سكريبت تاج السعادة (كامل) بقلم ريهام زيدان
*تؤمرى بحاجه تأنى ي ست الكل
ضحكت ـ اها اكلني
*ي تاج انا عندى شغل..
ـ هتاكلني ولا ماكلش ونرجع عند الدكتوره تاني
*لالا ابوس ايدك ، هتاكلي ايه
ـ اممم نفسي ف سمك
*ماشي هطلب
*لو سمحت السمك خلص ؟
\هوحضرتك عاوزه حالا مش قبل المغرب ؟؟
*لا احم عاوزه دلوقتي
/بإسم مين؟
فكرت ثواني وبعدين جاوبت *جرجس ميخائيل
/اه دقائق ي فندم والدليڤري يكون عند حضرتك
ـ الله يسامحك ي تاج
*ليه بقا
ـ خلتيني اقول للرجل بتاع السمك اني مسيحي عشان بجيب اكل ف نهار رمضان
*الله بقا ماكلش يعني مش انت اللي مصمم أفطر
ـ الدكتوره بتاعتك أكدت انك تفطري عشان صحتك مش احسن حاجه
*انا عاوزه اصوم ي حسام انا بجد مش مبسوطه
ـ معلش يومين بس زوقي معايا شهور الحمل دي
*انت بتاخدني علي قد عقلي
ضحك ـ اعمل ايه طيب
*انا رايح الشغل محتاجه حاجه ؟
ـ اه خليك معايا
*معلش ي حببتي في عميل مهم مستنيني ف المكتب قبل الفطار هبقي عندك نفطر سوا
ابتسمت ـ ماشي ي حبيبي
صلو علي النبي ...
عدا اسبوع وصحتي اتحسنت
ـ انت نازل ي حسام ؟
حط برفانه والتفتت ليا *اه ي حببتي عندى شغل مهم
قعدت ع السرير بإحباط ـ دا انت مكملتش ساعتين ف البيت وانا عملت فشار وحضرت فيلم
باس خدى *اسف ي روحي ساعتين وجاي
*كل مره تقول كدا وترجع الفجر
ـ لا لا باذن الله مش هتاخر ساعتين ي روحي
صوتي بقا عالي شويه *انا مبقتش مستحمله شغلك دا ي حسام لازم تعرف أن زوجتك وليا حق عليك ولازم تقضي وقت معايا انا مش متجوزه الشقه فاضيه
رفع حاجبه ـ وانا يعني مبسوط بسحلتي ف الشغل دا مهو كله عشان وعشان ابنك اللي ف بطنك
قاطعته *اهو انت قولت بنفسك لسا ف بطني يعني مش هيتجوز بعد اسبوع يعني عشان طول الليل وطول النهار ف الشغل
ـ تصدقي انتي ست معندكيش دم وكنت هروح ساعتين الشغل اقابل ناس واجي لكن بكلامك دا انا مش بايت معاكي
سابني وخرج وانا قعدت أعيط
غبيه بدل ما اخليه يفضل معايا اهو حتي مش هيرجع البيت بعد ما يخلص بس غصب عني حاسه بوحده فظيعه
مسكت الفون وحاولت اتصل بيه بس كنت متضايقه منه ف مقدرتش
بعتله رساله : حقك عليا ممكن تيجي البيت
بعتها ومسحتها تاني وقتها اتصل بيا
ـ انتي كويسه
*اه قصدي لا انا تعبانه
ـ مالك حاسه ب ايه
*اها تعبانه عشان زعلتك انا اسف ي حسام
ـ حرام عليكي يا تاج اللي بتعمليه فيا دا انا وسط ناس سيبتهم وخرجت وكنت جايلك
*حلو دا تعالي بقا
ـ بطلي دلع ي تاج انا عندى شغل اديني ساعه وهاجي
*يعني هتيجي بجد ومش زعلان مني
ـ لا ي ستي انا مبزعلش منك ابدا ارتاحي ي حببتي وانا هخلص شغلي واجي
قفلت الفون وحطيته جنبي
دخلت المطبخ صبيت عصير وقعدت اتفرج ع التلفزيون لوحدي بس كنت متضايقه اوى أنه مش بيشاركني اي حاجه حلوة الحياه اتحولت لشغل بس هو موجود كام ساعه أغلبهم نايم
طلعت البلكونه وقعدت علي الكرسي
بمجرد ما قعدت ف الهوا عنيا دمعت وقتها أمينه جارتي كانت بتلم الغسيل بتاعها فوقفت وقربت من سور البلكونه
"مين اللي مزعلك ي جميل
مسحت دموعي ـ مفيش ي حبيبتي
"قطعوا الرجاله دايما كدا وش النكد
ـ ليه بتقولي كدا
" المخفي جوزى نايم بقاله 6 سعات تقوليش كان بيشتغل في الفاعل رغم أنه شغله حكومي وبيرجع بدري
بصت لها باستغراب ـ وانتي متضايقه أنه قاعد معاكي
"اكيد ،نفسي يزود داخله شويه يشوف شغل بعد الضهر لكن البعيد مفيش عايز ينام وخلاص ، العيال بتكبر محتاجه كل قرش زياده
عضيت عن شفايفي باحراج محدش عاجله حاله ابدا
ـ امم ربنا معاكي ي أمينه
دخلت وسيبتها وانا بضحك لو قولتلها جوزى مبيقعدش معايا اصلا وطول الوقت بيشتغل هتقولي بدلي جوزك بجوزى
من بعد اليوم دا وانا حاولت اتأقلم وبطلت اتخانق مع حسام بسبب شغله
حاولت اشغل نفسي واتعلم حاجه مفيده واقرأ قرءان واحاول احفظ اللي اقدر عليه ف بس كنت فخوره بنفسي وحاسه بالانجاز
(واصبر وماصبرك الا بالله ولا تحزن عليهم ولا تكُ في ضيق مما يمكرون )
عدت فتره صعبه ف الحمل كنت بروح للدكتوره كتير واتحجزت ف المستشفي كنت بفضل أردد ف ايات القرءان اللي حفظتها
دموعي نزلت ـ انت دفعت فلوس كتير اوى
باس راسي *معنديش اغلي منك فداكِ الدنيا كلها ،قومي بس بالسلامه وتهون الدنيا كلها
عيطت اكتر * خايفه البيبي ...
ـ ششش متكمليش خلي عندك حسن ظن بالله البيبي هيجي بالف خير وانتي هتبقي كويسه انا متاكد ربنا مش هيخزلنا
وقد كان الحمدلله قومت بالسلامه وربنا رزقنا ب "أيات" وحسام وزع مع السبوع صدقات كتير كنت فرحانه بيه اوى وهو بابا جميل وحنين وفرحان ب بنوته اللي خلته يقضي وقت غصب عنه ف البيت عشان بس يفضل جمبها
كنت ببخر البيت وسامعه حسام بيقرأ قرءان وواخد ايات ف حضنه بينيمها واظن مفيش بعد المنظر دا أماني غير إن ربنا يحفظهم ليا
تاج السعاده ♥️
ريهام زيدان ❤️
تمت ❤️