رواية ابن امه (كاملة جميع الفصول) بقلم مصطفي جابر
البت اللي عاوز تتجوزها دي و ومصدع دماغي بيها وعمال تحكيلي عنها ليل ونهار دي شكلها مش هتعرف تصونك ولا هتعرف تفتح بيت.. دي ليل نهار عالتليفون ومحدش عارف اخلاقها وزي منتا عارف البنات دول ملهمش أمان
حاتم بهدوء: يا ماما متكبريش الموضوع دي بنت محترمة وأنا ناوي أتقدم ليها رسمي بإذن الله
فوزية بحده : محترمة إزاي..دي بتكلمك من ورا اهلها يعني خانت ثقة اهلها وبعدين انت متمسك فيها كده ليه..كل ده علشان ضحكتلك ضحكة حلوه ولا هزرتو معا بعض شويه... يا ابني اسمعني البنت دي لو دخلت حياتك هتسرقك مني.
حاتم يتنهد: يا ماما أنا مش طفل انا كبرت وكل الناس بتتجوز وعادي مفيش ام بتعمل زيك كدا.
فوزية بعصبية وتكبر : بس مش كل الناس زيي تعبت وربت وسهرت أنت نسيت مين وقف جنبك لما أبوك مات نسيت أنا كنت باكل لقمة صغيرة وأسيبك تاكل انت.
حاتم يحاول يهدّيها: مش ناسي يا ماما والله بس
فوزية قاطعت كلامه: بس إيه هي هتخاف عليك أكتر مني؟ ولا هي اللي هتسهر جمبك لما تمرض؟ أسمع.. أنا مش هسمح لوحدة تتحكم فيك فاهم
حاتم بصوت واطي: فاهم يا ماما محدش هيتحكم فيا..انتي بس وافقي وشوفي ابنك هيعمل اي..هتلاقيني انا اللي بتحكم فيها وهخليها تعمل كل حاجه انا او انتي عايزينها... مرضيه كده؟
فوزية بهدوء وهبا بتبتسم بخبث : أهو كده يا ابني اسمع كلام أمك وأنا هخلي الدنيا تمشي على مزاجك الست لما تدخل بيتك لازم تعرف إنك الراجل وتوريها العين الحمرا علشان متتجرأش وتكسر ليك كلمة في المستقبل وتكون تحت طوعك.
.... بعد شهر حاتم اتجوز خلود....
في يوم..
خلود بجمود : اهلا يا طنط اتفضلي.. بس ياريت تخبطي عالباب وانا افتحلك مش تدخلي بالنسخة اللي معاكي
فوزية ببرود : ده بيتي يا حبيبتي ادخل واخرج براحتي .. وبعدين انا طالعه اشوفك عملتي الاكل ولا لسه علشان ابني شويه وزمانه جاي من الشغل واكيد يا حبة عيني ميت من الجوع
خلود بغيظ : شعل اي انا لسه معملتش اكل احنا الضهر..هو بيرجع من الشغل الضهر؟
فوزية بجمود : اه يا حبيبتي بيرجع الضهر..انتو خلصتو الاسبوع الراحه بتاع شهر العسل والنهاردة اول يوم ابني يروح شغله بعد ما اتجوزك.. فا المفروض يرجع يلاقي اكله جاهز مش لسه هيتعمل... دا كان بيرجع زمان يلاقيني حاطة السفرة ومجهزه الاكل ومستنيه ضحكته قبل اللقمة
بيقطع كلامهم دخول حاتم وهو باين عليه التعب
حاتم بابتسامة'. السلام عليكم منورين يا جماعه.
فوزية بصوت عالي: وعليكم السلام يا نور عين أمك تعالي شوف مراتك يا ابني ساحيه الضهر وبتقول لسه هتعملك الغدا
حاتم بيبص لخلود باستغراب: إيه يا خلود مش اتفقنا إن الأكل يكون جاهز قبل ما أرجع
خلود بهدوء: أنا بس كنت بجهز المكونات و معرفش انك بترجع بدري اوي كده يا حاتم
فوزية قاطعة كلامها: انا فضلت انصحها واقولها انها لازم تعمل اكل زوجها وتجهزه قبل ما يخبط على الباب .
حاتم بغضب : أنا مش ناقص كسل بعد كده يا ريت من بكرة تصحي بدري والغدي يكون جاهز قبل ما اوصل تمام
خلود ببراءة: حاضر يا حاتم اول واخر مرة يا حبيبي. .
فوزية بخبث: ما تزعلوش من بعض يا أولادي دي أول أيام الجواز بس لازم تتعلم يا حاتم إن الست ما ترتاحش إلا لما ترضي جوزها.
خلود بغل مكتوم: انتي صح يا ماما وانا هسمع كلامك بعد كده.
فوزية بخبث: يا حبيبتي انا يهمني انكم تكونوا مبسوطين يلا جهزي الاكل لجوزك عشان جاي جعان.
خلود دخلت المطبخ وهيا بتتوعد ليها...
.. تاني يوم الصبح..
خلود بحنان : خد بالك من نفسك يا حاتم متتأخرش وابقي طمني عليك في التليفون
حاتم مبتسم: حاضر يا حبيبتي وانتي خلي بالك من ماما لحد ما أرجع
خلود بخبث: أكيد يا حبيبي انت هتوصيني عليها دي زي امي
حاتم خرج وهيا نزلت شقة حماتها
فوزية بصدمة: انتي ازاي فتحتي الباب ودخلتي كده من غير ما تستاذني
خلود ببراءة خبيثة: معايا نسخة اللي معا حاتم. مش انتي كمان معاكي نسخه من باب شقتي وبتدخلي وتخرجي براحتك؟ فيها اي بقا لما انا يبقا معايا زيك وادخل واخرج براحتي؟.
فوزية بغضب: هو انتي هتعملي راسك ب راسي لا فوقي.
خلود ببرود: طب مانا فايقه حد قالك اني سكرانه
فوزية بذهول: انتي جايه عايزه اي؟
خلود ببرود وهي بتروح تقعد على الكنبة: ولا حاجه جيت اشوفك بتخططي ازاي توقعي بيني وبين جوزي النهاردة
فوزية متفاجئة: بخطط لي اي انتي اتجننتي؟ دنا اكتر واحده يهمني انكم تبقو مبسوطين
خلود بابتسامة خبيثة: انتي ومبسوطين في جملة واحده؟طب ازاي؟..عالعموم انا جايه اقولك كلمتين عالسريع.. شغل الحموات ده ميتعملش معايا..انا ممكن اشيلك في عيوني طول عمري واعتبرك امي واخدمك برموشي..وممكن اعاملك نفس المعامله ونفس الخبث وأعاملك معاملة مرات الابن وأدوقك الذل ألوان واشكال
فوزية بأستغراب:تقصدي اي؟
خلود بأبتسامة: يعني مش هسمحلك تدخلي بيتي وتوقعي بيني وبين جوزي ومن هنا ورايح مشوفكيش تتدخلي في اي حاجه تخصني انا وهو
فوزية بغضب: أنتي اتجننتي؟ وبعدين بيت مين؟ دا بيتي انا وابني وانا حره ادخل اي مكان انا عايزاه .
خلود بجمود: انا قولت اللي عندي من النهارده مفيش دخول شقتي من غير استئذان ومفيش أوامر في بيتي وشغل الحموات ده لو اتكرر هخليكي تندمي .
فوزية لسه هترد سابتها خلود ودخلت المطبخ فتحت التلاجة : الفطار النهارده على مزاجي أنا مش على مزاجك ولا اقولك انا هعمل لنفسي وعلي قدي لو جعانة قومي اعملي لنفسك .
فوزية بغضب: بتستقوي عليا علشان ابني مش هنا صح؟ صبرك بس لما ابني يرجع من الشغل هخليه يعلمك الادب اللي انتي نسيتيه.
خلود ببرود: لي يا فوزيه هو انا زيك ولا حاجه؟
فوزية بغضب: اه يا حيوانه طب والله العظيم لتشوفي اما وريتك مبقاش انا فوزية.
خلود ببرود: ماشي انا طالعه شقتي ووريني هتعملي اي
.. الليل جه وحاتم راجع من الشغل باين عليه التعب بيدخل البيت يلاقي أمه قاعدة لوحدها على الكنبة وشها باين عليه الغضب وخلود طالعة من المطبخ ماسكة صينية عصير وشها بريء زي العادة..
خلود بصوت هادي: حتومتي حمد الله على السلامة يا حبيبي كان قلبي حاسس انك جاي دلوقتي.. عملت لك عصير يبرد قلبك من الحر ده.
حاتم يبتسم: الله يسلمك يا خلود ماما مالك قاعدة كده في حاجة؟.
فوزية بغضب مكتوم: اسأل مراتك يا ابني اسألها بتكلّمني إزاي أول ما طلعت من البيت.
حاتم بأستغراب: يعني إيه حصل اي يا خلود.
خلود بتتنهد وتعمل نفسها متأثرة:
أنا كنت ناوية ما أقولش يا حاتم بس طالما ماما مصممة
ماما مش متعودة لسه إن في حد جديد معا في البيت فبتدخل المطبخ عندي وتغير فيه حاجات كتير وأنا بس بطلب منها بهدوء انها تبطل تعمل كده وتسيب حاجتي زي ما هيا لكنها فهمت كلامي بطريقة تانية.
فوزية بغضب: كدب أنا ما عملتش حاجة هيا اللي جاتلي بعد منتا مشيت وكانت بتهزقني وبتقولي بطلي شغل الحموات ده وفضلت تغلط فيا
حاتم بصدمة: إيه الكلام ده يا خلود.
خلود بهدوء وبصوت مكسور: أنا يا ماما قولا كده؟اخص عليكي والله... مامتك يمكن زعلت مني عشان قولتلها ترتاح وأنا أجهز الفطار بدالها..لكن مش عارفة لي بتقول كدا.
فوزية تزعق: دي كدابه مبتقولش الحقيقة يا ابني دي قلبت عليا الترابيزة أول ما خرجت من البيت.
حاتم يتنفس بعصبية: ماما ممكن نهدى أنا راجع من الشغل تعبان ومش ناقص خناقات
خلود تمسك إيده بلطف: سيبها يا حبيبي أكيد متضايقة من حاجة تانية أنا هطلع شقتي احضر الغدا لجوزي قبل ما ينزل لشغله تاني عن اذنكم
.. حاتم بهدوء: ياريت علشان انا ميت من الجوع وورايا شغل كتير
خلود بتبص لفوزية بنظرة فيها انتصار خفي قبل ما تطلع شقتها..
فوزية بغضب: حاتم صدقني دي مش بريئة زي ما باينه قدامنا دي بتمثل عليك دي شيطانه.
حاتم بتنهيدة : ماما إنتي يمكن بتكبّري الأمور خلود مش ممكن تقولك كده..يمكن زي ما هيا قالت انتي فهمتي كلامها غلط
فوزية بتبص له بنظرة وجع : هتشوف بعينك يا ابني بس ساعتها متجيش تندم وتعيط لي.
حاتم بسكات طلع شقته..
.. بعد شويه حاتم كان خرج يشتغل في ورشته ...
فوزية كانت طالعه لخلود تتكلم معاها لكن فجأة تسمع ضحك خفيف جاي من شقتها فبتقف ورا الباب وتسمع .
خلود بدلع: يا راجل بطل هزار لا طبعًا مش نسيـاك
فوزية بتتجمد مكانها من الصدمة: يا نهار اسود دي بتكلم راجل يا مصبتي السودة بتخوني ابني وانتو مكملتوش اسبوعين متجوزين يا فضيحتك يا حاتم يا فضيحتك
فوزية بتنزل شقتها وبتروح جري علي البلكونه لاقت حاتم قاعد بيشتغل في الورشه.
فوزية بغضب : حاتم.. انت يا حاتم اطلعلي بسرعه حالا
بيطلع حاتم بهدوء: خير يا ماما في اي؟
فوزيه بزعيق: تعالي إلحق مراتك قبل ما تضحك عليك أكتر من كده انت قاعد لي هنا وهي مقضيها علي الاخر وبتستغفلك يا استاذ.
حاتم باستغراب: في إيه يا ماما احكي علطول
فوزيه بغضب: اللي سمعته ميتحكيش ييني ربنا يسترها علي علينا..انا سمعتها بتتكلم في التليفون معا راجل غريب وبتضحك معاه زي البنات اللي مش مظبوطه .
حاتم بصدمة: إنتي متأكدة من اللي بتقولي ده يا ماما.
فوزية بغيظ: أنا أمك يا حاتم مش هكدب عليك قوم شوفها بنفسك بدل ما تعيش في الوهم وتحط شرفك في الطين يابن بطني.
حاتم بغضب طلع لخلود
حاتم بصوت عالي: انتي كنتي بتكلمي مين يا خلود دلوقتي؟
خلود بخضة: هو اي اللي كنت بكلم مين.
حاتم بغضب: انا بسألك تردي عليا كنني بتكلمي مين انطقي
خلود باستغراب: كنت بتكلم مع ماما يا حاتم مالك بتزعق لي كده ليه؟
حاتم بعصبية:
بتضحكي وفاكراني اهبل صح انتي كنتي بتقولي مش نسياك لمين.
خلود بصدمة وتوتر: إيه الكلام ده؟ اكيد مامتك هيا اللي قالتلك كده صح؟
حاتم متوتر: هيا قالت إنها سمعتك بنفسها واكيد امي مش هتكدب.
خلود بجمود بتجيب تليفونها وتفتحه : بقا كدا يا حاتم طب خد اتفضل بص بنفسك شوف آخر مكالمة عندي مين ومكلمه مين دلوقتي اتفضل.
حاتم بيبص في التليفون بيلاقي آخر مكالمة ماما
حاتم بتوتر: أنا أنا آسف بس ماما قالت إنها سمعتك
خلود بتعيط وبتمسك إيده: مامتك مش بتحبني يا حاتم وبتحاول تكرهك فيا من اول يوم انا دخلت فيه البيت ده.. بتوقع بينا كل يوم والنهاردة بتتهمني في شرفي..بتكمل بصوت مكسور: هو أنا عملت إيه عشان أوصل لكده واي اللي غاصبني اكمل واستحمل كل ده؟
حاتم بندم: خلاص خلاص متعيطيش يا خلود سامحيني يمكن ماما فعلاً فهمت غلط.
خلود تبصله بدموعها وتهمس: أنا كل اللي طلباه منك تبص لي بقلبك مش بودانها مش كل ما تقولك حاجه عليا تصدقها.
حاتم يحط إيده على شعرها بحنان: عندك حق انا فعلا ظلمتك حقك علي راسي والله يا حبيبي واوعدك مش هتتكرر بس سامحيني
خلود بدلع: عاوزني اسامحك؟ هسامحك بس لو جيبت لي السلسلة اللي نفسي فيها.
حاتم بابتسامة: عيووني بكرا هتكون عندك مبسوطه كدا.
خلود بدلع: حد يكون معاه العسل دا كله ويزعل.
..
بتدخل فوزية ب استغراب: انت مش بتزعق ليها لي قصدي اي اللي بيحصل؟
حاتم بجمود: انتي ظلمتي خلود يا ماما ومن فضلك اعتذري ليها.
فوزية بصدمة: .
#رواية_أبن_أمه
#بارت_1