رواية جريمة المريوطيه الفصل الثاني 2 بقلم ملك ابراهيم

رواية جريمة المريوطيه الفصل الثاني 2 بقلم ملك ابراهيم 

_ يعني إيه نورسين إختفـ.ـت!! لا وكمان فيه جُثـ.ـة جديدة وبنفس المكان!... 

كان خالد بيتكلم وهو واقف قصاد فندق سياچ... ماسك راسه وهو بيحاول يفكر، حاسس إنه عاجز بدونها... وبيلاقي العسكري إللي كان واقف معاه بيتكلم وبيقوله:-

_حضرتك زي ما قولتلي أنا روحت ليها البيت الصبح خبطت كذا مره محدش رد كسـ.ـرت الباب ودخلت ملقتش أي أثر ليها في المكان كله.. 

بيمسكه خالد من هدومه وهو بيقول بمنتهىٰ الغضـ.ـب:-

_يعني إيه! راحت فين في فترة الليل؟!.. انا مسيبتهاش غير لما روحت!.. أنا مش قايلك تفضل قاعد تحت البيت ومتتحركش!! خرجت إزاي من غير ما تشوفها! إنتَ غبـ.ـي؟!. 

_واللهِ يا باشا انا فضلت مراقبها طول فترة الليل، مفيش غير ساعة بس مشيت من قصاد العماره وروحت اجيب اكل ورجعت علىٰ طول... وبعدها زي ما قولت لحضرتك طلع الصبح بخبط عليها مفيش حد جوا.. 

بيبصله خالد وهو بيسيبه  وبيقوله بنظرات خاليه من أي تعابير:-

_إتفضل إنتَ دلوقتي... وعاوزك تجيب ليا تسجيلات الكاميرات المحيطه بالمكان.. أكيد فيه كاميرات خفيه شغاله.. 

_حاضر يا باشا.. 

وبيمشي من قصاده العسكري.. بيبص خالد تجاه الضحيـ.ـه الجديدة.. بيمشي ويقرب منها لحد ما بيوصلها.. بيقف قصادها وبينزل لمستواها.. ملامحها كانت هاديه... ساكنه مش بتتحرك.. الـ.ـدم حواليها... 

بيبص خالد لـ رجل الإسعاف.. وهو بيقوله بهدوء:-

_محتاج تقرير مفصل عن الحالة دي.. ولو إني أشُك إن بنسبة مليون في المية ليها علاقة بـ رفيده، الضحيه الأولىٰ.. 

ولكن قبل ما خالد يقوم ويقف من جديد بيلاحظ ورقه باينه في جيب البنطلون بتاعها.. بيمد إيده وبيسحبها.. 

وبيقف من تاني وهو بيفتحها.. بيلاقيها ملوثـ.ـه من الـ.ـدم والتـ.ـراب ولكن الكلام باين فيها.. 

"ميعادي مع باسم ومريم الساعة تلاته الفجر... هنهي معاهم كل حاجه وأرجع لحياتي الطبيعيه من جديد!". 

_باسم ومريم.. معقوله مريم صاحبة رفيده الله يرحمها!.. لا دي إسمها مريام.. 

بيحط خالد الورقه في جيبه وهو بيتجه ناحية العربيه بتاعته وبيطلع جواها وهو بينطلق بأقصىٰ سُرعة... 

____________________

_تقرير الطب الشرعي وصل يا خالد باشا..

كان العسكري واقف قصاد خالد وهو بيمد إيده بالتقرير الخاص بالطب الشرعي.. بياخده خالد وقبل ما بيفتحه بيطلع من جيبه المحفظه بتاعته وهو بيخرج منها

"صورة"... 

كان بيبصلها وعيونه مليانه بالحُزن... بدأ يتكلم وكإنها موجودة معاه.. وبيقول:-

_كدة توجعي قلبي عليكي يا نورسين؟!، يا ترىٰ هترجعي إمتىٰ!، واللهِ ما هيرتاح ليا بال غير لما أوصلك.. هوصلك حتىٰ لو علىٰ مـ.ـوتي!. 

وبيسيب الصورة جنبه وبيبدأ يفتح التقرير وهو بيقرأ فيه بصوت مسموع نسبيًا وبيقول:-

_ وبناءًا علىٰ قرار النيابة العامة، تم توقيع الكشف الطبي الشرعي علىٰ جثـ.ـمان المدعوة:- رفيدة كامل، أنثىٰ، وذلك لبيان سبب الوفـ.ـاة والظروف التي أحاطت بها.

_وبالمعاينة الظاهرية، تبين أن الجثـ.ـمان في حالة تيبس رمي جزئي، مع وجود إصـ.ـابات متعددة متفرقة بالجسم، وتهتـ.ـكات بالملابس، تتفق في مجملها مع السـ.ـقوط من علو شاهق للغايه.. 

_كما لوحظ وجود كـ.ـدمات وسحـ.ـجات منتشرة، خاصةً بمنطقة الرأس والأطراف، مع إصـ.ـابات شديدة بالرأس تشير إلى ارتطـ.ـام عنيف بسطح صلب.

_وبفحص الجثـ.ـمان بدقة، تبين وجود إصابـ.ـات لا تتفق بالكامل مع نمط السـ.ـقوط الحر، حيث وُجدت كـ.ـدمة واضحة بمنطقة الذراع الأيمن يُحتمل كونها ناتجة عن مسك أو جذب قبل السـ.ـقوط، بالإضافة إلىٰ سحـ.ـجات محدودة لا تتماشىٰ مع اتجاه الإرتطـ.ـام.

_وبالفحص الداخلي، تبين وجود كـسـ.ـر مضاعف بعظام الجمجمة، ونـ.ـزيف حـ.ـاد بالمخ، إلى جانب كـ.ـسور متعددة بالأضلاع وتـ.ـهتك بالرئتين، مع نـ.ـزيف داخلي غـ.ـزير بالتجويف الصدري والبطن، وتمـ.ـزق بالكبد.

_ولا يُلاحظ وجود إصـ.ـابات دفاعية واضحة، مما قد يشير إلى أن المـ.ـتوفاة لم تكن في حالة مقاومة كاملة وقت الحـ.ـادث.

_ الرأي النهائي للطب الشرعي تُعزى الوفـ.ـاة إلى إصـ.ـابات جسيمة متعددة بالجسم نتيجة السقوط من علو شاهق "الدور العشرين"، وما أحدثه ذلك من نزيـ.ـف داخلي حـ.ـاد وتهـ.ـتك بالأعضاء الحيوية.

_إلا أن وجود بعض الإصـ.ـابات غير المتوافقة مع نمط السقوط الحر، يثير شبـ.ـهة جنائية، ويُرجح احتمال تعرض المتوفـ.ـاة لتدخل من الغير قبل السقـ.ـوط" دفع أو اشتباك".

_كما أن غياب مظاهر المقاومة الكاملة قد يشير إلىٰ احتمال كونها في حالة إعـ.ـياء أو فقدان توازن أو تحت تأثير مادة ما وقت الواقعة.

_وعليه، يوصى باستكمال التحريات، وفحص موقع الـ.ـحادث، ومراجعة كاميرات المراقبة، إلى جانب إجراء تحليل السمـ.ـوم، لبيان ما إذا كان هناك تدخل جـ.ـنائي سابق على السقوط.

بينتهي خالد من قراءة التقرير وهو بيبص قصاده بشرود كبير.. معروف إنها جريمـ.ـة قتـ.ـل لكن إيه إللي يخلي حد يقتـ.ـلها بالشكل المجهول دا! عملت إيه علشان توصل للمرحلة دي! ويتبعها ضحيـ.ـة جديدة وبنفس الطريقه!..

وأثناء ما خالد كان بيفكر... بيلاقي العسكري بيخبط وبيدخل وهو بيقف قصاده وبيقوله:-

_جبت لحضرتك تسجيلات كل الكاميرات المحيطه بفندق سياچ.. وعلىٰ الطريق الرئيسي كمان.. 

بياخدها منه خالد وهو بيفتحها وبيدخلها جوا اللاب.. بيبدأ يدور كويس لحد ما بيشغل التسجيلات... بالتحديد الساعة ما بين إتنين وتلاته الفجر.. 

بيبدأ يركز فيها لحد ما عينيه بتتجمد مكانها من الصدمـ.ـه!  بيشوف نورسين وهي ماشيه علىٰ الطريق الرئيسي... وبعدها بيشوفها وهي بتنزل من العربيه بتاعتها وكانت بتتكلم مع حد مش باين من الأساس!!... وبعدها إختفت.. 

ولحد هِنا بيلاقي التسجيلات وقفت.. ودا لإن الدنيا بدأت تمطر.. ولسوء الحظ الكهربا فصلت.. 

بيقفل اللاب وهو بيمسح علىٰ وشه بعُنـ.ـف شديد.. وبيقول بصوت عالي وهو بيرمي كل حاجه من علىٰ المكتب:-

_هتكون إختفـ.ـت فين!! هتكون راحت فين! قولتلها مليون مره متمشيش بدماغك!!. 

وفجأة بيلاقي تليفونه بينور.. بيعلن عن وصول رسالة ليه! بيمسكه خالد بسُرعه وهو بيشوفه.. بيلاقي رسالة وصلت ليه من تليفون نورسين.. وكان محتواها... 

_"لو عاوز تشوف نورسين باشا هتلاقيها هي وعربيتها عن فندق سياچ... متحاولش تدور ورانا علشان هيحصل فيك زي إللي حصل فيها".. 

وقبل ما يكمل خالد الرساله.. كان خرج برا المكتب وبرا القسم كله وهو بيتجه للعربيه بتاعته وبينطلق بيها علىٰ الفندق فورًا... 

____________________

الجو مكنش هادي.. النـ.ـار في كُل مكان...

كان خالد وقف بالعربيه بتاعته قصاد الفندق لكن بيلاحظ تجمع كبير للناس وقصادهم رجال الإطفاء... كانوا بيطفوا حريـ.ـق.. والإسعاف واقفه.. والشرطـ.ـة كانت في كُل مكان... 

بينزل خالد من عربيته وهو بيتجه ناحيتهم... لحد ما بيقف قصادهم وهو مش قادر يستوعب إللي شايفه قصاده.. 

ولما بيحاول يقرب بيلاقي نفسه داس علىٰ شيء.. بيتراجع خطوة لورا وبينزل لمستواه وهو بيمسكه بإيده، بيبصله بعيون كلها صـ.ـدمه وهو بيهمس:-

_الإنسيال دا بتاع نورسين!!.... 

وبيقف من تاني وهو بيروح ناحية رجال الإطفاء... وأول ما بيقف قصادهم بيلاقي الإسعاف بتشيل جُثـ.ـه خرجوها من العربيه بعد ما الحـ.ـريق بدأ يهدىٰ... 

عينيه كانت بتحاول تكـ.ـدب إللي شيفاه.. بيقف قصاده واحد من رجال الإسعاف وهو بينزل راسه وبيقول:-

_لو حضرتك ليك علاقة بالمتوفيـ.ـه، دي جريمـ.ـة قتـ.ـل لإن فيه آثار بنـ.ـزين علىٰ الأرض... والجيران المحيطين بالمنطقه شافوا إتنين بيولعـ.ـوا فيها ولكن مقدروش يلحقوهم أو يتعرفوا علىٰ هويتهم... 

وفجأة خالد بيجري تجاه العربيه ولكن بيحاول رجال الشرطة يمسكوه، بيفضل يصـ.ـرخ بصوت عالي وبيقول:-

_سيبوني بقولكم، أنا عاوز أروح ليها، سيبـــــــــــوني!... 

وفضل يحاول يبعد عنهم... يحاول يوصل ليها... وفجأة بتخرج منه صرخة بتهز أرجاء المكان وهو بيقول:-

_مش هعرف أعيش يا نورسين، مش هعرف أعيش من غير وجودك يا نورسين! مش هعرف أعيش يا ضي عيوني!!. 

يُتبع!!... 

ڪ/ملك إبراهيم

         الفصل الثالث من هنا 

لمتابعة باقي الرواية زوروا قناتنا على التليجرام من هنا