رواية شهد حياتي الفصل السادس 6 بقلم جمال المصري
بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
#شهد_حياتي
#الحلقه_السادسه
سيف .. يوم الجمعه هكتب علي شهد
ليلي .. اتصدمت والكلام نزل عليها زي الصاعقه انت بتقول ايه
سيف .. ابويا تعبان وانا مش هقدر ارفض له طلب يا ليلي
ليلي .. يعني هتسمع كلام ابوك وتبيعني انا يا سيف انا الي حبيتك وكنت كل دنيتي
سيف .. مين قال كده انا عمري ما هسيبك مهما حصل ده جواز كده وكده عشان ابويا
ليلي .. فيه حاجه اسمها جواز كده وكده
سيف .. ايوه انا وشهد اتفقنا اننا هنعيش اخوات
ليلي .. وانا المفروض زي العبيطه اصدق صح
سيف .. حبيبتي انا عمري ما كدبت عليكي كلها مسالة وقت ونتجوز انا مقدرش اعيش من غيرك
ليلي .. بتمثل انها بتبكي انا بحبك عشان كده هصدقك
سيف .. وانا كمان بحبك يا لولو ومهما حصل مش هتخلى عنك
ليلي .. خايفه الشيطان يغويك وهي معاك
سيف .. حتي لو ده حصل شهد مستحيل توافق انا عارفها دي عنديه اكتر مني وهي مش شايفاني غير اني اخوها
ليلي .. وطبعآ انا معزومه في كتب الكتاب والفرح
سيف .. لا انا عارف انه هيكون صعب عليكي عشان كده بلاش
ليلي .. بالعكس انا لازم اكون جنبك في كل حاجه وانا كده كده هاجي مع الزملاء بصفتي زميلتك
سيف .. خلاص زي ما تحبي بس مش عايز اي مشكله فاهمه مش عايز ابويا يحس بحاجه او يزعل بسببك
ليلي .. ما تقلقش انا مستحيل ازعل حمايا المستقبلي
منه .. بترن علي شهد
شهد .. السلام عليكم
منه .. وعليكم السلام ورحمة الله وبركاته ايه يا شهد لا رنه ولا سؤال
شهد .. معلش يا منه مشغوله شويه
منه .. يعني فعلآ خلاص هتتجوزي
شهد .. ايوه عمي عايز كده
منه .. فيه حاجه اسمها عمي عايز كده وانتي فين من ده كله
شهد .. انا عمي هو كل حياتي هو الي غمرني بحبه وعطفه بعد ما ابويا وامي ماتوا بقي بنسبالي بابا وماما وكل حاجه
منه .. بس
شهد .. بتقاطعها ما فيش بس ايه مش هتوقفي جنبي في كتب الكتاب والفرح
منه .. ايه الي بتقوليه ده احنا اخوات من بكره معاكي لحد الفرح وانا ليا غيرك يا شهود
شهد .. ربنا ما يحرمني منك يارب
منه .. ولا منك يا حبيبتي يلا اسيبك دلوقت ومن النجمه هكون عندك
شهد .. هستناكي يا حبيبتي يلا سلام
منه .. سلام
بيعدي الوقت وبيعمل سيف كتب الكتاب في المسجد وبحضور كل الاهل والزملاء الرجاله في المسجد وللسيدات في الفيلا
المحامي .. بيكتب الكتاب في المسجد الف مبروك
سيف .. الله يبارك فيك يا شيخنا
المحامي.. ممكن تيجي معايا عشان نمضي العروسه
محمد .. اتفضل معايا يا شيخنا انا جاي معاك
المحامي .. اتفضل يا حاج
محمد .. بيدخل الفيلا وبينده علي شهد الي بتكون قاعده في الكوشه
شهد .. نعم يا عمي امضي علي عقد الزواج
المحامي .. انتي موافقه علي الزواج من سيف محمد
شهد .. موافقه
المحامي .. اتفضلي امضي هنا
شهد .. حاضر وبتمضي
المحامي .. الف مبروك
شهد .. الله يبارك فيك
منه .. الف مبروك يا حبيبتي وبتحضنها
شهد .. الله يبارك فيكي وعقبالك يا حبيبتي
سيف .. بيدخل وبيمسك ايد شهد وبياخدها وبيقعده في الكوشه مبروك يا شهد
شهد .. الله يبارك فيك
ليلي .. بتدخل و تسلم علي سيف الف مبروك يا عريس
سيف .. الله يبارك فيكي يا ليلي
شهد .. بتبصلها من فوق لتحت
ليلي .. بتبص لشهد مبروك يا عروسه
شهد .. بترد بقرف شكرآ
ليلي .. بترجع تبص لسيف عقبال فرحنا
سيف .. بيوقف تعالي اعرفك علي الحاج
ليلي .. ماشي وهي بتبص لشهد من فوق لتحت
سيف .. بابا اعرفك بزميلتي ليلي معيده معايا في الجامعه
محمد .. اهلآ يا بنتي اتفضلي ارتاحي وانت ما ينفعش تسيب عروستك
سيف .. حاضر يا بابا وبيرجع يقعد جنب شهد
شهد .. هي ايه اللي جيبها هنا دي
سيف .. ما تنسيش انها زميلتي يعني كان لازم اعزمها
شهد .. ماشي يا سيف بيه
سيف .. اهدي يا شهد وعدي النهارده علي خير
شهد .. ماشي مش هتكلم عشان عمي بس مش عايزه اشوف امنا الغوله دي تاني
سيف .. ابتسم غوله دي قمر الجامعه
شهد .. بتقول ايه
سيف .. ولا حاجه بقول هي فعلآ غوله
شهد .. بتحاول تقوم
سيف .. بيمسك ايدها اقعدي رايحه فين كده عمك هيحس ان فيه حاجه
شهد .. اقسم بالله لولا عمي لكنت ولعت فيها وفيك
سيف .. ماشي الحمد لله ربنا يحفظ ابويا عشان يحمينا من جنانك
منه .. بتقرب من شهد في ايه الناس بتبصلك اهدي متعصبه ليه
شهد .. مش متعصبه انا
منه .. مالك يا بت ده الناس اخدة بالها ان وشك مقلوب زي ما تكوني مغصوبه علي الجوازه دبه
شهد .. عايزه اقوم اجيب البت دي من شعرها
منه .. اهدا يا ابراهيم الابيض
شهد .. ربنا يعدي الليله دي علي خير
سيف .. هتعدي ان شاء الله بس اهدي
شهد .. مش عايزه اشوف ام اربعه واربعين دي خليها تمشي من قدامي
سيف .. حاضر هخليها تمشي بس اهدي منه خلي بالك من صاحبتك وبيقوم وبيقرب من ليلي وهو بيحاول يكون مبتسم يا ليلي كفايه كده وامشي
ليلي .. ايه من دلوقت هتمشي كلامها عليك
سيف .. مش وقت الكلام ده يلا بدل ما تحصل مصيبه ووقتها عمري ما هسامحك
ليلي .. وعلي ايه انا ماشيه وبتقوم وبتبص لشهد وبتعملها باي باي وبتمشي
سيف .. بيرجع يقعد جنب شهد تمام كده ارتحتي
شهد .. ليلتك سوده يا سيف النهارده بس الناس تمشي
سيف .. ماشي يا شهد بس ابتسمي عمك هيلاحظ
منه .. وحدي الله يا شهد
شهد .. لا إله إلا الله سيدنا محمد رسول الله
منه .. ايوه كده شطوره
وبيعدي الوقت والكل بيروحوا وبيدخل سيف وشهد من الجنينه للفيلآ جوه ومحمد معاهم
محمد .. الف مبروك يا ولاد
شهد .. الله يبارك فيك يا عمي
سيف .. الله يبارك فيك يا بابا
محمد .. انا تعبت اوي وهطلع ارتاح
شهد .. مالك يا عمي انت بخير
محمد .. ايوه يا شهد ما تقلقيش
شهد .. تحب اوصلك
محمد .. ما فيش داعي تصبحو علي خير
الكل .. وانت من اهله
سيف .. تصبحي علي خير
شهد .. رايح فين يا باشا
سيف .. شهد خلاص الي حصل حصل وانا اسف
شهد .. انا وفقت ومش فارق معايا تتجوزها او لا بس المهم ما شوفهاش
سيف .. انتي بتغيري عليا
شهد .. ارتبكت وغير ليه عليك انت ولا تفرق معايا انا بس زعلانه علي كرامتي
سيف .. ما فيش حد يقدر يجي علي كرامتك يا شهد وانا مستحيل اسمح بكده
شهد .. تسمح او لا ده ما يهمنيش انا قادره ادافع عن كرامتي اكتر من اي حد
سيف .. ماشي يا عم ابراهيم الابيض علي راي منه
شهد .. انت عايز تموت وبتجري عليه
سيف .. بيطلع جري علي اوضه وهو بيضحك
شهد .. هتروح مني فين يا بتاع ليلي وبتطلع علي الجناح بتاعها
والايام بتعدي وسيف مش بيروح الجامعه وشهد ومنه بيجيبو الحاجات الناقصه واوقات كتير بيكون معاهم سيف ومحمد كان سعيد جدآ انه خلاص هيطمن علي شهد وسيف ويجي يوم الخميس بسرعه وبيكون محمد في قمة سعادته وشهد وسيف مش عارفين هيعرفه يعيشو ازاي مع بعض بس الي مريحهم ان هما متفقين انهم هيكونوا زي الاخوات والكل سعيد ومبسوط والفرح بيخلص وسيف بياخد شهد وبيطلعه علي جناحهم وبتقعد شهد علي السرير وهي مرتبكه اول مره تقعد هي وسيف في اوضه لوحدهم
سيف .. بيقرب منها
إلي اللقاء في الحلقه السابعه
#عباد_الله_وحده_الله