رواية جريمة شبرا الفصل الثالث 3 والاخير بقلم ملك ابراهيم
_صاحبك طلع قاتـ.ـل طفل ومخبيه تحت السرير ودبـ.ـح واحدة ست!.
_مش مُقتنع برضو يا نورسين، أصل لو هو فعلًا القاتِل هيكون غبـ.ـي كدة؟! هيخبيه تحت السرير؟! ما يرميه في ترعه ولا مصرف صحي، ولا حتىٰ يحفر ويدفنـ.ـه!.
_الله إنتَ كمان بقيت منهم، بكره الاقيك داخل عليا وشايل على كتفك شوال وتقولي دي جثـ.ـه كنت بتعشىٰ بيها!.
_نورسين دلوقتي عاوزك تشوفي تقرير الطب الشرعي وتركزي كويس جدًا فيه، علشان يونس الشافعي ملهوش مصلحه إنه يقتلـ.ـهم، وإزاي جثـ.ـه مرميه في الشارع والتانيه في بيته وتحت سريره، مش معقوله برضو فكري معايا بالعقل وأفهمي وجهة نظري ولو مره واحدة في حياتك!...
بتبصله نورسين وهي بترد عليه بمنتهىٰ السخريه وبتقول:-
_أنهي حياة فيهم! ما أنا عماله أتبـ.ـطح علىٰ نافوخي لحد ما وِرم، وأتغـ.ـز بمطـ.ـوه، وأترمي في التـ.ـرعه، ويتحـ.ـرض علىٰ قتـ.ـلي! وبعد كل دا مشتكتش!..
وأول ما بتسكت بتمسك تقرير الطب الشرعي وبتبدأ تفتحه وهي بتقرأ بصوت عالي نسبيًا وبتقول:-
_بناءًا على قرار النيابة العامة، تم توقيع الكشف الطبي الشرعي على جثمان (مجهولة الهوية – أنثىٰ)، وذلك لبيان سبب الوفاة وظروفها.
_وبعد الفحص الظاهري، تبين وجود جـ.ـرح ذبحـ.ـي قطعي عميق بالرقبة ممتد من الجهة اليسرىٰ إلىٰ اليمنى "يُحدد موضعه بدقة: أمامي/جانبي بالعنق"، بطول تقريبي 11–13 سم.
_الجـ.ـرح حـ.ـاد الحواف، قاطـ.ـع للأنسجة الرخوة بالعنق، ومصحوب بقطـ.ـع بالأوعية الدموية الرئيسية، مع وجود آثار نـ.ـزيف دمـ.ـوي غزير بمنطقة الرقبة والصدر والملابس.
كما تبين وجود آثار مقاومة واضحة، تمثلت في سحجات وكـ.ـدمات متفرقة بالذراعين، وخـ.ـدوش سطحية بالوجه والعنق، بالإضافة إلىٰ جـ.ـروح قطعية صغيرة بأصابع اليدين "إصابات دفاعية"، ولا توجد إصابـ.ـات ظاهرية أخرى ذات طابع قاتـ.ـل بباقي أجزاء الجسم.
_وبعد الفحص الداخلي، تبين وجود نـ.ـزيف دمـ.ـوي حـ.ـاد بالأنسجة الرخوة المحيطة بالعنق، مع قطع كامل بالأوعية الدمـ.ـوية الحيوية، ولا توجد إصابـ.ـات جوهرية بالأعضاء الداخلية الأخرى.
_الرأي الخاص بالطب الشرعي، تُعزىٰ الوفـ.ـاة إلى نـ.ـزيف دموي حاد نتيجة جـ.ـرح ذبـ.ـحي قطـ.ـعي بالرقبة باستخدام آلـ.ـة حـ.ـادة.
_وقد أدت الإصـ.ـابة إلى فقدان سريع وكبير للـ.ـدم، مما تسبب في الوفـ.ـاة، وطبيعة الإصابـ.ـات وما صاحبها من آثار مقاومة تشير إلى أن الواقعة ذات شبهة جـ.ـنائية وحدثت نتيجة اعتـ.ـداء مباشر.
_كما لوحظ وجود بقايا أنسجة جلدية عالقة أسفل أظافر اليدين، يُحتمل أن تكون ناتجة عن مقاومة المجني عليها واحتكاكها بالجاني أثناء الواقعة، ويُوصى برفعها وإرسالها للفحص المعملي
"تحليل البصمة الوراثية DNA"، ومن بعدها يجب مطابقتها بـ عينات تؤخذ من المشتبه فيهم!.
وأول ما بتخلص نورسين قراءة التقرير بتقفله وبتحطه علىٰ المكتب وهي بتبص قصادها وبتقول:-
_دخلي يونس يا خالد.. لما نسمعه ونشوف..
بيقوم خالد وبيروح تجاه الباب وبيفتحه وبيأمر العسكري يدخل يونس الشافعي...
وأول ما بيدخل بتأمره نورسين إنه يقعد قصادها، وبالفعل بيعمل كدة..
بتبدأ نورسين تتكلم وبتقول بهدوء:-
_بُص يا يونس، دلوقتي إنتَ متهـ.ـم في قضيه ومش جثـ.ـه واحدة لا دول إتنين، من أول الجثـ.ـه المرميه علىٰ الطريق لحد الست إللي جت نضفت ليك البيت من الـ.ـدم وأخرهم الجثـ.ـه إللي كانت تحت السرير بتاعك، وجوا بيتك.. اي تفصيله هتقولها حتىٰ لو تافهه بالنسبالك هتكون مهمة جدًا بالنسبالي، فـ إحكيلي بكل هدوء..
_أنا سافرت من شهرين فاتوا.. وسايب الشقه من بدري مفيهاش حد.. فـ واللهِ ما قتلـ.ـتهم هقتـ.ـلهم إزاي وأنا لحد دلوقتي لسه بخاف أنام الضلمه يا باشا!!.
_طب مفيش حاجه حصلت كدة ولا كدة؟! وإزاي نمت والجثـ.ـه تحت السرير؟!..
_لإن ببساطه أنا كان أول يوم ليا إنهارده في مصر وفي بيتي! يعني مكنتش متواجد اليومين إللي فاتوا..
ملامح نورسين بتتبدل من الهدوء لـ السُخريه وهي بتقول:-
_والجثـ.ـه دي دخلت إزاي، كانت حرانه قالت تدخل وتشغل التكييف؟!.
_أنا إفتكرت حاجه، من كام يوم واحد صاحبي كلمني وقالي إنه محتاج مفتاح الشقه علشان إتطـ.ـرد من بيته بسبب الإيجار المتأخر عليه، فـ وقتها كلمت البواب يديله النسخه الإحتياطي علشان يروح ومن وقتها مشوفتهوش تاني.. ولما رجعت ولقيت الشقه فاضيه إفتكرت إنه لقىٰ سكن تاني..
بتقوم نورسين وهي بتمسك جنبها بإيدها من كُتر الألـ.ـم وبتقوله:-
_صاحبك دا ساكن فين؟!.. إنطق!!.
_أنا هقولك، هقولك مكانه فين بالتحديد..
وبعد ما نورسين تاخد منه العنوان كامل بتسحب المسـ.ـدس بتاعها وهي بتبص لخالد وبتقوله:-
_عندنا طلعه! الواد دا لازم يتجاب الليله..
____________________
_الحياة حلوة من غير اهل! فلوس، فلوس وبس!!.
كان داخل من باب البيت وهو بيضحك وبيتكلم وكإنه مغيب عن الواقع... الدنيا كانت ضلمه ومش شايف أي حاجه، بيفتح النور وأول ما بيلتفت تاني بيلاقيها قاعدة علىٰ الكرسىٰ، حاطه رجل علىٰ رجل.. ماسكه المسـ.ـدس في إيدها وهي بتبص ليه بنظرات خاليه من أي تعابير..
_إنتي مين؟! ودخلتي هِنا إزاي؟!! وكمان....
وقبل ما يكمل كلامه بتقاطعه نورسين وهي بتقوله:-
_وقتلتـ.ـها ليه؟!.
_قتلـ.ـت مين يا ست إنتي مجنـ.ـونه وجايه تتبلي عليا؟!...
بتطلع نورسين شنطة من ورا ضهرها وهي بتوريها ليه وبتقوله:-
_أُمال السكيـ.ـنه دي إي؟! كمان بـ دمـ.ـها إخـ.ـس عليك واللهِ شكلك مش نضيف!.
بيبصلها بنظرات مليانه بالـ.ـرعب بعد ما سره إتكشف، بيبص حواليه وبيمسك أنتيكه قديمه كانت جنبه وأول حاجه إيده توصلها، وبيبصلها بنظرات إتحولت للشـ.ـر وهو بيقولها:-
_مش هتخرجي من هنا عايشه!..
بتبصله نورسين وهي بتقول بسخريه:-
_إيه ناوي تطبخني؟!..
وفجأة بيلاقي خالد بيمسكه من ورا وهو بيوقع الأنتيكه وبيقوله:-
_لما تفكر تقتـ.ـل، تقـ.ـتل في بيتكم، مش تروح تلفقها لواحد صاحبك!.
_أيوه أنا إللي قتلتـ.ـهم!! انا إللي عملت كدة، وأقولكم المُفاجأة دول أختي وإبنها، قتـ.ـتلهم علشان بكرههم، أبويا قبل ما يمـ.ـوت كتب ليها كل حاجه وأمي ماتـ.ـت وراه، كل حاجه بقت بإسمها، الشقه والعربيه وكل حاجه هيَ خدتها! وفي الأخر طردتني في الشارع كل دا علشان شيفاني مستهتـ.ـر وبضيع الفلوس، شاب طايـ.ـش وضايـ.ـع كانت مطلقـ.ـه ومعاها إبنها وكإنها ما صدقت!...
وبيسكت للحظه وهي بيضحك زي المجـ.ـنون وبيرجع يتكلم وبيقول:-
_دبحـ.ـتها بدون ما يرمش ليا جِفن، مكنتش ندمان وأنا بقتـ.ـلها هي وإبنها في شقة صاحبي، وكإني ما صدقت خلصت منهم!..
_مفيش مُجـ.ـرم مهما كان ذكائه إنه هيهـ.ـرب ويفوت بجريمـ.ـته، جبت واحدة تنضفلك الـ.ـدم!! أخدت المفتاح من البواب، وكمان كُنت هتجيب إعـ.ـدام لصاحبك!!.
_أنا أخلص من أي حد في سبيل إني متضـ.ـرش! أنا قتـ.ـلت أختي وإبنها لحمـ.ـي ودمـ.ـي كانت بتقاومني لحد ما قطـ.ـعت جلد إيدي بس بالنهاية خلصت منهم هما الإتنين بمنتهىٰ البرود، يعني مش بعيده عليا أقتـ.ـل أي حد!..
_خُده يا خالد مش ناقصه صداع وحِكم مجـ.ـرمين، دا ناقص يشرحلي كيف تقتـ.ـل في خلال خمس دقايق!.
وبالفعل بياخده خالد وبيخرجوا برا البيت وهو بيضحك وكإنه مُختـ.ـل...
كانت نورسين واقفه في وسط البيت وهي بتبص حواليها، وبتلمح صورة البنت إللي ماتـ.ـت، بتقف قصادها وهي بتشوف إبتسامتها البريئه..
بتتكلم نورسين وبتقولها بهدوء:-
_حقك هيرجع! صدقيني إنتي في مكان أحسن دلوقتي!..
وبتنزل دمعه من عينها وبتتجه نورسين لباب الشقه وبتخرج من البيت وهي بتقفل الباب وراها بهدوء..
____________________
_كويس إنك لحقتني قبل ما أتصفىٰ..
_الوقت عدىٰ وطوِل وإنتي مغيرتيش علىٰ الجرح وفتح من جديد من كُتر المجهود، طبيعي هوديكي علىٰ المستشفىٰ..
_بس أنا مرتاحه دلوقتي بعد ما إتمسك، إسمه إسلام، لكن إللي عمله مفيهوش أي إسلام!!.
_جريمـ.ـه غريبه جدًا يا نورسين! أخ يقتـ.ـل أخته وإبنها بالبساطه دي، وكمان مكفاهوش بيروح يلبسها لصاحبه!!.
بتبصله نورسين وهي بتربع إيديها في بعض وبتتكلم بهدوء وبتقول:-
_هقولهالك تاني يا خالد، مفيش جريمـ.ـه كامله.. المجـ.ـرم مهما كانت نفسه بتخدعـ.ـه إنه أذكىٰ واحِد علىٰ وش الأرض، مش هيكون وراه خطأ..
_لسه زعلانه مني؟!..
_زعلانه منك، بس قلبي مش هيعرف يقفل بابه في وشك! إنتَ أغلىٰ شخص عندي يا خالد!..
_ربنا يديمك يا رب يا ست نورسين، قوليلي بقىٰ هتعملي إيه دلوقتي؟!.
_هروح لـ ماما.. وحشتني بشكل كبير.. مش عوزاك تكلمني الفتره الجايه علشان مصدعش..
_طب لو فيه جريـ.ـمه جـ....
وقبل ما بيكمل خالد كلامه بيلاقي نورسين بتركب عربيتها وهي بتقول بصوت عالي علشان يسمعها:-
_لو لقيت مكالمه منك يا خالد هعملك بلـ.ـوك وأبلـ.ـغ الشرطـ.ـه وأعملك محـ.ـضر إزعـ.ـاج..
وبتتحرك بالعربيه بتاعتها، بيفضل خالد يبص علىٰ أثرها وهو بيبتسم تلقائيًا وبيقول:-
_مجنـ.ـونه بس إكتشفت إنها تتحب!!.
تمّت بحمد الله...
ڪ/ملك إبراهيم
تمت