رواية بين العشق والخداع الفصل الخامس 5 بقلم عائشة الكيلاني
حنين وقفت مكانها و اتصلت بالاسعاف مع ان لسه مصدومة و مخضوضة من المنظر و مش طيقها بس مهما كان دى روح و لازم تنقذها بعد وقت جت الإسعاف حطوها في السيارة و حنين ركبت معاها بعد وقت في المستشفى كانت حنين قدام غرفة العمليات
حنين رايحة جاية بحيارة و تفكير:- اعمل اي اتصل بيه ولا لا ... ممكن يقول انى عملت كدا انا غبية المفروض مكنتش جيت و لا هتصل بيه يجي و همشي
حنين فتحت الفون و فكت البلوك الى كانت عامله لادم و اتصلت بيه و هى مذل رايحة جاية:- رد بقاا الو ادم انت فين
ادم:- فكرتي في كلامي وافقتي تدني فرصة تانية علشان اسيل
حنين اتنهدت بهدوء غمضت عيونها و فتحتهم:- جميلة في المستشفى
ادم قام بفزع و لهفة:- اااي مستشفى اي ااي الى حصل و اي الى جمعكم ببعض.
حنين اتنهدت و قالت بمرارة و سخرية:- ابقا اسالها ياريت تجي دلوقتي لانى مش فاضية ولا عايزة اقعد اكتر من كدا .... عنوان المستشفى***** ياريت متتاخرش
حنين قفلت السكة في وشه وقفت قدام غرفة جميلة حطت ايديها على جبينها بحزن و اختناق دموعها نزلت بوجع قالت لنفسها:- خايف عليها اوى اما عمرك ما خفت عليا ولا بنكدب يادم دمرتني علشان حاجة مليش يدى فيها عمري ما هسامحك و لو حتي علشان بنتي بنتي الى ذنبها انك ابوها بس هو ملوش ذنب الذنب ذنبي انا انا الى حبيته و دخلته حياتي حبيته لدرجة نسيت نفسي و روحي علشانه مكنتش عايزة حاجة منه غير انه يحبني رسم عليا الحب طب ليه ليه ما صرحنيش من الاول ك كنت مش ها سيبه كنت هفضل جانبه طلامة على حق ليه دبحني بالقسوة دى
قعدت على الكرسي كانت حاسه انها هتموت من التفكير مكنتش تتخيل ان يفضل حد عليها مع ان هى الى وقفت جانبه و ساعدته يبقا حاجة في الاخر ادمرت من اكتر انسان حبيته بعد شوية كان ادم جاه بينهج:- هى كويسة جميلة حصلها اي
فاقت من سرحانها على صوته قالت من غير ما تبصله:- معرفش حاجه الدكتور لم يخرج يبقا يقول حصلها اي
حنين قامت لسه هتمشي ادم بتردد:- حنين بلاش تكوني انانية علشان بنتك على الاقل
حنين لفت وشها:- انت اخر واحد يقول اعملي اي و معملش اي بنتي محدش هيخاف عليها أو على مصلحتها غيري بعد اذنك
الدكتورة خرجت من غرفة ادم و حنين بصلها بقلق
الدكتورة بحزن:- للاسف فقدنا الطفل
حنين حست بحزن صحيح مش بتحب جميلة بس ولا بتكرها
ادم وقف مكانه مصدوم و حزين تقريبا مش قادر يتكلم حنين بصتله بقهرة:- طب هى كويسة دلوقتي
الدكتورة:- واضح انها محاولة قتل لانها مضروبة بسكين.. انا للاسف ها قدم بلاغ لان الى حصل دا جريمة بعد اذنكم
حنين بصت لطيف الدكتورة و قعدت و مذل مصدومة مش عارفه تحزن على حالها ولا على جميلة الى برضو ملهاش ذنب
فاتت ساعات كانوا نقلوا جميلة غرفة عادية
فلاش
الباب خبط جميلة قامت بسرعة :- اكيد هى
اتجهت لباب بأمل و قلق فتحت الباب:- انتوا مين
الستات زقوها لجوة قفلو الباب جميلة في وقتها حست انها في خطر لكن ملحقتش تصرخ ولا تدي رد فعل لان اتنين كتفوها و التالتة وقفت قدامها حطت لزق على بؤها و فضلت تضرب فيها هى و ست رابعة معاهم و بعدين طعنتها بالسكينة شالت الزق من على بؤها جميلة وقعت على الارض و غمضت عيونها الست:- يلا بينا قبل ما حد يشوفنا اوعو تنسوا حاجة
فتحوا الباب و خرجو بسرعة كانت مغمضة عينيها لكن كانت سامعة صوتهم و تحركاتهم
باك
فتحت عيونها بصت حواليها عينيها نزلت دموعها لم اتاكدت ان دا واقع كان ادم واقف قدامها و حنين قعدة جانبها
بصتلهم بوجع:- ابنى راح صح ساكتين ليه... قولوا حاجة
ادم اتجهت ليها قعد على السرير قدامها:- حمدالله على سلامتك
جميلة بانهيار و دموع:- سلامة اااي و انا خسرت ابنى عن اى سلامة بتتكلم ااانت
جميلة بصت لحنين:- حقك جاه يا حنين
قالتها بوجع:- انا مكنتش اعرف والله ماكنت اعرف انى اخده منك ولا انى دمرت حياتك
حنين قامت مسحت دموعها و مسكت ايديها:- جميلة مفيش حاجة من دى ا انا مش زعلانة منك ولا جاه في بالي انكى السبب دا نصيب و كان هيحصل هيحصل انتى ملكيش ذنب و كمان البيبى عمره كدا المهم ان انتى بخير بكرا يا حبيبتي ربنا يعوضك باحسن منه كله خير صدقيني
جميلة بدموع و انهيار:- ضربوني لحد ما راح مني
حنين حضنتها و جميلة مذل بتعيط بانهيار فضلت طول اليوم و روحت في الفيلا
هاندا مربعة ايديها:- كنتي فين و متقوليش شغل علشان كلنا عارفين انكى خرجتي بدري من الشركة
حنين بهدوء:- كنت مع جميلة في المستشفى لان حالتها صعبة
هاندا اتصدمت مسكتها من دراعها قالت بحادة:- انتي اكيد اتجننتي اي الى يوديكي ليهم احنا مش خلصنا انتي مالك بيها خطر ولا مش خطر سبيها تغور في داهية دى
حنين واقفة مصدومة من كلام امها و طريقتها معاها حررت نفسها منها:- دى بنادمة على فكرة ثم ان مشكلتي معاكم مش معاها انتي الى دمرني عيلة بحالها و انا بدفع الضريبة مع ان معملتش حاجة بس معلش... هو انتي ليكى يد في الى حصل لجميلة... ماما الموضوع ارواح ناس و كان ممكن يحصلي الى حصلها
هاندا بصدمة و عصبية من اتهام حنين ليها:- بسس اخرسي بتشكي فيا بتتهمني يا حنين ثم انا اعرف بيتها ولا مكانها منين... مستحيل اعمل كدا انا مشكلتي مع الزفت مش معاها
حنين::- ماما
هاندا بصدق:- والله العظيم ما اعرف انتي بتتكلمي في اي ولا اي الى حصلها اصلا
حنين بجنون:- اومال مين الى عمل كدا البت أجهضت بفعل فاعل كانت هتموت لولا ستر ربنا ماما ارجوكي اوعي تكوني بتقولي كدا علشان تهديني
هاندا:- انا لو كنت عايزة اعمل حاجة كنت قتلتها قدامه ولا يهمني
حنين:- طب و فلوس ابو ادم عملتي بيها اي
هاندا:- دخلت مشروع و فشل دا قبل ما اتجوز ابوكي
حنين:- يا ماما
هاندا:- عايزة اي يا حنين
حنين:- كان كام المبالغ الى اخديه منه
هاندا:- مبالغ كبير عادي
حنين بشك:- طب بعد اذنك هروح انام
حنين طالعت اوضتها اخدت شور و نامت بعد اسبوعين جميلة خرجت من المستشفى و حنين كانت بترعيها و تهتم بيها في بيت ادم
جميلة:- كنت عايزة اقولك فكري على الأقل علشان اسيل و لو مش عايزني مع ادم انا مستعدة اخرج من حياته
حنين:- الموضوع مش زى ما انتي فاكرة انا و ادم بينا اسوار و بعدين احنا مبسوطين كدا
جميلة اتنهدت بمرارة:- بس ادم مش مبسوط
حنين:- ادم بيحب كل حاجة تحت رجله و بين ايديه حتي لو مش بيحبني ممم لعبة بالنسبة له لعبة مش اكتر يلا اسيبك انا
جميلة طبطبت على ايديها و قالت بابتسامة:- شكرا يا حنين
حنين بابتسامة:- مفيش شكرا بينا و انا معملتش حاجة
حنين خرجت من البيت فتحت الباب كانت هتركب العربية
ادم قفل الباب و وقف قدامها:- عايز اتكلم معاكي
حنين:- مفيش كلام بينا و لو على اسيل تقدر تتصل بى بابا و تحدد المعاد و المكان الى تشوفها فيه حاجة تانى بعد اذنك
ادم بغضب:- هو انتي تقتلي القتيل و تمشي في جنازته
حنين بصدمة من طريقته وعدم فهم:- اانت اتجننت ازاى تتكلم معايا بالطريقة دى يا زبالة
ادم بغضب و احتقار:- الزبالة دى الى تتفق على مراتي تجبلها ناس علشان يجهضوها لا يموتوها برافو عليكي انا مش مستغرب على فكرة انتي تباني ملاك و محترمة لكن من جواكي زبالة و شيطانة و كويس جدا انى طلقتك
طالع الفون و فتحه قال بغضب و احتقار:- انتي ولا مش انتي هى وصلت بيكى انكى تقتلي مراتي
حنين بصتله و دموعها بتنزل و هى مصدومة ووووو
بين العشق و الخداع
عائشة الكيلاني