رواية المتمردة الفصل التاسع عشر 19 بقلم جمال المصري
بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
#المتمرده
#الحلقه_التاسعه_عشر
ندي .. بتبكي
محمد .. بتبكي ليه يا ماما
ندي .. لا يا حبيبي ده عيني اطرفت
مايسه .. مش خلاص الشرير اخدته الشرطه
ندي .. ايوه يا حبيبتي
مايسه .. يعني هنرجع لبيتنا وبابا
ندي .. بتحضنهم جامد وهي بتبكي علي موت حاتم ومش عارفه تقول ازاي لعيالها
رانيا .. بصوت عالي ووشها متغير عزه
عزه .. بترجع لي وراء مالك يا رانيا فيه ايه وليه عبد الحميد معاكي
رانيا .. انتي اقرب حد ليا ازاي تعملي كده فيا
عزه .. انا عملت ايه هو رجع يضحك عليكي من تاني وانتي صدقتيه ودلوقتى جايه تحاسبي صديقه عمرك وانا الي بعتبرك اختي وبتلف عشان تمشي
رانيا .. بتمسكها من ايدها وبتشدها عليها رايحه فيه انتي فاكره دموع التماسيح دي هتخيل عليا ليه دمرتي حياتي
عزه .. انا معملتش حاجه وكل حاجه قالها لك كدب وزي ما دمر حياتك في الاول راجع عشان يكمل عليكي
فرح .. فيه ايه يا بابا انا مش فاهمه حاجه
العمده .. فيه ان الشيطانه دي دمرت حياتي من اكتر من ٢٣ سنه و دلوقت واقفه وبكل بجاحه بتكمل كدبتها اقسم بالله لولا انك ست كان النهارده اخر يوم في حياتك
عزه .. انتو عايزين مني ايه
رانيا .. عايزه اعرف ليه عملتي ده كله ايه هدفك
عزه .. وانا بقولك ما عملتش حاجه
الدكاتره كلها اتلمت عليهم
رانيا .. كفايه كدب و بتضربها بالقلم
عزه .. بتحط ايديها علي خدها والكره في عينيها وظهر الغل والي جواها انا بكرهك وايوه انا الي عملت ده كله فيكم انتو الاتنين وضحكت ضحكه شيطانيه وبصت علي العمده انا حبيتك وانت حبتها هي فيها ايه عشان تكسر قلبي وتاخدها هي انا بكرهكم وطول ما انا عايشه مش هسيبكم في حالكم انته دمرتو حياتي وانا دمرت حياتكم وكده خلصين
العمده .. حب ايه هي الي زيك تعرف تحب انتي احقر انسانه في الدنيا الحيوان مش بيخون صاحبه لكن انتي الخيانه في دمك
عزه .. انتو اللي خلتوني كده و انتى السبب طول عمري وانا معاكي الكل مش شايف غيرك كانك الملكه وانا وصيفتك عمري ما حسيت اني زيك حتي الرجل الي حبيته اخذته مني
رانيا .. وانا كنت اعرف منين انك بتحبيه انتي فرقتينا في اكتر وقت كنت محتاجه وجود عبد الحميد جنبي بعد ما خسرت بنتي
عزه .. بنتك وضحكت ومين قال ان بنتك ماتت
رانيا .. اتصدمت انتي بتقولي ايه بنتي عايشه ازاي ومين الي عبد الحميد دفنها
عبد الحميد .. يقرب منها و بيخنقها بنتي عايشه ازاي ومين الي دفنتها بايدي فين بنتي انطقي
فارس .. اهدا يا عمي هتموت في ايدك
عزه .. بتمسك ايد العمده وهي بتحاول تتخلص من ايده وبتكح وخلاص روحها هتطلع
صلاح .. فوق يا عمده هتموت منك يا عبد الحميد وبيبعده عنها
عزه .. بتكح وهي حاطه ايدها علي رقبتها وبتنزل علي الارض
رانيا .. انطقي بنتي فين
عزه .. بتقوم وبتجري منهم
الكل .. بيجري وراها
فارس .. بيمسكها رايحه فين مش هنسيبك غير لما تعترفي بكل حاجه
صلاح .. يا عمده بلغ الشرطه وهما هيخلوها تتكلم
عزه .. لا خلاص انا هقول كل حاجه وكفايه السنين الي فاتت وبنتك كانت قدامك وانتي مش عارفها
رانيا .. مين بنتي
عزه .. بتبص علي فرح بنتك قدامك اهي
عبد الحميد .. ازاي انتي هتجننيني بطلي كدب
عزه .. البنت اللي ماتت هي بنت مراتك التانيه وانا عشان انتقم منكم بدلتهم
رانيا .. بتبص علي فرح وهي بتبكي كنت حاسه ان في حاجه بتربطني بيكي وبتحضنها
فرح .. وقفه ساكته خالص ومصدومه ومش فاهمه حاجه
عزه .. بتستغل الفرصه وبتهرب منهم
العمده .. بيبكي وهو ساند ظهره علي الحيطه بينزل علي الارض
صلاح وفارس واقفين مزهولين ومش فاهمين حاجه وفرح اتجمدت مكانها وهي باصه لابوها وساكته
رانيا .. فرح بنتي اتكلمي مالك
فرح .. ترجع لورا وهي بتقول انته بتقولوا ايه انا مش فاهمه حاجه وتوقع علي الارض وبيغمي عليها
رانيا .. فرح
عبد الحميد .. بيقوم وبيجري عليها فرح مالك
رانيا .. هاتها يا عبد الحميد في الاوضه دي
عبد الحميد .. بيشيلها وبيدخلها جوه
رانيا .. استنوني بره وبتفوق فرح وبتمسك ايدها وبتبوس فيها
فرح .. بتفتح عينها وبتبص لرانيا
رانيا .. ما تتعبيش نفسك انا هقولك كل حاجه و بدأت تحكي لها انا وابوكي كنا بنحب بعض بس ابوه وقتها كان عايز يجوزه بنت عمه يسريه وللاسف هو ده الي حصل وانا وابوكي اتجوزنا في السر ويوم ولادتي كانت يسريه في نفس المستشفي وانا جبت بنت ويسريه كمان جابت بت والوحيده الي كانت تعرف بجوازنا هي عزه ومحمود صاحب عبد الحميد عشان كانت اكتر من اختي وحده من البنات ماتت وهي بنت يسريه لكن عزه اخدتك انتي ودتك ليسريه وقالتلي اني بنتي ماتت ومش بس كده وقعت بيني وبين عبد الحميد بعد ما كان هيعلن جوازنا للدنيا كلها وبدل ما نتجمع انا وانتي وهو اتفرقنا بسبب عزه
فرح .. يعني انتي امي
رانيا .. ايوه يا حبيبتي انا امك الي كل يوم كانت بتموت مليون مره بسبب فراقك وأخيرا ربنا جمعني بيكي بعد ما كنت كل يوم بروح عند القبر الي مدفونه فيه اختك و ابكي وانا فاكرها انتي وبتبوس ايدها
فرح .. بتحضنها انا محتجاكي اوووي يا ماما
رانيا .. ااااااه من سنين وكان نفسي اسمعها يا بنتي
الاتنين بيبكو بكاء الفرحه وجواهم احاسيس ومشاعر كتيره
فرح .. بتقوم
رانيا .. بتسندها وبيطلعوا بره
عبد الحميد .. عامله ايه يا بنتي طمنيني
فرح .. الحمد لله يا بابا انا لحد دلوقت مش مصدقه الي حصل
عبد الحميد .. لا صدقي في بشر هي الي بتوسوس للشيطان مش الشيطان الي بيوسوس لها وعزه دي وحده منهم
رانيا .. حاطه ايديها علي كتف فرح و الايد الثانيه مسكه ايد فرح و بتبوسها و تبص لعبد الحميد بعد اذنك ممكن فرح تروح معايا
عبد الحميد .. لا طبعا
الكل استغرب من رد عبد الحميد وصلاح وفارس حاولوا يقنعوا العمده يوافق بس العمده ما ردش
رانيا .. ليه يا عبد الحميد مستكتر عليا اشبع من بنتي
عبد الحميد .. عشان كلنا هنروح علي الدوار النهارده هكتب عليكي وهتكوني مراتي قدام ربنا ثم الدنيا كلها
رانيا .. ابتسمت وهي بتبص لفرح الي هي كمان كانت مبسوطه
عبد الحميد .. تعالى نطمن علي ندي والاولاد وبعد كده نمشي
و فعلآ يطمنوا علي ندي وعبدالله بيه بيبعت عساكر حراسه على غرفة ندى والاولاد وعبد الحميد بياخد فرح ورانيا وفارس وصلاح وبيروحه علي الدوار وبيكون الماذؤن مستنيهم وبيكتب كتابه علي رانيا
تامر .. في ايه يا بنتي مختفيه انا قلقت عليكي لازم اكلمك وجيبك هنا عشان تتكلمي في ايه مالك
ساره .. انا من اول الي حصل لفرح وانا متلغبطه
تامر .. وانا كمان حاسس اني مش عايزها انا عايز اعترفلك بحاجه
ساره .. حاجة ايه
تامر .. انا بحبك يا ساره رغم اني عارف ان مفيش في دماغك غير فارس
ساره .. خلاص مفيش في دماغي حد
تامر .. ازاي
ساره .. انا لما حسيت ان فرح هتروح مني عرفت قد ايه انا بحبها وفقت من الهبل اللي كنت عايشه فيه
تامر .. يعني خلاص مفيش فارس
ساره .. لا انا هذاكر وجتهد وهحقق كل احلامي بنفسي ومش هكون خاينه ابدآ وهعترف لفرح بكل حاجه
تامر .. انا سعيد اوي بكلامك ده ودلوقت بقولها وهي طالعه من قلبي بحبك يا ساره
ساره .. ابتسمت وهي بتبص في الارض وانا للاسف حاسه اني مشدوده ليك وشكلي كده اتنيلت وحبيتك
تامر .. وقف بتتكلمي بجد
ساره .. اقعد يا تامر هتفضحنا
تامر .. انا اسعد انسان في الدنيا ووعدك اننا هنبني حياتنا بنفسنا وهعمل كل الي ربنا يقدرني عليه عشان اسعدك
ساره .. يلا نروح لفرح زي ما خلتها تكره فارس لازم نجمعهم سوا
تامر .. يلا بينا
يروحوا علي الدوار و يقابلهم الماذؤن خارج من الدوار وبيدخله وبيلاقوا الكل متجمع
وفي المستشفي الدنيا بتكون هاديه خالص مفيش حد رايح ولا جاي و العساكر الي قدام اوضة ندي مش موجودين وفجاه باب الاوضه بيتفتح
ندي .. بتصحى علي صوت الباب وهي مصدومه وبتصرخ انت
#ياتره_مين_ده😭😭
#جمال_المصري
إلي اللقاء في الحلقه العشرون
#عباد_الله_اذكره_الله