رواية مغامرات عائلية الفصل الثالث والعشرون 23 الجزء الثاني بقلم همس كاتبة
بارت 23
عبدالله بمكر : اي عقوبة ؟!
دينا بتوتر : اه
عبدالله : طيب … استعدو كويس عشان عقوبتكم المرادي مختلفة شوية
فريدة : جدو … هو انا كمان هتعاقب ؟؟
عبدالله : اول واحدة
حبيبة بتوتر : و انا ؟؟
عبد الله : انتي خليكي جنب ابنك و جوزك .. معملتوش حاجة عشان تتعاقبو
فارس: لا كدة ظلم بجد … قول انك مش عايز تعاقبها و خلاص
عبدالله : ايوة مش عايز اعاقبها عندك اعتراض ؟
فارس : ابدا
عبدالله : طيب .. بعد الغدا هتبتدي العقوبة .. اتفضلو يلا
يزن : طب ممكن سؤال بس
عبدالله : اتفضل
يزن : مين العميل ؟ حضرتك عرفت منين ؟
عبدالله : اكيد مش هقولك
فارس : طب ايه عقوبتنا المرادي يا بيدو ؟
عبدالله : قولت بعد الغدا
زياد : طب كويس على الاقل هناكل كويس لو لمرة وحدة
دينا : ليه ؟ هتحرمنا الاكل يا جدو ؟
عبدالله : ممكن .. ليه لا ؟ .. اطلعو برا يلا
خرج جميعهم واحد تلو الاخر و اجتمعو حول طاولة الطعام
تميم بنظرات شك : مصطفى
مصطفى : اقسم بالله ما قولت حاجة .. الهي اتشل و يجيلي جرب لو قولت
فريدة : مش مصطفى .. بس في خاين بينا .. لازم نعرفه و نحاسبه
دينا : اكيد لارا … هي كانت متعصبة مننا و قالت انها هتنتقم
لارا بحدة : انا مقولتش حاجة .. يمكن انتي
دينا : و انا هقول ليه يا غبية ؟! غاوية اتعاقب يعني ؟!
فارس : ما يمكن حاميها حراميها و يزن هو المخبر .. اصله ضامن يعني انه ممكن يهرب باي وقت … و قال البسهم المصيبة دي قبل ما جدي يكتشف لوحده
يزن : انت اكيد اتجننت .. منا لبست معاكم اهو
فارس : اومال مين الي قاله ؟ معقولة عملتها يا اوس ؟؟
اوس ببرود : لا طبعا .. بس انا كنت متأكد انه هيعرف .. ده عرف بموضوع تيتة و الدجالة تفتكر صعب عليه يعرف الحكاية دي ؟؟
فارس بتفكير : وجهة نظر
تميم : تكونش غادة ؟ اصلها مش بتكدب و لو اتسألت هتقر بكل حاجة
غادة : و الله العظيم ما قولت .. حتى جدو مسألنيش و اتفاجئت لما بابا كلمني
كارما : طب مش يمكن جدو عرف بالصدفة ؟! ممكن عم طه كلمه .. او قال للغفر يمشو ورانا
تميم : ممكن .. بس انا شايف ان في حد قاله … واضح ان جدو عرف كل حاجة من ساعة حديثنا بالجنينة … اومال هيعرف ازاي ان حبيبة و اوس فضلو مستنينا ؟!
زياد : حاجة غربية فعلا .. انا لو اعرف هو مين العميل ده و ديني هنفخه و اعلق مشنقته
ليلة : سؤال بس … هو انا هتعاقب كمان ؟!
دينا : اكيد
ليلة بتوتر : بس انا ضيفة هنا
دينا : الجدع ده من ساعة ما عرفته و هو بيتعاقب و كان ضيف برضو … الكلام ده قبل ما نتخطب اصلا
ليلة : و عقوبته صعبة ؟
لارا : تكونش البت دي هيا الي قالتله ؟!
دينا : لا يا صفرا مش هيا
لارا بغضب : دينا اتلمي و ما تشتميش
حبيبة باستغراب : ثانية وحدة .. فين حلا ؟!
فارس : اه صحيح انا مشوفتهاش بعد العلقة الي اكلتها
حبيبة بقلق : هروح اشوفها
دينا : استني جاية معاكي
مجرد ان همت بالذهاب وجدت حلا تنزل عن السلم و يبدو على وجهها علامات الغضب
حبيبة : ايه الي حصل ؟
حلا : بقاله ساعتين بيهزق بيا و قالي لو غلطنا تاني هيأجل الفرح
فارس بفزع : يا انهار اسود .. ليييه ؟!
حلا : متغاظ منك و مش طايقك بصراحة
فارس : لا انا لازم اعمل حاجة … انصحوني يا رجالة .. انا مش عايز اعنس
زياد : اساسا اونكل حسين عايز يجوزكم عشان يخلص منكم انتو الاتنين مش اكتر
حلا بغضب شديد : ديتها بس اعرف المخبر وقتها هتشوفو هعمل ايه
فريدة : محنا قاعدين بنحقق بالموضوع .. بصراحة اصباع الاتهام بتدور حوالين حبيبة
حبيبة بشهقة : انا ؟!
كارما : معقولة يا حبيبة … ده احنا كنا واثقين بيكي
لارا : قولت كدة من الاول محدش صدقني … اهي زي كل مرة الوحيدة الي ما اتعاقبتش
دينا : عايزاها تتعاقب و هي والدة من كم يوم بس ؟! دي عندها بيبي لازم تهتم بيه
فريدة : يعني انا الي عندي كيس بطاطس يختي ؟ منا كمان عندي بيبي
دينا : عادي زي ما سبتيه عشان جنانك تسيبه عشان تتعاقبي .. و بعدين انتي اصلا غلطتي و روحتي معانا … بس دي فضلت هنا ليه تتعاقب بقا ؟
فريدة : على قولك … الواحد يقول الحق برضو هيا نبهتنا قبل ما نخرج
اتت سحر و بدأت وضع الاطباق على الطاولة دون ان تنظر لهم
حبيبة : تحبي نساعدك يا طنط ؟
سحر بحدة : لا
اوس باستغراب: في ايه يماما ؟ ليه بتكلميها كدة ؟
سحر بنفس النبرة : ملكش دعوة .. انت خليك بالكدب بتاعك
ظهرت على وجهه ابتسامة جانبيبة
تميم : في ايه يماما ؟ ليه متعصبة كدة
سحر : اتلم انت
تميم : يا انهار اسود .. طب مصطفى حبيب قلبك وضعه ايه ؟ راضية عليه ؟
سحر : يا ريتني خلفت تلات كلاب و لا خلفتكم .. فضحتوني قدام الناس .. حتى مراتاتكم بقو كدابين زيكم بالزبط
اوس بخبث : و عشان كدة مقموصة ؟
سحر : اتلم يالا انا مامتك
اقترب منها مصطفى و طبع قبلة على خدها
مصطفى : يعني يحقلك تزعلي من الكل بس مش من صاصا حبيب قلبك و لا ايه يا سحورة ؟
سحر : انت اكتر واحد زعلانة منه اصلا .. عشان غلطة الشاطر بالف
اوس : خلاص ما تزعليش .. اخر مرة
سحر : ما المرة الي فاتت كانت كدة يا اوس
تميم : لا المرادي غير و الله
سحر بخبث : فعلا هتكون غير
تركتهم و عادت للمطبخ
حبيبة : هيا قصدها ايه ؟!
فريدة : معرفش بس واضح انهم بيخططو لحاجة
بعد دقائق … انضم الكبار لاجتماعهم حتى يتناولو الغداء
عبدالله : عدنان … زي ما اتفقنا تاخد العيال و تروحو للشغل … و كل ساعتين تروح و يروح مكانك حد من الكبار
عدنان : من عنيا يابا
تميم : احم .. هنشتغل ايه المرادي ؟
عبدالله : حابب ابدأ معاكم وحدة وحدة …. اول حاجة هتروحو المخازن ترتبوها و تنضفوها
تميم بصدمة : المخازن كبيرة اوي يا جدي
دينا : اكيد هيختار واحد و يشغلنا بيه يعني
عبدالله : كلهم يا دينا … و هتشتغلو كلكو مع بعض تخلصو واحد تخشو ع الي بعده
خديجة باعتراض : بس غادة عروسة مش هينفع تشتغل الشغل ده هتتعب اوي و هيبان على وشها في الفرح
عبدالله : انا عمري ما عاقبت بنت قبل فرحها بكام يوم يا خديجة
غادة بعدم تصديق : يعني انا مش معاقبة ؟!
عبدالله : لا
لارا بغضب : ممكن افهم ليه حبيبة دايما مش بتتعاقب ؟! دي المرة المليون الي تستبعدوها بيها
عبدالله : عنصرية .. عندك مانع ؟
دينا بخفوت : جدو بقى يردح يا حبيبة
ايهاب بحدة : لارا اتكلمي عدل
لارا بضيق : ما دي حاجة مستفزة اوي .. جدو بيحب العدل و مع كدة دايما بيستبعد حبيبة من اي عقوبة
حبيبة : و انتي مالك ؟! انا معملتش حاجة عشان اتعاقب .. بطلي تحشريني بكل حاجة بتحصلك
لارا : بس المرة الي فاتت ..
خديجة بمقاطعة : بس يا بت هتقعدي تتخانقي معاها و قدام الكبار كمان ؟! اتلمي يا لارا
دينا بهمس : مالك يا بت بقيتي عصبية كدة ليه ؟
حبيبة : مهي الي كل شوية تتكلم عليا … شوية و هتقول انا المسؤولة عن ثقب الاوزون
دينا : زمان كنتي تطنشيها … ليه دلوقتي بقيتي تردي عليها ؟
حبيبة : مرارتي هتفرقع من البت دي .. كفاية لازم تتلم
دينا : دي بتغير منك يا هبلة .. كتلة صفار ماشية ع الارض
عبدالله : نص ساعة و تبتدي العقوبة … كلو يجهز بسرعة
ليلة : جدو عبدالله .. هو بابا هيجي امته ؟
عبدالله : معرفش والله بس متتخيليش انك ممكن تهربي من العقوبة
ليلة بتوتر : مين قال اني ههرب بالعكس انا غلطت و لازم اتحاسب
اوس : ما تقلقيش يا ليلة باباكي و مامتك هيجو اليومين دول
*******************
بعد اكثر من ساعة
نزلت دينا و حلا عن السلم بسرعة بعد ان تأخرن في تبديل ملابسهن و اخذ الاحتياطات اللازمة
عدنان : انتو فين كل ده ؟! اتأخرتو اوي
دينا : كنت بجهز عشان المهمة الصعبة الي جاية
عدنان : طب يلا العيال مستنينا
حلا بغمزة : حبيبة .. لو احتجتي اي حاجة كلميني على طول .. اوك ؟
حبيبة : ماشي
فريدة : خلي بالك من اسر و لو احتاج اي حاجة كلميني
حبيبة : هسيبه مع طنط سحر
فريدة : تمام بس برضو طمنيني عليه اول باول
حبيبة : اوك
اوس : امشي يحبيبتي نشوف كنان
حبيبة بابتسامة : يلا بينا
اتجهت معه نحو اوضتهم
حبيبة بتردد : اوس .. هو .. و لا خلاص
اوس : قولي في ايه ؟!
حبيبة : هو انت الي قولت لجدو ؟
اوس بضحكة : شاكة بيا يا حبيبة ؟
حبيبة : اممم .. بصراحة حسيت ان عقوبتهم مش فارقة معاك اوي يعني
اوس : صحيح .. هما الي عايزين يتعاقبو انا مالي ؟!
حبيبة : يعني انت الي قولت لجدو ؟!
اوس : لا و الله .. بس كنت متأكد انه هيعرف
حبيبة : انا هروح اكلمه … حاسة انه زعلان بجد المرادي .. و حس اننا مش مقدرينه
اوس : ما تقلقيش يحبيبتي جدي مش بيفكر كدة … بس الي قال على حوار البيت اكيد قاله على كلام فارس انه خلاص اتعود و مش فارق معاه العقوبة .. ممكن ده الي زعله
في المطبخ
جلست خديجة بجانب سحر و هي تتلفت حولها
سحر : مالك يا خديجة ؟!
خديجة بتوتر : عايزة اكلمك بموضوع كدة .. بس مش عايزة خولة و سعاد يسمعو
سحر : في ايه يا خديجة خضيتيني
خديجة : تعالي اما اقولك
اقتربت اكثر و همست باذنها .. خبطت سحر يدها على صدرها و قالت بفزع : مستحيل
خديجة : انا مش متأكدة بس البت حلفت انها شافتها بعينها
سحر بشهقة : يا انهار اسود .. البت هتفضحنا
خديجة : منا كلمتك عشان تقولي لخولة بالراحة كدة … انتي عارفة لو انا قولتلها هتعتبر اني بلقح على بنتها و تعمل خناقة قبل فرح غادة
سحر بصدمة : لالا انا مستحيل اصدق الكلام ده … دينا ما تعملش كدة ابدا
خديجة : طب ازاي هنتأكد ؟!
سحر : لارم اكلم خولة .. الموضوع كبير و لو حد سمع حاجة هنتفضح وسط الناس
خديجة : طب روحي كلميها مستنية ايه ؟! .. بس اوعي تقولي ان لارا هي الي قالتلي
اتجهت سحر لطابق العلوي و دلفت اوضة خولة وجدتها تصلي .. انتظرت حتى انهت صلاتها
خولة باستغراب : في ايه يا سحر ؟
سحر : عايزة اكلمك بحاجة كدة
خولة : اتفضلي
سحر : بصراحة انا سمعت شوية كلام على دينا و قولت لازم اقولك و لو كان صح نلم الحكاية بسرعة قبل ما حد تاني يعرف
خولة بحدة : في ايه يا سحر ؟ من امته بتسمعي كلام على بنتي و بتصدقيه ؟
سحر : مش بصدقه و الله .. دينا دي زي بنتي بالزبط .. بس كل الحكاية اني عايزة انبهك
دلفت خديجة و قالت : و الله يا خولة انا ما ليا ذنب مجبتش الكلام من عندي … انا خوفت ع البت عشان كدة قولت لازم تعرفي
خولة بصدمة : هو في ايه بالزبط ؟!
سحر بتوتر : احنا سمعنا يعني ان ديناااا ..
خولة بخوف : مالها البت ؟! عملت ايه ؟!
سحر : دينا و يزن يعني وضعهم اتطور اوي يا خولة و انتي فاهمة الباقي
خولة بذهول : نعم يختي ؟!!!
سحر : ده الي سمعته و الله
خولة بغضب : سمعتيه ؟ من مين ؟! انتي يا خديجة قولي مين الي قالك ؟
خديجة : انا حالفة يمين مش هقول هيا مين … لازم تتكلمي مع دينا و تفهمي الحكاية
جلست خولة على سريرها بارتخاء و علامات الصدمة على وجهها
سحر : انا استغربت لما اتكلمت مع مديحة و قالتلي ان يزن مستعجل اوي ع الجواز .. و يمكن كمان اهله عارفين عشان كدة اتخانقو من كام يوم
خولة بصدمة : اهله عارفين ؟!
سحر : ممكن
خولة برعب : لا لا .. بنتي مش هتعمل كدة .. انا عارفاها كويس
خديجة : البت اتغيرت من ساعة ما ارتبطت بيه يا خولة .. معقولة مش واخدة بالك ؟
سحر بحيرة : بس يزن برضو محترم اوي و فاهم عادتنا .. ما اعتقدش يغلطو الغلطة دي
خولة بغضب شديد : كفاية بقى .. انتو ما صدقتو لقيتو سيرة تتكلمو بيها … بنتي انا مربياها كويس مش هتعمل كدة
سحر : طب كلميها .. و لو كانت عملت حاجة نبقى نكلم عمي و نعمل الفرح باسرع وقت ممكن … عشان نلم الموضوع
بدأت خولة تبكي و قالت بحسرة : دي بنتي الوحيدة .. مش معقول تكسرني كدة .. مستحيل دينا تفكر تفضحني وسط الناس
خديجة بشفقة : دول شباب مراهقين يا خولة .. اكيد لحظة ضعف و ما قدروش يسيطرو على نفسهم .. و دول بكل الاحوال مكتوب كتابهم يعني نقدر نلم الموضوع بسرعة من غير ما حد يحس .. بقولك ايه ما تيجي نشوف دولابها ممكن مخبية حاجة كدة ولا كدة تبقى دليل من غير ما نحرج البت
هدأت خولة قليلا … قامت بسرعة باتجاه اوضة دينا و تبعتها خديجة … فتحت الدولاب و بدأت بتفتيشه
سحر : بتعملي ايه يا خولة ؟! مش للدراجادي يعني .. ايه ؟؟ هتكون مخبية ايه مثلا ؟!
خولة بتعب : مش عارفة … مش عايزة اظلم البت و اجرحها يا سحر
خديجة : مش ده المهم .. المهم انك تتأكدي يختي
سحبت خولة الوسادة من على السرير و بدأت بتفحص القطن
سحر : استغفر الله العظيم .. حرام عليكي يا خولة
التفت نحو زواية السرير و قالت : ايه ده ؟!
نظرت خولة للزاوية و التقطت علبة سوداء
خولة بصدمة : ده .. ده
خديجة بذهول : مستحيييل
سحر : ايه ده ؟!
خديجة باحراج : ده .. ده … حاجة كدة ..
سحر بنفاذ صبر : ما تخلصوني هو ايه ؟!
همست خديجة باذنها بعض الكلمات
سحر بشهقة : هاااا ؟!
خولة بغضب : و الله لاوريكي يا دينا … انا هربيكي يا بنت الكلب .. و يزن ده انا هفضحه و اوريه هو كمان
سحر : اختشي يا خولة عيب .. هتفضحي جوز بنتك يا ولية ؟!
خولة : ده ان بقى جوزها يختي … ايييه عايزاني بعد العمر ده كله ما اشيلش عيال بنتي ؟!
خديجة : ده وقت الكلام ده ؟! في مصيبة حصلت هنداريها ازاااي ؟!
خولة بتوتر : مش عارفة
دلفت حبيبة للاوضة و قالت باستغراب : بتعملو ايه هنا ؟!
خولة : حبيبة … كلمي دينا و قوليلها تجيلي حالا
حبيبة : دينا خرجت من شوية
خديجة ؛ كلميها و قوليها تيجي بسرعة
حبيبة : حاضر .. بس هو في ايه بالزبط ؟
خولة : بقولك كلميها و خلاص
احضرت هاتفها و اتصلت بدينا و اخبرتها بالعودة للبيت
بعد وقت قصير … دلفت دينا للاوضة و قالت باستغراب : في ايه ؟!
سحر : هسيبكم براحتكم بقى
تركتهم و خرجت من الاوضة
خولة بنظرات نارية : ايه الي بينك و بين يزن يا بت ؟
دينا بابتسامة : هيكون ايه يعني ؟ اكيد حب و غرام .. مهو خطيبي
خولة : خطيبك قولتيلي ؟ … انطقي خلصي علاقتكم وصلت لفين بالزبط ؟!
دينا باستغراب : لفين يعني ايه ؟! مش فاهمة السؤال
حبيبة : طنط اتكلمي من غير الغاز في ايه ؟!
رفعت خولة العلبة و نظرت لدينا و قالت : ممكن افهم ده بيعمل ايه في اوضتك ؟!
شهقت حبيبة و احمر وجهها عندما قرأت المكتوب على العلبة
دينا باستغراب : ايه ده ؟!
خولة : و الله ؟! ما تكدبيش عليا و قولي الحقيقة … انا عرفت كل حاجة يا بت
دينا بغضب : عرفتي ايه ؟!
خديجة : يا بنتي احنا عايزين نستر عليكي و نلم الحكاية … لو في حاجة حصلت قولي و احنا نتصرف قبل ما جدك و خالك يعرفو و تبقى حكاية كبيرة
دينا بضحكة : و الله ؟! تستري عليا ؟ ما تستري على بنتك الاول يا طنط
خولة بغضب : اخرسي يا بت و قولي الحقيقة
دينا ببرود : حقيقة ايه ؟! انا معملتش حاجة .. انا مش مراهقة زي بعض ناس
خولة : و ايه التفسير لوجود الدوا ده باوضتك ؟!
دينا بجدية : التفسير الوحيد ان في حد عايز يعملي مشكلة قام الف الحكاية دي و حط الدوا هنا عشان يبقى دليل عليا .. و لا ايه رأيك يا طنط خديجة ؟
خديجة : من امته و انتي بتتكلمي كدة يا دينا ؟!
دينا : مهو لما حد يطب بشرفي لازم يتهزق يا طنط
خولة : يعني ايه ؟ ما حصلش بينكم حاجة ؟!
دينا : لا طبعا انا مش غبية و لا مراهقة
خولة : و ليه العلبة دي باوضتك ؟!
دينا بسخرية : معرفش … بس بصراحة حركة رخيصة و تافهة … رجالتنا مش محتاجين ادوية
حبيبة : طنط اكيد في سوء تفاهم … اكيد في حد عايز يأذي دينا
خولة بحيرة : دينا … انتي متأكدة انك معملتيش حاجة غلط ؟
دينا بابتسامة مريرة : معملتش يماما .. و لو عملت مش هخبي عليكي … و بالنسبة للدوا ده اديه لطنط خديجة يمكن تحتاجه
رمت كلماتها و خرجت بسرعة من الاوضة تحاول كتم دموعها
خديجة بغضب : شوفتي قلة ادبها
خولة بحدة : خديجة مش عايزة نتخانق تاني .. البنت قالت معملتش حاجة و انا واثقة بيها
حبيبة بصدمة : بعد ايه يا طنط ؟ ………….. يتبع
مغامرات عائلية 2
همس كاتبة