سكريبت عناد بيخسر (كامل) بقلم سها طارق
يا ساتر يا رب… أخيراً خلصت عزومة حماتي وبنتها، الولية دي عقربة! وأنا لسه بشيل الأطباق، لقيت حاتم بيزعق ويقول: تعالي يا هانم يا اللي كسفتيني طلعت ليه لقيته ضربني بالقلم وقال: ارجع من بره مش عايز أشوفك في البيت دا تاني.
اتصدمت، وفجأة موبايلي نور برسالة من ماما: يمصيبتي حماتك جاية من آخر الدنيا، وانتِ عاملة لها أكل خضار؟ فضحتِ جوزك قدام أهله!
رديت وأنا بعيط: أنا مش بطيقها، ومش ملزمة أغير أكلي عشانها.
ماما اتجننت ورنت عليا: يا بنتي يا اللي مش متربية! لازم تنزلي تعتذري لحماتك، جوزك راجل محترم وما بيستخسرش فيكي حاجة.
أنا بغيظ قلتلها: دا بيتي، ولو جت تاكل على مزاجي أنا وقفلت السكة.
بعد ساعات رجع حاتم، أول ما دخل قال: إزاي تقعدي بعد ما أهنتي أهلي؟
قلتله: أمك اصلاً مش مكسوفة وهي جاية تاكل عند عرسان جديد،وبعدين ولو زعلان كنت طلبت أكل من بره.
بصلي وقال: أنا غلطت إني اتجوزت واحدة زيك، مش عارفة يعني إيه احترام إنتِ طالق يا روح.
اتصدمت: بتطلقني عشان أهلك يا حاتم؟
قال: لأ، بطلقك عشان إنتِ مش بتحترمي جوزك ولا بتقدريه.
خدت هدومي ومشيت عند ماما، ولما عرفت الخبر فضلت تزعق: هو معاه حق، واشربي بقا يا بنتي.
يا خيبة دا هو معاه حق يطلقك، إنتِ فضحتينا كلنا
قلت لها وأنا منهارة: ماما أنا اتظلمت… هو اختار أهله عليا.
صرخت في وشي: إنتِ اللي ظلمتِ نفسك الراجل كان بيحبك وأهله ناس طيبة، بس إنتِ ماعرفتيش تصوني بيتك.
إيه اللي يعيب إنك تعملي أكل يرضي حماتك؟ دي مش حرب يا بنتي، دي حياة.
رديت وأنا متعصبة: أنا مش عبدة عندهم ليه أعيش طول عمري أرضيهم؟
قالت بحدة: اللي يتجوز يا بنتي لازم يعرف إن احترام أهل جوزها من احترامه.
إنتِ كبرياءك خلاكِ تخسري كل حاجة.
دلوقتي اتطلقتي، والناس كلها بتتكلم، وأنا مش قادرة أبص في وش حد.
سكت شوية وبعدين قلت: يعني إنتِ شايفة إني السبب؟
قالت وهي بتبصلي بعيون كلها غضب: أيوة إنتِ السبب لو كنتي عاقلة، كان زمانك دلوقتي في بيتك مع جوزك بتبني اسرة.
لكن إنتِ اخترت العناد، والعناد عمره ما بيبني بيت.
عدى سبع شهور، سمعت إن حاتم اتجوز ومراته حامل، والناس كلها بتشكر فيها إنها محترمة وبتعامل أهله كويس.
وأنا من يوم ما اتطلقت محدش جالي، وسيرتي بقت على كل لسان قعدت مع نفسي أبكي… اكتشفت إني ظلمت ناس ماعملوش فيا حاجة، وظلمت راجل كان بيحبني، وكل ده عشان كره جوايا لحماتي، رغم إنها كانت ست طيبة.
ومن يومها وأنا قاعدة لوحدي، كل ليلة أفكر: إيه اللي كسبته من العناد؟ لا جوز، ولا بيت، ولا احترام من الناس. اكتشفت إن الكبرياء ساعات بيكون وهم، بيخلينا نخسر اللي بيحبونا يمكن حماتي كانت ست طيبة، وأنا ظلمتها بكره مالوش سبب دلوقتي بقيت أقول لنفسي: اللي عايز يعيش مرتاح لازم يعرف إن التنازل مش ضعف، ده ذكاء بس للأسف… فهمت الدرس بعد ما كل حاجة راحت.
بخخخخخخ
وحشتوني يسكاكر
#تمتتتتت
#عناد_بيخسر
#مشاعر_كاتبة
#سهىٰ_طارق_استيرا
تمت