رواية مغامرات عائلية الفصل الرابع والعشرون 24 الجزء الثاني بقلم همس كاتبة
بارت 25
( بارت طويل )
حبيبة بصدمة : بعد ايه يا طنط ؟! انتي جرحتيها اوي .. انا اصلا استغربت ازاي شكيتي بيها و انتي عارفاها كويس
خولة : اعمل ايه اتخضيت عليها … بكرا لما يبقى عندك بنت هتفهمي كلامي
حبيبة : مش مبرر يطنط .. كان ممكن تكلميها بوضوح من غير ما تجرحيها كدة
خديجة : روحي يا حبيبة كلميها و فهميها الحكاية
حبيبة : مش قبل ما اعرف مين الي حط العلبة دي هنا
خولة بشك : خديجة .. انتي مين الي قالك على حكاية دينا ؟! مين الي شافهم مع بعض ؟
خديجة بتوتر : قولتك انا حلفت مش هقول
خولة : براحتك يا خديجة … انا هوصل الكلام ده لعمي و هو يعرف مين الي قال كدة و يحاسبه بقى
خديجة بتوتر اكبر : كدة هتكبري الحكاية يا خولة .. حطي سمعة دينا قدام عنيكي قبل ما تروحي تفضحيها كدة
خولة : و انا اش ضمني ان الي قالك مش هيروح يقول لغيرك ؟!
اخذت حبيبة العلبة من يد خولة و قالت ببرود : مفيش داعي حد يعرف بالحكاية دلوقتي .. انا هكلم دينا و هي تجيب حقها بايدها
******************
كانت دينا تمشي بسرعة تحاول كتم دموعها التقت بأوس بالممر
اوس باستغراب: دينا
تجاهلته و اكملت سيرها تجاه البلكونة الخلفية و لكنه تبعها
اوس : دينا .. في ايه ؟!
دينا بغصة : لو سمحت مش عايزة اتكلم … سيبني لوحدي من فضلك
تركته و نزلت للحديقة و استقرت على كرسي امام طاولة كبيرة
وقف اوس ينظر لها باستغراب شديد الى ان اتت حبيبه
اوس : مالها دينا ؟؟
فتحت يدها لتكشف العلبة امامه
اوس بذهول : ايه ده ؟!
حبيبة باحراج : انت شايف ايه ؟
اوس : و ايه علاقته بدينا ؟!
حبيبة : في حد حطه جوة اوضتها .. و طنط خولة شافته و افتكرته ليها
اوس بضحك : لا يشيخة ؟
حبيبة : مش وقت هزار … دينا اتدايقت بجد
اوس : طب انا هكلمها
حبيبة : وانا كمان .. بس حاساها محتاجة وقت مع نفسها
اوس : ليه الاوفر ده ؟ هيا ما عملتش حاجة غلط
حبيبة : طب امشي نكلمها
نزلت مع اوس و جلسا حول الطاولة
حبيبة بهدوء : دينا … انتي بريئة و كلنا عارفين الكلام ده ..مفيش داعي للزعل
دينا بسرحان : انا مش زعلانة من الحوار ده
حبيبة : اومال ايه الي مدايقك ؟؟
دينا بقهر : الشك … ماما شكت بيا و صدقت كلام العقربة خديجة .. دي تاني مرة طنط خديجة تتهمني بحاجة انا معملتهاش
رفعت حبيبة حاجبيها بادراك
اوس : من امته بتفكري كدة يا دينا ؟ طول عمرك بتحطي كلام الناس ورا ضهرك
دينا بغصة : ده حقيقي .. بس لما الموضوع يمس كرامتي و شرفي مقدرش اسكت … افرض الكلام ده وصل لاهل ابويا .. هيقولو عليا ايه ؟! هيقولو ايه على ماما الي اختارتني قبل ما تختار نفسها ؟ .. و اونكل حسين الي رباني مع بناته .. هيقولو عليه ايه ؟
اوس : للدرجادي كلامهم هيفرق معاكي ؟
دينا ببكاء : اكيد هيفرق .. تكونش فاكر اني مش عارفة الحقيقة يعني ؟
حبيبة باستغراب : حقيقة ايه ؟!
دينا : ما تشغليش بالك
حبيبة باستغراب : من امته بتخبي عليا يا دينا ؟!
دينا بانكسار : فاكرة لما يزن اتقدملي ؟
حبيبة : ايوة
دينا : يومها جدو عبدالله كلم جدو حمدي عشاني
حبيبة : و جدك قال ان الموضوع بايد بابا و جدو عبدالله
دينا : لا مقالش كدة .. بس جدو عبدالله قال الكلام ده قدامنا عشان ما يجرحنيش
حبيبة باستغراب : اومال ايه الي حصل ؟!
اوس : حبيبة كفاية … مفيش داعي نتكلم بالماضي
دينا بمقاطعة : بالواقع .. جدو حمدي قال انه ما بعتبرنيش حفيدته اصلا .. قال اني بالنسباله ميتة زي بابا
حبيبة بذهول : بجد ؟
دينا : اممم .. و اتخانق مع جدو يومها و قاله انه مش هيسمح للجوازة دي تتم .. و هيسبني كدة متعلقة زي امي
حبيبة : ازاي ؟؟! مش جيه يوم كتب الكتاب و كان وكيلك ؟!
دينا : ايوة .. بس ده عشان يزن كلمه و اقنعه
حبيبة بصدمة : و انتي عرفتي كل الكلام ده منين ؟!
دينا بغصة : مريم بنت عمتي كلمتني و قالتلي … حتى يومها اتخانقت انا و يزن عشان ما قاليش
اوس بهدوء : دينا .. الكلام ده قديم و مش لازم تفكري بيه .. المهم ان انتي و يزن لبعض بالنهاية
دينا : عندك حق
وضعت يداها على الطاولة ثم اسندت رأسها عليها .. بينما حبيبة تنظر للعلبة بين يديها
حبيبة : دينا … مين الي عمل كدة ؟
دينا ببرود : لارا
حبيبة بذهول : ايييه ؟!
اوس بصدمة : لارا ؟! ايش فهمها بالحاجات دي ؟!
دينا بتمتمة : خبرة بنت الكلب
حبيبة : دينا .. متأكدة ؟
دينا : اممم .. اول مرة اتكلمت عليا و على حلا عشان دايقناها و دلوقتي عملت نفس الشيء
حبيبة : حاجة غريبة اوي … عمري ما تخيلتها بالشر ده … هتعملي ايه طيب ؟
دينا بحقد : لازم اوريها الكيد على اصوله
حبيبة بشر : و انا معاكي … كفاية خدت وقت زيادة عن اللزوم .. لازم تتحاسب
اوس بضحك : مش لايق عليكي شخصية الشريرة ابدا
دينا بحدة : في صفنا و لا هتبقى حيادي ؟!
اوس : مطرح ما تكون حبيبتي انا هكون
حبيبة بابتسامة : يبقى خلاص .. هننتقم
اوس بضحكة : مش شايفة انها حرب غير متكافئة ؟ لارا عيلة صغيرة مش منطقي انتو العاقلين تنزلو للمستوى ده
دينا بحدة : عيلة ؟! دي وحدة بنت ستين كلب .. في بنت في سنها تعمل حركة سافلة زي دي ؟!
حبيبة : لارا غلطت كتير يا اوس .. كفاية كدة لازم نحاسبها .. ما سابتش وحدة بالبيت ده الا و اتكلمت عليها .. مينفعش نسكت اكتر من كدة .. دي تبقى مهزلة
اتى زياد و هو يتلفت حوله كأنه لص
زياد بخفوت : في ايه ؟!
اوس : انت ايه الي جابك ؟! مش معاقب معاهم ؟
زياد : قلقنا على دينا و سي يزن سأل عليها كتير.. فقولت اجي اتطمن و بالمرة اشوف غادة
دينا : مش هاجي معاكم .. عايزة اكلم جدو
جلس زياد و قال باستغراب : هو في ايه بالزبط ؟
دينا : مفيش .. مشكلة بسيطة و اتحلت
حبيبة بحزم : لا مش بسيطة .. زياد .. معانا و لا لأ ؟
زياد : مش فاهم
اوس بضحكة : في حرب هتقوم في البيت ده يا زياد بقيادة الست هانم مراتي
حبيبة بحدة : اوس
اوس : قلبه
ابتسمت بخجل ثم عادت لجديتها
حبيبة : احنا مش بنهزر .. البت دي لازم تتربى على ايدينا
زياد بصدمة : يا ساتر .. من امته الجبروت ده يا حبيبة ؟!
حبيبة : من دلوقتي .. لارا لازم تتحاسب
زياد : لارا ؟! عملت ايه ؟!
نظرت دينا و حبيبة لبعضهن البعض
دينا : دايقتني
زياد : ازاي ؟
كانت حبيبة ستتحدث لكن استوقفها عبدالله الذي وقف خلف زياد
حبيبة بتوتر : ج.. جدو
زياد بابتسامة : ده لو شافني هنا هيعلقني
اوس : مهو شافك فعلا
زياد ببلاهة : لا و النبي ؟!
استدار ليجد عبدالله ينظر له
زياد بتوتر : جدو .. اصل يعني انا .. جيت اطمن على دينا
نظر عبدالله لدينا
دينا : اصل انا جيت اطمن على حبيبة
نقل نظره لحبيبة
حبيبة بتوتر : اصل ..
عبدالله : جيتي تطمني على اوس ؟
حبيبة : لا انا كلمت دينا عشان تساعدني شوية
عبدالله : اممم .. انتي عايزة تزعليني تاني يا حبيبة
حبيبة بخوف : لا و الله بس يعني حصل سوء تفاهم بينا .. ممكن يرجعو دلوقتي لعقوبتهم
عبدالله : مستنين ايه ؟ يلا قومو شوفو شغلكم و الا همدد عقوبتكم لوش الفجر
زياد بفزع : لا لا .. هنروح دلوقتي حالا .. يلا يا دينا
حبيبة : جدو .. ممكن اروح معاهم انا و اوس ؟
عبدالله باستغراب : ليه ؟
حبيبة : عايزين نغير جو شوية
عبدالله : ماشي بس ما تتأخريش على ابنك
حبيبة : نص ساعة بالكتير و هنرجع
*************************
في المخزن
كانت مساحة كبيرة جدا حيث يقوم الشباب بنقل اكياس القمح لجهة واحدة و تعمل البنات على تنضيف الارضية
حلا بملل : انا تعبت ايه كل ده ؟!
كارما : اشتغلي و انتي ساكتة انتي لسا ما عملتيش حاجة
لارا : ده انتي لسا واصلة من دقيقتين
حلا : فريدة قومي اشتغلي معانا .. بقالك ساعة قاعدة عندك
فريدة بتعب : مش قادرة .. معدتي وجعتني
لارا بسخرية : هه … اوسكار بالتمثيل
كارما : اعتقد باين على وشها التعب
تميم : بطلو رغي انتي و هيا و اشتغلو .. فارس قوم ساعدنا
فارس بكسل : مش قادر .. كمان شوية
نفضت حلا ما جمعته من القمامة عليه و قالت بحدة : قووووم
فارس : طيب بالراحة يعم
دلف زياد و دينا و خلفهما اوس و حبيبة
توجه يزن بسرعة الى دينا و امسك يدها
يزن : في ايه ليه اتأخرتي كدة ؟
دينا : مفيش بس اتخنقت شوية
يزن بشك : دينا .. في ايه ؟!
انزلت يده عنها و قالت : هقولك بعدين … سيبني اشتغل دلوقتي
نظر زياد بحدة الى لارا ثم اشار لكارما بان تأتيه
فريدة : حبيبة اسر كويس ؟
حبيبة : ايوة .. سبته هو و كنان مع ماما
حلا : انتي ايه الي جابك يا بت ؟!
حبيبة : مفيش حبيت اطمن على الشغل
حلا بسخرية : يا حنينة .. ع الشغل ؟ يعني مش على اختك يا واطية ؟
حبيبة بابتسامة : لا طبعا .. خودي جبتلك دول
حلا : ايه ده ؟!
تناولت الكيس وجدت لانش بوكس يحتوي على بعض الفطائر
حلا بحماس : الله .. هي دي اختي حبيبتي
بدأت تأكل بنهم .. اقترب منها فارس و التقط قطعة و لكنه قبل ان يأخذها عضته بقوة
فارس بفزع : يا بنت العضاضة .. ما تديني وحدة
حلا : اختي جابتهم ليا .. اختك في البيت لو مهتمة بيك كان بتعتتلك كام وحدة
فارس برجاء : طب هاتي حتة و النبي و النبي
حلا بعبوس : استنا .. خود الصغيرة دي
فارس بهمس : طفسة
كارما باستغراب : فيه ايه ؟
زياد بخفوت : اوعي تكلمي لارا نهائيا
كارما : ليه طيب ؟
زياد : بعدين .. نفذي الي قولته و خلاص
كارما بضيق : حاضر
زياد باستغراب : اومال فين مصطفى و ليلة ؟؟
كارما : خرجو مش عارفة راحو فين
اقتربت منهم حبيبة و قالت بهمس : كارما .. الليلة في اجتماع .. بعد ما لارا الصفرا تتخمد تنزلي الجنينة ماشي ؟
كارما : هو في ايه بالزبط ؟!
حبيبة : هقولك بعدين
كارما بزفير : ما تقولي دلوقتي
تجاهلتها و نظرت لدينا التي بدأت بالعمل بجدية و على وجهها ملامح الشرود و الحزن
يزن بخفوت : اوس ايه الي حصل ؟! ليه الجو مشحون كدة ؟
اوس : تعالا برا عايز اكلمك بموضوع
خرجا سويا من المخزن
تميم بضجر : كل شوية حد ينسحب .. واضح اني هشيل الليلة لوحدي
حبيبة باستغراب : فريدة .. مالك في ايه ؟!
فريدة بتعب : مش قادرة اشتغل ابدا .. كلمي جدو يعفيني عشان خاطري
تميم بقلق : باين عليها تعبانة بجد … خوديها للبيت
حبيبة : طب امشي يا فريدة نروح و انا هكلمه
فريدة بامتنان : شكرا يا احلى سلفة بالدينا … سلفتنا التالتة هربت برضو
حبيبة بضحكة : امشي طيب عايزة اكلمك بموضوع
دلف يزن و اوس و نظرات يزن متسلطة على دينا
حبيبة : اوس امشي نروح .. فريدة تعبانة
اوس : اوك يلا
حبيبة بخفوت : قولتله ؟
اوس : اممم
****************
بعد وقت … حل المساء و كانت فريدة تجلس على سريرها مرتخية بجانبها كنان نائم و حبيبة تحمل اسر و تمشي به
حبيبة بتعب : ما تاخدي ابنك شوية انا تعبت
فريدة بارتخاء : مش قادرة .. دماغي بتوجعني و حاسة الدنيا بتترقص قدامي
حبيبة : شوفتي لارا عملت ايه مع دينا ؟
فريدة : ايوة صحيح عملت ايه ؟
حبيبة : الزبالة اتكلمت على دينا كلام زبالة زيها
فريدة : مش فاهمة
حبيبة : البت دي لسانها عايز قطع .. قالت لطنط خديجة ان دينا و يزن يعني …
فريدة : كملي .. مالهم ؟
حبيبة : قالت ان يزن قرب لدينا بجد
فريدة بدهشة : معقولة ؟!
حبيبة : اه
فريدة : و هي ازاي عرفت الكلام ده ؟!
حبيبة بغضب : انتي صدقتي ؟! دي بتكدب
فريدة بارتياح : اااه .. خضيتيني
حبيبة : و الواطية عشان تثبت كلامها راحت عملت حركة رخيصة زيها
فريدة بابتسامة : انتي كل شوية بتشتميها .. هيا اتكلمت عليكي انتي ؟
حبيبة بغضب : مهيا اتكلمت عليا قبل كدة .. بس المرادي زودتها اوي
فريدة : طب عملت ايه بالزبط
حبيبة باحراج : حطت حاجة كدة بيتسخدموها المتجوزين
فريدة باستغراب : حاجة ايه دي ؟!
حبيبة : اشرحهالك ازاي دي بقى ؟!
فريدة بادراك : ااااه … منشطات ؟
حبيبة : اممم .. اسوأ شوية
فريدة باحراج : قصدك .. احم
حبيبة : امم زي ما فهمتي
فريدة بضحك : يا فضيحتك يا يزن .. لو حد شم خبر الواد هيبقى عبرة للجميع
حبيبة : ده كدب يا بت مفيش منه الكلام ده
فريدة : ما الناس كدة هتبرر رفضه للجواز زمان .. و فجأة دلوقتي بقى عايز يتجوز باسرع وقت … طبيعي يفهمو ان الحكاية دي وراها فضيحة
حبيبة : عشان كدة عايزة انتقم من الواطية لارا
فريدة : البت دي شيطانة … مش معقول وحدة بسنها تفهم الكلام ده .. و ازاي اصلا قدرت تجيب الدوا ده ؟ الا صحيح فين العلبة ؟
حبيبة : معايا
فريدة بضحك : و شايلاها ليه ؟ افرضي حد شافها هيقولو عليكي ايه ؟
حبيبة بنرفزة : انتي ليه محسساني ان الموضوع بسيط ؟!
فريدة : اسفة خلاص .. طب بتخططي لايه ؟!
حبيبة : هنعاقب لارا بطريقتنا
فريدة : بتتكلمي باسلوب الجمع ليه ؟! مين الي هيعاقبها ؟!
حبيبة : كلنا .. و انتي اولنا
فريدة : اممم .. كيد ستات يعني
حبيبة : و رجالة كمان .. هننتقم منها كلنا مع بعض
فريدة : البت لسا مراهقة يا حبيبة مش للدرجادي يعني
حبيبة بغيظ : الي عملته ده اكبر دليل انها مش صغيرة .. احنا بس الي شايفينها كدة … قارني بينها و بين كارما هتفهمي الفرق
فريدة : فعلا .. كارما بريئة و طيبة اوي .. بس لارا رغم ان قلبها طيب بس برضو غلوية و خبيثة
حبيبة : عشان كدة عايزة اربيها و اعلمها الادب .. انا سكتلها كتير قبل كدة .. مش هسكت المرادي
فريدة بتعب : طب ليه ما تقولي لجدو و تخلصي ؟!
حبيبة باستغراب : بقالك يومين تعبانة في ايه ؟!
فريدة بقلق : مش عارفة .. حاسة اني على طول دايخة و نفسي ارجع
حبيبة بشك : و بتنامي كتير برضو
فريدة : اممم
حبيبة : و دي اعراض لايه ؟
فريدة بتفكير : معرفش يمكن عشان مش باخد الفيتامينات
حبيبة : او ممكن حامل
فريدة بفزع : اييييه ؟! لا مستحيل
حبيبة : ليه ؟
فريدة بتوتر : معقولة اكون حامل ؟!
حبيبة : اممم .. مش قولتي مش بترضعي منك ؟ يمكن حملتي
فريدة بتوتر اكبر : لا لا .. انا تعبت اوي مع اسر .. مش هقدر ارجع لنفس المعاناة مرة تانية .. و الواد لسا صغير اوي
حبيبة : طب قومي اعملي تيست مستنية ايه ؟!فريدة بلخبطة : ماشي
فتحت درج و اخرجت منه اختبار الحمل و اتجهت للحمام بسرعة
خرجت بعد دقائق و هي تنظر للجهاز بقلق
حبيبة : ها ؟
فريدة : لسا محتاج وقت كمان .. بيقولو ان افضل نتيجة بعد خمس دقايق
مرت الدقائق على فريدة كأنها سنوات .. انتظرت اكثر حتى وقع الجهاز من يديها
حبيبة بقلق : مالك في ايه ؟!
فريدة ببكاء : خطين يا حبيبة
حبيبة : يعني حامل … طب ليه مدايقة
فريدة : مش عايزة بيبي جديد .. لسا اسر صغير اوي … و انا ما ارتحتش اصلا .. عارفة حملي صعب اوي
حبيبة : بس دي نعمة من ربنا حرام عليكي .. المفروض تبقى مبسوطة
فريدة بغيظ : يا رب تخلصي نفاسك من هنا و تحملي من هنا عشان تحسي بيا شوية
حبيبة بضحك : اتلمي يا فريدة
فريدة : ما تقوليش لحد الكلام ده .. على الاقل لغاية ما اتأكد
حبيبة : اوك
********************
اجتمعت العائلة بأكملها في الحديقة لشرب الشاي كعادتهم
عبدالله : تحضيرات الفرح ماشية ازاي يا عدنان ؟
عدنان : كلو تمام يابا ما تقلقش
عبدالله : امته هتعملو سبوع كنان ؟!
سحر : قبل الحنة بيوم
عبدالله : كويس .. مالك يا دينا ؟ قالبة وشك كدة ليه ؟
دينا : ابدا .. بس مخنوقة شوية
يزن بنظرات حادة : تعبت من الشغل النهاردة
زياد بفضول : جدو .. مش هتقولنا مين المخبر بتاعك المرادي ؟!
عبدالله : لا .. تصبحو على خير
قام عبدالله و اتجه للداخل ثم تبعه الكبار واحد تلو الاخر … في هذه اللحظة توجهت جميع الانظار الى لارا
لارا بقلق : بتبصولي كدة ليه ؟
فريدة : مفيش .. تعالي شوية عايزة اكلمك بموضوع كدة
فارس باستغراب : هو في ايه يا جماعة
غادة بخزي : مواضيع بنات
وقفت لارا و اتجهت مع فريدة الي شقتها .. ثم تبعتها البنات دفعة واحدة
فارس : حد فاهم حاجة ؟
يزن بحدة : واضح ان باباك معرفش يربي غير اختك الكبيرة بس
فارس : و الله ؟! شغل تلقيح ده مش كدة ؟
زياد : لا مش تلقيح دي حقيقة يا سي فارس
فارس بحدة : في ايه يا زياد ما تزبط كدة
زياد : مش لما تزبط انت الاول
فارس : انا مش فاهم .. لارا عملت ايه عشان تتجننو كدة ؟
تميم بقرف : عمري ما تخيلت انها تكون خبيثة كدة
فارس بغضب : ما تتلم يا دكتور الحمير
اوس : كفاية بقى .. غادة قالتلكم مواضيع بنات يبقى محدش ليه دعوة
فارس بغضب : يعني اسيبهم يتكلمو على اختي عادي ؟! شايف عندي قرون مثلا ؟!
اوس بحدة : لو ما غلطتش ما كانش حد هيتكلم عليها
فارس بعدم فهم : طب عملت ايه ؟
اوس : لا اله الا الله .. قولتلك مواضيع بنات كفاية بقى اتلم
في شقة فريدة
لارا باستغراب : في ايه ؟ مالكم ؟
كارما : انتو مش قلتو الاجتماع هيتعمل من غيرها ؟
حبيبة ببرود : غيرت رأيي
كارما : طب في ايه حد يتكلم
فريدة بحدة : من النهاردة تنسي ان ليكي بنت عم اسمها لارا يا كارما
لارا بسخرية : لا و الله ؟!
حلا باستغراب : انا لغاية دلوقتي مش فاهمة حاجة .. البت دي عملت ايه ؟
غادة بضيق : الافضل انك ما تعرفيش
دينا : لو سمحتو يا بنات .. سيبونا لوحدنا
حبيبة : حلا .. خودي البنات و استنو برا
حلا باستغراب : اول مرة اسمعك بتتكلمي كدة
حبيبة : حلا .. مش عايزة كلام كتير
حلا بدهشة : واو .. الامومة غيرتك اوي يا بت
غادة : امشو يا بنات يلا
خرج الجميع و بقيت دينا و لارا و حبيبة
لارا باستغراب : ايه الجو ده ان شاء الله ؟
دينا : كنت شايفة فيكي حاجة كويسة وسط كل الحاجات الوحشة الي عملتيها .. كنت فاكرة ان عالمنا ده مفيهوش اشرار زي الروايات .. عمري ما توقعت انك هتبقي بالسواد و الحقد ده يا لارا
لارا : و انا توقعت انك بنت كويسة و حاسة بالناس الي حوالكي … بس انتي اثبتي العكس
دينا : بلاش الجو ده عشان مش هياكل معايا … انتي عارفة كويس اني ممكن اوديكي بداهية و لو جينا للخبث فانتي عارفة كويس اني اخبث منك بمراحل .. ما اعتقدش انك هتقدري عليا
لارا بسخرية : لا و النبي ؟
حبيبة بغضب : انتي معندكيش احساس ؟! مفكرتيش انك ممكن تتحطي بموقفها بيوم من الايام ؟!
لارا : انهي موقف ؟!
حبيبة : و الله ؟! احنا عارفين كل حاجة يا بت .. انتي صاحبة العلبة دي
رفعت العلبة امام لارا التي نظرت لها بارتياب
لارا : ايه ده ؟!
حبيبة بضحكة : الانكار مش هيفيدك .. دي ليكي و احنا عارفين
دينا بقهر : عمري ما توقعت انك بالنجاسة دي .. ازاي قدرتي تعملي كدة ببنت زيك و قريبتك كمان
لارا : دي مش ليا .. ايه دي اصلا ؟
دينا : لا ليكي .. و انتي الي اتكلمتي بشرفي يا لارا .. و مامتك راحت قالت لمامتي .. كنت متأكدة انك هتأذي حد فينا .. بس ما توقعتش انك هتبدأي بيا .. و صدمتيني بالطريقة بتاعتك
لارا بغضب : قولتلك انا معملتش حاجة
دينا : اممم .. بصماتك على العلبة
لارا بصدمة : ايه ؟!
دينا بمكر : ازاي قدرتي تأذي وحدة و انتي عارفة انها مخطوبة لضابط ؟ قولتلك مش هتقدري عليا يا بت
لارا بسذاجة : بصماتي على العلبة ؟
حبيبة : اممم .. يزن عرف بالموضوع .. و طبعا انتي عارفة هو ممكن يعمل فيكي ايه
لارا بخوف : دينا … ما تعمليش كدة ارجوكي
دينا : و الي عملتيه ده حاجة عادية عشان اسامحك ؟!
صمتت لارا قليلا و قالت بتحدي : اعملي الي تعمليه .. بس اوعدك كل حركة هتعمليها هردهالك .. و بالنسبة للبصمات .. مش دليل كافي انها ليا … العلبة عليها بصمات حبيبة كمان .. يعني متهمة برضو .. و ممكن تكون ليها .. و لا ايه رأيك يا ست الحسن ؟
حبيبة بخبث : يبقى انتي عايزة تورطي مامتك قدام جدو … انا هروح لجدو و اقوله و هو يتصرف بقى
لارا : عادي .. مش هخاف منك .. حتى لو اثبتي ان العلبة دي ليا .. ديتها اتعاقب زي كل مرة مش حوار يعني .. ما تلعبيش معايا العاب الذكاء عشان هتخسري دايما
دينا : و لما جدو يشوف العلبة دي و يعرف انك صاحبتها هيقول ايه ؟ بنت مراهقة تعرف الدوا ده منين ؟ هتبقى موضع شك مش كدة ؟
لارا بخوف : ……………… يتبع
مغامرات عائلية 2
همس كاتبة