رواية المتمردة الفصل الخامس عشر 15 بقلم جمال المصري
بسم الله ولا حول ولا قوه إلا بالله العلي العظيم
#المتمرده
#الحلقه_الخامسه_عشر
عبد الله .. طلب ايه
حاتم .. عايز من حضرتك تطلب من صلاح بيه انه يجي اشوفه لاخر مره عشان موضوع مهم
عبدالله .. هكلم العمده وخليه يديني صلاح بيه و بلغه
حاتم .. شكرا يا عبدالله بيه
عبدالله .. اتكلم يا حاتم بدل ما تشيل القضيه لوحدك
حاتم .. انا معترف بي كل حاجه يا عبد الله بيه وجاهز اتحمل نتيجة غلطي
عبد الله .. انا متاكد انك بتحاول تستر علي حد
حاتم .. زي ما قولت لحضرتك ما عنديش حاجه اقولها
عبد الله .. يا عسكري
العسكري .. نعم يا فندم
عبدالله .. خده علي السجن وبكره يتعرض علي النيابه مع المخدرات
العسكري .. تمام يا فندم
عبد الله .. بيرن علي عبد الحميد
عبد الحميد .. السلام عليكم
عبد الله .. وعليكم السلام ورحمه الله وبركاته اخبار الانسه فرح ايه
عبد الحميد .. الحمد لله احسن من الاول بكتير
عبد الله .. الحمد لله صلاح بيه جنبك
عبد الحميد .. ايوه
عبدالله .. ادهوني عايز اكلمه
عبد الحميد .. اتفضل يا صلاح عبدالله بيه عايز يكلمك
صلاح .. بياخد التليفون مساء الخير يا عبد الله بيه
عبد الله .. مساء النور يا صلاح بيه حاتم طلب يشوفك ضروري بيقول موضوع مهم
صلاح .. خلاص ماشي انا جاي علي طول وبيقفل
عبد الحميد .. خير
صلاح .. حاتم عايز يشوفني
عبد الحميد .. انا هاجي معاك
صلاح .. ماشي يلا بينا
عبد الحميد .. بيبص علي فرح
ساره .. ما تقلقش يا عمي انا وفارس موجودين
عبد الحميد .. شكرا يا بنتي وبيطلعوا ويكون فارس قاعد قدام الغرفه فارس هنروح المركز ونرجع
فارس .. ليه خير يا عمي
عبد الحميد .. حاتم عايز يشوف ابوك مش هنتاخر
فارس .. ماشي وانا هستناكم وبيخبط وبيدخل عشان يطمن علي فرح
ساره .. انا هروح اجيب حاجه نشربها وبتطلع
فارس .. ان شاء الله تكوني احسن يا فرح
فرح .. الحمد لله يا فارس وكويس ان ساره مشيت عشان كنت عايزاك في موضوع
فارس .. اتفضلي انا سامعك
فرح .. انا مش عايزك تفضل مستني يا دكتور فارس عشان انا مستحيل احبك انت ولا اي راجل عشان كده شوف حياتك
فارس .. ومين قالك اني بحبك ومستنيكي تحبيني
فرح .. واضح اووي علي فكره وانا مش عايزاك تعيش في الوهم ده
فارس .. فعلآ واضح اووي يا فرح
فرح .. ايه هو اللي واضح
فارس .. انك انتي كمان بتحبيني
فرح .. ابتسمت ماتحولش تصدق الوهم ده انا عمري ما حبيت ولا هحب انا اصلآ ما عنديش قلب عشام الحب والكلام الفاضي ده
فارس .. لسانك بيقول كلام وعنيكي بتقول كلام
فرح .. بترتبك وهي بتقول ما فيش الكلام ده انت مليون وحده تتمناك ما توهمش نفسك اننا ممكن نكون سوا حتي في الخيال
فارس .. انا متاكد انه قريب اووي هنكون سوا
فرح .. وجايب الثقه دي من فين
فارس .. من عنيكي
ساره .. بتفتح الباب اتفضلي يا فرح جبتلك عصير فرش
فرح .. تسلمي يا ساره
ساره .. اتفضل يا دكتور
فارس .. تسلمي يارب شكرا
العمده .. بيخبط وبيدخل السلام عليكم
عبد الله .. وعليكم السلام ورحمة الله وبركاته ويقوم يسلم علي العمده وصلاح اتفضلوا ارتاحوا
العمده .. شكرا يا عبد الله بيه
عبد الله .. العفو يا عمده يا عسكري هات حاتم من الحجز
العسكري .. حاضر يا فندم وبيروح وبيجيب حاتم
عبدالله .. هنسيبك احنا يا صلاح بيه اتفضل يا عمده عايزك في موضوع
عبد الحميد .. يلا يا عبد الله بيه
حاتم .. بيقعد انا عارف انك مش طايق تشوفني حتي
صلاح .. عمري ما كنت اتخيل ان صاحب عمري يطلع حقير اووي كده ده انا كنت بعتبرك اخويا
حاتم .. حقك تقول وتعمل اكتر من كده بس انا والله توبت لربنا عز وجل بس مراتي وعيالي في خطر وما ليش غيرك يا صلاح
صلاح .. مش فاهم مالها ندي
حاتم .. الكبير خطفها وانا خايف يقتلها
صلاح .. مين الكبير
حاتم .. الكبير هو صاحب البضاعه وهو الي ماسك تجارة المخدرات والسلاح
صلاح .. وده نوصله ازاي
حاتم .. كل الي اعرفه عنه هو شكله واسمه الكبير
صلاح .. اكيد الاسم مستعار
حاتم .. فعلآ هو شبح ما حدش بيشوفوه والي بيشوف وشه بيموت
صلاح .. لا حول ولا قوه إلا بالله طاب هنوصل ازاي لندي والاولاد
حاتم .. كل الي عايزه منك تعمل كل الي تقدر عليه عشان توصلهم اوعدني
صلاح .. اوعدك هعمل كل الي ربنا يقدرني عليه عشان اوصلهم
حاتم .. شكرا يا صلاح واسف علي كل حاجه عملتها وكانت سبب في وجعك
صلاح .. خلاص يا حاتم طول ما رجعت لي ربنا ان شاء الله ربنا هيقبل توبتك
حاتم .. امين يارب العالمين انا مش زعلان اني هتحبس بالعكس انا عايز ادفع تمن كل حاجه عملتها في حياتي وربنا يسامحني
صلاح .. ربنا يسامحنا جميعآ اسيبك انا
حاتم .. مراتي وعيالي يا صلاح امانه في رقبتك
صلاح .. ان شاء الله خير يا حاتم يلا السلام عليكم
حاتم .. وعليكم السلام ورحمة الله وبركاته
صلاح .. يلا يا عمده
عبد الحميد .. بعد اذنك يا عبد الله بيه
عبد الله .. اتفضلوا
الكبير .. بيرن علي افيونه
افيونه .. الو يا كبير
الكبير .. جهز نفسك انت ورجالتك بكره حاتم هيتعرض علي النيابه بالبضاعه هتخلص عليه هو والراجل بتاعته وتجيبه البضاعه
افيونه .. تمام يا كبير وبالنسبه لمراته
الكبير .. بعد ما تخلصه علي حاتم ابقا خلص عليها هي وعيالها
افيونه .. تمام يا كبير
الكبير .. مش عايز ولا غلطه يا افيونه فاهم
افيونه .. ما تقلقش يا كبير انا تربيتك
ندي .. بتهدي العيال عشان يناموا
افيونه .. بيدخل عليها وبيبصلها جامد انتي خساره في الموت يا قمر انتي
ندي .. انت بتقول ايه
افيونه .. بكره هتعرفي وبيضحك وبيطلع
ندي .. بتبكي وبتدعي ربنا يخلصها منهم
رانيا .. الحمد لله انتي النهارده بقيتي تمام
فرح .. يعني هتكتبيلي خروج
رانيا .. اه وهبقا اجي اطمن عليكي من وقت لي تاني
فرح .. تنوري يا رانيا البيت بيتك يلا جهزي نفسك وانا هخلص ورق المستشفي
فارس .. ما تتعبيش نفسك يا دكتوره انا هخلص الورق
رانيا ..ما فيش تعب خليك انت مع فرح وانا هخلص كل حاجه وجي
عبد الحميد .. السلام عليكم
الكل .. وعليكم السلام ورحمة الله وبركاته
ساره .. الدكتوره كتبت خروج لفرح
صلاح .. الحمد لله والف حمدلله بسلامتك يا بنتي
فرح .. الله يسلمك يا عمي
محمود .. السلام عليكم متجمعين في الحرم ان شاء الله
الكل .. وعليكم السلام ورحمة الله وبركاته
عبد الحميد .. جمعآ ان شاء الله وشك حلو يا محمود
محمود .. يبقا فرح هتروح
عبد الحميد .. ايوه من الفرحه نسيت اعرفك صلاح صاحبي واخويا
محمود .. منور يا صلاح بيه
صلاح .. ده نورك
عبد الحميد .. محمود ده اخويا من صغرنا واحنا سوا
صلاح .. اتشرفت بيك يا حاج محمود
محمود .. الشرف ليا
و بيطلعه كلهم علي الدوار وفرح بتطلع اوضتها ترتاح والكل يمشوا
افيونه .. يلا يا رجاله الكل يجهز عربية الترحيلات داخله علينا
حماده .. هنعمل ايه يا حاتم
حاتم .. ولا حاجه انا هعترف بكل حاجه وهطلعك
حماده .. مش عارف اقولك ايه
حاتم .. ما تقولش حاجه بس اوعى تمشي في الطريق ده تاني
حماده .. مستحيل انا خلاص اتعلمت
العربيه بتوقف فاجئه وصوت ضرب النار في كل مكان
الي اللقاء في الحلقه السادسه عشر
#عباد_الله_اذكره_الله