رواية كسرة روح جميلة الفصل الثامن 8 والاخير بقلم مصطفي جابر
اهلا بالوارد الجديد..اقلع هدومك الحلوه دي والساعه وطلع كل اللي في جيبك والبس لبس الاستقبال ده
جمال بخوف بيقلع وبيديهم كل حاجه وبيلبس هدوم تانيه
الراجل بابتسامة: يالله شيل فرشتي دي وامسح الارض كويس عوزك تشوف وش اهلك فيها عاوز اقعد علي نضافة.
جمال بخوف: حاضر همسحها بس مفيش مكنسه هنا ولا قماشه
الراجل بخبث: لا مفيش... اقلع التيشرت اللي عليك وامسح بيه.
جمال بخوف: خلاص هعمل اهو متزعلش نفسك.
قلع تيشرته وبقا بينضف بيه...
عند الظابط.
ممكن افهم اي اللي بيحصل يا ايمن بيه؟ ازاي تقبضو علي مراتي وترموها في الحجز؟ عايز اعرف اي اللي حصل
اولا اتفضل اقعد يا حسام ونتكلم بهدوء.. تاني حاجه مراتك هنا متهمة بقضية دعارة عشان بتجيب رجالة شقتها وانت نايم علي ودنك وانا مردتش امشي الموضوع ميري علشانك خصوصا اننا معرفة قديمة
حسام بصدمة: نعمم؟ مراتي أنا مقبوض عليها دعارة انت بتقول اي؟
الظابط بهدؤء مقاطعا: زي ما سمعت كده..في حد مقدم فيها بلاغ انها بتجيب رجاله البيت واما وصلنا لقينا بالفعل في راجل عندها ولقيناه طلقيها وهيا اللي مكلماه
حسام بصدمة: طليقها؟ مستحيل ازاي ده حصل
الظابط بهدؤء: عالعموم احنا عملنا تحرياتنا ولقينا انكم لسه ساكنين جديد اللي مقدمه البلاغ شخص مجهول وهنعرف هيا مين بس المشكلة ان طليقها ده بيعمل اي عندها وانت مش في البيت؟
حسام بغضب : ممكن حضرتك تطلعهم يا أيمن بيه لو سمحت علشان افهم منهم اي اللي حصل؟
الظابط طلب من العسكري يجيبهم
اول ما وصلو حسام اتصدم من شكلهم المتبهدل و وش رحمة اللي مليان كدمات كتيره.
رحمة بخوف وتمثيل: الحقني يا حسام شوفت اللي عملوه فيا.
حسام بهدؤء: بعد اذنك يحضرت الظابط عايز اتكلم معاهم دقيقتين
الظابط بهدوء: تمام
بيسيبهم ويخرج
حسام بجمود: دعارة يا رحمة دعارة؟
جمال بخبث: كدب والله كدب اوعي تصدق الظابط.. مراتك اشرف من اي حد...هيا اه كلمتني وانا روحتلها بس علشان هيا كانت محتاجه مني فلوس علشان تساعدك بيها وتقف علي رجلك من جديد..وانا كنت واخد الشيك ورايحلها واول ما فتحتلي ودخلت لقيت الحكومه طبت علينا
حسام بجمود: من غير ما تشرح حاجه انا واثق في مراتي وعارف انها اكيد كانت هتتصرف وتساعدني.. عالعموم انا في دماغي خطة تخرجكم من اللي انتو فيه دا مانا مش هقبل مراتي تتسجن.
جمال باستغراب: خطة اي؟.
حسام بخبث: اني هبين ان حصل سوء تفاهم واننا كلنا اصحاب وانك متعود تزورني وجاي تباركلي علي جوزنا و التهمه تقع بس كدا.
رحمة بتفكير: طب والله فكرة انا موافقة عشان نطلع منها ومحدش يشوه سمعتي.
جمال بجمود: ماشي انا معاكم
مشيوا وحسام ابتسم بخبث ...
حسام في نفسه: وحياة امي لهخليكم تندموا علي اليوم اللي فكرتوا انكم تخونوني فيه يا شويه غجر.
بليل..
حسام قعد والاكل قدامهم: يلا الاكل جاهز معلش بقي يا جمال كنت جايب اكل علي قدي انا ورحمه بس.. بس لقمة هنية تكفي مية
جمال باستغراب: هو انت طبيعي اصل انك تجيب طليق مراتك وتعزمة علي الاكل و البوليس يكون ماسكهم قبلها دا مش عادي ولا انت بتخطط لحاجه؟
حسام بخبث: اخطط لي اي؟ انا قولتلك ثقتي في رحمة تتعدي اي حاجه ولو كانت بتحبك مكنتش اتطلقت منك وجاتلي.. رحمة دي اجمل حاجه حصلتلي
رحمة بدلع: ربنا يخليك ليا يا حبيبي يالله اقعد كل وانت كل يا جمال يلا.
بدأو ياكلوا و حسام كان بيتفرج عليهم وكان بيلعب بتليفونه.
رحمة وهيا بتاكل: متسيب التليفون اللي في ايدك ده ويالله كل يا حسام
حسام قام وقف : هاكل اهو..هدخل اجيب حاجه سقعه نبلع بيها من المطبخ وجاي
دخل حسام المطبخ وطلع بعد شوية وفي ايده حبل
رحمة باستغراب: كل ده بتجيب حاجع سقعه... واي الحبل اللي انت ماسكه ده؟
حسام بابتسامة صفرا: هتعرفي دلوقتي يا حياتي كملي اكلك عشان تعوضي العلقة اللي خدتيها في الحجز.
بدءت تكمل اكل. وحست بدوخه وبصت لاقت جمال اغمي عليه.
رحمة بنعاس: جمااال... انت حطيت اي في الاكل يا حسام
حسام جه وماسك حبال: منوم يا حياتي اصل انا ناوي اعرف كل حاجه بطريقتي الخاصة.
رحمة نامت مقدرتش تقاوم وهو ربطهم كويس...
بعد شويه..
رحمة صحيت لاقت نفسها مربوطه في البانيو و البانيو شغال مياه بيتملي براحه : اي دا انت هتعمل اي يا حسام.
حسام قفل المياه: بهدؤء كدا تقولي لي كل حاجه وايلا سلك الكهرباء دا هينزل في المياه و وهتقابلي وجه كريم قولتي اي.
رحمة بخوف: هقول علي كل حاجه بس اوعدني تسيبني.
حسام بهدؤء: اوعدك ها قولي يا روحي وانا سامعك اهو.
رحمة بتوتر: انا و جمال بعد اما اطلقنا كنا لسه بنتعامل كاننا متجوزين و هو طلقني قدام الناس عشان خاطر اجايلك انصب عليك لأننا عارفين انك كنت بتحبني قد اي وبسببي كنت بتتعالج في مصحة نفسيه ف اتفاقنا انا وهو ادخل حياتك من جديد وامثل الطيبه و الحب عشان قلبك يحبني تاني ولما نتجوز اخد منك كل فلوسك و اهرب بيها واتفاقنا انه هو يدخل حياة جميله مراتك عشان يخليك تشك فيها و ترميها بس جميله مكنتش بتخلي حد يقرب ليها غيرك وهو اللي زور تسجيلها مع صحبتها عشان يخليك تكرهها وتخلص عليها لأننا لاحظنا انك بدأت تحن ليها تاني.
حسام بصدمة: واي تاني كملي قولي كل حاجه يلاااا.
رحمة بدموع وخوف: بس انا ندمت وبعدت عن جمال وقررت اني مش هكمل في اللعبة دي تاني وهركز في حياتي معاك.. اتخانق معايا في الاول بس قالي تمام
وبعد كده عرفت ان هو اللي سرق فلوسك ومضاك علي كل املاكك.. مكنش هينفع احكيلك حاجه. فا كلمته قولتله يجبلي نص الفلوس ونص اسهم الشركه والمصانع وده هيبقي حقي وكنت هديهولك علشان تقف علي رجلك من جديد لكن الحقير كان عاوز يخلص عليا لولا البوليس جه ومسكنا كان زماني ميتة دلوقتي.
حسام بغضب: يعني انتي وهو ضحكتو عليا عشان خاطر اخلص من جميلة وانا زي المغفل سمعت كلامك وحياة امي ما هرحمك.
رمي السلك بغضب في المياه ورحمة فضلت تتكهرب لحد اما ماتت...
حسام بجنان: شوية كلاب زيكم يعملوا فيا انا كدا ويخلوني اخلص علي الانسانه الوحيدة اللي حبتني.
خرج ل جمال اللي ربطوا علي كرسي وشال الكمامه اللي علي بوقه : كنتو فاكرين اني مغفل وهتضحكوا عليا صح
جمال برعب: قسما بالله ابدا دي كدابة..هيا اللي اتفقت معايا اعمل كل ده وهيا اللي زورت الريكورد مش انا
حسام بدموع وغضب: انتو دمرتوني و دمرتوا حياتي وكنتو السبب في موت مراتي اللي ضحت بحجات كتير عشاني
حسام قرب منه وضربه بالقلم وطلع المسدس .. فين الاوراق اللي مضتني عليها
جمال بخوف: قسم بالله ما اعرف حاجه عن الموضوع ده انا لقيت رحمه بتقولي ان حد خطفك ومضاك لكن والله ما انا.. اكيد في حد تالت بيلعب عليك
حسام بغضب: هعد لحد تلاته لو منطقتش هقتلك انا مش باقي علي حاجه
جمال برعب: مش انا مش انا والله
حسام بغضب ضربه بالرصاص في نص دماغه
حسام حط ايده عاي راسه مش مستوعب اللي حصل
خد سلاحه في جيبه وخرج من الباب ونزل علي تحت
اول ما نزل من العماره وقف بصدمة لما شافها قدامه..
حسام بصدمة: بسم الله الرحمن الرحيم انا اكيد بهلوس... ج جميله انتي لسه عايشه؟.
جميله قربت منه ببرود: مفاجأة مش كدا بس هل هي مفاجأة حلوة ولا وحشة .
حسام بفرحه: لا دي حلوة اوي انتي وحشتيني انا عرفت كل حاجه سامحيني يا جميله وتعالي نهرب سوا.
جميله بقرف: اسامحك علي اي انت مختل يا حسام انت واعي بتطلب اي اصلا.
حسام بجنون ودموع: ا انا عرفت اني بحبك انتي وهي خلاص انا خلصت منها وخلصت الناس من شرها و مش هتدخل حياتنا تاني و خلصت بردو علي طليقها يعني محدش هياخدك مني ولا حد هياخدني منك انا عارف اني غلطان بس هي اللي ضحكت عليا والله كانت بعتالي تسجيلات مزيفه ليكي.
جميله بتضربه بالكف: الكف دا عشان انت متستهلش اي حاجه من اللي انا قدمتهالك ولعلمك انا اللي مضيتك علي تنازل وكل حاجه وكل اللي حصل دا انا وراه عشان اخد حقي منك.
حسام بصدمة: يعني انتي اللي سرقتي فلوسي؟.
جميله ببرود: قصدك فلوسي انا وورثي من ابويا اللي ساعدتك بيه لما كنت بحبك وخليتك تقف علي رجلك وتبقي من رجال الأعمال.. انت مش راجل و عمرك ما هتكون راجل.
حسام مسك ايديها بغضب: ماشي انا هسامحك عاللي عملتيه وانتي تسامحيني ونعيش سوا تعالي.
امجد جه من وراه ومسك ايده : لا يا حلو دي بقت ملكية خاصة وملكي انا يعني ايدك دي متلمسهاش.
حسام بغضب: انت تاني المرة دي مش هسيبك انا كده كده ميت بس مش هموت غير لما اخد روحك معايا
جه يطلع سلاحه امجد ضربه بالبوكس وقعه عالارض ونزل عليه وثبته عالارض.
جميله ببرود: لو عايز امجد يسيبك وتهرب قبل ما الشرطه توصل طلقني علشان تنفد بجلدك
حسام بألم: انتي طالق يا جميله طالق طالق.
جميله خدت نفسها: اخيرا عملت حاجه صح في حياتك قبل ما تموت
حسام بعضب انا طلقتك اهو خليه يسيبني بقيييي
جميلة بأبتسامة: انا مش سامعك من الدي چي
حسام بخوف: يعني اي؟
الناس بدأت تتلم وتتفرج
جميلة بجمود: يعني الشرطة زمانها علي وصول دلوقتي
بعد شوية
البوليس جه وخده و امجد مسك ايد جميله .
بعد مرور تلات شهور..
امجد بأبتسامه : جميلة انا عايزك في موضوع مهم
جميلة بابتسامة موضوع اي يا أمجد مش اتفقنا ورتبنا ميعاد فرحنا وكل حاجه
أمجد بتوتر: لا مش ده الموضوع..هو بس حصل عندي عجز في السيولة بتاعت الشركة وكنت عايز استلف منك مبلغ كده وهكتبلك الشركة بأسمك، ولما أرجعلك المبلغ ترجعيلي الشركة .
جميلة بزعل: عيب اللي انت بتقوله ده يا أمجد فلوسي هيا فلوسك وبعدين دحنا ما بينا عشرة عمر وواثقه فيك..الشركة هتفضل بأسمك وانا هديك المبلغ اللي انت عايزو ولما ربنا يقدرك وتفك زنقتك دي ابقي رجعلي فلوسي.
امجد بأصرار: يبقي مش هاخد منك جنيه يا جميلة غير لما الشركة تتكتب بأسمك زي ما اتفقنا علشان اكون مرتاح وبكرا الصبح هاخدك ونروح الشهر العقاري هعملك عقد بيع وشري بأسمك .
جميله بأبتسامه: تمام اللي يريحك
تاني يوم صحو وراحو الشهر العقاري ومضت جميلة علي الورق وامجد اخد الفلوس
جميلة بجمود: بقيت مرتاح انت كده لما كتبتلي الشركه؟
امجد بابتسامه: طبعا.. اركبي هوصلك وعاملك مفاجأة
جميلة بفرحة ركبت العربية:مفاجأة اي؟
امجد بأبتسامة: في كيس عندك في الكنبة اللي ورا افتحيه كده
جميلة بأستغراب مسكت الكيس طلع منه اصوات شخلاليل
: ده اي اللي في الكيس ده يحسام؟
امجد بضحك: افتحيه بس
جميلة فتحته لقيت طقم دهب.
جميلة بصدمه: ينهار أبيض اي ده؟
امجد بضحكه: ده هدية ليكي وفلوسك قريب هروح البنك وأحولهم لحسابك وزيادة كمان… ومبروك الشركة.
أنا كنت باختبرك بس قولت أشوفك هتقفي جنبي ولا هيبقي عندك عقدة من صنف الرجالة بعد اللي حصل ده لكني لقيتك لسه زي منتي بنت أصول وعمري ما أسيبك ولا أفرّط فيكي.
#النهاية 🤎🦋😘
#رواية_كسرة_روح_جميلة
#بارت_8_والأخير
تمت