رواية المتمردة الفصل الثامن عشر 18 بقلم جمال المصري
بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
#المتمرده
#الحلقه_الثامنه_عشر
فارس .. بياخد المسدس من العربيه وبيجري علي شنطة العربيه وبيفتحها وبيوجه المسدس علي افيونه
عبدالله .. بيجري عليه وبيمسكه اهدا يا فارس هو ده الي عمل كده فيهم
فارس .. ايوه هو الكلب ده
عبد الله .. سيب القانون يجيب حقهم وبيهدي فارس
صلاح .. سيب السلاح يا ابني وسيب القانون ياخد مجراه
عبد الحميد .. ايوه يا فارس سيب المسدس ده
فرح .. واقفه جنب رانيا وهي منهاره
رانيا .. اهدي يا فرح وتحاول تتاكد من النبض
فرح .. تحط ايديها علي بقها والدموع نازله منها
رانيا .. الحمد لله النبض موجود بس ضعيف اووي خدوها علي جوه بسرعه
فرح .. بتروح عند فارس اهدا يا فارس الحمد لله لسا عايشه والدكتوره رانيا هتعمل اللزم سيب السلاح
فارس .. بيسيب السلاح للعمده
عبدالله .. بينزل افيونه ويرش عليه مياه يفوقه
افيونه .. بيفتح عينيه بيلاقي نفسه مرمي علي الارض وقدامه الضابط عبدالله والعمده وفارس وابوه وفرح وبيحاول يقوم
عبدلله .. رايح فين يا حيوان ويحط الكلابشات في ايده
فارس .. لحظه يا عبد الله بيه خد المسدس بتاعه ويفتح باب العربيه و بيدهوله
عبد الله .. بياخد افيونه المركز ويقول للعسكرى يرميه فى الحبس و بياخد المسدس بتاعه و يبعته للفحص الجنائى عشان يعرف استخدمه قبل كده ولا لا
الكل يدخل المستشفي وهما قلقانين ومتوترين جدا من الخوف علي ندي وعيالها ومليون سؤال في دماغ فارس وهيتجنن ايه الي جاب ندي هنا ومين ده وكان بيتهجم عليها ليه
صلاح .. بيقرب منه وبيحط ايده علي كتف فارس اهدا يا ابني
فارس .. انا هتجنن يا بابا ايه الي جابها من الجيزه لحد هنا
صلاح .. انا هقولك
فرح .. هو حضرتك تعرف يا عمي
صلاح .. اه يا بنتي الكبير بتاع العصابه دي اسمه الكبير واخد ندي واولادها رهينه عشان حاتم يجيب له تمن البضاعه وبعد ما حاتم مات شكلهم كانوا عايزين يخلصو منها
فارس .. يعني الكلب الي كان بيتهجم عليها هو الكبير
صلاح .. اكيد هو وكل حاجه هتظهر مع الوقت المهم نطمن عليها هي ومحمد ومايسه
فرح .. ان شاء الله هيكونوا بخير
رانيا .. يلا بسرعه مفيش وقت
عزه .. رانيا القلب وقف
رانيا .. وشها اتغير وبصت للممرضه بسرعه جهاز الصدمات
الممرضه .. في الغرفه الي جنبنا
رانيا .. انتي لسا واقفه بسرعه
الممرضه .. بتطلع جري
فرح .. فيه ايه
الممرضه .. بتدخل الغرفه الي جنبها وبتجيب الجهاز وبتدخل بسرعه
فرح .. يارب استر يارب اشفيها
عبد الحميد .. بيقرب منها وبيحضنها اهدي يا بنتي
فرح .. خايفه يا بابا
عبد الحميد .. ربنا موجود وان شاء الله مش هيصيب الام ولا العيال حاجه
الدكتور .. بيقرب منهم الحمد لله العيال بخير شوية كدمات وعملنا اللزم
العمده .. الحمد لله يا دكتور
الدكتور .. وان شاء الله هنطمن علي مامتهم كمان
العمده .. ان شاء الله يا دكتور
رانيا .. بتمسك جهاز الصدمات وبتبص للممرضه يلا علي ١٠٠
الممرضه .. حاضر وبتظبطه علي ١٠٠
رانيا .. بتستخدم الجهاز لكن مفيش نبض بتبص علي الممرضه ١٥٠
الممرضه .. حاضر
رانيا .. بتحاول ومفيش نتيجه رانيا حست ان خلاص كل حاجه خلصت لكن افتكرت حالة فرح وطلبت من الممرضه أنها تعمل الجهاز على ٢٠٠
عزه .. خلاص يا رانيا مفيش بايدنا حاجه رانيا .. لا يا عزه مش هسيبها يلا بقولك ٢٠٠ بسرعه
الممرضه .. حاضر
رانيا .. تستخدم الجهاز
ندي .. بيرجع النبض
رانيا .. الحمد لله و بتكمل كشف عليها وبتلاقي كسر في ايديها وبتجبسها
عزه خليكي معاها ونقليها علي غرفه عاديه ولو فيه حاجه انا في المكتب
عزه .. اطمني انتي نبطشيتك خلصت روحي وانا هقوم باللازم
رانيا .. لا انا في المكتب لو حصل حاجه
عزه .. ماشي يا حبيبتي
رانيا .. بتطلع وهي مبتسمه
فرح .. طمنيني يا رانيا
رانيا .. الحمد لله هي بخير عندها كسر في ايديها وعملت اللازم والكدمات مع الوقت مش هيبقى لها اثر
فرح .. حضنتها من الفرحه الف شكر
رانيا .. اهدي يا حبيبتي انتي لسا تعبانه
فرح .. لا انا بقيت زي الحصان
رانيا .. يارب علي طول يا حبيبتي
فارس .. الحمد لله الف حمد وشكر ليك يا رب نقدر نطمن عليها
رانيا .. اكيد بس تفوق وهدخلكم
فارس .. الف شكر يا دكتوره
عبد الحميد .. ممكن كلمتين يا دكتوره
رانيا .. اتفضل يا عمده علي المكتب بعد اذنكم
الكل .. اتفضلوا
رانيا .. بتدخل المكتب
العمده .. بيدخل وراها وبيقفل الباب
رانيا .. خير يا عمده
العمده .. ليه عملتي كده فينا
رانيا .. بعد سنين جاي تجيب الحق عليا وانت الي سبتني وطلقتني وانا في عز احتياجي ليك بعد ما بنتي ماتت بعد الولاده علي طول انت خلتني اندم علي كل ثانيه حبيتك فيها
العمده .. انتي بتقلبي الحقايق
رانيا .. حقايق ايه يا عبد الحميد انت دمرت حياتي ولسا جاي تقولي حقايق
العمده .. انا ما حبتش حد غيرك وبعد الكل ما عرف بجوازنا واتحديت الدنيا كلها واليوم الي كنتي بتولدي فيه جبتك المستشفي الي كان فيها ام فرحه بتولد فيها وانته الاتنين جبتوا بنات لكن ربنا اراد اني بنتي الي منك تموت وانا داخل اطمن عليكي اتصدمت من الكلام الي نزل عليا زي الصاعقه
رانيا .. كلام ايه عزه قالتلي انك اخد مراتك وبنتك ومشيت وقولتلها انك هطلقني
العمده .. كفايه كدب سنين وانا بتعذب بسببك بسبب الانسانه الوحيده الي حبيتها والكلام الي عزه قالته صدمني
رانيا .. بتوقف عزه قالتلك ايه
العمده .. منعتني اني اشوفك وقالتلي انك انتي الي طلبتي كده وانك خلاص مش عايزه تعيشي معايا ولازم اطلقك حولت ادخلك عشان افهم ليه ده كله لكن قالتلي انك تعبانه وخلي الكلام بعدين اخدت بنتى الله يرحمها ودفنتها وبعد يومين جتلك ومدتنيش فرصه اتكلم وطلبتي الطلاق ده كمان كان كدب
رانيا .. حصل عشان عزه جاتني وقالت لى انها فضلت تترجاك عشان ما تطلقنيش وانها اقنعتك باعجوبه وانك واقف بره عشان كده صعبت عليا نفسي واول ما انت دخلت ما كنتش قادره اتحمل الي انت عملته فيا وقررت ادوس علي قلبي عشان كرامتي الي انت ضيعتها قدام زميلة عمري
عبد الحميد .. يعني ايه مش فاهم يعني كل الي حصل كان من ترتيب عزه
رانيا .. يعني انت ما حصلش منك الكلام ده
عبد الحميد .. حصل ازاي وانا لحد دلوقت حبك في قلبي موجود ازاي وانا عايش في العذاب طول السنين الي فاتت
رانيا .. بتطلع من المكتب
العمده .. رايحه فين
رانيا .. مش بترد وتمشي ناحيت اوضة ندي
فارس .. حمدالله بسلامتك يا مدام ندي
ندي .. بتتكلم بالعافيه الله يسلمك يا فارس هما العيال بخير
فرح .. بتدخل ومعاها محمد ومايسه وبيجره علي امهم
ندي بتحضنهم وبتبوس فيهم
صلاح .. الحمد لله انكم بخير
ندي .. مش عارفه اشكرك ازاي
فارس .. مفيش شكر المهم انكم بخير
ندي .. الحمد لله واتمسك الكلب افيونه
فارس .. ايوه سلمته للشرطه مش هو الكبير بتاعهم
ندي .. لا ده واحد من رجالته الكبير ده مفيش حد بيشوفه جالي مره وكان لابس قناع
صلاح .. طول ما الكبير ده ما حدش يعرفه احنا كلنا في خطر
عزه .. كفايه كده يا جماعه مدام ندي لسا تعبانه وبتتكلم بالعافيه ياريت تتفضلوا بره عشان ترتاح
ندي .. صلاح طمني علي حاتم
صلاح .. بخير انتي بس ما تقلقيش
ندي .. وشك اتغير ليه انت مش بتعرف تكدب حصل ايه لحاتم
صلاح .. فارس فرح خده العيال بره
فارس .. حاضر يلا يا فرح وبياخده العيال وبيطلعوا
عزه .. بلاش مجهود يا مدام ندي
ندي .. حاضر بس سبيني دقيقه مع صلاح
عزه .. ماشي وبتطلع وبتوقف مع فارس وفرح
ندي .. اتكلم فيه ايه
صلاح .. انتي ست مؤمنه يا ندي الباقيه في حياتك
ندي .. بتحاول تقوم
صلاح .. انتي لسا تعبانه اهدي
ندي .. بتبكي ازاي ده حصل
رانيا .. بتقرب من عزه وبصوت عالي عزه
عزه .. بتلف وبتلاقي رانيا وعبد الحميد في وشها. وشكلهم متعصب علي الاخر وبتعرف أن الكدبه الي ليها سنين اتكشفت
إلي اللقاء في الحلقه التاسعه عشر
#عباد_الله_وحده_الله