سكريبت عدوي اللدود (كامل) بقلم الين روز
_ نفسك في إيه؟
_ نفسي أتجوز!
قلتها وأنا ببتسم باصة ليه بخصوص أزاي قدر يخليني أحبه كده!، يمكن لو كان حد قال إني هحب حد كنت فليت من كلامه لكن دي الحقيقة!.
فقت بخضة على صوت زعيق البنت اللي جنبي وهيا بتتخاتق مع صاحبتي علشان قعدت مكانها وبجد كنت مستغربة وحاسة إننا في حضانة مش في الكلية!
_ بقولك قومي من هنا ده مكاني!
قالتها بزعيق فمسكت أيد صاحبتي بأنها تسكت و متقومش ومستنية ردة فعله هو " الدكتور" لكن وقبل ما تخد ردة فعل كانت البنت قالت
_ أنتِ مش بتردي عليا!
ومع آخر كلامها مسكت شعرها في أيدها فحاولت صاحبتي تبعدها عنها وأول لما بعدتها هيا كمان مسكت شعرها لكن وقفوا هما الإتنين علي صوت الدكتور وهو بيقول
_ أقفي منك ليها، مفيش أحترام ليا ولا إيه؟!،أنتم الإثنين محرومين من درجات السنه.
_ أزاي بس حضرتك مريم معملتش حاجة بل فضلت ساكته لحد ما هيا اللي بدأت الضرب.
_ أنتِ أسمك إيه؟
_ ليل.
قلتها بهدوء وأنا بصاله فسكت وهو بيبص ليا لكن مسك الورقة وكتب حاجة وبعدها شاور عليا أنا ومريم والبنت
_ أطلعوا برا أنتم التلاته ومفيش درجات السنه.
_ بس…
_ قلت أطلعوا برا!
قالها بزعيق لدرجة إننا أتخضينا وغصب عني دمعت لأن ذي ما بيقولو دمعتي قريبه وكنت هزعق معاه لولا مريم اللي مسكت أيدي بعد ما لمت هيا الكتب وخرجنا تحت نظرات الدفعة كلها.
_ أنا آسفه بجد مش عارفه أقولك إيه.
_ عيب يا مريم أحنا أخوات وأحنا مش غلطانين.
_ بس عارفة إيه اللي مدايقني بجد؟
_ إيه؟
_ إننا حضرنا طول السنة وفالآخر شيلنا الأعمال.
قالتها بزهق فأتنهدت بخنق لإنها فعلآ معاها حق أزاي أحضر كل المحاضرات وفالآخر ولا كإنِ حضرت؟
قررنا ناكل بعد ما تعبنا من التفكير وبعدما خلصنا ودعتها وقررت إني أروح ولإن للأسف لازم أركب مواصلات كتير سيبت كتب مع مريم لأنها واخده سكن وركبت العربية وأول لما العربية طلعت لمحته وهو خارج من باب الكلية فبصيت ليه بغيظ وقرف.
وبعد ما أخيرًا وصلت البيت بعد مرور ساعتين ونصف كاملين من زعيق مع السواقين وزيادة الأجره وصلت البيت أخيرًا لكن تأففت وأنا طالعة لإن يوسف كان نازل و لما وقفت علشان يعدي قال
_ السلام عليكم ورحمة الله وبركاته.
كنت باصة للأرض بضيق وبرغم إني رديت في سري لكن مبينتش وأول ما بقي فيه مساحة أطلع أخدت كام خطوه لكن وقفت علي صوته وهو بيقول
_ ليل!
كان باين عليه الصدمة لأنه جار جديد في العمارة، بصيت ليه بهدوء وأنا بقول
_ نعم.
_ ردي السلام.
_ ولو مردتش هتخصم مني برضه؟
قلتها بتريقه وسيبته وطلعت الشقة اللي عايشه فيها لوحدي وده لأن دي شقة بابا جايب لكل واحد فينا شقة وكتبها بإسمه ولما عرف إني هجي أسكندرية جاب شقة زياده وكتبها بإسمي لأنه عارف إني مش بحب السكن بسبب حواراته.
دخلت الأوضه بتعب وقررت أخد دش وبعدها هنام وبالفعل ده اللي حصل معرفتش فضبت نايمه قد ايه لكن فقت علي صوت باب بيخبط ولما فتحت كانت ست كبيرة فقالت
_ معلش يابنتي معندكيش بصله؟
_ حاضر.
دخلت جبت البصله ورجعت فقالت بإبتسامة
_ متشكرة جدآ يابنتي.
_ العفو يا طنط.
_ قولي يا خالتي.
ضحكت معاها وقولت ليها يا خالتي فعلآ وبعدما ما قفلت الباب بصيت للساعة وكانت العشاء أذنت فصليت ومسكت كوباية القهوة وأنا بشغل أم كلثوم وخاصة أغنية في يوم وليلة.
لكن قمت بغضب لما الجرس رن من تاني فقمت لكن أتصدمت لما لقيته الدكتور فقلت بحدة
_ نعم.
_ إيه الطريقة الكلام دي.
_ أتفضل حضرتك عاوز ايه.
_ أحم ماما بتقولك أتفضلي.
بصيت للطبق وليه فأخدته منه وأنا بقول
_ شكرآ جدا لطنط مكنش ليه لزوم تتعب نفسها.
_ ولا تعب ولا…
وقبل ما يكمل كلامه قفلت الباب في وشه وأنا ببتسم لإناصار إني رديت اللي عمله فيا الصبح.
دخلت البلكونه وأنا ماسكة طبق البسبوسه وحقيقي مش عارفه لما هيا عملت بسبوسة أخذت بصل ليه!
وأثناء ما كنت مندمجه في الأكل والاغنية قاطعني صوت
_ وكمان ليكي عين تأكلي بعد ما قفلتي الباب في وشي!
_ حد قال لحضرتك إنك معدة يعني؟
مستغربة شوية ردة فعلي على أي حاجة بيعملها لكن كل اللي في بالي إنه شخص عادي مش دكتور في جامعة وأنا بتعامل علي هذا الأساس.
وبرغم كتر الخناقات اللي كانت بتحصل بسببنا وإن فعلآ مش منكرة إني بحبه لمن بالنسبالي الحب مش كل حاجة خصوصا لو مفيش رد صريح من الطرف التاني..
أما مريم فعرفت إن سبب البنت مش إنها تقعد مكانها لكن عرفت إن الشخص اللي هيا معجبه بس معجب بمريم!
كنت بنزل زيارة لأهلي وخصوصا إن الأجازة جت والنتيجة المفاجأة إني طلعت ناجحة بتقدير إمتياز وده لأني كنت فاقدة الأمل علي اساس إني مش هخد أعمال السنة.
و لأني نزلت البيت كنت متوقعة إننا مش هنتكلم كالعادة أو هنتخانق لكن أتصدمت لما بعتلي وعرفت إنه أخده من مريم بحجة النشاط اللي مطلوب مني واللي فعلآ معملتهوش.
وطول فترة أجازتي كنا بنتكلم ما بين الكلية و حياتنا الشخصيه لحد ما أخيراً رجعت الشقة تاني وأول لما وصلت أستقبلتني خالتي جمالات مامة يوسف.
وكإي يوم عادي قاعدة في الشباك بسمع موسيقى هادئه لكن أتخضيت لما خرج يوسف فجأه وقال
_ ليل أنا بحبك!
_ إيه؟
قلتها بصدمة وأنا بصاله ومش مصدقة فعاد كلامه تاني وهو بيقول
_ أنا بحبك يا ليل.
سيبته ودخلت جوا بصدمة لكن قريبة من الشباك ففضل واقف مكانه ونادي علي إسمي فمسكت كوباية ماية وخرجت حدفتها في وشه لأن البلكونه كانت قريبه من بعض شوية ففضل باصص بصدمة ليا فقلت بتبرير
_ كنت بس بخليك تتأكد من كلامك.
قلتها بكسوف وأنا ببص للزرع فمسح أيده وقال بضحك
_ وأنا بقولها للمرة الثالثة بحبك يا ليل.
وبالفعل أخد ميعاد من بابا وأتخطبنا علي الضيق مكنش فيه كتير غير أهلي وأهله ومريم وصحابي وصحابي اللي في الكلية واللي في الثانوية مش كتير يعني…
و أخيرا أبتديت سنة جديدة وأنا فرحانه خصوصا إنه هيدينا مادة جديدة في السنه وأول لما دخل مأخدتش بالي منه وكنت بكلم مريم فشاور عليا وقال
_ أنتِ يا اللي هناك.
_ أنا؟
_ أيوه أنتِ أومال أنا؟!
_ نعم.
_ أسمك إيه؟
_ليل.
_ مخصوم منك درجات النشاط بتاعت السنه.
بصيت ليه بغضب وأنا بتوعد ليه وقعدت مكاني وحضرت المحاضره وأنا خارجة كانت فيه بنت بتسأل سؤال فبصيت ليهم بغضب وهو أخد باله فقال ليا
_ تعالي علب المكتب حالاً.
قالها وهو خارج فسمعت همسات البنات اللي ميعرفوش طبعآ إني خطيبته وهما بيقولوا إنه هيخليني أشيل المادة وأول لما وصلت أستقبلني بإبتسامة ولا كإنه لسه مدايقني من شوية وقال
_ وحشتيني.
_ وحشتك عقربه يا بعيد!
قلتها وأنا بمسك كوباية الماية برشها في وشه بغيظ وبصيت ليه قبل ما أخرج وقلت بتمثيل
_ وأنت كمان وحشتني.
وهكذا كانت حياتي طول السنه وإن لو حد شافنا مش هيقول غير أتنين بيكرهوا بعض ومع بداية السنة الجديده دخل وكنت باصة ليه بهدوء فشاور عليا وقال
_ أنتِ.
_ نعم.
_ مخصوم منك درجات أنشطة السنة!.
تمت
#عدوي_اللدود
#آلين_روز
تمت