رواية الحب القديم الفصل التاسع 9 بقلم هند ايهاب
عيونها وسعت وقالت:
- نعم!! هو أنا اللي المفروض أقولك يا فارس!!
سكت وقال:
- هدير أنا مشغول، وأنتِ بتتكلمي في تفاهات
- تفاهات!! ماشي
- المُهم، قُلتي أيه!!
- في أيه!!
- في اللي قُلته لأخوكي
هزت راسها وقالت:
- معنديش مُشكله
- ولو عندك يعني هتوافقي
بصت بستغراب وقالت:
- ليه هوافق يعني!!
- عشان ظروفي متسمحش أني أشتري بيت
- بس هو مش لازم تشتري مُمكن تأجر لحد ما الظروف تسمح
بعصبيه مالهاش سبب قال:
- جرا أيه يا هدير، لو مش عايزه تكملي معايّ قُلي، وأنا هبعد عن حياتك
بتوتُر قالت:
- أنا مقصُدش، أنا بس
قفل السكه من غير ما يسمع باقي كلامها، رجعت ترن عليه بس مردش عليها.
فضلت طول الليل ترن عليه بس مكنش بيرُد.
لحد ما صحيت من النوم ولقت رجليها بتوديها لمكان شُغله.
- هو أنتِ أتجننتي!! جايه مكان شُغلي يا هدير!!
- وأسافرلك من بلد لبلد كمان، هو أنتَ أيه اللي غيرك من ناحيتي كدا، أنتَ مكُنتش كدا معايّ
رفع حاجبه بعصبيه وقال:
- هو أنتِ جايه تقلبي الترابيزه
- أنا مبقلبش تربيزات، بس محتاجه أفهم
- هنا!! محتاجه تفهمي هنا!! أنتِ واحده مش مقدره ظروفي
- لاء مقدره كويس يا فارس، بس أنا كُل الحكايه أني كُنت بتناقش معاك
- لاء متتناقشيش، أنتِ متتناقشيش ولا تقوليلي أعمل أيه ومعملش أيه، أنا لما أقولك على حاجه تقولي حاضر ونعم وبس يا كدا، يا أما كُل واحد يروح لحاله يا بنت الناس
كان هيمشي ويسيبها ولكن هي مسكت أيديه وكأنها بتترجاه وقالت:
- أنا أسفه، أنا يمكن أكون غلطت لما أتكلمت، بس عشان خاطري متسبنيش، فارس أنتَ بُعدك عني يقتلني، أنا أوعدك أني مش هتكلم في الموضوع ده تاني
سحب أيديه وقال:
- يبقى تروحي تقولي لأخوكي أنك موافقه، وآه بما أني هسكُن مع أهلي أكيد مش هجيب أجهزه يعني هنكتفي بس بأوضة النوم وخلاص
- طب وحاجتي!! هحُطها فين!!
ابتسم وقال:
- هتتفرش في البيت
هزت راسها وقال:
- يومين وحاجتك هتنزل وتروح شقة أبويّ
- يومين بس أنا مش هلحق
ابتسم ببرود وقال:
- هتلحقي، لو بتحبيني بجد هتلحقي
سكتت وقال:
- يلا روحي عشان أكمل شُغلي
هزت راسها ومشيت، وراحت لتميم، فتحت لها بأبتسامه وقُلت:
- أهلاً بالعروسه
ابتسمت ودخلت وقالت:
- تميم موجود!!
هزيت راسي وقُلت:
- أيوه، هدخُل أناديه
هزت راسها وراحت تقعُد على الرُكنه، تميم طلع وسلم عليها وقعد وقالت:
- فارس عايز حاجتي تنزل كمان يومين
بستغراب قال:
- كمان يومين أزاي يعني!! مش لما تنزلي تنقي خشبك ويروح الشقه
بصت لي وبعدين بصت له وقالت:
- مهو هو هيجيب أوضة النوم بس
تميم بص لي وبعدين قالها بغضب:
- يجيب أيه يا أختي!!
قعدت على كُرسي السُفره ومحبتش أتدخل وقالت:
- تميم أنا موافقه، ومبسوطه
- موافقه على أيه، هو أنتِ يا بنتي بايره مش لاقيه حد!! ناقصك حاجه!! هو ماله بيبيع ويشتري فيكي كدا ليه!!
- هو خد رأيي وأنا موافقه وبعدين دي حياتي
بصيت لي وكملت:
- الا بقى يكون في حد مش حابب يشوفني فرحانه وبيحاول يخرب حياتي
رفع صُباعه بحِده وقال:
- أنتِ متلقحيش بالكلام أنتِ فاهمه ولا مش فاهمه، وهند دي الوحيده اللي وقفت في صفك وخلتني روحت كلمته عشان تتجوزوا ميبقاش ده جزاتها
سكتت وقُلت:
- خلاص يا تميم محصلش حاجه
بصيت لي بغِل وقُلت:
- هو أنتِ ليه يا هدير مبتحبنيش، مع أني معملتلكيش حاجه يعني
- كُل ما بفتكر أنك كُنتي مع خطيبي وكان بيحبك وفي لمسات أيد حقيقي كُرهي ليكي بيزيد
تميم ضرب أيديه على الترابيزه وقال بعصبيه:
- أحترمي نفسك وأعرفي أنك بتتكلمي مع مراتي، ومش هسمحلك أنك تتكلمي في حاجات قديمه أنتِ فاهمه، يلا أمشي
قامت عشان تمشي، عدت من جمبي وقُلت:
- هدير، أنا اللي سيبت فارس، لأسباب مش عايزه أفتكرها، بس المُهم أني سيبته، يعني مهما يحصل هو مش هيفرق معايّ، فياريت تفهمي ده
- الله أعلم، مش يمكن هو اللي سابك لما حس أنك لا تُطاقي
ابتسمت وقُلت:
- بُكرا هتندمي على كلامك ده، وبُكرا هفكرك، وبُكرا مش بعيد
بصيت لي بقرف وبعدين مشيت.
قومت من سُكات ودخلت المطبخ، حضرت الفطار ورصيته على السُفره.
تميم جه وقعد، قعدت ومسك أيدي وباسها وقال:
- حقك عليّ
ابتسمت وقُلت:
- وأنتَ ذنبك أيه بس
- ذنبي أنها أُختي
حطيت أيدي على خدهُ وقُلت:
- ميهمنيش أي كلام بيتقال، ومش عايزاك تشغِل بالك بأي حاجه
هز راسه وبعدين فطرنا وعدينا اليومين دول، وجه يوم نزول جهاز هدير.
أضطريت أني أروح وأظهر، وكان مُعاملة فارس لهدير وحشه جداً.
كُنت بحاول أتجاهل نظراته ليّ.
اليوم عدا وكان المفروض حماتي هتروح مع هدير تاني يوم عشان يفرشوا.
ابتسم ابتسامه بارده وقال:
- معلش يا حماتي بس أنا مش حابب حد يدخُل يفرش مع هدير ويدخُل شقة أبويّ
#أسميته_تميم
#هند_إيهاب_الحبال