتبلغـ.ـي عنه! دا عُنـ.ـف أُسري يا حبيبتي!.. 

بتبصلها إسراء بنظرات كلها قلة حيله وهي بتقول:-

_أنا حاسه إني عاوزة أفضل كدة، يمكن في يوم يتغير يا نوران، يمكن. 

_تعالي إطلعي معايا البيت نقعد ونتكلم شويه إنتي وحشاني.. 

_لا هجيلك في وقت تاني، مينفعش أسيب أُمي لوحدها ما إنتي عارفه لما بنزل بيتلكك ليها علىٰ أي حاجه وبيضـ.ـربها!. 

_ربنا يرحمكم منه يا بنتي.. هستناكِ.. أو أقولك أنا هكلمك كمان كام ساعة ننزل نقعد علىٰ النيل شويه.. بما إنه جنبنا هِنا كام خطوة.. 

_ماشي يا حبيبتي، سلام. 

وبتسيبها نوران ولكن أول ما بتوصل للقُرب من بيتها بتتفاجئ لما تلاقي المعلم عطوه خارج منه.. 

بتفضل واقفه مكانها وهي مش فهمه حاجه.. وبعدها بتلاقي بسنت خارجه من البيت بتوقفها وهي بتقولها:-

_رايحه فين؟!.. 

_عندي محاضرة كمان شويه.. 

بتبص نوران في الساعة بتاعتها بتلاقيها خمسه المغرب.. بتبصلها بنظرات مليانه بالسخريه وهي عارفه من جواها إنها مش رايحه محاضره ولا حاجه.. 

_يالا سلام دلوقتي.. 

_هو المعلم عطوه كان عندنا؟!.. 

_هه؟! لا طبعًا أنا سمعته وهو بيتكلم مع أم سيد في الشقه إللي قصادنا، سلام دلوقتي.. 

وبتسيبها وبتمشي، بتفضل نوران بتبص عليها بنظرات كلها شك.. وبتدخل جوا البيت وهي مش مهتمه لـ أختها راحت فين أو هتعمل إيه!. 

____________________

_ينفع أقعد معاكي شويه؟!.. 

_إنتَ! إيه إللي جابك هِنا؟!... 

_كنت جاي أقعد علىٰ النيل شويه.. لقيتك قولت أقعد معاكي ونتكلم. 

_خربـ.ـتلي يومي وكمان جاي تقعد وتزعجني!. 

_لقيت نفسي حابب حد يسمعني وملقتش قصادي غيرك، ممكن تسمعيني؟!. 

_أمري لله، إتفضل.. 

_أنا فاقد لهويتي.. من سنتين فيه ناس من الحارة لقوني مضـ.ـروب بالرصـ.ـاص وعيشت بس لما فوقت مبقتش فاكر حاجه.. وعرفت إني فقدت الذاكره من وقتها وأنا إسمي الأسطىٰ محمد وبقيت عايش معاكم وبشتغل علىٰ ميكروباص.. 

_طب ليه محاولتش تدور في الجرايد يمكن نشروا خبر إختفائك.. طب ليه مروحتش القسم التابع للدايره بتاعتنا يمكن هما ناس عايشيين معانا في نفس الحاره.. 

بيخرج محمد من جيبه ورقه وهو بيديها ليها وبيقولها:-

_مفيش غير دي إللي فضلت معايا.. 

بتاخدها نوران وبتفتحها بتلاقي مكتوب فيها:-

_"كان لازم تمـ.ـوت ومتقلقش القضية هتتقفل ضـ.ـد مجهول".. 

بتقفلها نوران وهي بتبصله وبتقوله:-

_وبتحكيلي ليه دلوقتي؟!.. 

_مش عارف صدقيني، بس أنا بقالي سنتين عايش في تهيئوات.. بشوف وشوش لـ ناس أنا معرفهاش.. إنهارده لقيت نفسي مخنـ.ـوق قولت اجي هنا ولما لقيتك قولت احكيلك يمكن ارتاح من جوايا.. 

بتمد نوران إيدها ليه وهي بتقوله:-

_هات تمن اني سمعتك، ما مش هيكون بوظتلي يومي وكمان سمعتك لله في لله. 

بيضحك محمد وهو بيقولها:-

_ربنا يهديكي شكلك بتاعت مشاكـ.ـل، إسمك إيه؟!. 

_نوران، نوران أكرم.. 

_وأنا محمد كارم زي ما بيندهولي.. ولا أعرف محمد مين ولا كارم مين.. 

بتضحك نوران على كلامه ولكن بيقاطعهم صوت تليفونها وهو بيرن.. بتطلعه من جيبها وهي بترد وبتقول:-

_خير يا كنكه؟! بترن عليا ليه؟!... 

بتقف نوران وهي عينيها بتتحول من نظرات الهدوء للصدمه... وبتنزل التليفون من على ودنها وهي مش قادره تستوعب.. 

بيبصلها محمد وهو بيقول:-

_مالك يا نوران؟! فيه ايه!. 

_عربية الكبدة! عربية الكبده بتاعتي بتـ.ـولع دلوقتي!. 

يتبع...

ڪ/ملك إبراهيم

         الفصل الثالث من هنا 

لمتابعة باقي الرواية زوروا قناتنا على التليجرام من هنا