رواية حافية القدمين الفصل الرابع عشر 14 بقلم نورة عبدالرحمن

رواية حافية القدمين الفصل الرابع عشر 14 بقلم نورة عبدالرحمن 

#حافية_القدمين 14 #بقلم_نوره_عبدالرحمن

نايمه مش عايزه تفتح عينيها مش عايزه تفوق على الكابوس اللي عاشته امبارح بتنزل دموعها. ..بحرقه بقهر على حالها خسرت الجنين اللي كانت مستنياه بقالها كتتير ..

حست بيه وهو بيمسح دموعها اللي بتنزل بحنان فتحت عينيها وشافته قدامها وشه باين عليه التعب والحسره على حالها ..

همس بصوت مبحوح : انتي كويسه ياحبيبتي 

ردت بحرقه وقهر : قتلت ابننا ليه ياوسيم

وسيم اتصدم من حالتها وهي بتزق أيده عنها وبتتكلم بانهيار : مو*تت  ابننا ليه رجعتتي لذمتك ليه انا بكرهكك قت*لت ابني مش هسامحك مش هسامحك يا وسيم 

وسيم كان مصدوم حاول يهديها لكنها اول مره بتبتعده بكرهك وكأنه عدوها بصتها اول مره تبصهاله كده هو معملش حاجه ليه.  ليه بتقول الكلام ده

وسيم بصوت مهزوز وخايف عليها : أسيل حبيبتي اهدي

أسيل بانفعال : انا مش حبيبتك اطلع برررا خرجوه من هنا مش عايزه اشوفه 

وصل الدكتور والممرضين وخرجوا وسيم بررا وادوها حقنه مهدئه ونامت وهي بتتحسر على كل يوم عاشته مع وسيم وحبته فيه..

اول ماخرج الدكتور وسيم جري ناحيته : طمني يادكتور هي كويسه مالها اي اللي حصل لها

الدكتور : انت جوزها

وسيم : ايوا انا وسيم الراعي 

الدكتور : الاحسن نتكلم في مكتبي..

وسيم : هي حالتها

الدكتور :اتفضل يا وسيم بيه نتكلم في المكتب ...

*************

تيا خلصت محاضراتها وكانت راجعه البيت لكنها اتفاجأت بأحمد خطيبها السابق بينده عليها  اتجاهلته وكملت طريقها لكنه جري وراها ومسك دراعها وقال : تيا انتي مش بتردي ليه

تيا بتريقه : مش برد .. انت واخدك العشم اني ارد عيليك ليه يا احمد

احمد : تيا انا عارف اني جرحتك... لكن انا ...

تيا بمقاطعه : ولا جرحتني ولا هجرحك انت تبعد عن حياتي يكون احسن ليك وليا 

احمد: على فكره انا فسخت خطوبة 

تيا : وانا مالي تفسخ تخطب تتجوز انا مالي ولسه هتمشي مسك أيدها وقال : انتي المفروض تسمعيني احنا لازم ندي نفسنا فرصه تاني

تيا زقته وقالت : ابقى ادي لنفسك فرصه انا معنديش فرصه تاني وانت مش اخر قطعه في الدنيا ولسه هتمشي مسك أيدها وهو متعصب وبيقول : انتي لازم تسمعيني

وقبل ما ترد عليه كان واقع عالأرض واشرف بيضربه وهو بيقول بانفعال : انت مابتفهمش مش قالت مش عايزه اسمع

تيا اتصدمت لما شافت اشرف ضربه 

احمد بانفعال : اه قولي كده انت عرفتي حد تاني متضيعتيش وقت ابدأ ولسا اشرف هيضربه 

تيا ضربته بالقلم وجريت وهي بتعيط

وأشرف زقه وحصلها لكن ...

*************

فريده :  انتي لوحدك ليه

يسرى : هروح فين يعني  اديني قاعده في البيت 

فريده : انتي لسه زعلانه من جسور.

يسرى ضحكه بغصه وقالت : لااااا هزعل ليه جسور عمل ايه عشان ازعل منه..ياماما .

فريده : يسرى مهما كان اللي حصل بينكم انا اللي متأكده منه أن ابني بيحبك

يسرى بسخريه : بيحبني ..

فريده : اه والله بيحبك انا جسور عارفاه كويس ده ابني

يسرى : مش كفايه ياماما الحب مش كفايه 

فريده : يسرى جسور

يسرى بمقاطعة : عارفه انتي عاوزه تقولي ايه زي اي ام هتفضلي تدافعي عنه لكن لا ياماما اللي عمله جسور مش ممكن يتنسى بسهوله .. ده قت*ل روحي خد فرحتي واجمل ايامي كملت بعياط .انتي عارفه اني كننت مستنيه رجوعه بالدقيقة عشان كان وحشني.. واما رجع عمل ايه  كسرني .. كسره مستحيل اعرف اتخطاها ياماما ومفيش ست تعرف تتخطها .. ولا تتحمل اللي عشته

فريده : بتحصل يابنتي بتحصل الراجل ومراته بيحصل مابينهم كده .. مرات  كتيره الراجل بيفقد السيطره على نفسه وبيمد أيده على مراته انا في مره حصل بين وبين ابو وسيم عادي يابنتي احنا بنسامح عشان المركب تمشي.. وعشان اللي بنحبنهم

يسرى مسحت دموعها وقالت : أنا كنت بموت بين اديه ياماما كنت بموت وهو مكنش سامع حتى لما كنت بترجاه يسيبني كان هيموتني ده كسر فرحتي وكسر قلبي قبل مايمد أيده ويكسر جسمي . مش هعرف اسامحه ولا عايزه اسامحه هكدب عليكي لو قلتلك ان هيجي اليوم اللي هعرف اتخطى فيه اللي عيشني فيه جسور. ولسه بشوفه منه لحد النهارده ..

فريده بحزن : ربنا يحنن قلوبكم على بعض يا بنتي 

في الوقت ده دخل جسور الصاله وقعد جمب امه وبأسها وهو بيبص ليسرى : ازيك  ياست الكل

فريده : الحمدلله كنت فين يابني 

يسرى وقفت عشان تمشي واتصدمت لما سمعته يقول :  كنت مع ايمي بنخطط عشان فرحنا 

فريده اتصدمت 

يسرى حست رجليها مش شيلاها وقلبها بينتفض

فريده : قلت ايه

جسور وهو بيبص ليسرى انا وايمي قررنا نتجوز ..

**************

اشرف : انسه تيا استني لو سمحتي

تيا بانزعاج : عايز ايه

اشرف انتي متعصبه : ليه  انا عملت حاجه زعلتك

تيا بانفعال : انت مش شايف نفسك عملت ايه 

 وجودك هنا غلط خناقتك مع احمد.غلط وجريك ورايا كده غلط

اشرف بس انا كنت

تيا : انت خليت شكلي زي الزفت قدام الناس  لو سمحت امشي من هنا

اشرف اتضايق واعتذر منها ومشي...

وهي اتعصبت 

**************

الدكتور : المدام أسيل حالتها النفسيه صعبه جدا..

وسيم : يعني  هي هتفضل كده كتتير.

الدكتور.: حضرتك لو معرفتش تخرجها من الحاله دي ممكن تعملها مشاكل نفسي في المستقبل

وسيم : مش فاهم..

الدكتور :  الست أسيل اتعرضت للضرب وخسرت جنينها وهي دلوقتها عندها انهيار عصبي حاد واحتمال تتطور حالتها للاسوء 

وسيم بقلق  : يعني هتتجني ..

الدكتور: انا مقولتش كده لكن احتمال هتجيلها حالة تكون مغيبه عن الواقع ..

وسيم : طب المطلوب مني ايه انا ممكن اسفرها بررا البلد 

الدكتور : لا مفيش داعي هي بالوقت الحالي محتاجه متابعه نفسيه وفتره نقاهه تبعدها عن أي انفعال او موقف ممكن يأثر عليها..

وسيم : حاضر.. انا همعل كل حاجه المهم تكون بخير. 

الدكتور : هبعتلك اسم دكتور نفسي شاطر ياريت تتابع معاه.

وسيم بشرود أن شاء الله .

يتبع ....

       الفصل الخامس عشر من هنا 

لمتابعة باقي الرواية زوروا قناتنا على التليجرام من هنا