رواية العقدة والحب معا الفصل السابع 7 بقلم امل بكر
-هو انا جيت ازاي العربيه ؟!
-شيلتك
اتكلمت بردح،
-نعممم!!!
انت ازاي تشيلني انا قولتلك شيلني ؟!!
-المفروض كنت استني لما تفوقي علشان تقوليلي!!
-كنت تعرفني ؟!
-اي الفرق وبعدين اكلمك ازاي وانتي ميته انتي عبيطه؟
-ده انت الي عبيط يابعيد
-بت انتي لمي لسانك انا غلطان اني انقذتك
بسخريه ،
-يعني انقدتني من الغرق مش فاهمه وبعدين اي حد كان هيعمل كده
رفع حاجبه ،
-ماشي انا غلطان فعلاً المره الجايه هسيبك
خمست في وشه،
-اعوذ بالله الله واكبر بتفول عليا قال المره الجايه قال
-ده علي اساس مش هتشوفي ناس في حياتك تاني
بغيظ،
-والله انك انسان تنح وانا غلطانه اني قولتلك سري
-سر اي ياشيخه اتنيلي
لسه كنت هتكلم قاطعني صوت بنت بصيت لقيتها ياسمين كانت واقفه علي الشباك من ناحيتي
اتكلمت بضيق،
-براء انت طلعت لي علي العموم احنا هنروح وانا هروح معاك
كان هيتكلم ولكنها بصتلي وقالتلي ،
-ممكن تنزلي علشان اركب هنا
بلعت ريقي باحراج وكنت هفتح الباب ولكنه وقفني
-معلش ياياسمين انا هوصلها البيت ورايح الشغل
اتكلمت باصرار ونبره ترجي،
-معلش وصلني ماما هتروح مع خالتو وبابا مشا
بصتله واتكلمت،
-خلاص انا هنزل وانت وصلها
بصلي واتكلم بنفاذ صبر وهو موجهه كلامه ليها،
-اركبي اركبي اما نشوف اخرتها
اتكلمت بابتسامه هاديه،
-ممكن ياحبيبتي ترجعي ورا
كنت عايزه اشتمها بجد بقي ولكنه انقذني ،
-ياسمين هي تعبانه ومحتاجه هوا لو سمحت اركبي ورا ده لو حابه اوصلك
ركبت ورا وهي بتأفف
ابتسمت ببلاهه وانا بفكر لي قالها كده طب مافي هوا ورا برده كلامه مش مقنع بالمره
فوقت لما قالي بهمس ،
-اقفلي بوقك هتدخل دبانه
لفيت وشي ناحيه الشباك باحراج
وهي نزلت من العربيه وهي مدايقه
وبصتلي بضيق وهي بتوجه كلامها ليه،
-بكلمك ياحبيبي
قالت الكلمتين دول وطلعت علطول وانا اتنفست بخنقه من حبيبي دي!! وهكلمك!! كمان هي اجت عليها
ركن قدام البيت وانا فتحت الباب ونزلت ولكنه وقفني
-استني الشوكلاته
رجعت تاني وانا باخدها واتكلمت بخبث،
-هاخدها بس علشان اتأسفت
باستنكار ،
-انا متأسفتش اصلاً
-مع علينا باي
دخلت العماره ولقيت نفسي بلف ابص عليه لقيته متابعني لفيت بسرعه وطلعت
دخلت البيت واتكلمت مع ماما وحكيتلها الي حصل
-اه ماما صح خالو محمد كلمني وقالي انه هيطلع مع خالو احمد اسكندريه الاسبوع الجاي وقالي اجي معاهم هاا موافقه
خلصت كلامي بحماس وانا ببصلها
-مفيش مشكله ولكن هخاف عليكي
-لي ياماما متخافيش خالو الاتينين معايا وده كفايه عليا مش هعرف اشم نفسي حتي
-لما يجي وقتها بفكر
-لا ياماما قوليلي دلوقتي
-خلاص هاجي معاكي مضمنش
-طب وعمو ؟!
-هقولو ويجي معانا
-طيب بعرفيني عمو هيقولك اي
-ماشي
(صلو علي النبي)
<<<<<<<<<<<<<<<
"بعد يومين "
ونفس الوضع اروح الشغل مع عمو وارجع معا ومتكلمتش تاني مع براء وهو مش بيجي البيت
حسيت باحساس غريب وخصوصاً اني مش بشوفه في العياده بنمشي قبله وبنروح بعده
رجعت مع عمو من الشغل وكنا طالعين السلم وسمعنا صوت ماما والزعيق طلعنا جري لان الاسانسير كان وقتها عطلان
عمو سابقني وانا كنت طالعه بسرعه ورا وانا خايفه يكون حصل حاجه ولكن رجلي وقفت وانا شايفا قدامي هو
"بابا "نفس ملامحه الي عمرها ماطلعت من دماغي هو هو لي رجع كنت عايزه اجري عليه واقوله قد اي وحشني
بس مقدرتش عيوني كانت ثابته عليه وهو بيبص لعمو مجدي بضيق
ده حتي مختش باله مني مش بعيد ميعرفنيش
قلبي وجعني وجعني اوي وكان جوايا عياط محبوس في قلبي قلبي وبس
اتكلم بزعيق وهو بيشاور علي عمو مجدي وبيوجه كلامه لماما ،
-هو ده جوزك ؟!!
عمو وقف قدام ماما واتكلم بثبات ،
-انت ازاي بتكلم كده مع مراتي وانت مين من اصله ؟!!
اتكلم بسرعه،
-جوزها حضرتك
ماما زعقت ،
-جوز مين انت ابو عيالي وبس وطليقي
اتكلم هو،
-ولو عيالي موجودين هنا وانا عايزهم
عمو مجدي حاول يتحكم في اعصابه وهو بيتكلم اخد بالي اما ضغط علي ايديه،
-وانت لو عايز تشوف عيالك تيجي تتهجم علي البيت بالشكل ده ؟!
رد عليه بسخريه ،
-ومين قالك ان عايز اشوفهم بس!!!
عمو مجدي ،
-تقصد اي ؟!
-اقصد اني هاخدهم واسافر مش هسمح يقعدو هنا لحظه واحده
ماما اتكلمت بعصبيه،
-ده في احلامك عمري ماهسيبهم ليك
اتكلمت بهدوء معرفش طلع مني ازاي وهو لفلي وكأنه لسه واخد باله مني ،
-لسه فاكر اننا عايشين !!
لفلي وهو عاقد حواجبه باستغراب فهمت من نظراته انه معرفنيش وده وجع قلبي اكتر ندمت اني اتكلمت علشان وجه عيونه عليا وشوفت عدم معرفته ليا
ماما قربت عليا وهو بيتشدني من ايديا بخوف وبدخلني البيت وبتقف قدامي
اتكلمت بهمس ولكنه سمعها،
-إلين حبيبتي ادخلي جوه
قرب مني وهو بيتكلم ،
-انتي إلين بنتي !!
ضحكت بسخريه كل ما بيتكلم بيوجعني اكتر
كنت بصاله وبس مقدرتش انطق بحرف واحد
عمو مجدي بصلي ،
-إلين انتي عايزه تتكلمي معا؟!
رد عليه بعصبيه،
-وانت مين اصلاً دي بنتي واكيد عايزه تكلمني
عمو كان هيرد ولكني قاطعته ،
-انت معرفتنيش معرفتش بنتك انت سمعت اسمي صدفه
بصلي بنظره استعطاف واتكلم،
-متقوليش كده انا عارفك خلينا نتكلم ياحبيبتي وهفهمك كل حاجه
ضحكت وهما بصولي باستغراب اكيد فكروني اتهبلت ولكني مقدرتش امسك نفسي ضحكني اوي بعد كل السنين دي جاي يعرفني ويفهمني كمان طب والله اب طيب
عمو مجدي اتكلم بضيق ،
-امشي دلوقتي انت شايف عملت فيها اي
كان هيرد عليه ولكن وجه نظره باستغراب لبراء الي طالع السلم وهو بيبص بعدم فهم لوقفتنا قدام الباب
مكنش بيجي البيت اي الي خلاي يجي دلوقتي بس ياربي
براء قرب علي عمو مجدي ،
-هو في اي يابابا ؟!
عمو مجدي بهمس ،
-براء امشي دلوقتي
بابا بعصبيه ،
-كمان ليك ابن وعايش هنا مع بنتي طب والله مش هتقعد هنا ثانيه واحده وهاخدها
خلص كلامه بنبره عند وانا خوفت جداً من كلامه وجديته في الكلام الي واضح جداً انه مبيهزرش
عمو مجدي اتكلم بابتسامه هاديه،
-ومين قالك انه ابني وبس
بابا بصله بضيق وعدم فهم،
-يعني اي مش ابنك بس دي !!!؟
عمو مجدي بص لبراء بهدوء واتكلم بجديه ،
-يعني ابني بيكون خطيب إلين وهما خلاص قربو يتجوزو
بصيت لعمو مجدي بصدمه وعيني الي اجت علي براء الي بص لابو بضيق وهو مش فاهم حاجه
بلعت ريقي بخوف من نبره بابًا العاليه ،
-انت بتقول اي انت مفكر انك كده هتضحك عليا؟!
ماما اتكلمت بنبره ثابته ولكنها كانت مرعوبه لانها ماسكه ايديه وحاسه بايديها المتلجه ،
-واحنا هنضحك عليك لي ؟!
عمو مجدي اتكلم وهو بيبص لبراء ،
-مش كده يابراء كلامي غلط ؟
براء فضل باصصله وانا شايفه ايديه الي عمال يضغط عليها بص لبابا واتكلم بهدوء،
-بالظبط ممكن تقولي بقي مين حضرتك وازاي واقف كده قدام خطيبتي وامها
بصتله وانا سامعه كلامه الي بيخرج منه وانا فاتحه بوقي
ده لحق يتعود ويمثل كمان!!
-ابوها حضرتك
عمو مجدي بص لبابا،
-اديك عرفت ممكن بقي تتفضل تمشي
-استحاله امشي من غير عيالي وبعدين خاطيبها ازاي وعايشين في نفس البيت
كمل كلامه وهو بيبص لماما،
-شكلك كده مش عارفه تربي انا هاخد عيالي واربيهم بنفسي
عمو مجدي لحق الموقف واتكلم،
-ابني مش عايش هنا هو كان جاي انهارده علشان نحدد مع بعض كتب الكتاب علشان يبقي اريح ليهم
تاني صدمه نزلت عليا هو عمو بيقول اي بجد بقي
براء بصله بسرعه مكنش قادر يتكلم علشان ميحرجش
ابوه فهمت كده من نظراته وعمال يضغط علي سنانه هتقولو عرفت ازاي انا بفهم في الناس جداً وحاسه بكده
بابا رفع حاجبه،
-لا والله طب يلا ندخل نحدد كتب الكتاب مع بعض بقي
لازم أتأكد بنفسي
عمو مجدي اتكلم بتفاذ صبر ،
-احنا هنحدد مع بعض وبنعزمك ان شاء الله
اتكلم باستسلام زي بالظبط لما مشي بسهوله وسابنا واستسلم علطول ،
-ماشي انا همشي ولكن هاجي بكره ونعرف الميعاد ها
خلص كلامه وهو بيبص لعمو وبراء وماما بعدم ثقه في كلامهم وكانه حاسس انهم بيضحكو عليه وده خوفني اكتر
عمو مجدي شاورله بايده بأنه يمشي،
-هنعرفك اكيد اتفضل دلوقتي بقي
هو مشا من هنا وكلنا دخلنا البيت وانا دخلت الاوضه وانا عماله افكر في كميه الصدمات الي حصلت انهارده
سمعت صوت عصبيه براء ،
-انت ازاي يابابا تحطني في الموقف ده ؟!
وكتب كتاب اي كمان الي هيتحدد !!!
رد عليه عمو مجدي بصوت هادئ علشان يمتص غضبه،
-اهدي يابراء ابوها لسه جاي من السفر بقاله ١٥ سنه بره ولسه جاي عايز عياله متخيل نسيبه يعني ؟!!
رد عليه براء وسمعت نبرته الي باين عليها الضيق،
-وانا مالي !!! انت عارف كويس اني مبحبش حد يحطني قدام الامر الواقع
حطيت ايدي علي وشي وانا بعيط هو معا حق وانا مقدرش ارتبط بشخص مش بحبه وبسبب اي علشان بابا يسبني هنا عارفه ان عمو عايز يحميني ويخليني
جمب ماما ولكن الحل ده مقدرش اعمله وكمان هو مغصوب مقدرش اخلي شخص يضحي بحاجه مش حاببها عشاني مسحت دموعي بعنف وطلعت بره
واتكلمت،
-عمو انا همشي هروح عند خالو او اي حد لكن مقدرش اعمل الي قولته انا عارفه ان قولت كده علشان مصلحتي ومقدره شكراً ليك عموما
ماما اتكلمت،
-ابوكي مش هسيبنا في حالنا هيروح عند خالك وهياخدك بالعافيه
عمو اتكلم ،
-ده الحل الوحيد الي يخلي يبعد عنكم وكمان هو واضح ان مش مصدق كلامنا ولازم يتكتب كتابكم بكره
هو غمض عينه بضيق وشاور عليا وهو بيكلم عمو،
-ماخلاص يابابا سيبها خلي ياخدها ولا تروح لخالها احنا مالنا ؟!!
عمو بصلو بحده ،
-براء
مسكت نفسي علشان معيطش من كلامه الزفت ،
-وانا رائيي كده ياعمو انا فعلاً هعمل مشاكل و
قاطعني صوته وهو بيقول ،
-بالظبط وانا برده مقدرش اتجوز واحده مبحبهاش
بصتله بغيظ واتكلمت ،
-ده علي اساس انا الي بموت فيك ؟!!!
عمو مجدي اتكلم ،
-خلااااص خلينا نتفق ان الجواز هيبقي شكلي واكيد اكيد لما يسافر ويمشي من تاني هطلقو بنفسي
هزيت راسي بنفي وخوف من الفكره اتكلمت بسرعه،
-استحاله ابقي مطلقه
بصيت عليه وانا شايفه بيضحك بسخريه،
-عايزاني كمان افضل متجوزك؟!!
اتكلمت بغيظ،
-انت واحد مهزق وتنح كمان وانا ميشرفنيش اتجوز واحد زيك من اصله
عض علي شفايفه بغيظ
وانا دخلت الاوضه بسرعه من نظراته
بليل
دخلت ماما الاوضه
-إلين حبيبتي
-خير ياماما
قعدت جمبي علي السرير وهي بتتكلم ،
-مجدي كلم براء وهو وافق ومتقلقيش الجواز شكل وبس
اتعدلت في قعدتي ،
-ماما انا مش حابه اتجوز وبالطريقه دي وكمان من الشخص ده استحاله ده رخم جداً وطريقه كلامه زفت جداً
ضحكت علي طريقه كلامي ،
-متقوليش كده ده والله ومجدي بيتكلم معا وافق بهدوء
-بهدوء اه هتلاقي بيمثل قدامكم وبس
-مظنش وكمان والله العظيم مجدي خايف عليكي
هزيت راسي ،
-عارفه والله بس ولو مكنش يقول كده
-هو خايف عليكي وعايزك معانا
-ايوا
-طب اي انتي موافقه؟!
اتنفست بزهق،
-مش عارفه ياماما يعني بعد كل السنين دي يجي وكمان جاي يكمل ويخرب حياتي
"اقصد بابا"
حضنتي ،
-اهدي وشيلي كل الافكار دي من دماغك انا عارفه انه صعب ولكن ربنا هيحلها وربنا الي هيحاسبه علي اهماله وانه سابكم ومشا
ضحكت بوجع،
-ده معرفنيش ياماما ولاحسيت اني وحشته حتي تخيلي
ضبطتي عليا ،
-حقك علي قلبي من الزعل ربنا هيعوضك بشخص حنين ويتقي ربنا فيكي ويسعد قلبك
ضحكت بسخريه،
-وده هيكون براء ولا اي
ضحكت هي كمان ،
-الله واعلم يمكن
تاني يوم اجي وصحيت متأخر دخلت اخد شاور وطلعت مكنش حد في البيت غير ماما
انا
لسه كنت هدخل الاوضه ولكن ماما وقفتني
-إلين المغرب الماذون هيجي
رجعت لشعري بعدم فهم وانا لسه مفوقتش من النوم،
-مأذون اي؟!
-مش لسه متكلمين امبارح انتي نسيتي !!
بزهق وانا بمسح علي وشي اتكلمت،
-ماما مابلاش ونشوف حل تاني
-متقلقيش كلو هيتحل
هزيت راسي باستسلام ،
-طيب
-يلا اجهزي
دخلت الاوضه ومطلعتش غير لما خالاني اجو وخالاتي ولبست فستان اوف وايت رقيق
كنت محرجه جداً وكان نفسي اليوم ده اكون فرحانه
ولكن خير اكيد وبعدين يعني انا هسيبه اصلاً ده كائن لا يطاق
عيني اجت عليه بالغلط وياريتها مااجت قلبي فضل يدق يدق من شكله الهادي والي يخطف اي ده انا بقول اي !!
كان لابس قميص ابيض وبنطلون بيج وساعه وكوتش ابيض.. هو متشيك كده لي انا مش فاهمه هو مصدق نفسه ولا اي !!
سلمت علي خالو محمد واحمد وليلي ومروه كمان
واجي دور يوسف الي اخدني في حضنه
حضنته جامد وكأني ماصدقت بعدني عنه واخد باله اني خلاص هعيط توه في الكلام وهو بيضحك بمشاكشه ،
-اي الحلاوي دي لازم نعرف السر
ضحكت عليه ولسه هرد بصيت ورا يوسف ولقيت براء مركز جداً واول لما شافني شوفته بعد عينه بسرعه
خالو احمد قرب عليا،
-حبيبت قلبي هتبقي عروسه
استغربت جداً من طريقه خالو هو ميعرفش انه كده وكده ولا اي !!
-حبيب قلبي يااحمد
الكتب الكتاب بدء وخالو محمد كان وكيلي
فضلت اسمع كل حرف بيقولو وانا قلبي بيدق برهبه
لغيت ماقال
"بارك الله لكما وبارك عليكما وجمع بينكما في خير"
ردود ورا وبعدين الزغاريط عماله تنزل علينا
شوفت عمو وهو بيبص لبراء وبيشاورلو عليا وبعدين علي خالاني
عقد حواجبي باستغراب ثواني ولقيته بيقرب عليا وبيبتسم ابتسامه حب ولكن من نظري كانت خباثه
-انت مقرب كده ل
ثواني برقت وانا لاقيه نفسي في حضنه يلهوي قلبي عمال يدق اهدي شويه
اتكلم بهمس في وداني ،
-حطي ايدك يازفته
بهمس زيه،
-انت بتعمل اي !!
-علشان خالانك متقلقيش مش حب فيكي
بعد وهو بيبتسم وبيبوس راسي
قرصته في دراعه ومخدش واخد باله
-انت واحد قليل الادب ازاي تبوسني!!!
اتكلم من بين سنانه ،
-انتي عبيطه وربنا لاوريكي
شغلو اغنيه وخالتو ليلي قالتلي نرقص رفض ولكن اصرو وعيلتي ماشاء الله عليها زنانه موت
كنت مكسوفه احط ايدي علي رقبته حططها بالعافيه وانا ببص حواليا وبس معدا عيونه
حط ايده علي وسطني جامد
بصتله بغيظ،
-خف ايدك وجعتني
ضغط اكتر وهو بيتسم ،
-بتقولي اي ياحبيبتي
-حبيبتك في عينك
ضغط اكتر ،
-طب اتلمي
الرقصه خلصت وقولت والله خلاص مش هرقص تاني
عمو قال لبراء ياخذني ونتعشى بره علشان خالاني ميشكوش في حاجه وهنا فهمت ان محدش يعرف الحقيقه
براء طلب من خالو فعلاً وانا شايفه في عيونه قد اي مضايق خالو وافق طبعاً وهو مسك ايدي شبه الحماره وعمال يبتسم بحب مزيف وانا ببصله ببرود ولسه بيفتح الباب لقيت بابا في وشي
-ده طلع الموضوع بجد بقي
براء،
-احنا مش بتوع حوارات ولو سمحت ممكن تعدينا عايزين ننزل
بابا ،
-مش قبل لما احضن بنتي الاول
خلص كلامه وهو بيقرب مني ولكن ضغط علي ايد براء من غير مااحس ورجعت خطوه لورا وكأني بتحاما فيه
براء بصلي باستغراب وانا بصتله وعيوني بترفض وكأني بقوله خلي يبعد فكرته هيفهم ولكن البعيد غبي وسألني
-في اي ؟!!
بهمس ،
-خلينا نمشي
رجع بص لبابا وقاله،
-عن اذنك نازلين
فضل واقف مكانه ولا اتحرك واحنا عادينا من جمبه وركبنا الاسانسير وهو ولا أكن حاجه حصلت نزل السلم علي رجله
ضغط علي ايده بضيق وغضب من بابا محستش بنفسي غير علي صوته
-ايدي قربت تتفرم
بصتله باستغراب وهو بص علي ايدي
جايه اشدها باحراج وقفني وهو بيتبت عليها اكتر وطلعنا من الاسانسير وركبنا العربيه
(صل علي النبي)
خلاص مكنتش قادره اكتم دموعي اكتر من كده حطيت ايدي علي وشي وانفجرت في العياط
بصلها بذهول من تغيرها
بصلها واتكلم ،
-في اي ؟!!
مكنتش قادره ارد
حط ايده علي كتفي وضبطب بهدوء
-اي الي حصل مش فاهم ؟!!!
اتكلمت وانا بمسح دموعي وبينزل غيرها،
-كان نفسي احضنه اوي اوي
عقد حواجبه بضيق ،
-هو مين ده لا مؤاخذه!!!
عيط اكتر وانا بخبي دموعي لاني مبحبش حد يشوفها وخصوصاً انا معرفهوش للدرجه،
-بابا وحشني وكان نفسي احضنه
كملت كلامي بنبره سخريه،
-بس هو مشا عادي مهانش عليه يقولي وحشتيني ولا يحضني حتي
-طب ماهو كان عايز يحضنك وانتي اظن مكنتيش عايزه
شيلت ايدي من علي وشي وبصتله وتكلمت بزعيق وكأنه هو السبب ،
-وهو بعد كل السنين دي افتكرنا افتكر ان ليه عيله انا مش قادره حاسه واحد غريب ولكني محتاجا
نهيت كلامي بنبره حزن
كان باصصلي بهدوء وبعدين اتكلم ،
-طب خلاص متعيطيش
مسحت دموعي باحراج منه وبصيت علي الشباك وهو حرك العربيه ومشينا
اتكلم،
-اوديكي فين بابا اهو خلينا ننزل بالعافيه
لفيت بجسمي ناحيته واتكلمت بزعل،
-انا مش عارفه اقولك اي بجد بس انا اسفه اسفه اني خليتك تتجوزني وانت ملكش ذنب انا حقيقي مبحبش حد يعمل حاجه علشان هو مش حاببها بس اوعدك اني هطلقك
بصلي وهو بيضحك ،
-هطلقيني ازاي !!!
ضحكت علشان اخد بالي قولت اي ،
-اقصد هخليك تطلقيني
بصلي بعيونه واتكلم بمشاكسه،
-لا ماهو مش اتجوزك بمزاج حد واطلقك بمزاجك ده رائيي انا بقي
بلعت ريقي من نظراته واتكلمت بتوتر،
-ت تقصد اي احنا اتفقنا خذ بالك
-علي اي علشان نسيت
-ان الجواز ده شكل وبس وغير كده احنا مش بنحب بعض ولا حاجه انا مقدرش اتجوز واحد لا بحبه ولاهو بيحبني
اتكلم بنبره هاديه عصبتني،
-سيبها للوقت بنشوف الحب ده
اتكلمت بانفعال ،
-انا استحاله اتجوز حد مبحبهوش
بصلي وضحك وهو بيغمزلي ،
-تقصدي انك بتحبيني
برقت بدهشه،
-انت بتقول اي هو انا قولت كده!!
-مش واخده بالك اننا دلوقتي متجوزين
اتكلمت من بين اسناني ،
-علي الورق كده وكده يعني متنساش
-اكيد مش ناسي مفيش حاجه غير كده اصلاً
هزيت راسي بتأكيد ،
-اكيد هنروح فين بقي
-مش مطعم رومانسي اكيد هوديكي تقعدي علي الرصيف ولا حاجه
بصتله بقرف ،
-رصيف !!
اتكلم وهو عيونه علي الطريق ،
-عايزه تروحي فين
-مش عارفه ممكن البحر
مردش عليا ووصلنا فعلاً البحر كنت لابسه هيلز ومش عارفه امشي من التراب فستند علي دراعه لاني كنت هقع
بإحراج،
-اسفه كنت هتكعبل
جايه اشيل ايدي ولكنه ساحبها ومسكها بين ايديه بصتله وانا محرجه جداً ولكنه كان باصص قدامه
بلعت ريقي وسيبت ايدي معا لاني فعلاً مكنتش هعرف امشي ولكن فيه حاجه غريبه انا مبسوطه وهو ماسكها ومش مضايقه
قاعدنا قدام البحر ومكنش فيه غير صوت البحر
اتكلمت لاني مبحبش اقعد كتير ساكته
اتكلمت ،
-ممكن تتكلم لاني مبحبش الهدوء
بصلي ،
-اقوم ارقص يعني ولا اغني احسن
بصتله وانا بتكلم بسرعه ،
-اي ده بتعرف تغني
ضحك غصب عنه،
-انتي عبيطه مش كده قولي الصراحه
بصتله بغيظ وهنا فهمت انه كان بيألس عليا
كنت هتكلم ولكن لفيت علي صوت بنت قالت اسمه
وكانت هي ياسمين بنت عمتو هو ومعاها صحابها الي وقفو مكانهم وهي قربت مننا
وقفت قدامنا وهي متعصبه وجهت كلامها لبراء،
-اي ده !!! انتو قاعدين مع بعض ولوحدكم كمان وانت حتي الي مبتردش علي رسايلي وعاملي بلوك؟!!
نهيت كلامها بنبره حزن وانا بصيت علي براء بتوتر ولكنه فاجئني لما وقف ومسك ايدي ووقفني جمبه
-إلين مراتي
ياسمين برقت بصدمه ودموعها بتنزل،
-انت بتهزر !!! مش علي اساس انت ملكش في الجواز انت بتضحك عليا مش كده قولي انك بتهزر بالله عليك
اتكلم بثبات وهو بيحاوط وسطي وكنت خلاص في حضنو ،
-لا مش بهزر وهي بجد مراتي
اتكلمت بحسره،
-لا لا انت عارف قد اي بحبك مش معقول تعمل فيا كده
في الاخر اتجوزت دي مش مصدقه
خلصت كلامها وهي بتشاور عليا
صعبت عليا شكلها بتحبه ولكن قلبي ولع ومحستش بنفسي غير وانا بحط ايدي علي صدره واتكلمت ،
-لا صدقي اتجوز دي وبعدين احنا بنحب بعض
بصيت في عيونه وانا معرفش جبت الجراءه دي منين
-مش صح ياحبيبي؟!
بصلي وهو بيبتسم وانا كان خلاص هيغمي عليا من نظراته رد،
-طبعاً ياحبيبتي
بصتلها وابتسمت بسماجه،
-ممكن بقي تتفضلي علشان بنتكلم في موضوع مهم جداً
بصت لبراء واتكلمت بندم ،
-مش علي اساس كنت بتحبني هااا كنت بتكذب عليا
طب بص انا غلطانه اني رافضك ودلوقتي انا موافقه
شيلت ايدي من علي صدره وبصتله باستغراب يعني هو بيحبها امال لي متجوزهاش ولي بيعملها كده
كنت هبعد عنه حسيت بضيق في قلبي من فكره انه يكون بيحبها ولكنه منع بعدي وهو بيضغط علي ايدي وبيقربني منه من تاني وهو بيتكلم
-ياسمين انا كنت صغير في ثانوي ومشاعر مراهقه ودلوقتي انا اختارت الانسانه الصح
خلص كلامه وهو بيبصلي وكمل ،
-ادعيلنا بقي بحياه سعيده
مردتش عليه ومشت وهي بتعيط وصحابها مشو معاها وهو لسه باصصلي وانا مبقتش فاهما نهائي
فاق من شروده وبعد عني وانا سألته،
-انت فعلاً بتحبها ؟!!
-لا كنت صغير وطبيعي مفيش غيرها الي قدامي ولكن كانت مشاعر مراهقه
مع إن كلامو ممكن يكون صح ولكن اضيقت اوي وده مضايقني انا لي مضايقه اصلا!!!
مشينا شويه علي البحر وانا بمشي براحه من الهيلز اتكلم وهو باصص قدامه
-اسندي عليا لو حابه
-لا لا تمام بمشي اهو
-اه واضح عامله شبه البطريق
بهمس،
-تنح
-سامعك ولمي لسانك احسنلك
-انا تعبت خلينا نروح
-استني اكلك حاجه لتروحي تقولي لابويا انك مأكلتيش حاجه
-لا ياخفه مش هقول حاجه وبعدين مش جعانه
طلعنا علي الطريق وكان في حفله في الشارع والناس ماليه الشارع اوفر رفعت راسي ليه وانا ببصله من فرق الطول
-احنا هنعدي ازاي
حاوط كتفي وهو بيقربني منه ،
-تعالي هنمشي من هنا
مشينا جمب بعض وشويه يجبني قدامه وشويه من الجنب ده وده و اكيد علشان محدش يخبط فيا
"7”
يتبع..
(صل علي النبي) قبل لما تمشي
#AmlBakr ʚɞ
#أمل_بكر
#براء_وإلين.♡
#العقده_والحب_معاً