رواية من اول نظرة الفصل الثاني 2 بقلم ياسمين رضا

رواية من اول نظرة الفصل الثاني 2 بقلم ياسمين رضا

لبست الاسدال واول ما فتحت الباب كنت فحاله صدمه 

_هو انت.. 

=هو انتى..

_ ايه اللي جابك هنا كمان ميكونش دا بيتك وانا معرفش.. 

= ايوه فعلاً دا بيت أمى.. 

_ امك مين يا بنى هو انت ماشى ورايا ولا ايه انا كل لما اروح فى حته تيجى ورايا هو فى ايه.. 

= اهدى شويه على نفسك يا شطره هو انتى مفكره نفسك ايه علشان  آجى وراكى هو انا ليه حاسك مفكره نفسك حاجه مهمه وفعلا دا بيت امى زى ما قولتلك..

جت خالتى على صوتنا العالى 

"فى ايه يا ولاد..

_مين دا يا خالتى..

= مين دى يا ماما..

_ انتى خلفتى امتى يا خالتى 

وكملت بسخريه : 

بقى كدا يا خالتى متعزمنيش على السبوع..

احترمى نفسك يابنت 

" خش يا حمزه يا حبيبى..

_حمزه وحبيبك مين دا يا خالتى حد يفهمني حاجه..

= انا اللى مين ولا انتى اللى مين..

"باااااااااااس اسكتو انتو اللى اتنين 

اعرفك يا حمزه دى بنت اختى مليكه

مليكه دا حمزه بن جوزى وانا اللى ربيته فبيعتبرنى امه وانا بعتبره ابنى

بعتبره ايه دا إبنى حبيبى  وهو لسه جاى من السفر ومتخافيش هو ليه شقه فوقينا...

بصينا لبعض بقرف وبصراحه يا جماعة مكنتش طايقاه وهو كمان كان باين عليه انو مش طايقنى فعلا سبحان الله من القلب للقلب 

~~~~~~~~~~~~~~~~

صلى على محمد♡⁩ 

سبتهم ودخلت الاوضه اللى بنام فيها علشان يقعد مع خالتى لانى مينفعش اقعد معاهم لإنى هبقى قليله الذوق فعلا وكمان مينفعش اقعد معاه لانه اجنبى عنى دخلت اتوضيت وصليت المغرب لانه كان لسه مأذن 

صليت وبعد ما صليت قعدت اذاكر لحد ما العشاء اذنت صليتها وخرجت علشان اشوفه مشى ولا ايه 

روحت لخالتى :

ها يا خالتى مشى..

"ايوه يا حببتى من قبل العشاء بشويه..

_الحمدلله..

" بقى هو دا اللى خبط فيكى يا بت..

_ ايوه هو..

" بقى دا قليل الذوق..

_ ايوه..

" بتقولى على تربيتى قله ذوق طب تعالى هنا..

ملحوظه 

{ خالت مليكه مبتخلفش فدا اللى كان مخلى مليكه مستغربه وجود حمزه لانها مكنتش تعرف ان جوز خالتها عندو ابن اصلا لانها مكنتش بتجيب سرته قدامها}

فضلنا نهزر مع بعض شويه لحد ما سألت خالتى وقولت :

غريبه يعنى يا خالتو..

" ايه هو اللى غريب..

_انا عمرى ما شوفتك بتجيبى معاكى خالص لما كنا بنتجمع..

" علشان عمك محمود مكنش بيوافق اخدو معايا فاى تجمع عندنا..

_ اها قولتيلى..

------------------------------------

سبحان الله ✿⁠ 

قاطعنا صوت خبط على الباب والحمد لله كنت لابسه الاسدال فتحت الباب  واللى كان جوز خالتي دخل وخالتي حضرت العشا وانا حضرت السفره وحطيت الاكل  ولسه هقعد  سمعت صوت خبط على الباب تانى قومت افتح لان انا اللى كنت قريبه من الباب روحت افتح 

واللي كان هو  فتحت الباب ودخلت وسبت الباب مفتوح دخل وسلم على خالتى وباباه وانا قاعده كاني مش واخده بالي لحد ما جوز خالتي اتكلم وقال :

أحب اعرفك يا مليكه حمزه ابنى..

_ايوه يا عمى منا عارفه..

باستغراب :

عارفه عارفه منين..

_ها..

= لأ اصل يا حاج حمزه يبقى دكتور مليكه فى الجامعه وجه يسلم عليا الصبح فكانت موجوده فعرفت يعنى..

''''' اه تمام سمو الله وكلو..

كلت حاجه بسيطه وقومت

" انتى كدا كلتى يا مليكه..

_اه الحمدلله يا خالتى..

"'''متقعدى  تاكلى يا بنتى..

_شكرا يا عمو شبعت والله..

دخلت الاوضه بتاعتى وقلعت  الاسدال  اخيرا ودخلت نمت 

`````````````````````````````````````````````

استغفر الله واتوبُ اليه ⁦⁦˙⁠❥⁠˙

صحيت تاني يوم على اذان الفجر صليته 

وراجعت الورد بتاعي 

ولبست علشان اروح الجامعه خرجت من الاوضه وروحت ناحيه خالتي لقيته قاعد بيفطر تجاهلته   وقعدت جنب خالتي وقولت :

_صباح الورد..

"صباح الخير يا حببتى..

''''' صباح النور..

فطرت وقمت علشان اروح الجامعه 

_الحمدلله 

" انتِ لحقتى تفطري وامبارح برده ما تعشيتش حلو..

_ اه الحمد لله يا خالتي ولو جُعت هبقى افطر مع صاحبتى فى  الكفتيريا..

وقبل ما مشى وقفنى جوز خالتى وهو بيقول:

استني يا مليكه حمزه هيوصلك معاه مش انتوا الاتنين في نفس الجامعه صح ولا ايه..

بلعت ريقي بصعوبه وهو اول ما سمع الكلام ده شرق..

_صح بس معلش يا عمو اصل انا مستعجله شويه وبعدين يعنى ميصحش..

"" ما يصحش ازاي يعني..

_ ها ا..اصل انا هروح انا وواحده صاحبتي مع بعض..

"" وايه المشكله يعني يخدك انتى وهيا..

كنت بحاول اهرب لكن مفيش مفر لحد ماهو اخيرا اتكلم وقال :

مش هينفع يا بابا اصل انا هوصل واحد  صاحبى  معايا..

عمو رد عليه بصرامه :

خدهم معاك وهم يقعدوا ورا وصاحبك دا يقعد قدام..

حاولنا بكل الطرق نقنعه ولكن ما فيش فايده فاضطرينا نوافق

نزلت وركبت معاه العربيه وطول الطريق كنا في صمت تام لحد ما وصلنا وطلع مش معاه واحد صاحبه زىَّ ما قال طلع كان بيتحجج زيِّ

سلمت على ملك وكنت مكشره 

ملك : في ايه مالك.. 

_عارفه دكتور حمزه.. 

=ايوه ماله دايقك تانى..

_لأ ياريت..

=امال ايه..

_طلع يبقى ابن خالتي...

=ما تهزريش..

_والله ما بهزر..

=عرفتى ازاى..

_لا دي حكايه طويله هحكيلك بعدين..

قضينا اليوم وروْحت انا وملك ولما روحت صليت فروضى  وكلمت ماما وبابا وقعدت مع خالتي شويه..

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

صلى على محمد★★★

﴿ بعد اسبوعين ﴾

كان الروتين اليومي بتاعي زي ما هو  لحد ما جه اسوء خبر فحياتى كان يوم رجوع ماما وبابا من العمره

 صحيت من النوم مخنوقه جدا وقلبى واجعنى تجاهلت الشعور دا وانا حاسه ان فى حاجه هتحصل النهارده حاولت اتفاؤل لإن ماما وبابا راجعين النهارده ان شاء الله اخيرا 

روحت عند خالتى وقعدت جمبها :

_صباح الاناناس على احلى الناس..

=صباح النور يا حبيبتي ملبستيش علشان  تروحي جمعتك ليه..

_هقعد النهارده علشان خاطر ماما وبابا جايين وهم على وصول..

=لا يا حبيبتي روحي على ما هم يجوا يلا انت مش عندك محاضرتين بس..

_يا خالتو بقى..

= يلا يا مليكه..

_ حاضر يا خالتو..

قمت لبست وسمعت كلام خالتو ورحت المحاضره..

«««««««««««««««««««««««« 

لا اله إلا الله♡ ⁦

"آخر اليوم"  

ملك : مالك يا بنتي في ايه بتمشي بسرعه كده ليه..

_يا بنتي ماما وبابا النهارده جايين انا  فرحانه قوي..

= ربنا يرجعهم لك بالسلامه يا رب..

_ يا رب يا ملك..

= ماشى مع السلامه..

_مع السلامه..

طلعت وانا متحمسه جدا 

طلعت واول ما دخلت كنت فحاله صدمه........

يتبع...

~~~~~~~~~~~~~~~~~~~~~~~~~

ايه رايكم في البارت ﴿ ٢ ﴾

يا ترى مليكه شافت ايه وايه الحصل

#من_أول_نظره.

            الفصل الثالث من هنا