سكريبت عرافة والخلفة (كامل) بقلم سها طارق
كنت بظبط آخر طقم عشان أنزل الشغل، لقيت مرات أخويا باعتالي رسالة بسرعة:
الحقيني يا روح، أنا لقيت الحل أخيرًا اللي هيخليني أخلف لازم أروح الأوضة وألبس الفستان وأعمل اللي العرّافة قالتلي عليه، وبعدها هحمل على طول.
بصيت للرسالة واتصدمت، وكتبتلها وأنا مخنوقة:
عرّافة يا وعد؟! إزاي تسمعي كلام دجالين؟ ارجعي عن العبط ده، ده شرك بالله.
استنيت ردها، مردتش رنيت عليها، لقيتها بتقولي:
روح أنا تعبت بقالي عشرين سنة ولفيت على كل الدكاترة ومفيش فايدة الحل الوحيد هو ده، لازم أعمل كده نفسي في طفل أوي.
قولتلها:
يا بنتي ده حرام وشرك، ومينفعش تعملي طقوس هتأذيكي.
ردت بسرعة:
إنتِ مش حاسة بيا ولا بوجعي، ولا بالقهر اللي عايشاه لما أشوف أخوكي نفسه في طفل وأنا مش قادرة سيبيني أعمل اللي عاوزاه.
قفلت الفون في وشي كنت هتجنن، وعد هتضيع نفسها. لازم أكلم أخويا يتصرف، رنيت عليه مردش.
نزلت بسرعة ورحت على المكان اللي قالت عليه، وسط جبال قبل ما أدخل، ريحة بخور وحاجات غريبة، والجبل كله ملفوف بلون أحمر زي الدم.
عملت احتياطي ورنيت على الشرطة وبلغتهم دخلت لقيت وعد لابسة الفستان، والأوضة كلها حمرا، وفي ست وراجل بيبصولها بطريقة مرعبة وعد زي المغيّبة بتعمل أي حاجة يقولولها عليها.
فجأة الست قالتلها:
امسكي السكينة، لازم تقطعي شريان من إيدك عشان الطقس يكمل وتحملي.
وعد كانت هتقطع، مسكت إيدها وزعقت فيهم. اتخضوا من وجودي المفاجئ. قلتلهم:
إنتو عاوزين تضحوا بيها عشان مقبرة جديدة تفتح؟ أنا عرفت تاريخكم الأسود، بتستغلوا الستات اللي زيها وتسيطروا عليهم.
قالوا بخوف:
إحنا بنساعدها تحمل، معملناش حاجة غلط.
رديت بحدة:
أها تساعدوا بالشرك بالله؟ دي حاجات بعلم الغيب، وربنا هو اللي بيدي مش البشر.
أنا بصيت للست العرّافة تاني وقلت لها بحدة:
إنتِ فاكرة نفسك مين؟ إزاي تضحكي على ست غلبانة زي وعد وتخليها تصدق إنك تقدري تجيبي لها طفل؟ ده رزق من ربنا مش من طقوسك.
العرّافة ردت وهي بتضحك ضحكة غريبة:
إنتِ مش فاهمة حاجة يا بنتي، أنا عندي العلم، واللي بعمله ده سر قديم، وعد لو عملت الطقس هتحمل فورًا.
قولتلها وأنا واقفة قدامها من غير خوف:
علم إيه؟ ده دجل وشرك بالله إنتِ بتستغلي ضعفها ووجعها عشان تسيطري عليها ربنا هو اللي بيخلق، مش إيدك ولا بخورك.
الراجل اللي معاها حاول يقاطعني وقال:
إحنا بنساعدها هي اللي جت لنا بإرادتها.
رديت وأنا رافعة صوتي:
إرادتها؟ دي مغيّبة ومخدوعة بكلامكم الكدب إنتو بتلعبوا على مشاعرها عشان مصالحكم إنتو عارفين إن اللي بتعملوه ده حرام، وبتضحكوا على الناس اللي محتاجة.
العرّافة اتنرفزت وقالتلي:
إنتِ جاية تبوظي الطقس؟ إنتي مش عارفة إنك كده بتقفلي باب رزقها؟
قولتلها وأنا واقفة ثابتة:
باب رزقها مفتوح من عند ربنا، مش من عندك. إنتِ ولا غيرك تقدروا تفتحوا باب رزق اللي بتعمليه ده لعب بالنار، وربنا هيحاسبك على كل ست ضيّعتيها.
وعد كانت واقفة بتبصلي بعينين مليانة دموع، وبدأت تستوعب كلامي العرّافة حاولت تقرب منها تاني، لكن أنا شدّيت وعد وقلت لها:
بصي كويس يا وعد، دي ست بتضحك عليكي، لو كانت بتقدر تديكي طفل كانت جابت لنفسها الأول. دي بتاكل عيش من دموعك.
وعد وقعت من العياط وفضلت تستغفر حاولوا يهربوا، لكن فجأة الحكومة كبست عليهم وأخدتهم.
بصيت لوعد وقلت:
ادعي ربنا لسه ربنا قادر يرزقك بطفل الدجل والعرّافين دول بيستغلوا الناس لمصالحهم الشخصية.
وعد كانت لسه بتعيط وقالتلي:
طب يا روح، أنا خلاص اتكسرت، أنا مش قادرة أستحمل أكتر من كده كل يوم بشوف نفسي ناقصة، وكل يوم بحس إني مش كفاية.
قولتلها وأنا ماسكة إيدها:
يا وعد، إنتِ مش ناقصة، إنتِ ست قوية، ووجودك في حياة أخويا نعمة كبيرة الطفل رزق من ربنا، مش من بشر ولا من طقوس يمكن ربنا مأخرلك الخير لوقت معين، يمكن عشان يديكي حاجة أعظم من اللي بتتخيلي.
قالتلي وهي بتبصلي بعين مليانة دموع:
بس أنا نفسي أفرح، نفسي أشوف ضحكة طفل في البيت.
رديت عليها وأنا بحاول أثبتها:
الفرحة مش بس في طفل، الفرحة في قلبك اللي مليان إيمان لو فضلتِ واثقة في ربنا، هتعيشي فرحة أكبر من أي حاجة وربنا كريم، يمكن يرزقك في وقت إنتِ مش متوقعة، بس أهم حاجة تفضلي قريبة منه.
مسحت دموعها وقالت:
أنا هحاول أتمسك، وهفضل أدعي يمكن ربنا يسمعني.
قولتلها وأنا حضناها:
أكيد هيسمعك وربنا عمره ما بينسى حد بس أوعي تسيبي نفسك لدجالين تاني، إنتِ أغلى من إنك تكوني لعبة في إيدهم.
ونزلت بوست على صفحتي وقولت: مفيش حد يقدر يدي رزق غير ربنا، أي كلام من عرافة ده ضياع وتعب على الفاضي، اللي محتاجة حاجة يرفع إيده للسماء ويدعي مش يروح لناس تستغله القوة عمرها ما كانت في إنك تلاقي طفل أو مال القوة في إنك تفضل ثابت وقريب من ربنا العرافين بيضحكوا على الناس لإن العلم عند الله واللي عنده إيمان عمرة ما يتخدع.
بخخخخخخخ
وحشتوني يسكاكر
#تمتتتتتت
#عرافة_والخلفة
#مشاعر_كاتبة
#سهىٰ_طارق_استيرا
تمت