رواية سر تحت الجلباب الفصل السادس عشر 16 بقلم سلوي عوض
#سلوي_عوض
#سر_تحت_الجلباب
بارت 16
شاديه: إنشاءالله
نظمي: انا عاوز اجولك علي حاجه
شاديه: خير ان شاء الله
نظمي: يعني ازاي انتي كده وابوكي يعني
شاديه: ربنا يهديه، انا عارفه ان ابوي يعني بيعمل غلط كتير، بس محدش فينا بيختار أهله، ابوي ليه عليا السمع والطاعة في اللي يرضي ربنا زيك بالظبط، وانا بحاول معاه والهدايه من عند ربنا، تعالي بجا نصلو وندعي ربنا يهدي العاصي
نظمي: يارب
شاديه: اهم حاجه تكون انته ناوي التوبه من جلبك
نظمي: طاب ياله علميني اصلي كيف
ونتركهم ونذهب الي مقعد العمده وزوجته
وهيبه: عاجبك عمايل ولدك ديه واكلمك وسط الفرح تجوللي من شابه أباه؟ هو كت ضربتك علي يدك؟ ما انته اللي حفيت ورايا
عبدالغني: انتي زعلتي؟ ده انا كت بضحك معاكي يا وليه، وبعدين عرفه فرادي علي بتين سيبيه يتجلع هبابه
وهيبه: طاب وسمعتنا وسط الناس
عبدالغني: هو حد يجدر يجيب سيره ولدي؟ ده انا كت اجطلعه لسانه
وهيبه: خلاص انته حر، بس لازم تعرفه أن مرته ملهاش صالح بحاجة ف البيت هنا، وانا ست البيت
عبدالغني: وست البلد كلها
وهيبه: تعيشلي يا عمده جلبي
ونتركهم ونذهب الي منزل ناعسه
ناعسه: شوفتي اللي حصل؟ عرفه واد العمده اتجوز رجاصه
ام جرجس: انتي شوفتيها؟
ناعسه: له اشوفها فين، ما انتي عارفه انا كت مع الحريم ف المطبخ
ام جرجس: اسكتي ده البت جليله ديه عاوزه جطع يدها، ضربت خيتها بالجلم، بس ايه المعلم مصطفى عريسها مرضاهوش اللي عملته، وجام ضاربها خماسي علي وشها وجرجرها من شعرها
ناعسه: امال شكله راجل محترم
ام جرجس: انا عارفه ايه اللي وجعه، الوجعه السوده دي، ده كمان الفرح كان فيه ناس اجانب، شكل العريس ديتي واصل جوي، بس غريبه يا خيتي مشوفناش ليه أهل؟ تجوللي مجطوع من شجره
ناعسه: كله هيبان
ام جرجس: بس اجولك انا فرحانه جوي ف البت جليله ديه، طول عمرها بتعامل الناس كأنهم خدامين عند اللي خلفوها
: يوه يجطعني يا خيتي مكانش جصدي والله حجك عليا
ناعسه: له ولا يهمك، المهم كلتو وشبعتو ف الفرح
ام. جرجس: علي الاخر نشكر ربنا الحمدلله
ناعسه: الحمدلله علي كل حال اصبري بجا اجيبلك لحم من بتاع الفرح
ام جرجس: له يا خيتي انا خدت لحم
ناعسه: وماله زياده الخير خيرين وبعدين زي ما انتي شايفه انا جاعده لحالي وباكل ف بيت ضالعمده
ام جرجس: ربنا يسعدك دنيا واخره
لنتركهم ونذهب الي القاهره في منزل موسي
تمارا: اه انا تعبت اوي
نورا: اصلك منعنه
تمارا: يعني ايه
نورا: متجلعه ويدك ناعمه
تمارا: يا مفتريه حرام عليكي ده انا عامله يجي الف ساندوتش
نورا: وايه يعني مش حاجه يعني
تمارا: طاب اطلعي برا بقا عاوزه انام مش حاسه بدراعاتي
نورا: خشي خديلك دش سخن وانتي تبجي زي الفل
تمارا: خلاص ها اخد دش وانام
نورا: براحتك بس اصل تيم اخوي كان عاوزنا نسهرو معاه
تمارا: نسهر فين ده الفجر علي اذان
نورا: ما احنا بكره عندينا أجازه من المطعم بكره يوم كريم وكمان معنديناش محاضرات
تمارا: هو انا لسه اشتغلت عشان اخد اجازه
نورا: شوف البت مش كتي بتجوللي درعاتك وجعاكي
تمارا: بقولك ايه انزلي علي المطبخ حضريلنا شويت مكسرات واعملينا سحلب وهنسهر ف الليفنج نتفرج علي فيلم حلو
نورا: يا سلام ومتعمليش انتي ليه
تمارا: خليكي حلوه عشان احبك
نورا: امري لله وبالمره اشوف خالي كمان يسهر معانا
تمارا: ياريت بابا الشغل واخد كل وقته بقاللي كتير مقعدتش معاه
لنتركهم ونذهب الي منزل العمده حيث نجد أن زاهر كان مستلقي علي سريره وجليله بجانبه
جليله: انا عاوزه اشتري باروكه عشان شعري اللي انته جصيته ديتي
زاهر: طاب اتخمدي وبطلي وش
جليله: أنته ليه بتعاملني كده
زاهر: اسمعي يا بت انتي انا اكره ما علي أن حد يراجعني ف اللي اجوله أو حتي يعلي صوته علي هتسمعي كلامي هخليكي ست البلد كلها هتمشي بدماغك يبجي تستاهلي كل اللي يجرالك
جليله: له خلاص هسمع الكلام
زاهر: كده تمام وانا عند وعدي ياله اتخمدي بجا
جليله: حاضر
وينقضي الليل وياءتي الصباح حيث يتجمع أناسا كثيرون أمام منزل العمده
ليدخل الغفير: يا حضرة العمده في ناس كتير جوي بيجولو عاوزين المعلم مصطفي
عبدالغني: غورهم من هنا
ليسمعه زاهر وهو نازل على السلم
زاهر: له ياغفير متمشيش حد دخلهملي علي المندره واحد واحد
العمده: صباحيه مباركه يا عريس
زاهر: الله يبارك فيك ياله يا غفير اتحرك
عبدالغني: هما عاوزين منك ايه
زاهر: بعدين هجولك المهم فين شواف
عبدالغني: تلاجيه نايم
زاهر: طاب روح صحيه وخليه يجيب لي شنطه الفلوس اللي ف العربيه
عبدالغني: ليه
زاهر: عشان اسلف أهل البلد الفلوس اللي هما عاوزينها وبكده نبجا بدءنا ف الخطه
عبدالغني: طاب أفطر حتي
زاهر: بعدين الشغل اهم الا جوللي نظمي لساه نايم
العمده: اه
زاهر: خلاص هرن عليه عشان يندلي يوجف معاي
عبدالغني: علي كيفك
زاهر: ابجا بس انته شيعلي حد بالجهوه
العمده: بس الخدامين نايمين
زاهر: اعملها انته وهاتها جهوه ساده ف كوبايه كبيره
العمده: انا اللي هعمل الجهوه
زاهر: بتجول ايه
العمده: له خلاص حاضر هعملهالك واجيبها
ليتركه زاهر ويدخل المندره
ليتصل علي شواف
شواف: حاضر جايلك حالا
ليتصل أيضا علي نظمي
زاهر: صباح الخير
نظمي: صباح النور
زاهر: أندلي وتعالي علي المندره
نظمي: ليه يعني
زاهر: عاوزك ف نفس تكون عندي
نظمي: حاضر طيب
زاهر: انته يا غفير زينهم دخلي الناس اللي برا دخل الستات الاول
زينهم: حاضر جنابك
وهنا تدخل سيده علي زاهر
زاهر: اتفضلي يا امي خير
السيده: انا اسمي ام عبير وبتي مخطوبه وهتتجوز وانا والله ما معايا من حج شوارها جرش واحد يا دوبك حيلتنا تلت جراريط بناكلو منهم وأبوها متوفي
زاهر: وانا عيوني ليكي يا امي كام يكفيكي عشان الجهاز
ام عبير: مبلغ كبير يا ولدي
زاهر: كام بس
ام عبير: ياجي تلت ميت الف جنيه
زاهر: بس كده من عيوني
ام عبير: طاب هسدهم ازاي
زاهر: معلش انتي هتمضيلي علي الورجه دي ضمان حجوج بس مش اكتر وجدامك خمس سنين عشان تسديهم
ام عبير: بس انا مبعرفش اجرا ولا اكتب انا ببصم بس
زاهر: خلاص هطلعلك البصامه وابصمي
ام عبير: كتر خيرك
وهنا يدخل شواف بشنطه كبيره
ليفتح زاهر الشنطه
زاهر: خدي يا امي الفلوس بتاعت شوار بتك اهي والف مبروك
لتقترب منه ام عبير محاوله تقبيل يديه
زاهر: العفو انتي زي امي ولو احتاجتي اي حاجه ابجي تعالي
ام عبير: السلام عليكم
زاهر: دخل اللي بعديها
وهنا تدخل سيده اخري
زاهر: تعالي يا امي
السيده: خدامتك جمالات
زاهر: متجوليش كده انتي ف مجام امي خير اؤمريني
جمالات: الصراحه يا ولدي معايا ولدي عاوز عمليه جلب مفتوح واحنا علي جدينا وأبوه راجل عجوز يادوبك بيطلع يشتغل ف الجراطين اللي حيلتنا
زاهر: معلش يا امي تتحل محتاجه كام
جمالات: بيجولو العمليه تتكلف ربع مليون
زاهر: محلوله بس امضيلي هنا ضمان حجوج مش اكتر
جمالات: وهتديني الفلوس
زاهر: هات يا شواف ربع مليون من الشنطه
شواف: أوامرك يا معلم
اما وهيبه فها هيا قد استيقظت من نومها
وهيبه: اروح اطمن علي جليله واخلي الخدامين يجهزو فطور للعرسان
لتنزل وهيبه الي المطبخ لتجد ونيسه تجلس واضعه قدم فوق الأخري والخدم حولها يعملون
وهيبه: انتي يا بت ايه اللي مجعدك هنا
ونيسه: ليه هو ممنوع اجعد هنا ولا ايه
وهيبه: طاب وسعي… اسمعي يا وليه انتي وهيا جهزو فطور لبتي جليله وعريسها
ونيسه: محدش هيعمل حاجه غير لما يجهزو فطوري انا وعرفه روحي شوفيلك حاجه اعمليها
لتسحبها وهيبه من شعرها
ونيسه: انتي جد اللي عملتيه ده
وهيبه: اه ووريني هتعملي ايه
لتمثل ونيسه البكاء وتجري مسرعه علي غرفتها وتوقظ عرفه من النوم
عرفه: مالك بتبكي ليه
ونيسه: امك بهدلتني من طريج ونص وشدتني من شعري جدام الخدامين… انا هلم حاجتي وارجع اجعد عند الغجر اللي انا منهم
عرفه: تمشي كيف عليا الطلاج ما تمشي
ونيسه: خلاص هاتلي حقي من امك
ليخرج عرفه معها وينادي بأعلي صوته
عرفه: امااا يا اما
وهيبه: جري ايه يا واد انته بتجعر كده ليه
عرفه: انتي ازاي تمدي يدك علي مرتي
وهيبه: واضربك انته وهيا بالمركوب
ونيسه: شايف يا عرفه
عرفه: اسمعي يا اما… اياكي تضايجي مرتي انتي سامعه
وهيبه: يا خساره بجا انته ولدي حالا جلبتك عليا الغجريه
ونيسه: الحال من بعضه… وخليني ساكته احسن
وهيبه: جصدك ايه
ونيسه: ان كتو نسيتو اللي جري… هاتو الدفاتر تنجرا