سكريبت نسرين ونبيل (كامل) بقلم امل بكر
قعد جمبي علي الكنبه وهو بياكل من اللب الي باكل منه
اتكلم وهو باصص علي الشاشه،
-هتفضلي مدياني بوز ده كتير
رديت وانا باكل من اللب بغيظ،
-ملكش دعوه بيا مش انا قولتلك لو مروحتش الفرح معتش تكلمني وانت طنشتني ودخلت الاوضه يبقي معتش تكلمني
ابتسم بهدوء وهو بيقرب مني ،
-خلاص ياستي حقك عليا مكنش قصدي اطنشك بس عارف لو قولت كلمه هتعلقي وهنشد انا وانتي وانا كنت مضايق ومكنتش عايز اتعصب عليكي
رفعت كتفي بضيق ،
-لا يا نبيل انا مضايقه و اوي كمان كنت عايزه اروح الفرح هي عزمتني وقالتلي هستناكي
-يانسرين فرح اي بس الي اخر الدنيا عايزه تسافري علشان فرح!!! وكمان لوحدك انتي عارفه كويس ان مينفعش وكمان انتي اصلاً عمرك ماسافرتي لوحدك يبقي هتسافري دلوقتي وعلشان اي فرح!!!
-بلاش تحجج انا قولتلك تعالا معايا انت الي مبتحبش تروح معايا في حتي
ضحك بهدوء،
-بلاش كذب بس علشان انا بنزل معاكي وبروح معاكي بس لاجل خاطرك معأن اوقات يكون عايز انام من تعب الشغل
بصتله وانا بسأله بزعل طفله،
-يعني انت بتيجي علي نفسك ومبتكنش عايز تيجي معايا
شدني بحضنه وهو بيبتسم،
-انا بقول اي وانتي بتقولي اي
ابتسمت بهدوء وقولت ،
-طب خلاص سيبني اقوم احطلك الاكل
طلعني من حضنه وهو بيبصلي ،
-اخيراً هترضي عني وتأكليني
-بلاش تمثل هو احنا لسه متشاكلين امبارح بليل
-انا متشاكلتش انتي الي بتتشاكلي مع نفسك
رفعت حاجبي ،
-لا والله تقصد بكلامك اني مجنونه يانبيل
رجع قصتي ورا ودني وهو بيقول ،
-لا ياقلب نبيل انتي احلا بنت شوفتها
بكسوف ،
-مرسي ياحبيبي
ضحك علي ضحكتي علي اقل كلمه هو بيقولهالي ،
-طب دلوقتي ليه زعلانه
-بصراحه مش اوي بس انا حسيت انك عايز تتحكم وخلاص يانبيل
-لا والله ابداً مفكرتش كده بس انا فعلاً هخاف عليكي مقدرش اسيبك تروحي وانا ورايا شغل وصحياني بدري فامكنتش هعرف وتعرفي كمان انا عرفت ان الافراح حرام وعايز نخففها شويه من حياتنا وبعد كده ان شاء الله معدناش نروح علشان اولادنا لما يجو يعرفو ويتعلمو مننا الحرام من الحلال
-الافراح حرام تقصد علشان الاغاني يعني ؟!!
هز راسه بإيجاب وهو بيبصلي وبيشرحلي ،
-الاغاني والاختلاط بين الولاد والبنات واقصد هنا يعني الولد لما بيبص علي البنت والعكس والعروسه وهي حاطه ميكب والكل شايفها بكامل زينتها والذنوب الي العروسه والعريس بيخادوها بسبب كميه الناس الي في الفرح
-بس العريس والعروسه مالهم يانبيل يعني هنا مقالوش لحد بص ولا اي حاجه
-ازاي بس يانسرين هما سبب الفرح يعني ينفع تشغلي اغاني في بيتك وتقولي انا مليش دعوه بالي هيسمع لاء طبعاً هتاخدي ذنبه لانك انتي الي فتحتي باب المعصيه
سكت وانا ببصله وقولت بحزن،
-يلهوي يانبيل يعني دلوقتي احنا اخدنا ذنوب قد كده بسبب فرحنا
مسك ايدي ،
-بس احنا وقتها مكناش مدركين حجم المعصيه يعني تعرفي انا كنت عارف انه حرام بس مش للدرجه دي معصيه كبيره اوي يانسرين وده حاجه وحشه يعني احنا كبشر بنبقي عارفين انه حرام وبنعمله برده وبتقول هنتوب بعد لما نخلص طب افرضي موتنا وملحقناش نتوب هنعمل اي وقتها خلاص مفيش فرصه ونرجع للحياه تاني الموضوع كبير اوي واحنا بنستأل بكل حاجه والله
اتكلم تاني ،
-وتعرفي بقي الكسفه الي بجد اني انتي لو توبتي لربنا بصدق وبجد ربنا هيغفرلك ذنوبك بالله عليكي فيه احلا من كده
هزيت راسي بنفي وانا دموعي بتنزل علي خدي من تأثير الي عرفته من نبيل،
-انا خايفه اوي يانبيل انا كده عملت حاجات كتير حرام
-كلنا عملنا بس هنتوب وبأذن الله مش هنرجع ابداً ابداً يانسرين انا وقعت انتي تفكريني انتي وقعتي امسك ايدك ونكمل طريقنا احنا لازم نفوق علشان اولادنا الي عايزين نربيهم صح وعلشانا كمان
مسحت علي عيني وانا بسأله،
-ان شاء الله ياحبيبي طب وانت عرفت كل الكلام ده منين ؟!
ابتسم بهدوء وهو بيحكيلي،
-انهارده في الشغل واحد صاحبي بيعرفنا انه هيتجوز وكده فأسألته وقولتله طب فين القاعه ولا المكان ياعم مش هتعزمنا ولا اي !!!
فارد ببساطه لا انا مش هعمل فرح هنطلع عمره بأذن الله
فا بصراحه كلنا بصناله وقولنا اي ياعم جو الشيوخ ده اعمل ياعم فرح وانبسط ده يوم في العمر
رد بحاجه وجعت قلبي ،
-وانا ممكن اموت في اليوم ده وابقي علي ذنب ومحدش فيكم هيجي يتحاسب بدالي !!
كلنا سكتنا الصراحه ومعرفناش نرد فتكلم تاني
-وبعدين ياجدعان في اي يعني لما نبقي شيوخ هو احنا نطول ياريت والله كلنا نبقي شيوخ
فاانا وكذا واحد متجوزين سألنا،
-هو الفرح حرام ؟!!
رد بهدوء
-اه طبعاً هشرحلكم
بس كده وبدء يعرفنا حرام لي وكميه الذنوب الي بناخدها بسببه بصراحه انا عقلي وقف وقولتله
-طب انا عملت فرح منكرش اني كنت عارف انه حرام بس مش للدرجه
رد عليا وهو بيضبطب علي كتفي،
-وانا نبهتك اهو وليك فرصه تتوب وتطلب من ربنا المغفره بس اهم حاجه تكون وتبعد فعلاً عن اي حاجه بتغضبه
-بس كده ياستي
-ربنا هيغفرلنا ان شاء الله صح
-بإذن الله طبعاً ربنا غفور ورحيم بالعباد
-طيب انا هقوم احط الاكل وبعدين نكمل كلام
-ماشي هدخل اخد شاور تكوني خلصتي
-ماشي
(عدت الايام والحمدلله انا ونبيل بنحاول وربنا بيعنا لاننا منقدرش نعمل اي حاجه من غير تساهيل ربنا سبحانه وتعالي انا اتغيرت من وقت ما نبيل قالي ان فيه حاجات بنعملها حرام وانا من وقتها بسمع بودكاست ولما هو بيرجع من الشغل بخلي يسمع معايا والحمدلله فضل من ربنا بقينا احسن بكتير حتي اهالينا استغربو ولكنهم فرحو بتغيرنا الي اكيد حلو اوي )
نبيل قالي انه هيجي من الشغل انهارده وبعديها هنتمشي انا وهو علشان بقالنا كتير منزلناش
وانا قمت بدري بحماس ورتبت البيت وشغلت بخور وشغلت كمان القرأن وفطرت وصليت وشويه وبدأت اعمل الغدا وانا بسمع بودكاست وعي
شويه ونبيل دخل البيت دخلي المطبخ وانا لفيتله وانا مبتسمه باسني من خدي وبعدين دخل ياخد شاور
اكلنا الحمدلله وشيلت الاكل
-يلا ادخلي غيري وانا كمان
ابتسمت بحماس وانا داخله الاوضه،
-ماشي
طلعت وانا لابسه النقاب كنت حاسه بشعور حلو اوي اوي كمان مره حاسه براحه حاسه اني اخترت الطريق الصح حاسه بحاجات كتير حلوه اوي ياجماعه
كان قاعد علي الركنه بيتكلم في الموبايل ولا وشه صدفه لاقني واقفه وانا مستنيه رد فعله اي
لقيته يلم وقال لصاحبه ،
-اقفل دلوقتي يامعاذ هكلمك تاني
حط الموبايل في جيبه وهو بيقربلي وبيبص عليا وكأنه بيتأكد
اتكلم بابتسامه واسعه،
-بتهزري صح!!!
ضحكت وقولت ،
-ايداً والله اي رائيك ؟!
-تحفه اوي بتجربي ولا لبستي بجد ؟!
-لا لبسته بجد ادعيلي بالثبات
قربني منه برفق وحضني وقال،
-ربنا يثبتك ياحياتي شكلك حلو اوي لا انا غيران كده
ضحكت،
-بجد حلو؟!
-اه والله تحفه
-شكراً يانبيل انت السبب في تغيري بعد ربنا
-انتي جبتي امتي متقوليش نزلتي من غير ما اعرف
-لا طبعاً انزل ازاي من وراك مكروه طبعا المره الي نزلت مع اختي فيروز جبته ووكنت هموت واقولك بس قولت خليها مفجأة عجبتك مش كده
-دي احلا مفجأة والله يانسرين
-طب يلا بينا ننزل بقي عايزه اتصور انا وانت
-يلا
(بعد شهر الساعه ٢ بليل )
قعد علي الركنه وانا ماسكه تيست الحمل وانا مش مصدقه وعماله ارجع شعري لورا وانا بضحك ببلاهه
لقيته صحي ودخل المطبخ يشرب وبعدين قعد جمبي
-انتي منمتيش كل ده لي
ابتسم بهدوء وانا ببصله،
-نبيل انا حامل
فضل باصصلي شويه وبعدين قرب عليا وهو بيضحك،
-بجد ؟!!
هزيت راسي بايجاب،
-بجد
حضني وهو عمال يمسح علي شعري،
-الحمدلله الحمدلله
نبيل من وقتها وهو مهتم بيا جامد ومبيخلنيش اعمل حاجه نهائي
عدي فتره الحمل علي خير واجي يوم ولدي كانو بيجهزوني علشان هدخل لاوضه العمليات كنت مرعوبه بس كنت عارفه ان ربنا معايا
الممرضه اجت اخدتي لاوضه العمليات وهو مسندني لاخر خطوه قرب مني وباسني من خدي وقال
-متقلقيش هتقومي بالسلامه انتي وحبيت قلبي
فتحت عيني وانا علي السرير بعد لما ولد وطلعوني لاوضه عاديه لقيت نبيل جمبي واهلنا قاعدين بس بعيد
مسح علي وشي برفق وقال،
-انتي كويسه
هزيت راسي ونطقت بهمس وتعب،
-الحمدلله
-هتسميها اي بقي ؟!
ابتسمت وقولت بهدوء ،
-نورين حلو
-اكيد حلو مش انتي الي قولتي نربيها في سلام يارب ياحبيبتي
-يارب
<<<<<<<<<<<<<<<<<<<<<<<<<<
النهايه
#أمل_بكر🎀
تمت