رواية مهمة مشفرة الفصل العاشر 10 بقلم ملكه حسن
#القصل٠العاشر
#مهمه٠مشفره
#بقلم٠ملكه٠حسن
كانت ملكه لسه قاعده مكانها والجو بقي ظلمه مسكت
شنطتها عشان تمشي وقامت وقالت وهي بتبكي وعيونها
حمرا شكلها دي النهايه بجد
رد صوت عليها وقال احنا لسه ابتدينا لما
هتكون النهايه يا ملكه
انصدمت ملكه من الصوت ولفت بسرعه وقالت
باللهفه امجد وجريت عليه بسرعه
كان باين علي وشه خدوش وجروح بسيطه
بصت ليه بحزن وقالت بالهفه
اي ده اي اللي عمل فيك كده وحطت ايدها علي وشه
بحنيه مسك امجد أيدها بسرعه وقال اهدي
يا ملكه دي جرح بسيطه شاورت علي
وشه بايدها وقالت دي بسيطه بذامتك دي بسيطه
ضحك علي خوفها وقالت بذامتك اي المضحك
وانت مخرشم كده قدامي بص في عيونها بحب وقال
انا فرحان اني شايف لهفتك عليا يا ملكه
بصت لتحت بخجل ورفعت راسها بسرعه وقالت
طمنني عليكي عليك الاول وكنت فين الوقت ده كله
كملت بدون واعي وقالت كنت ميته في غيابك يا امجد
قرب منها بحنيه ومسح دموعها وقال خلاص رجعت
بلاش دموع بقي هو انتي عندك الدموع ببلاش وضحك
بصت ليه ملكه بسخرية وقالت بس انا كنت قلقنه عليك
رفع امجد ايديه لفوق وقال بهزر هو يا ستي بخير وبقي
يلف قدامها عشان يطلعها من حاله الحزن اللي هي فيها
ضحكت ملكه بصوت عالي علي جنانه بص ليه
امجد بإعجاب وكمل وقال ايوه كده اضحكي خلي
الشمس تطلع وصحح بسرعه وقال قصدي القمر احنا
بالليل وضحك
انفجرت ملكه من الضحك. قرب منها ومسك أيدها
قعد وقعدها جمبه علي الارض وقال
ليه الزعل ده كله يا ملكه أنا مش وعدتك
اني اول حاجه هعملها لما ارجع اني اشوفك انا كنت
متابع اخبارك دائما وكنت زعلان علي حالتك بس
مقدرش انهي كل حاجه وارجع دي شغل واي غلطه
ممكن يكون التمن روحي
حطت ملكه أيدها بسرعه قدام شفايفه وقالت بلهفه متقوليش
كده بعد الشر عليك أن شاء الله ربنا هيحفظك من كل شهر
لانك بتشتغل بضمير ويدافع عن بلدك
ابتسم امجد عشان يغير حاله الحزن اللي هي فيها وقال
عامله اي في شغلك يا ملكه ولا اقول يابشمهندسه
ابتسمت وقالت كويسه الحمدلله ضحك امجد وقال
نفسك ترجعي ايطاليا تاني ولا بتفكري لسه انك ترجعي
وهتعليها مفاجاه
ضحكت ملكه بصوت عالي لما افتكرت أول لقاء بينهم
وقالت لو هقابلك مواقفه بس بلاش سجن تاني ارجوك
ابتسم امجد علي كلامها لما شافته وصرخت أول مره
كمل امجد بصوت جاد كله تساؤل وقال عملتي اي من
بعد رجعتي من ايطاليا وخاصه في القاهره
علي الرغم من أنه عارف اخبارها بس حب
انه يسمع منها تفتح ليه قلبها تحكي وهي مطمئنه
بوجوده جمبها
لان مش كل اللي بيشوفه الحرس من بعيد هو الصح
بصت ملكه للبحر واتنهدت وقالت من بعد ما رجعت
كملت في جامعه القاهره كان بابا شايف اني مش لازم
اكمل ومراته بتساعده أنها تكرهني في حياتي
ظهر علي ملامح امجد الغضب لما سمع اللي قالته
وكملت وقالت بس انا جمعت شغل في كافيه
وبقيت اشتغل وادرس في الجامعه بصت ليه وكملت
صاحب الشغل كان راجل كبير ومقدر وكان بيشجعني
اكمل دراسه اكتر من ابوي نفسه سبحان الله ربنا
سخره عشان يقف جمبي ويساعدني في الوقت
اللي كله اتخلي عني
وقتها امجد لما سمع كده حس انه قلبه انقسم نصين
لما سمع معناتها وأنه فعلا بعد عنها في اكتر وقت
كانت محتاجه دعم فيه ومفكرش يقرب
عشان ميعملش ليها مشاكل مع ابوها وخاصه انها
لسه طلبه وبتدرس
كملت ملكه وقالت والحمدلله اتخرجت وسكتت
بص ليها امجد وقال ممكن اعرف اشتغلتي
ازي يا ملكه في اسكندريه يعني انتي من القاهره
كان واضح عليها الزعل وقالت اتخرجت انا وحور
صحبتي كانت ساكنه معايا في نفس الحاره
بعدنا بشويه فضلنا تلف علي شغل كتير في القاهره
بعد ما خلصنا الجامعه بس بعدها لقينا انو شركه طلبه
مهندسين في الاسكندريه وقدمنا واتقابلنا
لانه كنا متفوقين في الجامعه كملت وقالت بقهر
بابا كان رافض اني اجي اسكندريه بص ليها
امجد باهتمام وقال ليه رفض انك تشتغلي في اسكندريه
بصت في عيونه ملكه وقالت بسخرية
قال خايف عليا هسكن واقعد مع مين فين وفي الاخر
جمعت شقه صغيره انا وحور عايشين فيها وبنت
لسه بتدرس وقتها هو وافق اني اجي اسكندريه
كانت ملامح امجد كلها غضب وعروقه بارزه
لما سمع اللي عمله معها ابوها بص حواليه
وبص في ساعته وقال الوقت اتاخر يلا اوصلك
بس المره دي بتاكسي لانه مش معايا عربيه وابتسم
بصت ليه ملكه بزعل وقالت تاني يا امجد هتروحني
احنا لينا وقت طويل متقابلنش
ضحك وقال يعني هنابت علي البحر كده
قدام الناس وكمان لازم ارتاح شويه من السفر
والتعب اللي انا فيه بصت ملكه عليه وشافت الإرهاق
واضح علي وشه فعلا قامت وقالت
هقابلك تاني يا امجد ولا هستني سنين وشهور
ضحك امجد علي كلامها وقال إن شاء الله نتقابل
ومشي وهي ماشيه جمبه قالت إمته بقي
ابتسم ليها بحنيه وصوت هادي وقال قريب
يا ملكه ووقف تاكسي ووصلها
وصلت ملكه الشقه كانت حور نائمه قامت منفوضه لما
حست بحركه ملكه وقالت اتاخرتي ليه كده يا بنتي
قلقتني عليكي وتلفونك متنيل مقفول بصت ملكه
بحماس وقالت أنا قابلته النهارده بعد ما كنت فقدت الامل
انو يرجع حياتي وكل ما تكلم صاحبه يقولي
مفيش اخبار فجاءه يظهر قدامي
ابتسمت حور وقالت طيب احكي من الاول كده
وحكت لحور كل حاجه من اول ما قابلته
مسكت حور ايديها وقالت أنا قولتلك انو هيرجع
وفي نفس الوقت مكنش ينفع اعشمك انك تفضلي
في الحزن ده واهو الحمدلله انو رجع بخير
ابتسمت ملكه وقالت متعرفيش انا ارتحت قد اي
يا حور وحاسه انو قلبي مطمئن قوي وكملت
وقالت أنا هدخل انام دلوقتي وقامت
عشان تنام من إرهاق اليوم والزعل اللي كانت فيهم
تاني يوم الصبح كانت نائمه لقيت حور قدامها
واقفه وقالت اصحي يا اختي عشان الطياره
بتاعتك ولسه قدامك سفر كمان قامت ملكه
منفوضه وقالت بدهشه سفر اي وكملت يالهوي
أنا نسيت أقوله علي السفر بتاع المؤتمر
وبان عليها الحزن وقالت هقوله ازي وانا معرفش
اي حاجه عنه ولا حتي رقم تلفون وفضلت تفكر
وبعدين افتكرت أنها ممكن تتوصل معه عن طريق
وليد وابتسمت وقامت عشان تجهز
كانت واقفه في المطار ماسكه التلفون وبتقول ازي
يا بشمهندس محمود مش مسافر شرم والمؤتمر
والشغل اللي بنحضر فيه لينا وقت طويل
اتكلم محمود وقال معلش يا بنتي تعبت شويه
ومش هقدر اسافر للشرم الدكتور رفض اني اسافر
ولا هتعب
اتكلمت ملكه بحزن وقالت الف سلامه عليك يا بشمهندس
ربنا يشفيك
كمل محمود بحنيه وقال تسلملي يا بنتي صدقني
والله جات صدفه اني اتعب وكمل وقال
هتروحي الفندق في شرم هتلقي ابني هناك مستناكي
هيحضر معاكي المؤتمر باسم شركتنا وانا عارف
انك شاطره وقدها وترجعي يا ملكه بعدها
اتكلمت ملكه بنفاذ صبر وقالت حاضر يا بشمهندس
وقفلت تلفونها واستنت معاد الطياره
وصلت ملكه الفنادق في شرم كان في حجز
باسمها طلعت ترتاح
لغيت ما يتصل بها ابن الاستاذ محمود اللي هي
اصلا نسيت تسال علي اسمه وكانت مستنيه هو
يسأل عليها عشان تعرفه
ام عند امجد واقف جمب عربيه فخمه لبس بدله
رسميه قرب منه واحد وقال امجد باشا بنفسه
نورتنا وحضنه
ابتسم امجد وقال طارق باشا عامل اخيرا اتقابلنا
بعد الوقت ده كله
بص ليه لرق بحيره وتساؤل وقال اكيد في حاجه
مهمه عشان تجي هنا بنفسك وتطلبني انا وفريقي
بص ليه امجد بجديه وقال فعلا عندك الموضوع
خطير جدا ولازم يكون في سريه وبدا يشرح ليه خطته
بص ليه طارق بعد ما خلص امجد كلام وقال
الموضوع خطيرفعلا يا امجد بس اطمن كله
هيكون جاهز في الوقت المناسب
خبط امجد علي كتفه وقال وانا واثق فيك يا صاحبي
انت وفريقك عشان كده اختارتك تكون معايا هنا
واستاذن منه طارق ومشي عشان ينفذ كل اللي طلبه
منه امجد
ام عند ملكه كانت نائمه وفجاءه تلفون الفندق رن وبلغوها
انو المدير وصل وطلبها تحت نفخت بغيظ وقالت كانت
ناقصك انت كمان جاي من اخر الكوكب عشان
تتشطر عليا هنا وقامت غيرت ونزلت كانت
بدور في كافيه الفندق وبتقول هعرفه ازي ده
يا ربي وطلعت تلفونها عشان تكلم محمود ولسه هترن
اتكلم واحد وقال انسه ملكه مش صح
انصدمت ……
تتوقعو ملكه هتقابل امجد تاني وهتعمل اي مع ابن
#ملكه٠حسن✍️