رواية دموع لا تجف الفصل الثالث 3 بقلم چيچي
صفيه... اطلبي عنيا التنين تاخديهم وعليهم الودن هديه ده انا اقلعهم كده واديهملك ولا لو جعانه اعملهملك بيض عيون عادي
نبيله... انا عوزاكى تتجوزى موسى
صفيه... موسى مين ليه كيف فين احيه
نبيله... موسى جوزى يا صفيه ركز معايا عاوزاكى تساعدينى على الموضوع.. هو خلاص نوا يتجوز امو بتزن عليه وكان بيسكتها بسمرا دلوك خلاص.. ولو انتى ما رضتيش هيجيب اى واحده وممكن تطلع مش كويسه انما انتى صاحبتى
صفيه... ومين قال انك هتفضلى صاحبتى بعد ما اتجوز جوزك ما انتى يمكن تكرهيني وتجيبيني من شعري صبح وليل
نبيله.. لا انا مش هجيبك من شعرك
صفيه... لا انا ما اقدرش اخد جوزك منك انا عارفه انك عشقاه وهو عاشقك..
نبيله... ايوه بس انا محتاجالك دلوك.. لان انتى لو ما وافقتيش هو هيجيب واحده تانيه وانا ما اعرفش التانيه اللي هيجيبها دي هتعمل ايه دي ممكن تاخده مني خالص
صفيه... ماشي انا موافقه عشان خاطرك انتى هحاول بقى وربنا يسترها..
وضمتها لعندها ونبيله بقت تعيط.. بعد يومين كانو بيكتبو الكتاب عندهم في البيت ونبيله كانت واقفه معاهم حطت ايدها على كتف موسى اللي بصلها بحزن ومضى.. وابتسمت بوجع لصفيه اللى بصيتلها وابتسمت هي كمان.. ومضت على العقد... والماذون والشهود مشيو وموسى وصفيه طلعوا اوضتهم... بخيته وقفت قصاد نبيله وقالت...
اخيرا عملتى حاجه زينه وفكرتى فعلا فى موسى مش فيكي
نبيله.. عارفه انا خليته يتجوز ليه مش عشان يجيب عيال لانه ممكن يجيب العيال ويموتوا... كل واحد بياخد نصيبه فردي بس الخلفه بتبقى من نصيب الاتنين سوا ولو مقسملو يخلف كان خلف معايا... بس عشان انتى ما تحطيش فى راسه فكره ان انا مش بحبه انا عارفه انك مش عايزاني من اول يوم انا جيت هنا فيه
بخيته.... ايوه ما كنتش عايزاكى عشان مش من بلدنا ولا عارفه عوايدنا لا بتعرفى تغسلى على يدك ولا عارفه تحلبى الجموسه ولا عارفه تعملي اي حاجه... واحده قابلها في الجامعه عجبته اتجوزها ليه يجيبها ويدخلها بيتي غصب انا امو وانا كان المفروض اخترله عروسه اكون انا عيزاها انا كنت ريداله صفيه من الاول بس هو شبط فيكى وادينى عملت اللي في راسي
نبيله.... ماشي مبروك يا حماتى وطلعت اوضتها وحطيت ايديها على وشها وقعدت على الارض وبقت تعيط وهى حاطه ايدها على بقها عشان ماحدش يسمعها... والايام بقت تمر عليها وبعد فتره كانت صفيه حامل وقاعده وجات بخيته وقالت....
ما تقومي يا بنت تعجني ولا انت مستنيه صفيه تقوم وهي حبله
نبيله... مش مستنياها تقوم بس انا مش عجنتي دى انا عجنت المره اللي فاتت... وبعدين انتى مش شايفه يدي مربوطه مش وقعت عليها اول امبارح
بخيته... ايوه دي الشمال اعجني باليمين.. انتى غيرانه اكمني صفيه حبله وانتى لاه عشان كده عايزاها هى تقوم بالخدمه عشان العيل يسقط وتقعد زيك خايبه من غير عيال
نبيله.. ايه الكلام ده يا حماتي عمرى ما تمنيت وضعى لحد
صفيه.. خلاص هقوم انا اعجن يمكن هى تعبانه
نبيله بضيق... مش يمكن يا صفيه انا تعبانه بجد على فكره يدي وجعاني وتعبانه
ومشيت بضيق وبقت تعمل العيش بعد شويه رجعت ولسه هتقعد بخيته قالت.. انتى هتعملى ايه
نبيله.. هقعد انا سحبت العيش من الفرن
بخيته.. تقعدي اه والعيش هيتاكل بايه قومى اطبخى
نبيله... يدى مربوطه هطبخ ازاى
بخيته... مش عندك يد تانيه اشتغلى بيها اعمليلنا شويه لحمه واعملي لصفيه شويه لحمه بشويه شوربه كده لحالها عشان تتقوت بيهم البت حبله لجل العيل يطلع قوى
نبيله راحت وبقت تطبخ وكان ده حالها لحد ٩ شهور عدوا كانت شبه خدامه بتخدمهم كلهم.. وفى يوم كانت بتكوى الهدوم اللى صفيه هتلبسها بكره فى ولادتها بس الباب خبط راحت فتحت ولقت ست فى الخمسين دى جليله جارتهم بس بعيده شويه قالت..
ازيك يا نبيله عايزاكي وياى
نبيله..... خير يا خاله في حاجه
جليله... اه عايزاكى في موضوع بس فى بيتى
نبيله اخدت طرحتها وقالت لبخيته..
انا طالعه هنا مع جارتنا خمسه وراجعه
بخيته.. روحى اصلا الهامله ما حدش يسال مالها
نبيله راحت مع جليله وقعدو
وجليله قالت... انا ما كنتش هقولك بس قولت لازم تعرفى.. انتى عارفه ولدى حسن هو هبيل انا قولت اوقفو فى الدكان بتاعنا يتعلم يبيع لجل يبقى عندو شغل لبعدين يصرف منو... وكنت عاوزه اعودو يوقف يبيع بس خايفه اسيبو لحالو اخوه في مصر جابلنا كاميره كدا قال نخطها هتجبلنا اللى بيحصل معاه عشان نشوفوا حياته بعدين هتبقى كيف... انا براجعها كل سنه وافضيها عشان الساحه بتاعتها ولا اسمها ايه دى دلوك بفضيها لقيت حاجه كده عايزاكى تشوفيها
نبيله.. حاجه ايه يا خاله قلقتينى
جليله ورتلها التليفون وقالت.... شوفي
نبيله بصت للفون بصدمه كبيره اما شافت بنتها سمرا ماشيه مع ست عند الترعه وماسكه شوكلا جابتهالها الست دى واديتها لها بعد كده سمرا والست وقفو على الترعه وبقت تفرجها على ضلها فى الترعه.. وسمرا بقت تقف وتعمل حركات بالضل بس الست زقت سمرا فى الترعه.. نبيله دموعها نزلت بحرقه بس وقفت بذهول اما شافت وش الست وهو راجعه وكانت صفيه...
صدمه مش كده انا اسفه... المهم هنشوف نبيله هتتصرف ازاى وهتعمل ايه بكره 😉