رواية احفاد ابليس الفصل الثالث عشر 13 بقلم رشا منصور
#الجزءالثالث #عشر
#أحفادإبليس
سعاد…
يا حوريه تعالي معايا أنا مش هعرف اخد العيال وأروح اشتري طلبات المدرسة… سليمان مش هيعرف يخلي باله من العيال وأنا هتلخم في الشراء وهما اشقيه وبالمره نروح نشتري الزي المدرسي علشان تبقي خروجه واحدة ونخلص…
حوريه…
يا سلام بس كدا من عينيا عقبال ما نشتري طلبات فراحهم يارب. اجهزوا وأنا أقل من ساعة واكون عندك يا مرات اخويا..
أخلاص…
قدمت ل أبني محمود ع حضانه في مدرسة خاصة. وطالبين حاجات كتير ألوان وأوراق وكحول تعقيم،. وصلصال وحاجات كتير مش فهماها… وقررت أخد أبني وأروح مكتبه كبيره وهما بقي يدوني الطلبات دى .. ع أيامي مكنش في الحاجات دى. ومفهمش فيها…
وأول ما وصلت المكتبه لمحت سليمان جاري وجوز سعاد صاحبتي قولت الحمد لله هو يعرفني إيه الحاجة اللي اشتريها بدل ما اتحرج مع الناس هنا…
وشوفت معاه بنوته عسوله اوي وطلع هو كمان بيشتري الطلبات لأولاده وقالي أن حوريه مع سعاد ومعاهم أبنه عبدالرحمن…
قولت له طب خدني اسلم عليهم أنا بقالي كتير مشوفتش حد منهم وبالمرة يجبولي طلبات أبني معاهم…
وأول ما وصلت لهم حسيت أن سعاد اضايقت أنها شافتني ولقيت حوريه قالت لها خليكي أنتي يا سعاد وأنا هروح مع أخلاص اجيب لها طلباتها وقالتلي سيبي محمود إبنك مع سعاد يلعب هو وعبدالرحمن مع بعض وأحنا نخلص طلباتنا بسرعة ورجعين 😔
أنا مش عارفه هى ليه سعاد اضايقت مني ، يمكن علشان شافتني بكلم سليمان جوزها😏 لأ مظنش ده أنا السبب في جوازتهم.
سليمان…
أول ما شوفت أخلاص جارة أمي قالت ليا أنت جيت لي نجدة من السماء أمسك ورقة الطلبات دى وقولي اجيب الحاجات منين دى المكتبه كبيرة أوى ومتقسمة وزحمة ومش عارفه أروح فين..
قولت لها أنا كمان بجيب طلبات عيالي بس أنا اخدت بنتي وقعدت هنا بعيد عن الزحمة وحورية وسعاد دخلوا بيشتروا الألوان وورق الرسم وقالتلي طب كويس وديني لهم وهما يجبولي معاهم بدل ما أنا تايهه كدا وأول ما اخدتها لهم وسعاد شافتها برقت😯ليا ومكست عبدالرحمن وقالتلي خد عيالك واخرج انتظرنا بره..
بس حوريه قالت لها أنا هجيب حاجات أخلاص وأنتي خلي محمود أبنها معاكي وبعد ما مشيوا لقيت سعاد بتقولي المفروض أول ما تشوفها تقولها أنك مروح وتعالي خدنا ونمشي من هنا.. لكن أنت رايح جايبها ليا.. طبعاً ما دى الحب القديم. مش كفايه كانت عامله ليا سحرr علشان محملش. وتطلقني….
قولت لها أهدي يا سعاد الناس بتبص علينا. اقولك خدي بنتك أنا هنتظركم بره وخرجت من المكتبه خالص….
تاليا….
بصيت ل عبدالرحمن راح اخد محمود وقال ل ماما أنهم هيتفرجوا ع حوض السمك وأول ما مشيوا وقفت قصاد ماما واستغليت عصبيتها وقولتلها هو صحيح يا ماما أنا شبه بابا. أصل طنط اللي مشيت مع عمتو حوريه قالت إني حلوة علشان شكل بابا وكانت واقفه تضحك معاه لكن أول ما بابا قالها أنك موجودة وأنه عاوزها تقف معاكم وهو مش فاضي لها اضايقت أوي وقالت له مكنش العشم 🫣 بس يا ماما بابا زعق. لها… هى طنط دى مش بتحبك ليه يا ماما…
سعاد…
والله مممم بقي اتجوزتي وخلفتي وبردو عينك من جوزي ، ماشي يا أخلاص والله ما ارحمك يا حربايه…
عبدالرحمن…
اخدت محمود عند حوض السمك وبعدين قولت له السمك ده لعبه. واللي يعرف يخرجه من الحوض الكبير ده هو اللي يكسب…
محمود…
طب تعالي نطلع فوق وندخل الحوض وناخد السمك كله نلعب به..
عبدالرحمن…
لأ ملابس هتتبل وماما هتز'عق. ليا.. عارف لولا أن علب الأقلام دى تقيله كنت هقولك كسر، بها الزجاج…
وفعلاً محمود ابتدي يمسك علب الأقلام وأنا بعدت عنه ووقفت بجوار ماما وهو ابتدي يرمي العلب ع الحوض و البائعين جت تزعق'. وتلم في الأقلام وحاولوا يمسكوا في محمود وهو يجري ويخبط في الحوض بالعلبه لحد ما الحوض انكسرr والسمك وقع ع الأرض والدنيا غرقت.. والزجاج دخل في رجلين الناس و البائعين ومحمود اتزحلق في الميه شكله كان حلو أوي 🤣🤣🤣
سعاد…
يا مصيبتي،. اتصلت ع حوريه وقولت لها هاتي أخلاص وتعالي أبنها كسر حوض السمك والناس اتصابت خليها تلحق أبنها مدير المكتبة مش هيسيبه.. يستاهل دى خلفه شياطين…
اسمالله عليك يا عبدالرحمن شاطر ومؤدب مش زى الهمجي ده
أخلاص…
إيه اللي حصل مش أنا سايبه محمود معاكي يا سعاد إيه اللي وداه عند حوض السمك.. مش تخلي بالك منه ولا مسكتي إبنك ودبستي أبني في كسرr الحوض…
ولقيت مدير المكتبة قالي الكاميرات، جايبه ابنك وهو بيمسك علب الأقلام المعدن. ويرميها ع الحوض وفي الآخر مسك علبه منهم وفضل يخبط بها ع الحوض لحد ما كسره والمياه بهدلت الكشاكيل والألوان واظن الخسائر واضحة ومطلوب من حضرتك تدفعي الخسائر، وإلا هبلغ. البو'ليس…
يالهوي بو'ليس. يا سعاد فين سليمان خليه يلحقني..
سعاد…
اطلبي جوزك يا حبيبتي يلحقك. أنا جوزى مشي وأحنا كمان مروحين وبعد كدا تخلي عينك ع ابنك بدل ما أنتي سيباه ومركزة مع جوزي… واخدت عيالي وحورية وخرجنا من المكتبه وركبنا السيارة مع سليمان ولقيت عبدالرحمن بيقول…
يا ماما محمود ده ولد نوتي. قالي اكسرr معاه الحوض. ونعوم في الميه زى السمك بس أنا قولت له كدا غلط وماما هتزعل مني..
قولت ل سليمان.. شوفت أبن اخلاص كان عاوز يدبس، أبني معاه أهو هو دلوقتي اللي وقع فيها يستاهل.. طالع زى أمه شيطان..
حوريه…
شاطر يا عبدالرحمن أنت وتاليا مؤدبين وحلوين علشان كدا لكم عندي حاجه حلوة… ولقيت عبدالرحمن وتاليا بيقولولي شكراً يا عمتو إحنا بنحبك أوي… حبايب عمتو😘
الجن.الاحمر…
تربيه طفل مش سهلة ما بالك ب تؤام🤣 بس ولادي حبايبي بينفذوا اللي اتعلموا بالظبط.. برافو عليهم.. واضح أن هيكون لهم مستقبل مبهر ع الأرض…
محمد….
اخدت منال وسوزان ويوسف. أبني الملاهي ولما جيهان أتصلت عليا لقيت سوزان اخدت مني الموبايل وبتقولها…
سوزان…
الو أيوة يا ماما أنا مع بابا في الملاهي. أصل طنط منال كانت هتودي أبنها الملاهي وأنا قولت لها لأ أنا عاوزة بابا اروح معاه .. وهو دلوقتي بيشتري ليا آيس كريم وهيركب معايا المراجيح لأن طنط منال أبنها بيبكي وهى اخدته وقاعدة به بعيد…
محمد…
بقيت واقف بجوار سوزان أسمع هتقول إيه ل جيهان وبعد ما قفلت المكالمه قالت ليا يلا يا بابا هاتلي الآيس كريم وبعد ما نخلص لعب هاتلي كريب وبطاطس…
قولت لها ده جيل مهبب، طفله بتدي أوامر ليا…
شيماء….
بعد ما عرفه ضرب، البنات أنا أخدت شريف وقولت له أنت فهمت غلط، عبير وزهره بيحبوك لكن هما زعلانين علشان بابا مجبش لهم شيكولاته زيك… ولقيت شريف بيقولي…
شريف….
يا ماما أنا بحبهم أوى بس هما مش بيلعبوا معايا وبيفضلوا يقولولي إحنا مش بنحبك.. وضر'بوني كتير وكانت اختى مها تقولي معلش وبلاش تقول لحد خليك راجل… أنا مش عاوز اقعد معاهم. خايف منهم يا ماما أنا سمعت زهرة وهى بتقول أنها عاوزة تمو'تني..
شيماء…
يا حبيب أمك 😯 لأ متخا'فش من حد وخليك دايما معايا أو مع مها ومتلعبش مع عبير وزهره تاني وأنا هربيهم. من أول وجديد..
عزيزة…
من بعد اللي حصل من عادل خرج من البيت وأنا قولت ل حماتي أنا مش مطمنه ل ابنك مش بعيد يخلص، ع وليد علشان هو عرفنا باللي بيخطط له…
وقولت ل وليد بعد كدا إلا تكون معايا أو مع تيتا وبس اياك تروح ل بابا ولو شوفته وأنا مشغوله أجري بسرعة وادخل غرفة تيتا واقفلها عليك فاهم…
وتاني يوم حماتي راحت البنك وسحبت فلوس من أرباح. الشهاده. وقالت ليا ادفعي مصاريف الحضانه ل وليد
وإذا عادل سألك ع فلوس. الحضانه قولي له إنك مدفعتيش وخدي منه وهاتي كل احتياجات وليد…
ده حفيدي الوحيد ومش عوزاه يتحرم من أى حاجة….
وفضلت وراء عادل كل يوم اطلب منه المصاريف وأول ما دفعلي الفلوس اخدت حماتي ووليد ونزلنا اشترينا ملابس وطلبات الحضانه واحتياجات البيت كمان ودلعنا وليد ع الآخر… حبيب تيتا..
ليلي ..
أثناء طريقي للبيت وأنا بفكر أعمل ايه وازاي احافظ على أحمد ونور وكل واحد فيهم في مرحلة مختلفه.. ببص لقيت 😯😯 أنتي.
يتبع…
بقلم…. #رشامنصور