رواية دموع لا تجف الفصل الثاني 2 بقلم چيچي
٢... بخيته.. صفيه بنت عمك وعمر بت العم ما تكون اخت.. صفيه يتيمه وغلبانه وبت اختى يعنى اللى هنقولها عليه هتعملو اتجوزها وهي قاعده في البيت ويانا كده كده.. وتجيبلك العيال اللى محروم منها.. انت بس احسبها وفكر فيها
طلع موسى على اوضته ونام فى صباح يوم جديد كانت صفيه قاعده فى الصاله ومبرقه فى التلفزيون وقفت نبيله قدامها وحطت اديها فى وسطها
صفيه.. لاه بعدى يا بت من قدام التلفزيون خليني اشوف
نبيله... تلفزيون ايه يا صفيه اللى انتى عايزه تشوفيه التوم فى يدك فصديه السمك عايز يتتبل اخلصى
صفيه بحماس... بشوف ايه المسلسلات اللي هتنزل في رمضان من اول ما شهر شعبان بدا والناس نازله على ودنها كل شعبان وانتى ويانا
نبيله.. وانتى وياى بقولك ايه ما تشوفى حاجه مفيده.. واصلا رمضان شهر عباده مش شهر مسلسلات..
صفيه.. مفيده زى اى التفريز اللى جاى للحريم اليومين دول اتجنو كانهم هيتكسحو فى رمضان دول خرطو البصل وفرزوه... بعدين ما انا عارفه انو شهر عباده بس برده بحب المسلسلات اللي بتنزل فيه هتتابعي مين السنه دي
بخيته... هتتابعهم كلهم هى دى وراها حاجه السنه دي حتة البت وماتت وعيل تاني ما عارفاش تجيب... بقولك ايه ما تخلي عندك دم وتسيبى موسى يتجوز ويخلف مقعداه جنبك من غير عيل واحد معاه حتى يرضيكي كده... يرضيكي تقعديه فرادى انتى مش على اساس بتحبيه يا بت
نبيله بدموع... انتى عايزه ايه مني
بخيته... تسيبيه فى حالو يتجوز ويخلف كيف الناس.. انتى لو كنتى رايد له الراحه كنتى تسيبيه يتجوز ويخلف لكن انتى عايزه تقطعيه كيف ما انتى هتتقطعي
نبيله ببكى... انا انا جبت بنت قبل كدا وان شاء الله هجيب تاني
بخيته.... كلام بتصبرى روحك بيه من ساعه ما جبتى البت ٤ سنين عدو عليكم وما فيش فايده خلاص
صفيه... ليه كده يا خالتى ما حدش ييئس من رحمة ربنا.. وبعدين هى ما منعتوش هو موسى ما عاوزش يتجوز
بخيته.. المفروض تقوله اتجوز انت وخلف انا ما هزعلش تشيل الحرج من عليه تخلي عندها دم
وسابتهم وطلعت وصفيه حطت ايدها على كتفها وقالت.. ما تزعليش معلش هى برضك ام ونفسها تفرح بولدها مش عشان بتكهرك والله
نبيله.. بس صعبه دى عيزانى انا.. انا اروح اقولو اتجوز عليا صعبه قوى عليا اشوفو وهو بيتجوز غيرى واشوفو كل يوم معاها.. ده لو طلقني كان ارحم
صفيه حضنتها وقالت.... كل صعب بيهون وانا جارك اهه ما تخافيش
وباليل رجع موسى اوضته ولقى نبيله قاعده زعلانه قعد جمبها وقال...
بلبل حبيبى زعلان ليه امى برضك تانى ولا حاجه تانى
نبيله بلعت ريقها وخدت نفس وقالت... اتجواز
موسى... ايه اتجوز ليه انتى حبيبتى مين قالك الكلام ده امى صح سيبك منيها هى
نبيله... لا يا موسى انت من حقك تعيش وتجيب عيال تشيل اسمك .. يعنى ربنا مش رايدلى اخلف ما رايدش يبقالى اولاد منك خلاص.... عادى انا مش هزعل عادي
موسى... عادي كده
نبيله.... اه يعني هو انت لا اول واحد ولا اخر واحد
موسى... حبيبتي وانا ما هسيبكش خالص وان شاء الله تخلفى انتى كمان
نبيله.... مين اللى هتتجوزها
موسى بضيق... اوف مش عارف والله انا ما فيش حد فى راسى اصلا.. انا امي اللي قالتلي اصلا وبصراحه كده هي يعني احم بتقول صفيه
نبيله بدهشه... صفيه دي... صاحبتي
موسى... امم ما هي بتقول احسن عشان تبقو متفاهمين وهي كده كده في نفس البيت وغلبانه وما عرفش ايه انا والله عمري ما فكرت فيها اقسم بالله... كنت اشوفها اختى امي هى اللي قالت كده انا حتى مش هقدر اقولها ومش عارف هترضى اصلا ولا هتهزئنى
نبيله بلعت ريقها بالم وقالت... انا.. انا هكلمها فى الموضوع انت ما تكلمهاش
موسى... ايه عادي يعني انتى اللى هتكلميها
نبيله... اه دى صاحبتى وكل يوم سوا اما تاجى وكون بتكلم معها انا هاقولها
موسى.. انتى كويسه طيب
نبيله... قوي انا كويسه قوي
موسى..... طب انا هنزل اقول لامى انك وافقتى
ونزل بسرعه قبل ما يشوف دموعها..... ونبيله اول ما نزل حطيت ايديها على وشها وبقت تبكي بحرقه
تاني يوم الصبح.... كانت قاعده في الاوضه بحزن.. دخلت صفيه وكانت جايبه لبن وبسكوت وقالت....
ما طلعتيش ليه توفطرى معايا كده تسيبينى اصطبح بوش حماتك.. انا جبتلك الشاى واللبن هنه
نبيله... ما عوزاش اكل ماليش نفس
صفيه.. يا باى منك بير نكد بعدى كده
وقعدت جمبها وقالت... جبتلنا كوبايه اللبن وحبه فايش عمايل اديا... انا ما اكلتش هنفطر سوا انا وانتى ولا هترجعينى بيهم
نبيله.... عاوزه منك طلب بس انتى اللى ما تردينيش
صفيه... اطلبي عنيا التنين تاخديهم وعليهم الودن هديه ده انا اقلعهم كده واديهملك ولا لو جعانه اعملهملك بيض عيون عادي
نبيله... انا عوزاكى تتجوزى موسى