رواية جريمة الغربية الفصل الثاني 2 بقلم ملك ابراهيم

رواية جريمة الغربية الفصل الثاني 2 بقلم ملك ابراهيم 

_مش غريبه إن قصادي عيله كلها مقتـ.ـوله وبشكل غريب!... 

_إللي هيبين الحقيقه الطب الشرعي لما يحلل أشـ.ـلاء الجثـ.ـث كامله... 

_تمام، جبتلي بيانات أهلها؟!!.. 

_أنا جبتلك أهلها هنا كلهم، هما أب وأم وبس، ومكنش عندهم غيرها.. 

_تمام، دخلهم.. 

بيقوم خالد وهو بيروح تجاه الباب وبيفتحه وبينده علىٰ العسكري وبيأمره يدخلهم.. بنفس الوقت بيلاقي العسكري بيديه التقرير الخاص بالطب الشـ.ـرعي.. 

كانت نورسين قاعدة علىٰ الكرسي الخاص بالمكتب بتاعها وهيَ بتبص عليهم وهما داخلين، راجل بيبان عليه إنه كبير، ملامحه وكإنه باين عليه إنه مكسـ.ـور، وجنبه واحدة ست هدومها مش مترتبه.. 

بتشاور ليهم نورسين إنهم يقعدوا، وبالفعل بيقعدوا قصادها وخالد بيحط التقرير علىٰ المكتب بتاعها وبيروح يقعد بعيد علشان يراقب إللي هيحصل... 

بتقرب نورسين التقرير منها، وهي بتبدأ تبص ليهم وبتقول:-

_دلوقتي وإحنا بندور في المحاضـ.ـر القديمه لقينا إنكم عاملين محضـ.ـر من سنه بإختفاء بنتكم وإبنها... 

_صح يا باشا، أنا بنتي إختفـ.ـت هي وإبنها في أواخر رمضان إللي فات بالظبط، من وقتها فص ملح وداب معرفناش نوصل ليها.. 

_تمام، هو مش مؤكد إنهم هما علشان مفيش أي معالِم طبعًا، الجثـ.ـث كلها إتوجدت في شكل أشـ.ـلاء وعظام فقط.. فـ هقرأ تقرير الطب الشـ.ـرعي ونكمل.. 

_تمام، تمام يا باشا.. 

وبتبدأ نورسين تفتح التقرير وهي بتبدأ تقرأه وبتقول بصوت عالي نسبيًا:-

_وبناءًا علىٰ قرار النيابه العامه تم فحص بقايا جثـ.ـامين بشرية عُثِر عليها أثناء أعمال حفر لإصلاح خط صرف صحي أسفل الأرض..

_وأفاد العمال أنهم أثناء الحفر بجوار مواسير المجاري وعلى عمق يقارب مترين، ظهرت أشـ.ـلاء وأجزاء عظمية بشرية مختلطة بالتربة، ما قد إستدعىٰ إبلاغ الجهات المختصة فورًا.

_وتبين أن الجـ.ـثامين في حالة تحلـ.ـل متقدم جدًا، حيث لم يتبقَّ منها سوى عظام وأشـ.ـلاء متحللـ.ـة بشدة اختلطت بالتربة ومخلفات الصرف..

_وبفحص العظام تبين أنها تعود إلىٰ ثلاثة أشخاص وهم... أنثىٰ بالغه.. طفل صغير... رضيع حديث العُمر.. وقد وجدت عظامهم متداخله مما يدل علىٰ أنهم دفنوا معًا في نفس المكان..

_وبفحص عظام الجمجمة الخاصه بالإنثىٰ والطفل الصغير تبين وجود تهشـ.ـم وكسور  متعددة بالرأس تشير إلىٰ تعرضهم قبل الوفـ.ـاة لضـ.ـربات قوية بإستخدام آلة صلبة..

_أما بقايا الرضيع "المولودة" كانت في حالة تحلـ.ـل شبه كامل، إلا أنه لوحظ تهشـ.ـم بعظام الجمجمة..

_وإتضح أنا الجثـ.ـامين قد دفـ.ـنت بطريقة بدائيه داخل حفرة ضيقه بجوار خط الصـ.ـرف الصحي، دون تكفيـ.ـن أو تغطية سوىٰ بطبقات من التراب..

_كما يُرجح أن تسـ.ـرب مياه الصـ.ـرف والرطوبه من المواسير المجاوره قد أدىٰ إلىٰ تسريع  عملية التحـ.ـلل وتفكك الأنسجه بشكل كامل..

_زمن الوفاة وبناءًا علىٰ التحلـ.ـل الهيكلي للعظام وتأثير التربه والرطوبه الناتجه، يُرجح أن الوفـ.ـاة حدثت منذ فترة تتراوح ما بين عشرة أشهر إلىٰ عام تقريبًا..

_الرأي النهائي للطب الشـ.ـرعي.. الوفـ.ـاة حدثت نتيجة إعتـ.ـداء عنيـ.ـف بآلة صلبة ثقيله أدىٰ إلىٰ إصـ.ـابات قاتـ.ـله بالرأس، قبل دفـ.ـن الجثـ.ـامين في الحفرة لإخفاء معالم الجريمـ.ـه..

وبعد ما بتخلص نورسين قراءة التقرير كامل... بتقفله وبتحطه مكانه وبترجع تبص ليهم من تاني وهي بتقول:-

_قبل ما تدخلوا ليا طبعًا إتاخد منكم عينه علشان نقدر نحللـ.ـها ونطابقها بالعينات اللي موجودة.. 

_بس هُما يا باشا، بنتي كانت مخلفه ولد وطفله صغيره، هي والولد إختفوا زي ما قولت لسعاتك في اواخر رمضان، والطفله فضلت مع جدتها أم أبوها علشان مكنتش عاوزة تسيبها.. 

_جدتها أم أبوها ساكنه فين، وأبوها نفسه فين؟!!.. 

_أبوها سمعت إنه توفـ.ـى من فتره كبيره بس العلاقات مقطـ.ـوعه بسبب إنه كان بيشـ.ـكك في بنتي وسلوكها.. 

_بيشكـ.ـك فيها إزاي؟!!.. 

_لما إختفـ.ـت قال إنها هـ.ـربت مع واحد والعيـ.ـاذ بالله يا باشا... 

_تمام، سيبوا العنوان بتاع جدة الأطفال وإتفضلوا دلوقتي، كان ممكن أتحفظ عليكم لحد ما القضيه تتقفل، لإن طبيعي يكون مشتبه فيكم، لكن طالما نتيجة العينات لسه يبقىٰ بالنسبالي مفيش إثبات إنكم أهلها. 

_بس أنا حاسه إنها بنتي يا باشا، أمانه عليكي لو هي وإبنها أنا عاوزة حقهم..حقهم في رقابتك... 

_تمام إتفضلوا... 

بيقوموا وبيخرجوا من المكتب، وبيقوم خالد إللي كان متابع كل حاجه وبيقعد قصادها وهو بيقول:-

_الموضوع دا فيه سـ.ـر كبير.. 

_إزاي؟!!. 

_متاخديش في بالك المهم، هتروحي العنوان دا؟!!. 

_أيوه دلوقتي مفيش وقت، خليك إنتَ هِنا أو الأفضل تروح تتابع نتيجة العينه علشان عوزاها تظهر بأسرع وقت ممكن، الوقت كل ما بيعدي كل ما القضيـ.ـه دي هتمـ.ـوت.. 

_تمام، لو فيه أي حاجه إديني رنه هكون موجود علىٰ طول.. 

بتهز نورسين راسها وهي بتاخد حاجتها من علىٰ المكتب وبتروح تجاه باب المكتب وبتفتحه وبتخرج منه.. 

____________________

_غريبه، البيت بتاعهم جنب المكان إللي الجثـ.ـث إتلاقت فيه!.. 

كانت نورسين واقفه قصاد البيت إللي مكانه بالعنوان مضبوط، وبتدخل جوا البيت وبتطلع للدور التالت وهي بتقف قصاد شقه خمسه.. 

بتخبط بطريقه هاديه وهي مستنيه أي شخص يفتح ليها... 

وأول ما الباب بيتفتح نظراتها بتتحول من الهدوء للصدمـ.ـه وهي بتقول:-

_إنتي نفس الست! نفس الست إللي شوفتك إمبارح!!. 

_إتـ... إتفضلي يا باشا، فيه حاجه؟!!. 

بتدخل نورسين وهي بتبص علىٰ شكل البيت، محتوياته كلها متهالـ.ـكه بشكل كامل.. 

بتقعد نورسين علىٰ أقرب كرسي بيقابلها وهي مصوبه عينها علىٰ شيء معين.. برواز متعلق علىٰ الحيطه فيه صوره لشاب ملامحه مش مُريحه نهائيًا.. 

وأثناء ما كانت مركزة بتلاقيها جايه وهي ماسكه بين إيديها صنيه عليها كوباية عصير، وبتحطها قصاد نورسين وبتقعد وهي بتقولها:-

_نورتي يا باشا.. 

_إتهمـ.ـتي أهل مرات إبنك ليه؟!!.. 

ملامحها بدأ يكون باين عليها التوتر، وهي بتقولها:-

_علشان إبني الله يرحمـ.ـه قالي كدة، قالي إنها يا هربـ.ـت مع واحد يا أهلها قتـ.ـلوها أصل مرات إبني كانت عندها شقة فخمه يا باشا إشتريتها بحُر مالها ومن بعدها الدنيا إتقلبـ.ـت.. 

بتاخد نورسين العصير وهيَ بتبدأ تشرب منه وبتقولها بترقب:-

_إبنك توفىٰ إمتىٰ، وطالما عارفه إنها مرات إبنك ومتاكدة، برغم إن ممكن يكون مش هي، أصلك مشوفتيش جثـ.ـه، أنا لقيتك جايه عليا بتقوليلي إن أهلها قتـ.ـلوها، فين دليلك؟!!. 

_معايا دليل يا باشا، بس مش هتلحقي تشوفيه!. 

كانت نورسين بدأت تحس بدوخه وإنها مش شيفاها كويس وبتقولها بصوت متقـ.ـطع:-

_لـ...ليه؟!. 

وقبل ما الست تتكلم فجأة بتحس بضـ.ـربه قويه علىٰ راسها علىٰ اثرها بتفقد الوعي. 

كانت الست بتبص ليها بكُل خُبـ.ـث وهي بتقول:-

_علشان مش هنشوفك تاني الحمدلله، أصلك هتدفـ.ـني بنفس الطريقه يا باشا!!. 

يُتبع... 

ڪ/ملك إبراهيم

        الفصل الثالث من هنا 

لمتابعة باقي الرواية زوروا قناتنا على التليجرام من هنا