رواية ورث تحت الوصاية الفصل الثاني 2 والاخير بقلم مصطفي جابر
أنت عايز تجوزني حسام اللي ما عمره بصلي ولا سأل عني في يوم ولا قال كلمة طيبة في حقي هو ده اللي عايز تجوزني ليه؟ أنا أسفه يا جدي بس الجواز ده مش هيتم ولو علي جثتي ولو جبرتني عليه انا هسيب الدار دي وهروح بيت تاني لو لزم الأمر.
الجد بيغضب ويخبط بعكازه في الارض: انتي مليكش بيت غير هنا والجواز دا هيتم يعني هيتم فاهمه ولو عندك كلمه تانيه خليها في قلبك...وبكره هتعرفي ان كلامي في مصلحتك
بيسيبها الجد وبيخرج بغضي وهيا راحت تلم هدومها و فجاءة الباب يتفتح وبتدخل حسنات بغيظ
حسنات ببرود : بتلمي هدومك ورايحه علي فين يا حلوه ولا عايزه تسيبي البيت وتطفشي؟
عائشة من غير ما تبصلها: ا البيت دا مبقاش بيتي بعد ما قرر جدي يبيعني ليكي انتي وابنك وكل ده ليه علشان الورث؟ ملعون ابو الورث اللي يخليكم تجبروني علي جوازه زي دي.
حسنات برود: جدك عمل اللي المفروض يتعمل.. هو بيحافظ عليكي وعلي ورثك وانتي المفروض تسمعي كلامه ومن نفسك كده تدي ورثك كله لحسام بعد الجواز علشان يكبرهولك ويحافظ عليه أنا ولا عايزه تاخدي ورثك وتهربي وتتجوزي عيل من بتوع بحري دول ويضحك عليكي وياخد فلوسك؟
عائشة بجمود : أنا آخر واحدة في الدنيا تفكر في حسام ابنك ده حتي هو انا متاكدة انه رافض هو كمان
حسنات بخبث: هو فعلا كان رافض وانا كمان رافضه الموضوع ده بس نقولو اي لجدك ده بقي
عائشة بجمود: قصدك انتي رفضتي لما جدي قال ورثي هيبقي بأسمي مش بأسم ابنك صح بس اي رايك بقي اني موافقه علي كلام جدي .
حسنات بصدمه: نعممم موافقه يعني اي؟
عائشه بجمود: زي ما سمعتي كده واتفضلي اطلعي برا اوضتي عايزه اغير هدومي
حسنات سابتها وخرجت بغل..
عائشة بابتسامه طلعت تليفونها وبعتت رسالة لشخص..
( حبيبي لازم نتقابل بسرعه دلوقتي..انا هستناك في نفس المكان اللي بنتقابلو فيه بسرعه يا حبيبي)..
قامت لابست وخرجت من باب الخدم الخلفي.
بعد شويه..
كان واقف سرحان وقلبه بيدق بقلق بيتفاجئ بيها جت وهيا وشها مقلوب..
عائشة بأبتسامة: اتاخرت ليي ها.
حسام بضحك: دا علي اساس اني مش انا اللي مستنيكي صح.
عائشة ضحكت وراحت تقعد مسك ايديها..
وفضل يبص حواليه ويتأكد إن مفيش حد وبعدين يقرب منها : أنا قلبي عاوز يزغرط يا عائشة أخيرًا جدي نطقها وقالها بصريح العبارة "هتتجوزوا انت وعائشه اخيرا"
عائشة بتضحك وتهز راسها بغيظ : بس أمك يابن عمي معرفش هتعمل فينا اي لما تعرف الحقيقه .
حسام بيضحك بخبث: وهو دا كان السر اللي مكنش لازم تعرف بيه كنا لازم نمثل ونعمل نفسنا مش طايقين بعض علشان امي لو شمت ريحة حب بينا معرفش كانت هتعمل فيكي اي .
عائشة بتبص في الأرض بخجل: هان عليك انك تمثل ان انت بتكرهني.
حسام بأبتسامة: غصب عني يا عيووشه كنت بحميكي من شر امي عمرها ما كانت هتوافق اننا نتجوز ولو جدي كان جبرها كانت هتحاول تعمل اي حاجه علشان نبعدو عن بعض... انتي عارفه يقلب حسام أني كنت بحبك من واحنا عيال بس قلبي كان مربوط بخوف من أمي وخوف من إنك يحصلك حاجه بسببي
عائشة بصوت واطي: كنت بفضل كل ليله ادعي واقول يارب اجعله من نصيبي.. دبرها يارب يا معين.
حسام عينيه بتلمع: وأهو جه الوقت يا عائشة وربنا جمعنا رغم كل اللي حوالينا ربنا وحده اللي يعلم أنا بحبك قد اي يا نور عيني وبوعدك ان محدش هيقدر يقربلك من دلوقتي ولا حتي امي ولو وقفت في وشنا هتبقى ولا كأنها في حياتنا.
عائشه بابتسامة: انا هرجع دلوقتي علشان محدش يلاحظ غيابي.. وخلينا نستمر زي محنا كأننا مش طايقين بعض لحد الجواز ما يتم
بعد مرور اسبوع
الحنة و النسوان موجوده في الدار وفي الحاقد والفرحان..
بنت بتوشوش صاحبتها: يا سبحانك يا رب شوفي وشها منور إزاي كيف البدر في ليلة تمامه
صاحبتها بغيره: ولا حلوه ولا حاجه هيا بس حظها وجالها على طبق من دهب انه خلاها تتجوز حسام
حسنات واقفة بعيد وباصه ل عائشة: قال إيه بيفرحو لفرحتها والله ما هتكملي الفرحه دي علي خير أنا هعرف أوقفها الجوازة دي.
جارتها بشر : بس حسام خلاص وافق يا ست حسنات والراجل الكبير قال كلمته وكلمته دي سيف علي رقبة الكل .
حسنات بغل : لو كل الرجالة وافقت أنا لأ دي مش شبهنا ولا شبه أبني دي خراب وأول ما تدخل بيتنا هتقلبه دمار.
بعد يومين
علي فين يا بطتي هو في عروسة تخرج دلوقتي كده
عائشة بخوف: اتحشم انا رايحه السوق وامك جوا لو شافتنا هتولع فينا.
حسام بخبث: متخفيش جدي معاها جوا تعالي انا جاي معاكي السوق اساعدك
عائشة بكسوف: احم ماشيي يلا.
تاني يوم.
في أوضة حسام حسنات قاعدة علي كرسي على جنب وحسام واقف بيجهز لبس الفرح .
حسنات بخبث: بردو مصمم تسمع كلام جدك يحسام؟ يا ولدي جدك بدأ يخرف وبيقول كلام ملهوش لازمة الجوازة دي مش لازم تكمل .
حسام بأبتسامة : انتي عارفه أنا مش عايزها واني مش طايقها ومش بحبها بس مش بايدي مش هقدر اكسر كلام جدي ومش لاقي حل تاني
حسنات بخبث .: طب ما تسيب الدار واهرب بكرا ليلة فرحك واكسر قلبها اهرب روح بلد تانيه وانا هقنع جدك يجوزها اي حد من العيلة وجدك شوية وهيسامحك لكن اوعي تتطاوع جدك وتتجوزها
حسام بصدمة وزعيق : اكسر عائشه؟ انتي بتقولي اي؟ دنا اكسر روحي ومكسرهاش
حسنات بصدمه: انت تقصد اي بكلامك ده يحسام؟
حسام بتوتر: اقصد اني عايز اتجوزها زي ما جدي ما قال وهحبها وهخاف عليها ومش هسمح لحد انه يأذيها علشان دي من لحمي ودمي يا امي وهقف قدام الدنيا كلها عشانها.
حسنات بصدمة: إنت إنت بتقول إيه يا حسام بتحب مين وبتخاف علي مين وهتتجوز مين؟
حسام بصوت قوي : عائشة يا أمي وطالما جدي أمر بزواجي منها فا صدقيني عمرك ما هتقدري توقفي الجوازه دي .
.. حسنات بتبص لحسام بذهول وبتقوم من عالكرسي
:أنت بتعصي امري يا حسام؟ هتقف في صف اليتيمه دي في وش امك؟ امك اللي ربيتك وسهرت عليك شهور وليالي بتتجرأ تقف في وشها وتكسر كلمتها علشان دي؟ اسمع لما اقولك لو نفذت اللي في دماغك ده لا أنت أبني ولا أنا اعرفك ونار غضبي هتحرقك قبل ما تحرقها..
حسام بهدؤء: اعملي اللي تعمليه عن اذنك
سابها وخرج وهيا علي اخرها
ليلة الفرح في بيت الجد الدار مليانة أنوار وأغاني الفرح وأهل عائشة وحسام متجمعين.
حسام واقف جنب عائشة مبتسم وهو ماسك إيدها :
يا رب اخيرا بقي اللحظه االي بحلم بيها طول عمري ومستنيها حصلت اهي أنا مبسوط يا عائشة إننا أخيرًا مع بعض.
عائشة بتضحك وهي بتحط ايدها علي قلبه: قلبك بيزغرط؟
حسام بضحك: بيزغرط يقلب حسام
عائشة بابتسامة وفرحانه: انا بقي قلبي بيزغرط وفرحات اكتر منك أنا حاسه الدنيا كلها بتفرح لما سمعت المأذون بيعلن جوازنا.
جدهم بأبتسامة: ماشاء الله عليكم يا ولاد ربنا يبارك لكم ويحفظكم وتعيشوا مع بعض في خير وسعادة.
حسنات بتبص لهم بحقد..
عائشة بهمس: امك ناوية تاكلنا بعنيها ولا اي عاد.
حسام بحب: طول مانا معاكي متخفيش من اي حاجه خالص انا هنا ضهرك وسندك.
عائشة بفرحة: ربنا يديم وجودك جمبي يحبيبي وطول منا معاك مش خايفه من حاجه.
بعد الفرح ..
في اوضه عائشة وحسام..
حسام بيبص في عيون عائشة بحب ودفء ودموع الفرحه في عينه : يا عائشة والله ما مصدق..عمري ما حسيت بفرحة زي دي قبل كده
عائشة بضحك: وأنا يا حسام قلبي كان بيدق بسرعة لما النصيب اخيرا جمعنا و الفرحة معاك بقي بقى ليها طعم تاني .
حسام بيقرب منها شويه : بحبك يا عائشة حب ما بينتهيش ولا يوم هنفترق
عائشة بحب : انا بحبك اكتر بقي وأدعي ربنا يحفظنا من كل شر.
حسام بياخدها في حضنه:
هفضل جنبك دايما مهما الدنيا قسيت علينا.
عائشة بتحضنه وبتغمض عينيها وهي مرتاحة:
.
فجاءة صورة عائشة بتقع من علي التربيزة والبرواز يتكسر
حسام بص للبرواز بخضه وجري ناحيته شاله بص لاقي ازازة دخله في دماغ الصورة بتاعت عائشة.
عائشة بطيبه: يالهوي اكيد الهواء شديد اقفل البلكونه يا حسام.
حسام بص لها بقلق وحاول يطمن نفسه: عندك حق يا حبيبتي.
تاني يوم الصباحية..
حسام صحي علي صوت خبط علي الباب بيبص في الساعه لاقها 8 الصبح.. وعائشه نايمه..
قام فتح باستغراب:
يا أما خير في إيه اللي جابك الصبح بدري كده.
حسنات ببرود : عاوزاك تقول لعائشة تنزل تنظف وتخدم البيت ولازم تسيطر عليها وكلمتك تمشي عليها من النهارده وقولها انها هتتولي مسئولية البيت كله وهنمشي الخدم.
حسام بجمود : اولا تمشيهم او تقعديهم انتي حرة تاني حاجه النهارده الصباحية بتاعتي انا وهيا وفي خدم تحت وعائشة مش هتنضف ولا هتحضر حاجة إلا بمزاجها هيا ولو ملهاش مزاج براحتها مش هقدر اجبرها علي حاجه .
حسنات بغضب : إنت بتقول إيه يا واد انت خرفت ولا تكونش سحرتلك؟
حسام بهدوء : اعتبريها زي ما تعتبريها بس هيا مش شغالة عندك ولا عند حد
حسنات بغل وبكل غضب: ماشي يا بن بطني طالما مصمم تعصي امري فا هتندم ندم عمرك وهتشوف بنفسك.
بتسيبه وتمشي بغل..
حسام بيقفل الباب وبيدخل الاوضه يبص عليها بحنان:
متجوز ملاك يا ناس عملتي اي في قلبي يا بنت عمي خلتيه مش شايف غيرك طول عمره .
....
بيسيبها ويلبس هدومه وينزل المطبخ تحت
حسام بابتسامة للخدم : عايز فطار حلو لينا وكل اللي تؤمركم بيه عائشة يتنفذ من النهاردة
الخدامة بضحكة وود: يا بختك بيها يا سي حسام إحنا بنحبها زيك بالظبط هنعمل اللي ربنا يقدرنا عليه علشان نسعدها وربنا يسعدكم يارب.
حسام بيضحك: الله يكرمكم و ربنا يديكم العافية
... عند حسانات
حسنات قاعدة بتبص عليه من بعيد
حسنات بغيظ : نازل يخدمها من أول يوم وبيقول مش عايزها تخدمني طب والله يا عائشة لوريكي والله لهخلص منك ودلوقتي
.. بتمشي على طول لأوضة عائشة بتفتح الباب فجأة..
حسنات بصوت عالي وقاسي: يا عائشة اصحي بقي ياختي نموسيتك كحلي ومالك نايمة كده ليه الدنيا
عائشة بتتخض بسرعة وتفتح عينيها:
فيه اي وازاي تدخلي عليا كده.
حسنات بحقد: هستأذنك يا بت ولا اي قومي معايا اطلبي الطلاق من ولدي والا هخلي سيرتك علي كل لسااان.
عائشة بجمود: انتي شكلك مخك راح منك امشي اطلعي برا
حسنات بنفاذ صبر: انتي عايزة تطرديني من شقة ابني طب تعالييي..
مسكت عائشة من شعرها بغضب وفضلت تخنق فيها
عائشة بصريخ: أبعدي عنييي الحقونيييي حسااااام الحقووونيييي.
حسنات بحقد: مفيش حد هيلحقك واصل
بيدخل حسام بسرعه وشدها ولحقها منها و جده وراه..
حسام بيغطيها وعائشة مسكت في حضنه بقوه: امك عايزة تقتلني يا حسام.
حسنات بغل: ايوا هقتلك يا عائشة أبعدوا عني.
كف قوي بينزل علي وشها من منصور..
الجد بغضب: اطلعي برا البيت ومش بس البيت البلد كلها لو لمحتك فيها انا اللي هخلص عليكي بأيدي وهنسي انك بنتي فاهمه.
حسنات بحقد: عايز تقتل بنتك انا بكرهك فاااهم بكرهكم كلكم .
حسام بجمود: امي اسمعي كلام جدي دا الصح للكل روحي مصر لاخوكي ومترجعيش وانا هبقي ازورك.
حسنات بحقد: انا همشي بس مش هسيبكم و انت لو جيتلي هقتللللك.
مشيت بغل وعائشه حضنت حسام بدموع..
حسام بحزن: اهدي يا حبيبتي انا معاكي ومش هسيبك.
عائشة مسكت في حضنه اكتر..
ومنصور بص لهم بحزن..
بعد مرور سنتين..
عائشة بغيظ: بت يا مريم تعالي هنا بقي..
حسام بضحك: سبيها تلعب يا عائشة الله وانتي جهزي نفسك عشان نروح نزور قبر وامك وابوكي.
عائشة بحنان: ماشي يحبيبي
مريم بطفولة: وانا هاجي معاكم يا بابا.
حسام شالها: طبعا يا نور عين بابا..
#تمت.. 🤎🦋😘
#ورث_تحت_الوصاية
#بارت_2_والأخير
تمت