رواية عزبة شيماء الفصل الثاني والعشرون 22 بقلم محمد طه
#الثاني_والعشرون
_المتسلسل بصوت يكاد أن يسمع من كتر التعذيب..أبوكي عايش ومش هنطق بكلمه تاني غير لما تعتقيني لوجه الله؟
(شيماء بكل هدوء تاخدلها دقيقتين ساكته، ورضا واقفه مذهوله ومش مصدقه اللي سمعته، لأن اللي معروف إن ابو شيماء ميت من زمان)
(وبكل هدوء شيماء لفت حوالين الراجل المتسلسل وبدأت تشيل الشاش من على عنيه، وكانت عنيه الأتنين مقلوعين، وبعدين شيماء طلعت سكينه كانت حطاها ف حزام حوالين رجلها، وبعدين حطت السكينه على رقبته)
_شيماء بغضب وصوت شراني..طلع لسانك وإلا هد،بحك (وبدأت شيماء تنفذ تهديدها وبدأت بالفعل السكينه تقطع جلد رقبته وخلاص شيماء هتد،بحه بالفعل، وبسرعه طلع لسانه وف لحظه شيماء مسكت لسانه وقطعته)
_رضا بغضب وصوت عالي..لييييييييييه، بيقولك أبوكي عايش، تقومي تقطعي لسانه
(شيماء بعد ما قطعت لسانه تبتسم بكل هدوء وترمي اللسان على الأرض وتدوس عليه برجلها وبسرعه رضا تروح تجيب شنطه الإسعافات عشان توقفله النزيف وبعدين شيماء بكل هدوء تقرب من الراجل المتسلسل وتقرب عند ودنه)
_شيماء بهدوء وصوت واطي حزين..اللي أنته ما تعرفوش، إن عيني اللي أنته طفيتها، آخر حاجه شافتها كانت أبويا وهوا بيتقتل على إيدين أبوك،
واللي متعرفوش كمان إن مفيش مخلوق هينجدك من بين إيديا، وهفضل أقطع فيك حته حته
(وتوجه كلامها لرضا بكل غضب) الكلب دا يتنقل من تحت أوضتي عشان بدأت أقرف منو ويدخل برنامج التقطيع بالبطئ (وبعدين شيماء تبصق على وشه وتسيبه وتخرج)
(في بيت سونيا)
(سونيا بدأت تتصل بعادل، وعادل ما بيردش عليها،
لكن سونيا فضلت تكرر اتصالها أكتر من مره لحد ما عادل زهق وفتح يشوفها عايزه إيه)
_عادل بغضب وصوت واطي..فيه إيه، ما ردتش عليكي يبقي ما ترنيش تاني، وبعدين إنتي عارفه إني متجوز وممكن مراتي هيا اللي ترد عليكي وتعمليلي مشكله
_سونيا بدلع وتجاهل لرده..وحشتني، وكل ما هتوحشني هرن عليك لحد ما تفتح، وعالفكره أنا ما بزهقش، يعني لما أرن عليك تفتح عالطول
_عادل بغضب وإستعجال..وأديني فتحت، عايزه إيه
_سونيا بدلع..ما أنا قولتلك وحشتني، إيه مش هتقولي وإنتي كمان
_عادل بغضب وصوت واطي..يعني متصله بيا عشان تقوليلي وحشتني، هوا إنتي ليه محسساني إن إحنا متجوزين عن حب،أقفلي يا سونيا عشان ما أجيش أنكد عليكي
_سونيا بدلع وبرود..طيب يلا تعالا نكد عليا، أنا ف إنتظارك يا دولا، بس متتأخرش،عشان لو أتأخرت (وتتكلم بنبره تهديد) هسلم المحفظه اللي وقعت منك عندي لشيماء
_عادل بصدمه وهوا بيدور بإيده على المحفظه ف جيبه ومش لاقيها..إنتي بتقولي إيه
_سونيا بدلع..بقول إنك وحشتني، يلا بقي قولي وإنتي كمان وحشتيني يا سونيتي
_عادل بضربات قلب سريعه..وإنتي كمان وحشتيني أوي يا سونيتي، مسافه السكه وهكون عندك
(في بيت شيماء)
_رضا..إنتي متأكده يا شيماء إن أبوكي أتقتل
_شيماء بحزن ووجع..متأكده يا رضا، زي ما أنا متأكده إنك واقفه قدامي دلوقتي، أنا عيني أنطفت لكن لحد دلوقتي شايفه بيها أبويا وهوا بيتقتل
_رضا بحزن..ما تحكيلي اللي حصل، موضوع أبوكي دا الوحيد اللي أنا معرفوش
_شيماء بهدوء وحزن..مش وقت حكاوي يا رضا، المهم أنا عيزاكي تتعاملي مع الكلب دا بالبطئ لحد ما يموت وبعد ما يموت ما تدفنيش جثته، عيزاكي ترمي جثته للكلاب تاكلها
_رضا بحزن..حاضر يا شيماء، كل اللي أمرتي بيه هيتنفذ،بس أوعديني إنك تخلي بالك من نفسك، عشان أنا قلبي مش مطمن لليومين اللي جايين دول
_شيماء بهدوء..لأ أطمني يا رضا، إن شاءالله اليومين اللي جايين هيبقوا يومين فرح، عشان كده قلبك مش مطمن، لأن قبلك واخد على القلق والعوق
_رضا بتوتر..أنا بتكلم بجد يا شيماء،أنا حاسه إن فيه حاجه هتحصل، ولتاني مره بقولك بلاش نسلم البضاعه كلها مره واحده، وبلاش راضي بالأخص
_شيماء بهدوء وغضب..رضا أنا أكتر حاجه بكرها الخوف وإنتي عارفه، ف متخلنيش أكرهك إنتي كمان، وبعدين أطمني أنا قولت لجاسر يخلي بالو مني اليومين دول
_رضا بإستعجال..شوفتي،يعني خوفي وقلقي ف محله
_شيماء بهدوء..أمشي من قدامي يا رضا
(من خارج العزبه بعد منتصف الليل)
_المجهول بغل وكره..أنا عايز النهار يطلع على عزبة شيماء، تكون خرابه، مش عايز النهار يطلع وفيها واحد عايش، لا كبير ولا صغير
_الشحات..الرجاله كلهم جاهزين وكل واحد عارف هيعمل إيه، وأنا شرحتلهم العزبه بالتفصيل وعرفتهم مداخلها ومخارجها
_المجهول بغضب..أنا عايز الرجاله كلهم يدخلوا العزبه ف وقت واحد، ويدخلو بملابس شحاتين
_الشحات يكمل..وكل واحد هيبقي معاه ف المخله بتاعته خمس قطع لحمه مسمومه للكلاب،ومسدس فيه كاتم صوت، وأي بنت يلاقوا عينها مقلوعه يشلو حركتها وما يقتلوهاش
_المجهول بغضب..وأنا وأتنين معايا، هنبقي خارج العزبه، وواخدين أماكن عاليه كاشفه العزبه كلها عشان نغطيكم بالقناصات
(وبدأو الشحاتين يدخلوا العزبه بأعداد كبيره جدا، والمجهول وأتنين كمان مغطيين العزبه بالقناصات،
وبدأو الشحاتين يرمو قطع اللحمه المسمومه للكلاب وبمسدسات كاتم الصوت يخلصوا على الشباب؟
تابع؟
#الثاني_والعشرون
#عزبة_شيماء
#بقلم_محمد_طه