سكريبت حب تملك (كامل) بقلم سها طارق
كنت قاعدة حزينة ومش فاهمة اللي عملته ولا اللي طلبته من خطيبي. فجأة جتلي رسالة من أكونت غريب، مكتوب فيها:
ياعيني يا عروسة كنتي فاكرة هتلبسي الفستان وتكتبي كتابك على حبيب القلب؟ للأسف كلها ساعات وهسيبك، واحدة مجنونة بتنزل المقابر الساعة ٣ الفجر عشان تستمتع برؤية الميتين. جود باي يا كتكوتة، وابقي سلميلي على الأرواح اللي بتشوفيها.
اتصدمت، إيدي اتشلت، نفسي ضاق ومش مصدقة هو عرف كل ده منين. محمد خطيبي اللي حبني ٦ سنين وحارب عشان يخطبني، من أول يوم خطوبة وأنا بدأت أطلب منه نروح المقابر. ولما نروح ألاقي نفسي بحفر في الأرض زي المجنونة وبجري منه وبظهر قدامه فجأة. لدرجة إنه كان هيجنن.
فتحت الفون ورنيت لمحمد، حكيتله اللي حصل، لقيته بيقول: الموضوع بقى خطر، لازم نشوف حد يقرألك رُقية. فعلاً جه بسرعة ومعاه شيخ، وبدأ يقرأ وأنا دم كتير بيطلع من بقي. الشيخ قال لازم أحافظ على الصلاة والقرآن عشان ما يصيبنيش أذى تاني.
لكن بعدها نفس الاكونت بعتلي: طلعتب منها المرادي، بس والله هقتله ومش هخليكي لحد.
عدت الأيام، وجه يوم كتب كتابنا. لبست الفستان وأنا مبسوطة، نزلت لقيت محمد واقف وعيونه بتلمع. فجأة ظهرت بنت خالته وابن عمتي، بيصرخوا: مش بعد دا كله هتاخدها يا محمد!، وابن عمتي بيبصلي ويقول: مش هتكوني لي يا نور.
وفجأة طلقه جات في محمد! البيت كله اتقلب، خدناه المستشفى، وأنا منهارة. بعد ساعات فاق الحمد لله. بصلي وقال: يعني هما السبب في اللي بيحصلك، وإحنا كنا فاكرين حد غريب.
قلتله: غالب كان بيحبني، بس عمري ما توقعت يعمل كده.
قال: ده مش حب، ده جنون وتملك ربنا وقف معانا عشان حبنا حقيقي.
بعد ما غالب اتقبض عليه، حسيت إن ربنا أنقذني من أكبر كابوس في حياتي. محمد كان جنبي، ماسك إيدي وبيقولي:
إحنا عدينا من أصعب حاجة، ومش هسيبك مهما حصل.
ساعتها فهمت إن الحب الحقيقي مش مجرد كلمة، الحب فعل ومواقف. اللي بيحبك بجد هيقف جنبك وقت الخطر، مش هيكون هو الخطر نفسه.
من يومها قررت أبدأ صفحة جديدة، أركز على حياتي مع محمد، وأسيب كل حاجة ورايا كتبت على الفيس:
الحب مش يملكني، الحب غير كده. حب التملك قادر يحول الإنسان من شخص عادي لوحش مفترس.
لو بيحبني هيتمنا لي السعادة مش هيقتلني.
للأسف معظم الشباب بقوا يحبوا حب التملك، مش مهم عندهم إحنا وطموحاتنا، المهم هما عاوزين الحاجة زي ما تكون لعبة وهما المتحكمين في مصيرها.
عمر ما كان التملك حب، ده مرض بيخلي العقل يهلوس ويعلقنا بحاجة مش لينا.
ونهايته دايمًا بتكون وحشة.
ونزلت البوست، لقيت الناس كلها بتدعمني، وفي ناس كتير بتكلمني وتقولي: أنا جوزي بيعمل معايا نفس الحاجات دي.
ساعتها استوعبت إن الموضوع مش بس قصتي، ده وجع ناس كتير.
رديت عليهم وقلت:
يا جماعة، الحب الحقيقي أمان مش خوف، مشاركة مش سيطرة. اللي بيحبك بجد مش هيخليك تبكي ولا يهددك، اللي بيحبك بجد هيخليك تضحك وتطمن.
اتعلمت إن أي علاقة مبنية على التملك نهايتها سودة، وأي علاقة مبنية على الحب والرحمة نهايتها نور.
بخخخخ
وحشتوني يسكاكر
#تمتتت
#حب_تملك
#مشاعر_كاتبة
#سهىٰ_طارق_استيرا
تمت