رواية من اول نظرة (كاملة جميع الفصول) بقلم ياسمين رضا

رواية من اول نظرة (كاملة جميع الفصول) بقلم ياسمين رضا 

_آه مش تحاسب يا كابتن... 

= أنا اللى حاسب ولا إنتى اللى ماشيه تخبطى فخلق الله...

بصتله بقرف وسبته ومشيت..

قال بصوت يكاد مسموع :

أي يارب دا أستغفر الله العظيم اما بنت قليله الذوق بصحيح...

لفيت ورجعتله تانى ورفعت صابعى قصاده ورفعت حاجبى وقلتلو : 

هى مين دى اللى قليله الذوق على فكره اللى بيشتم حد من غير ما يعرفه بيكون هو اللى كده..

بصلى بصدمه اللى هو ازاى اصلا انا رجعت عنده كان مفكر انى همشى 

سبته فى وسط صدمته ومشيت بس بصتله من فوق لتحت وكانت النظره كافيه تعبر عن كل حاجه..

اه صح اعرفكم بنفسي 

{انا مليكه عندى ١٨سنه فأولى كليه التنسيق جالى في محافظة تانيه غير اللى أهلى فيها 

وخالتى فى نفس المحافظة اللى الكليه جت فيها فعلشان كدا اضطريت انى اقعد معاها وده بامر من امى علشان خايفه عليا من السكن الجامعى وكمان لانى وحيدة ماما وبابا }

المهم وصلت الكليه أخيرا ولحسن الحظ إن فى واحده صاحبتي جالها نفس الكليه بتاعتى ولحسن حظها ان  أهلها نقلو  هنا يا بختها بجد 

دخلت المدرج ولاقيت صاحبتى واللى كانت اسمها 

ملك..

_ ملوكه انا جيت..

ملك بسخريه :

حمدالله على السلامه يا هانم..

_ مالك يا ختى بتكلمينى من تحت ضرسك كدا ليه..

ملك بغضب خفيف :

والله يعنى هو مش إحنا اتفقنا إن إحنا نيجى بدرى شويه علشان نفطر سوى وانتى يا هانم ماشاء الله جيتى فالمعاد بالظبط...

_ والله كان غصب عني أصل أنا خبطت فواحد مستفــــز وانا جايه فللأسف اتأخرت...

= والله...

_ أه والله 

استنى هحكيلك اللى حصل..

وقبل ما اتكلم كلمه دخل شخص انا عارفاه كويس ومكنتش اتوقع انو يدخل اصلا..

ولسوء حظى كنت قاعده فاول بنش   

لان ملك كانت حجزالى جنمبها فالاول

وهو اول ما شافنى حسيت من نظرتُه اللى هو انتى تانى...

بدأ يتكلم وقال :

انا دكتور حمزه  

وقبل ما ابدأ فى قواعد لازم تمشو عليها 

انا بحب الالتزام يعنى لو مش هتذاكر  يبقى متحضرليش محضرات لان كل محاضره هسال على اللى فات واللى مش هيعرف يجاوب هيطرد بره 

تانى حاجه الالتزام 

يعنى تجيلى فمعاد المحاضره لان مفيش حد هيدخل   بعدى ومبحبش الكلام فى المحاضره

ومبحبش قله الادب وبصلى وكمل  ها فاهمين   بحب النظام تمام...

كل اللى فالمدرج ردوا وقالو :

تمام يا دكتور 

بعد ما خلصنا المحاضره بتعاته  خرجت انا وملك واتجهنا للكفتيريا واول ما قعدنا راحت ملك قالت:

والله دكتور زىَّ العسل..

رديت عليها بحده وضيق :

ملك انتى عارفه انى مبحبش الكلام فالمواضيع دى لانها ممكن تأدى لحجات احنا مش عايزنها وحرام كمان..

ملك : خلاص يا مليكه انا بحب انكشك

 ها محكتليش  ايه اللي حصل لما خبطى فالواد اللى اخرك

حكتلها اللى حصل ونهيت كلامى وانا بقول :

والله كان شخص مستفز وبارد  

 ولأ  ولمَّا كان بيتكلم فالمدرج بص عليا وقال مبحبش قله الادب 

لا ما شاء الله هو اللى مؤدب 

وكملت وانا بتريق 

هو مش انتى اللى ماشيه تخبطى فخلق الله.

بصراحه كنت متغاظه منه أوى قطع كل دا صوت من ورايا وهو بيقول :

لدرجادى شايله منى كل دا لأ وكمان حضرتك اللى غلطانه.

بصراحه يا جماعه انا اتخضيت اللى هو فى ايه مش معقول كدا بلعت ريقى بصعوبه وحاولت اوجد صوتى بس لاقيته اتكلم تانى وقال : 

ايه القطه كلت لسانك ولا ايه...

 اتوترت اكثر ما انا متوتره حاولت اتكلم  لكن ملك اتكلمت وقالت :

معلش يا دكتور هي تعبانه شويه اكيد  مش قصدها تقول على حضرتك انك قليل الذوق..

بصلها بصدمه  وانا كمان كنت فنفس الصدمه  اللي هو جيتى تكحليها عمتيها وبصينا لبعض ورجعنا بصينا عليها تانى  فاتوترت وقالت :

انا قصدي انها تقول انك...

وقبل ما تتكلم تانى قاطعها ووجه كلامه ليا وقال :

يا ريت تبقي تحاسبي يا آنسه مليكه  ما علينا

 يا ريت تركزى  في مذاكرتك وتسيبك  من  الكلام الفاضي والحكايات الفارغه دي علشان هتضيع مستقبلك..

قال  كده وسابني ومشي وبصراحه كده هو مسح بكرامتي الارض

          -----&&-----&&-----&&-----&&-----

 "اخر اليوم "

 خلصنا المحاضرات اللي علينا ومشينا  واحنا ماشيين اتكلمت وقلت :

لا بس ما شاء الله عليكى يا ملك خليت الراجل عايز يقتلنا وربنا يستر ومنسقطش فمادته...

=اهو اللى  طلع بقى الحق عليا  ان كنت بحاول انقذك من الاحراج اللي انت كنت فيه..

رديت بسخريه وقلت :

فعلا انقذتينى  فعلاً والراجل بدل ما كان زهقان بقى مولع..

=ما علينا اكيد كان بيتكلم جد ولازم نذاكر..

_لا احنا مش هنذاكر احنا هنبقى فشلا

هو انت بجد كويسه النهارده يا ملك ما الطبيعي لازم نذاكر علشان ننجح..

= خلاص يا مليكه انتى زهقانه عليا انا  النهارده ليه..

_ يعنى انتى مش واخده بالك من كلامك المستفز..

= خلاص يا ختى مع السلامه علشان وصلت بيتى خلاص ..

_ خلاص تمام يا ملوكه سلام اول ما روح هكلمك..

= تمام..

وصلت انا كمان ودخلت سلمت على خالتي  وحكيت لها اللي حصل معايا من اول ما خبطت في الدكتور لحد ما  وصلت البيت..

خالتى كريمه : بس غلط برضو مكنش المفروض تطولى معاه..

_ يا خالتي مهو اللى خبط فيا لأ وكمان بجح..

= بس انتى برضو غلطانه يا مليكه علشان طولتى معاه..

_ خلاص بقى يا خالتى دا نا كل ما افتكر احس ان انا نفسى اضرب نفسى بالجزمه..

ضحكنا انا وخالتى مع بعض قطع كل دا صوت موبايلي بيرن واللى كانت ماما..

ملحوظه 

{ والد ووالدتها  طلعو عمره وهيجو منها بعد اسبوعين}

_أيوه يا ماما وحشتينى أوى..

كارما مامتها :

وانتى كمان يا قلبي والله...

_انتى  عامله ايه  وبابا عامل ايه..

" بابا كويس يا مليكه اهم حاجه زاكرى كويس ومتتعبيش خالتك..

قولت ببراءه مصطنعه :

ليه يا ماما هو انا متعبه..

" حاشا لله حد يقدر يقول كدا دا انتى ست العاقلين..

ضحكنا انا وماما وادتنى بابا اسلم عليه

_ عامل ايه يا بابا وحشتنى..

= وانتى كمان يا روحى والله المهم انتى عامله..

_ ربنا يرجعك بالسلامه الحمدلله كويسه..

= يارب  مالك يا روحى ايه اللى مديقك..

_ يرضيك يا بابا ماما بتقول عليا مشاغبه..

= لأ ميرضنيش طبعا ازاى تقول عليكى كدا..

كارما انتى قولتى كدا لمليكه..

" هو انا اقدر يا حج دى ست البنات..

ضحكنا كلنا مع بعض

وقعدنا نتكلم شويه وبعد كدا فصلت  معاهم  وكنت لسه هكلم ملك سمعت صوت الباب بيخبط لبست الاسدال واول ما فتحت الباب كنت فحاله صدمه..

يتبع...

-------------------------------------------------------------

ايه رايكم في البارت { ١ }

يا ترى مليكه شافت ايه 

#من_أول_نظرة.

            الفصل الثاني من هنا