رواية العقدة والحب معا الفصل الثامن 8 بقلم امل بكر
مشينا جمب بعض وشويه يجبني قدامه وشويه من الجنب ده وده و اكيد علشان محدش يخبط فيا
كتر الناس بيجبلي توتر ومحستش بنفسي غير وانا بغمض عيني
"هو"
شالتها بسرعه والناس وسعت المكان لما شافتني شايل واحده علي ايدي
فضلت انده باسمها وانا قلبي عمال يدق من الخوف ،
-إلين فوقي
-إلين !!
فتحت باب العربيه بصعوبه وانا بطلع المفتاح من جيبي دخلتها ولفيت قعد مكاني وانا عمال اخبط بخفه علي وشها في الاخر فاقت
فتحت عيني وانا شايفه واحد لازق في وشي
بعد بإحراج،
-في اي !!!
بصلي بتفحص ،
-انتي كويسه؟!
-ايوا احنا طلعنا من الزحمه ازاي ؟!!
-شيلتك
-تاااني شيلتني تاني
-كنت اعمل اي يعني
بصتله واتكلمت وانا بضيق عيوني،
-مش علي اساس قولت المره الجايه هسيبك
حسيت بيه وهو اتوتر ولكنه ماهر وبيعرف يخبي في ثانيه،
-حرام ده انا لو لقيت كلبه هشيلها مابالك بقي لو انسانه
بصتله بغيظ،
-ياباي انت رخم جداً خد بالك
=عرفت تعدي ازاي من كميه الناس دي ؟!!
-طلع ليكي فايده اول لما شافو واحده ميته وسعو الطريق
-علشان تعرف فايدتي
(صل علي النبي)
دور العربيه ومشا شويه ونزل جاب اكل واصر اني اكل
اكلت وهو اكل بسيط وصلني البيت وقبل ماانزل سألته
-انت مش هتطلع ؟!!
-لا
بفضول ،
-امال هتروح فين !!
بصلي بعدم فهم ،
-يهمك في حاجه ؟
احرجني البعيد نفيت براسي ولفيت ضهري وكنت همشي سمعته قال
-بروح فندق
ابتسمت بهدوء ومشيت وطلعت البيت
غيرت هدومي ونمت علي السرير
فضلت افكر في اليوم والاحداث الي حصلت فجاءه كده خوفت جداً ميكونش براء انسان كويس
ثواني كويس ولا لاء كده كده مش هنكمل وخلاص… قرأت سوره الملك وخلاص هنام افتكرت ياسمين وحبها الواضح لبراء قلبي ولع فضلت اضغط علي المخده بغيظ لفيت مانمت
"هو"
طلعت الفندق ونمت علي السرير وانا بهدومي
بصيت للسقف وانا بفكر
علي قد ماضايق اني مبحبش اتحط قدام الامر الواقع واعمل حاجه مش حاببها بس من جهه تانيه مرتاح والشعور ده مضايقني
حطيت المخده علي وشي واتكلمت بهمس،
-لا لا استحاله انا مش هحب حد ولا هيكون جواز حقيقي
———————
(صل علي النبي)
صحيت تاني يوم علي صوت ماما وهي بتصحيني
-الساعه كام
-الساعه٢ يلا قومي علشان مجدي مشا وبراء الي هيوصلك
قومت وقفت واتكلمت بضيق وانا راحه الحمام،
-لا هروح انا وبعدين انتو لي بتخلو يوصلني وكمان غصب عنه
-مين قال غصب عنه هو الي طلب واخد رقمك مني علشان بيكلمك
وقفت وانا بلف وابصلها وانا مش مصدقه الي بتقولو،
-براء طلب رقمي !!! وهيوصلني!!
ضحكت،
-اه والله واخلصي لانه جاي في الطريق
قالت كلامها من هنا وفوني رن من هنا روحت مسكت الموبايل لقيت رقم بصتلها
ابتسمت بخباثه ومشت من قدامي
رديت
اجالي صوته الرزين،
-انا في الطريق البسي ومتتأخريش
خلص كلامه بتنبيه وقفل
بصيت علي الموبايل وانا مش مستوعبه
-مهزق
دخلت اخد شاور ولبست علي مهلي غيظاً فيه لاني مبحبش حد يأمرني وبالاستفزار ده كمان
خلصت لبس وعرفت ماما اني نازله
طلعت من العماره لقيته قاعد جوا العربيه ولابس النضاره
فتحت الباب وركبت
بصلي بعصبيه واتكلم بنبره ضيق،
-كل ده بتلبسي
بصتله بهدوء وهزيتله راسي بتمثيل البراءه ،
-ايوا اتأخرت !!
مسح علي دقنه وبص قدامه وشغل العربيه
طلعنا العياده ولقيت فارس قاعد مكاني بصيتله باستغراب وجايه اتكلم
سبقني براء وهو بيمسك ايدي وبيمشيني اتجاه مكتب الي المفروض بتاع فارس
-انتي بقيتي السكرتيره بتاعتي
بصتله باستغراب ،
-ده ازاي يعني
-زي الناس فارس بقي السكرتير بتاع بابا وانتي بقيتي بتاعتي
خلص كلامه وهو بيضغط علي كلامه الاخير
بغيظ من تصرفاته،
-بس انا مش موافقه ومبحش حد يحطني قدام الامر الواقع لي مقولتش
رفع حاجبه باستنكار ،
-امر واقع طب مانا اتجوزتك وانا محطوط قدام الامر الواقع
غمض عيني بضيق ،
-براء لو سمحت لو هتفضل تجيب السيره انا بعفيك وبقولك سيبني من دلوقتي وانا هشوف حل
طبعاً كنت بقول كده انا اقل اني اشوف حل انا مبعرفش اتصرف لوحدي من اصله
-قولتلك قبل كده القرار ده ليا انا وبس
=ويلا ياقطه علشان الناس بدأت تيجي
خلص كلامه ودخل اوضه الكشف بتاعته وانا قعد علي المكتب وبدأت اضبظ وارتب الادوار
(صل علي النبي)
بعد وقت طويل خلصنا وهو وصلني البيت وفضل الحال ده لمده يومين
واجي ليله اليوم الي هسافر مع خالو وماما وافقت اسافر لوحدي كنت مبسوطه جداً ونزلت علشان راحه العياده وبراء كان مستنيني تحت ركبت
يوسف رن عليا رديت بحماس،
-يوسف ماما وافقت هاجي معاكم
-طب الحمدالله هنروح اماكن تحفه
-اشطا انا مبسوطه جداً
ضحك،
-طب كويس هتجيبي زياد معانا
-لا ورا امتحانات المره الجايه بقي
-خلاص تمام هروح اظبط الشنطه
-ماشي باي ياحب
قفلت ولقيته باصص عليا
-ف اي ؟!!
-حب مين ده بتقولي لواحد كده !!
-ده اخويا
-هو اخوكي اسمه يوسف ولا انا الي سمعي تقل!!
-يوسف اخويا في الرضاعه
-لا والله مش مبرر واخر مره اسمعك بتقولي الكلام ده
-معلش بقي وانت مين علشان تقولي اقول اي ومقولش اي!!
ببرود،
-جوزك ولو ناسيه افكرك انا
بسخريه،
-انت عارف كويس انه كده وكده يعني مش من حقك تقولي اعمل اي ومعملش اي تمام
-لا مش تمام ومش كده وكده في النقطه دي تسمعي كلامي تمام
-لا مش تمام لي ان شاء الله عايزيني حماره اسمع كلامك وبس ولا اي !!
-بالظبط
لفيت وشي بغيظ منه ناحيه الشباك
اتكلم تاني ،
-وبعدين انتي هتروحي فين ؟!!
رديت بغتاته ،
-راحه بكره اسكندريه مع خالو اي في مشكله
خلصت كلامي وانا ببصله بضيق
-المشكله انك مش هتروحي في مكان
بغيظ،
-لا بقي الا كده انا هروح ومش بسأذنك
-وريني هتروحي ازاي وانا مش موافق
-عادي هروح هخاف يعني
-متعرفيش اني معايا مفاتيح البيت وهقفله بسهوله
غمض عيني علشان اهدي اعصابي اتكلمت وحاولت اكون لطيفه علشان شكله غلز ويعملها
-طب لو سمحت انا هروح بكره مع خالو
ببرود،
-لاء في شباب وانا مش موافق
اتنفست بنفاذ صبر،
-شباب مين مفيش غ
كمل هو ،
-يوسف ده اي !!! لاء مش موافق واقفلي الموضوع
وصلنا العياده وبدائت اشتغل وانا مضايقه جداً واخر طفل طلع من عنده فجاءه سمعت صوت تكسير قمت وقفت بخضه وروحت فتحت الباب بخوف
زعق جامد ،
-اطلعيييي بررره
خوفت من صوته ولكن معرفش جبت الجراءه دي ازاي دخلت وقفلت الباب ورايه بسرعه
كان بيمشي في الاوضه بعصبيه وكان هيمسك فازه ولكن قربت عليه بسرعه وخوف وانا بمنعه يمسكها وقفت قدامه
كان صوت نفسه عالي من العصبيه كنت خايفه جداً من منظره المتعصب ولكن خوفي ليحصله حاجه كان اكبر مد ايده وكان هيمسك دراعي بعصبيه وانا غمض عيني بخوف
ثواني ومحستش انه مسكني فتحت عيني لقيته قاعد علي الارض وضامم رجله لصدره ومنزل راسه
نزلت قعد جمبه علي الارض وانا بتكلم بقلق،
-انت كويس ؟!
-اطلعي برره
باصرار،
-لا مش هطلع
قمت روحت جبت مايه ودخلتله تاني كان علي نفس وضعه قربت منه وانا برفع وشه بايدي وخليته يشرب بالعافيه
-خلاص سيبيني لوحدي
حطيت الكوبايه علي الارض وبصتله بخوف،
-طب ممكن تقولي في اي ؟!!
بحده رفع راسه واتكلم،
-قولتلك سيبيني في حالي مش بتفهمي !!!
شوفت في عيونه دموعه الي كانت علي وشك النزول ولكنه كاتمها ومانعها انها تبان
مقدرتش اسيبه قلبي مطاوعنيش نهائي تجاهلت كلامه
-انا هقعد جمبك وبس خلاص مش هتكلم
دقيقه ومقدرتش اشوفه بالمنظر ده كان باصص في الفراغ بحده وغضب وحاجات كتير مقدرتش افسرها
اتكلم بنبره حزن ووجع،
-ماما خانت بابا و وانا شوفتها في البيت كنت اليوم ده راجع بدري علشان اقعد معاها كنت في اعدادي
اتصدمت اول لما شافتني والراجل خاف واتخض راح المطبخ جري وجاب سكينه كان جاي نحيتي علشان
يقتلني ولكن ماما صوتت ووقفت قدامي وهي الي السكينه دخلت فيها بدالي
كمل بعياط هستريه،
-ماما ما ا اتت ب بسببي
كنت بسمع كل حرف بيخرج منه وانا مصدومه طفل يتعرض لكده ويشوف امه بالشكل ده وجع قلبي عليه
قربت منه وضميت راسه لحضني وهو كأنه ماصدق
تبت فيا اكتر وكأنه عايزني اخبيه من الوجع الي عاشه لسنين
كمل بعياط،
-م محدش يعرف بكده محدش يعرف اني شوفتها بابا مفكر انها اتقتلت من الراجل الي خانته ميعرفش انه كان عايز يموتني انا
-المفروض انا الي كنت اموت م م ش هي
مسحت علي شعره وضبطبت علي ضهره بحزن علي حالته مكنتش اتخيل ان براء الجامد ده ورا طفل موجوع وكاتم كميه الحزن دي في قلبه
-متقولش كده هي مامتتش بسببك ده المكتوب وربنا يغفرلها
-ان انا مكنتش عايز اتجوز بسبب كده كنت مفكر ان كلو زي بعض
هنا فهمت معني كلامه اليوم الي روحنا دار الايتام مع بعض فهمت انه موجوع وعنده عقده ومعا حق مقدرش الومه
مسحت دموعه وهو لسه في حضني ،
-طب خلاص اهدي وصدقني مفيش حاجه بسببك انت ملكش ذنب انت معملتش حاجه ادعيلها ربنا يغفرلها
-يعني ماماتتش بسببي؟!
سألني وكأنه محتاج اجابه تريحه من العذاب وتأنيب الضمير
رديت عليه وانا ببعد شعره الي نزل علي عينه ،
-لا مش بسببك انت ملكش علاقه انت الي اتوجعت واتصدمت ودلوقتي اجي الوقت الي خلاص معتش تأنب ضميرك وارمي الفكره دي في البحر تمام
هز راسه بطاعه طفل
ضحكت بخفوت علي منظره اللذيذ
-شطور ياكوتي
غمض عيني بندم لما سمعت نفسي قولت اي بس كانت تلاقئيه والله
سألته علشان مياخدش باله ده لو مكنش سمع يعني،
-اي الي خلاك تفتكر ؟!
اتكلم بهدوء ،
-ام الطفل الي كانت موجوده هنا اتكلمت في الموبايل وسمعتها وفهمت من كلامها ان هي هتسيب ابنها في البيت وهتقابله
هزيت راسي بتفهم ،
-طب اوعدني ان انت معتش هتأنب ضميرك تاني وهتخليك متأكد انك مش السبب
رد بصوت مرهق،
-وعد
طلع من حضني وقام وقف وهو بيرجع شعره لورا وباحراج اتكلم،
-معلش وجعتلك دماغك
قمت وقفت ،
-متقولش كده انت كويس دلوقتي
بصلي نظره اربكتني ،
-لاول مره احس ان الجبل نزل من علي قلبي
ابتسمت ،
-طب الحمدالله معتش فيه حد بره هنمشي؟!
راح جاب الموبايل والمفتاح من علي المكتب الي اتبهدل وقال،
-يلا نمشي
نزلنا وركبنا العربيه
بصتله وانا بتكلم بحماس ،
-بقولك اي تعالي نروح نجيب ايس كريم وبعدين نروح
وافق وبصراحه قولت نروح علشان يفك شويه
نزل يجيب ومجبش غير ليا بصتله باستغراب ،
-اي ده مجبتش ليك لي !!
-مش عايز
بزعل وانا بعقد حواجبي ،
-لي كده ده انا قولت نجيب علشانك علشان مضايق
بصلي وابتسم ابتسامه هاديه،
-شكراً ليكي كلي انتي
-لا خلاص مش عايزه لو مش هتاكل انت
رفع حاجبه بمراغوه ،
-لدرجه اهمك؟!
رديت بسرعه،
-ايوا طبعاً
اتكلمت تاني بسرعه،
=لا مش كده يعني انت فهمت اي
رد بخبث ،
-ولا حاجه مفهتمش حاجه خالص
كلمت نفسي ،
-واضح انه مفهمش ده واضح جداً ياربي بس اي الي قولته ده
وصلني لغيت البيت والمره دي ماما اصرت تخلي يطلع وياكل معانا اتغدينا مع بعض والمغرب اذن دخلنا نصلي
خلصت صلاه وطلعت لقيت عمو مجدي وماما بيلبسو ونازلين
-انتو نازلين؟!
-ايوا ياحبيبتي
بصيت لعمو مجدي وماما واتكلمت ،
-طب دلوقتي انا عايزه اروح م خالو بكره اسكندريه وبراء مش موافق يرضيك ياعمو
ابتسم بهدوء،
-هو جوزك ولازم تسمعي كلامه
حاولت امسك اعصابي ،
-ايوا بس ده جواز شكل مش حقيقي واحنا عارفين كده وانا دلوقتي عايزه اروح بليز ياعمو
-وانا قولتلك رائيي لي بتتكلمي تاني !!
لفيت علي صوته
عمو مجدي حاول يلطف الجو،
-طب خلاص روح معاها يابراء وكده المشكله اتحلت
بصيت لعمو بعدم رضا علي كلامو
اتكلمت،
-لا لا بصو تعالو معايا انتو
رفع حاجبه واتكلم،
-وعلي اي مفيش ولا معايا ولا مع حد تاني
خبط برجلي في الارض بغيظ ،
-يوووه بقي
عمو مجدي،
-انا والله ورايه شغل
ماما،
-وانا مينفعش اسيب اخوكي ورا امتحانات ومازن كمان
بصتله وانا ببص لبراء بغيظ
عمو مجدي وماما نزلو وانا دخلت اوضي بغيظ قلعت الاسدال بعد لما عرفت انه عادي مش حرام اقعد قدام
عمو بشعري بس لبسي يكون واسع لبست بيجامه قطيفه سرحت شعري فوضفاض وحطيت الزونط علي شعري
بصيت لنفسي في المرايا باحراج ،
-ولا بلاش اطلع كده بس ده جوزي ومش حرام
شتمت افكاري
جوزي اي لا هو شكل وبس اصلاً
بس انا مش عايزه البس الطرحه
في الاخر طلعت بالبيجامه ودعيت يكون نزل ولا نام اي حاجه بس ميشفنيش وزياد ومازن الي نايمين تعبانين من الدروس والمدرسه
دخلت البلاكونه وحمد ربنا اني عديت علي خير
ومشفتهوش
-انتي راحه فين بالبيجامه كده!!!
ولسه باخد نفسي براحه لفيت من الخضه وكنت هتكعبل ولكنه لحقني وهو ببشدني نحيته من وسطي
والزونط وقع من علي شعري بصتله بتوتر لاني قريبه جداً
اتكلم بخباثه،
-مش تحاسبي ياقطه
ابتسمت ببلاهه علي كلمه قطه الي بقيت بحبها منه وعيونه التحفه ووو
اي ده!! بعد عنه بتوتر وانا مش اخده بالي من شعري الي بان مخدش بالي غير علي نظراته رجعت الزونط بسرعه علي شعري بلاعبكه
ابتسم وهو بيقعد،
-مفيش شكراً ولا اي حاجه
رديت عليه بسخريه وانا بقعد علي المركيحه ،
-انقدتني من اي يعني كنت هتكعبل عادي جداً
-ناس مبيطمرش فيهم حاجه
-طب ممكن تطلع بقي علشان عايزه اقعد براحتي
بصلي باستنكار،
-براحتك ازاي يعني وبعدين ادخلي جوه بالبيجامه دي
-ما ايوا ادخل علشان فعلاً انا لابسه بيجامه
-يعني الناس تشوف البيجامه وانا عيب!!!
-ناس مين التانته نازله اهي ومحدش شايف حاجه
سكتنا شويه قربت منه وانا بقعد علي الركنه الصغيره دي قولت اتكلم معا تاني علشان يوافق اروح بكره
اتكلمت بتمثيل الهدوء والرقه،
-احم براء
كان باصص في الموبايل
-امم
-ممكن تبصلي عايزه اتكلم
قفل الموبايل وبصلي
ياربي اي الاحراج ده ياريتني ماقولت يبص
اتكلمت برقه كاذبه،
-ممكن اروح بكره مع خالو بليزززز صدقني هو اربع ايام اسبوع بالكتير وهاجي تاني
بصلي وهو بيضحك بسماجه،
-لاء
بصتله وانا خلاص كنت هموت واديله علقه
-يعني انا احترمتك وجايه اقولك تقولي كده!!!
اتكلمت تاني وانا علي اخري ولاني مبعرفش امسك نفسي نهائي قولت،
-انت مين اصلاً علشان ترفض انت محسسني اننا ميت في حب بعض والي يشوفك يقول خايف عليا انت بجد معصبني اوووووي
اتكلمت تاني بسرعه وضيق،
-انا غلطانه اصلاً مش عايزه اعمل حاجه تغضب ربنا وانت مصر بقي وانا اصلاً هروح يلا بقي
رفع حاجبه وهو مربع ايده،
-واي كمان ياقطه
اتعصبت وانا برفع صباعي في وشه،
-متقولش قطه متعصبنيش
-طب بصي بقي ياقطه
قالها وهو قاصد يغيظني اكتر البعيد
-كنت هوافق خدي بالك وبشرط اني اجي معاكي بس انتي لسانك طويل وانا خلاص قررت ان مش هتروحي
بصتله بدهشه ده قاصد يجنني بقي ده لسه قايلي لاء هو عبيط ولا اي
قمت وقفت وسند علي السور وانا باخد نفسي بحاول اهدي نفسي علشان متحولش عليه
-هتنتحري ولا اي
بصتله لقيته بيضحك بمشاكسه
قعد جمبه وانا بحاول الطف الحوار ،
-طب تمام تعالا معايا موافقه
-اكيد لو روحتي هاجي معاكي بس للاسف ورايا شغل ياقطه
بصتله بنظرات مستعطفه،
-علشان خاطري يابراء
فضل باصصلي ثواني وبعيد رد
-تمام هفكر
سيبته دقيقه بعدين سألته وانا بقعد علي ركبي وكأني مستنيه النتيجه النهائيه،
-هااا فكرت موافق مش كده ؟!!
-اممم
نطيت في حضنه بحماس وانا بقول ،
-مرسي جداً يابراء انت عسول خالص
"هو"
بلعت ريقي من احساس الي داهمني اول لما دخلت في حضني حاوط ايدي علي ضهرها بتردد وانا مش عايز اللحظه تعدي
ولكنها بعدت عني وهي بتضحك اظهار انها بتتعامل عادي ومتعرفش بحس بايه نحيتها وده مضايقني اوي
بعد عنه وانا شايفا سرحان،
-براء انت روحت فين؟!
بصلي ،
-موجود اهو بس فيه شرط عندي
رديت وانا بقول جوايا انا عارفه هيفضل يزلني اتكلم،
-هنروح في العربيه بتاعتي مفيش باصات
رديت بحزن ،
-لي كده انا بحب الباص علشان بتصور انا ويوسف واحمد
غمض عينه لثواني وبعدين اتكلم ،
-قولتي اي !!
عدلت كلامي بسرعه بخوف ،
-اقصد اني بحب الباص
-تمام وانا بقولك هنسافر بالعربيه موافقه ولا بلاش خالص ؟!!
هزيت راسي بضيق،
-موافقه خلاص
ابتسم وهو بيمسك الفون ،
-شاطره
بعد شويه دخلت انام وهو كمان شكله دخل اوضه
(صل علي النبي)
تاني يوم الصبح بدري قومت بنشاط لبست وجهزت والكل كان نايم ضربت علي دماغي لاني نسيت اصحي براء واقوله يجهز الحماس اخدني وقومت جهزت انا
طلعت بره الاوضه البيت كان هادي مشيت ناحيه اوضه وخبط براحه علي الباب قولت يمكن صاحي ولكن مفيش رد
دخلت ولقيته نايم قربت عليه بتوتر وانا بتفحص ملامحه الجذابه ضبطبت علي كتفه بسرعه وبعد وانا بقول بهمس
-براء
قربت عليه من تاني وهزيت وشه
-يابراء اصحي
-اممم
ياربي شكله تقيل في النوم مش هيصحي غير علي دبابه تشيله
-يلا اصحي علشان نمشي
اخيراً رد بنوم ،
-الساعه كام
-9 الصبح
حط المخده علي وشه ،
-لسه بدري
ء شيلت المخده بعيظ من علي وشه وانا بقعد جمبه علي السرير ،
-لا مش بدري قوم بس اجهز
فتح عينه بنعاس ،
-انتي زنانه
-اه فعلاً ويلا قوم لانك مش هتنام
قام دخل الحمام من كتر زني ورجع وهو ماسك الفوطه في ايده وبيمسح وشه الي باين عليه هيموت وينام
-شنطتك فين
شاور علي فوق الدولاب
كنت هجيب كرسي واجيبها علشان عايزه نخلص ونمشي بسرعه
وقف مكاني وهو بيقول ،
-ابعدي انتي اوزعه مش هطولي
بصتله وعديت كلامه علشان ميعلقش معايا ونروح بقي
نزل الشنطه وهو طلع كام بنطلون علي تيشرتات علي قمصان
سألته،
-مش هتاخد غير دول بس ؟!!
-دول بس؟!! ده انا كده اخد كتير وبعدين هو يومين وخلاص مش هنهاجر احنا
اتكلمت مع نفسي،
-يارب الصبر علشان متجنش عليه يارب
-يارب اديها الصبر علشان متموتنيش
ضحكت غصب عني علي كلامه عارفه انه بيألس عليا طبعاً
جهزت شنطته وطلعت علشان يغير
خلص لبس ودخلت اجيب شنطتي من جوه ولكن كانت تقيله مقدرتش طلعت بره الاوضه كان واقف جمب
شنطته مستني بفارغ الصبر وشكله خلاص هينام علي نفسه منظره يضحك
-احم معلش تعالي شيلي شنطتي
باستغراب ،
-لي حاطه فيها قنبله
بعد 5m
واحنا بنركب العربيه حط الشنط ورا
-انا مش فاهم انتي حاطه اي !!!
ركبت جمبه قدام وانا متحمسه،
-يلا سوق
خبط علي ايده بعدم رضا ،
-في حد بيسافر علي الصبح مش عارف اي الي خلاني امشي وراكي وانزل
-ايوا اي المشكله خلينا نروح اليوم من اوله وبعدين بطل بقي اقولك استمتع بالجو
-جو اي انا عايز انام !!
-طب ممكن تسوق دلوقتي ؟؟ وبعدين بتنام في الطريق
حط النضاره وحرك العربيه وهو بيتكلم بسخريه ،
-اه حاضر هنام وانا بسوق فكره هايله
ضحكت بخفوت عليه وبعد ساعات كنا وصلنا
وخالاني كمان وصلو كنا روحنا فندق
وبراء طلب الاوضه بتاعتي تكون قريبه منه طلعنا الاوض نحط حاجتنا وانا غيرت هدومي واتصلت عليه ولكنه كان مقفول طلعت وروحت اوضه الي كانت جمبي علطول
خبط علي الباب فتح وهو قالع التيشرت وكان لسه ماسكه في ايده
حطيت ايدي علي وشي بسرعه واتكلمت بارتباك،
-خ خلاص ا انا ماشيه
مشيت خطوه ولكنه مسك ايدي وشدني لجوه الاوضه وقفل الباب
شيلت ايدي من علي وشي واتكلمت وانا مدياله ضهري
-انت ازاي تدخلني الاوضه!!
سمعت صوته الخبيث،
-متخافيش مش هكلك ياقطه
لفي وشك خلاص لبست
بعدم تصديق،
-بجد ولا بتكذب؟!!
-لفي وشوفي
لفيت وكان فعلاً لبس وراح يحط هدومه في الدولاب الصغير الي موجود
اتكلمت باحراج ،
-بقولك انا هنزل تنزل معايا ؟
-لا انا هنام وانتي كمان هتروحي زي الشاطره تدخلي الاوضه
رفعت حاجبي بسوقيه ،
-نعم وهو انا جايه علشان اقعد في الاوضه انا عايزه انزل اليوم من اوله
-لو مش حابه كلامي العربيه لسه موجوده نرجع البيت
خلص كلامه بنبره تهديد
غمض عيني بضيق وعملت نفسي سمعت كلامه
-طيب ماشي
فتحت الباب وخرجت ونزلت طبعاً هو انا هسمع كلامه!!! اتصلت بيوسف وقابلني في الكافيه الي تحت
-اي النشاط الي عندك ده ياعسل
ضحكت،
-يلا وريني هتودينا فين
-شوفي انتي عايزه نروح فين .. وبعدين فين براء ؟!
-سيبك منه يايوسف قولته تنزل معايا قالي هنام وقال اي روحي انتي كمان اوضك مفكرني هسمع كلامه وكده
-يعني انتي نازله من ورا؟
-ايوا وبعدين انا عايزه اعمل حاجات كتير يلا بينا نفطر الاول
-ماشي يلا
قاعدنا في الكافيه الي تحت وطلبنا الفطار وكنت حاسه اني مكبوته اوي ومحتاجه اتكلم
يوسف اتكلم وهو بيغمزلي،
-احكي الي عايزه تقولي
ضحكت علشان فاهمني وحكيتله كل حاجه قولتله اني اتجوزت علشان بابا كان ممكن ياخدني غصب ويسافرني معا وبابا يعملها لانه واسط في كل مكان وليه معارف
"هو"
دورت علي الموبايل بتاعي في الاوضه كلها ملاقتهوش قولت اكيد نسيته في العربيه نزلت وفتحت العربيه وفعلاً لقيته وانا راجع الاوضه بصيت جمبي بالصدقه علي الكافي الي تحت الفندق لقيتها قاعده
وبتضحك وجمبها واحد ماسك موبايل وعاملين يتصورو
محستش بنفسي غير وانا النار قايده جوايا ورايحلها
(صل علي النبي)
"8”
يتبع..
#AmlBakr ʚɞ
#أمل_بكر
#براء_وإلين.♡
#العقده_والحب_معاً
#روايات_واسكريبتات_مميزة