رواية نيران الغيرة الفصل الثاني 2 بقلم مصطفي جابر
عايزة تخلصي من أختك يبقي أول حاجه لازم تعمليها هيا انك تسرقي سلسلتها اللي حازم جايبهالها وهيا شيلاها في مكتبتها... تاني حاجه مدير مدرسة هبة عامل رحله للطلاب كمان كام يوم وهيا هتكون هناك والمكان كله جبال فانا عايزاكي تلبسي اي طقم من بتوع سمر يوم التنفيذ ..تالت حاجه لما هبه وصحابها الليل يليل عليهم ويبدءو يخيمو تتصلي بيها وتعرفيها انك موجوده قريب منها وخليها تجيلك بحجة انك هتوريها مكان مميز محدش غيرك يعرفه.وبعد كده نستدرجوها ونطلعو الجبل لوحدنا وترميها من عليه وتنزلي ترمي سلسلة سمر مكان ما وقعت كأنها وقعت منك وانا هصورك من ضهرك وانتي بتزقيها وانتي لابسه لبس سمر وبكدا كل اللي هيشوف الفديو هيعرف ان اختك اللي عملت كده ومفيش حد هيشك فيكي وانا هشهد انك كنتي معايا مفارقتنيش لحظة وبكده تبقى اختك غارت في داهية
سهر بصدمه: اي ده اي ده اي الدماغ دي الله اكبر عليكي أي الفكرة العبقرية دي.
صحبتها بخبث: دي اقل حاجه عندي وبعدين دنا عيوني ليكي علشان ترجعي حبيبك.. المهم فهمتي الخطة ماشية ازاي
سهر بأبتسامة: ايوه ايوه فهمت..انا هتنكر في لبس سمر وهزق هبه من عالجبل وانتي توري الفديو لحازم والتهمه تلبس سمر صح كده؟
صحبتها بأبتسامة: ايوه كده الله ينور.. المهم انا مش عايزاكي تقربي من حازم الفترة دي لحد ميعاد الرحله وتعاملي اختك حلو علشان محدش يلاحظ حاجه
_اتفقنا.
بعد 15 يوم في الجبل
سهر كانت طالعة مع هبة عالجبل
هبة بضحك: قوليلي بقي يا ست سهر إيه المميز في الجبل ده علشان تخليني أسيب صحابي وأجي هنا بالليل من وراهم؟
سهر بخبث : تبقي عبيطه..الجبل ده الوحيد اللي موجود فيه اوضه حلوه فوق للقاعده..وكمان فيه منظار ممكن نشوف النجوم والمجرات والكواكب..انا قولت انتي اولي علشان تشوفي الحجات دي معايا ...علشان كده المكان ده بالذات مينفعش فيه زحمه وناس كتير.. وبعدين حتي انا..منا جايه معا صحابي وسيبتهم علشان اجيلك ونبقي لوحدنا فوق ولو القاعدة معجبتكيش هننزلو علطول اتفقنا؟
هبه بأستغراب وضحك: اتفقنا بس هو انتي لابسه هدوم سمر اختك ليه ولا علشان انتو تؤأم بقي بتلبسو زي بعض
سهر بخبث وضحك: لا ده ماما شاريه ليا انا واختي زي يعض وعلشان احنا في رحله بقي وعاملين مبيت وخيم فا قولنا نلبس زي بعض علشان نجننكو معانا
بعد شوية وصلو قمة الجبل وكانت هبه مبسوطه بمنظر العالم من فوق والهوا وهو بيطير شعرها..
سهر كانت واقفه بصالها بتوتر وخوف
هبة باستغراب : مالك يا سهر فيكي حاجه؟
.. سهر بتمسك ايد هبه بدموع: يا هبه انتي كنتي اجمل واجدع خلق الله ويعلم ربنا انا بحبك قد اي بس اعذريني وسامحيني
في اللي انا هعمله ده علشان دي الطريقة الوحيدة اللي هتخلي حازم يسجن بيها سمر ويتجوزني أنا.
هبة بأستغراب : اسامحك واعذرك علي اي يا سهر وطريقة اي اللي إنتي بتقولي بتقولي عليها؟
سهر برعشة ودموع : هخلص عليكي علشان اختي تلبس التهمه واخلص منها للأبد علشان اتجوز حازم .
هبة بخوف : سهر انتي بتهزري اكيد.. فوقي كده انا عارفة إن شيطانك عميكي بس مش للدرجة دي اكيد مش هتخلصب علي ا دنا صاحبة عمرك.. دنا وثقت فيكي .. سيبيني امشي وانا اوعدك مش هقول لحد خالص عاللي حصل بينا
سهر بدموع : سامحيني يا هبه غصب عني والله
هبة بتعيط وهيا بتترعش : سهر الموضوع ده مفيهوش هزار احنا علي جبل يعني لو وقعت هموت بجد..بصي سبيني انزل وانا اوعدك هساعدك واحللك مشكلتك وكمان هطفشلك اختك بس سبيني انزل انا معملتش ليكي حاجه حرام عليكي.
.. سهر بدموع شديده تجاهلتها وزقتها بقوة من فوق الجبل وفضلت تقع وتدحرج بين الصخور وفي اللحظه دي بتظهر صاحبة سهر اللي كانت مستخبيه وبتصور كل اللي حصل.
ناني بخبث: برافو عليكي كدا اول خطوة نجحت يلا غيري هدومك وخدي السلسلة وروحي عند جثتها وارميها جمبها وتختفي من المكان كله
بعد. شوية..
سهر نزلت من الجبل غيرت هدومها وخدت بعضها علي بيتها علطول هيا وصاحبتها وبتطلع شريحة تليفون وتركبها وترن علي حازم
حازم باستغراب : ألو مين معايا.
سهر مستخدمة مغير صوت : مش لازم تعرف مين بس في مصيبه لازم حضرتك تعرفها
حازم بنرفزة: إنت مين ياض وعايز إيه انجز.
سهر بخبث: أنا اللي كلمتك قبل كده وحذرتك من حبيبتك سمر وانها بتخونك وانت مصدقتنيش فا دلوقتي عايز اشوف رد فعلك اي لما تعرف ان سمر حبيبتك الغالية لسه حالًا زقه أختك من فوق الجبل وخلصت عليها علشان اختك عرفت حقيقتها وهددتها انها هتفضحها قدامك ولو انت لسه مغفل ومش مصدقني اتصل علي اختك كده او علي صحابها اللي معاها في الرحله وانت هتتأكد وتعرف
سهر بتقفل التليفون في وشه...
حازم بيترعش ومش قادر ينطق ومش مصدق والموبايل يقع من إيده.
حازم بدموع وخوف : ده اكيد كدب اكيد بيكدب عليا او بيعمل فيا مقلب هدي اكيد كويسه ومحصلش ليها اي حاجه انا هرن عليها دلوقتي
بيرن عليها مش بترد.. جه يرن علي صحابها محدش بيرد.. خد بعضه ونزل جري ركب عربيته وجري علي مكانهم
وهو في نص السكة رقم واحده من صحاب اخته بترن عليه اول ما جه يفتح تليفون لاقاه فصل
حازم بنرفزة: يووووه هو ده وقته
حازم بيرمي تليفونه جمبه وبيفصل سايق وهو مش شايف قدامه لحد ما يوصل عند المخيم بتاعهم...اول ما بينزل بيلاقي مجموعة شباب وبنات متجمعين ومعاهم شرطة وحوالين منهم شئ..اول ما بيجري عليهم ويقرب منهم بيلاقي في حد واقع عالارض وسا'يح في د'مها
سامح بيقرب اكتر وهو بيدعي انها متكونش اخته..وكل ما يسأل واحده عن اخته تبصله بدموع وتعيط لحد ما بنت منهم تقوله شد حيلك البقاء لله اختك وقعت من عالجبل والشرطة هنا بتحقق في الموضوع
حازم بيجري علي اخته وبيفضل يصرخ ويعيط علي فراقها كان حاطت وشه علي دماغها وجه يرفع وشه وهو بيصرخ شاف سلسلة مرمية جمبها
حازم بيمسك السلسلة بصدمة: دي السلسلة اللي جايبها لسمر معقول كلام الشاب ده صحح؟؟؟!
#يتبع
#بارت_2
#نيران_الغيرة
#الكاتب_مصطفى_جابر