رواية مهمة مشفرة الفصل الرابع عشر 14 بقلم ملكه حسن
#الفصل٠الرابع٠عشر
#مهمه٠مشفره
#بقلم٠ملكه٠حسن
كانت ملكه واقفه قدام بيت امجد بصت علي البيت
بحزن فتح لها الخدام ودخلت خبطت علي اوضه مدام
امنيه كان الباب مفتوح بس انصدمت لما شافت قدامها مدام امنيه واقعه علي الارض وليدها بتنزف كانت بطلع صوره امجد من وسط إطار مكسور جريت عليها ملكه وصرخت وقالت بخوف
مدام امنيه بتعملي اي سيبي الصوره ايدك هتتعور اكتر بس
فجاءه امنيه سحبت الصوره وصرخت من الالم مسكت
صوره امجد وحضنتها بصت ليها وكانت الدموع مغرقه
وشها خضنتها ملكه ومدام امنيه كملت وقالت
دي صوره الغالي يا ملكه مينفعش تبقي وسط الازاز المكسور مش كفايه هو بقي وسط التراب
وقتها محمود كان داخل بسرعه وقال بلهفه امنيه حبيبتي
انتي اي وقعك كده علي الارض انا مش سيبك نائمه
بكت بحرقه وقالت كنت عايزه اشرب وصوره امجد
وقعت مني علي الارض واكسرت
حضنها محمود وقال بخوف ولهفه خلاص اهدي
يا حبيبتي وساعدها تقعد السرير وتنام وقتها ملكه
كانت بتبكي من شكل محمود وأمينه علي فراق ابنهم
بص ليها محمود بحيره وقال عامله اي يا بنتي واخبار
الشغل معاكي اي
مسحت ملكه دموعها وقالت بحزن الحمدلله كله كويس
حضرتك انا جيت اطمن علي مدام امنيه
بص محمود في عيونها وقال بحزن فيكي الخير يا بنتي
ادعيلها ربنا يصبر قلبها وكمل وقال انا عارف اني
بضغط عليكي في الشغل بس انتي شايفه امنيه
وضعها عامل ازي
بصت ليه ملكه بحنيه وقالت بصوت هادئ كله حزن
متقلقش حضرتك كله كويس وانا اتعلمت الشغل وفي اي
وقت ترجع مكتبك في انتظارك
بص ليها محمود بحنيه اب وقال تسلميلي يا بنتي
وكمل وقال خليكي جمب امنيه هخلص شغل وراجع
بصت ليه ملكه وقالت اتفضل حضرتك متقلقش
بعد ما مشي محمود قعدت ملكه علي الكرسي قصاد
سرير امنيه فجاءه رن تلفون ملكه وكانت حور قامت
ملكه وواقفت في الشباك أول ما ردت ملكه قالت
حورفينك يا بنتي من بدري قلقتني عليكي اوعي تكوني
علي البحروحدك في الوقت ده
ا
تكلمت ملكه بهدوء وقالت بحزن لا انا عند مدام امنيه
حالتها صعبه قوي يا حور وكملت بدموع انا قلبي
وجعني قوي
دمعت عيون حور علي زعل صاحبتها وقالت في سرها
انا مكنتش عايزكي تتعلقي قوي يا ملكه بس انتي
غرقتي وقفلت بعد ما اطمنت عليها
كان عدي وقت كبير علي وفاه امجد وكانت امنيه
بدأت تتحسن شويه ومحمود كان لسه منزلتش شغله
ام وملكه كانت بتعمل بنصحيه امجد واتعودت علي الشغل
في شركه استاذ محمود كانت قويه بتتنافس مع الشركات
التانيه بتحاول تثبت نفسها وأنها قد المسؤولية فعلا
ام في مطار القاهره كان واقف شاب قدام المطار
مستني واحد يخرج من المطار فجاءه خرج راجل باين عليه
الغموض ملامحه جامده قلع نظاراته الشمسية وقرب من اللي كان واقف قدام المطار ابتسم الشاب وقال
نورت مصر يا باشا وركب معه العربيه ومشي
بص ليه الشاب بحيره وقال انت ناوي علي ايه
يا باشا في زيارتك لمصراكيد عندك خطه جديده بما
انك جيت بنفسك وكمل بسخريه بما انك مش واثق في
حد فينا هنا
بص ليه الراجل بغضب عيون حمرا وقال انت مالك
دي شئ ما يخصكش انت تنفذ الاومر وبس
رجع الشاب بجسمه لوراء بخوف وقال يا ماتيو باشا بس عشان ابقي عارف هتعمل اي بعد ما خلصنا علي
الضابط اكيد الحكومه مش هتسكت
بص ليه ماتيو بنظرات شر وقال بالايطالي اصمت الان
سوف اخبرك في الوقت المحدد
كان عدي وقت كبير من وقت ما ملكه مسكت الشغل
كانت لابسه لبس رسمي وماسكه قهوتها وواقفه تبص
للفراغ من ازاز الشركه
وفجاءه تلفونها رن برقم ابوها اللي هي عارفه كويس
انه مش بيرن لا لما يكون عايز فلوس
نفخت بغيظ وغضب وفتحت وقالت
اي يا بابا الفلوس لحقت تخلص بسرعه عشان كده
افتكرتني
بس فجاءه سمعت صوت مرات ابوها بتقول بخوف
الحقي يا ملكه يا بنتي ابوكي تعبان قوي هنا ورفض
يروح للدكتور وامبارح وقع مني في الشقه تعالي
اقنعه انتي يروح للدكتور
كانت ملكه مصدومه علي رغم قسوته عليها بس قلبها
اتوجع عليه جريت بسرعه وبدأت تلم حاجتها من علي المكتب وقالت خلي بالك منه مسافه السكه وهكون عندكم
رجعت الشقه وبلغت الاستاذ محمود انها نزله القاهره
لانه ابوها تعبان وهو وافق أنه تروح
كانت بتجهز شنطتها بقلق وارتباك واقفت حور قدامها وقالت
برضه هتروحي يا ملكه بعد اللي عملوه فيكي انتي ناسيه
انه كان يحبسك ويمنع عنك الاكل دي غير الضرب
والقسوه هو ومراته
بصت ليه ملكه وكانت دموعها مغرقه وشها وقالت بتعثلم
بس دي يا ابوي يا حور وانا مقدرش لازم اقف جمبه
وقفلت الشنطه بقهر
بصت ليه حور بحزن وقالت طيب اجاي معاكي
انتفضت ملكه وقالت لا خليكي عشان الشغل وساعدي الباشمهندس محمود
وقامت عشان تمشي مسكت حور أيدها وقالت بخوف
خلي بالك من نفسك يا ملكه وخضنتها
ركبت ملكه العربيه ومشيت علي القاهره وصلت البيت
قبل المغرب لقيت الحاره هادئه والبيت بتاعهم
واضح انو مفيش حاجه دخلت وحطت شنطتها
بصت لقيت البيت مترتب ومرات ابوها واقفه بتضحك
في وشها اول مره بصت ليه ملكه بصدمه وقالت
بحيره هو فين بابا
كانت مرات ابوها بتمضغ ليانه وضحكت بتقزز
وقالت ابوكي بخير يا عنيا
كملت ملكه بصدمه وقالت امال اي اللي قولتليه علي
لتلفون وأنه تعبان ولازم اجي بسرعه
حضنتها مرات ابوها ومسكت أيدها وقعدتها علي
الكنبه وقالت ابوكي كويس وصحته تمام بصت ليها
ملكه بعيون حمرا وقالت امال اي يا مرات ابوي
شكله كان هزارك تقيل المره دي انا لازم ارجع
وفجاءه دخل ابوها وقال ترجعي اي انت جبتلك عريس
لقطه يا بت عائشه
كانت ملكه حاسه كانه حد دلق عليها جردل مياه ساقعه
قامت منفوضه من الصدمه وبرقت عيونها وهي بتهز
رأسها يمين وشمال بمعني لا
قرب منها ابوها وبص في عيونها وقال جبتلك عريس
عنده فيلا وعربيه وكمان هياخدك معه بلاد بره
لوت مرات ابوها فمها وقالت يا بختك يا ملكه عريس
يتمني ليكي الرضا ترضي
افتكرت ملكه امجد وشافت وشه قدامها وقامت وقالت
بصوت جامد خالي من تعبير ……..
تتوقعو ملكه هتقبل تتجوز وهي قلبها لسه بيدق باسم
امجد ياتري ابوها هيعمل اي ايه شاركو معايا
#ملكه٠حسن ✍️