رواية من نظرة عين الفصل التاسع 9 بقلم هند سعدالدين
ـ أنا مش عارفة اقتنعت إزاي اتجوزك بالسرعة دي؟
ميل ناحيتي وغمز لي..
ـ لما راجل بيحب واحدة بيقولوا سحراله، ولما ست تقع في حب راجل تفتكري هيقولوا إيه؟
شديته من الكرافتة ناحيتي، رفع حاجبه وبرق لي..
ـ هيقولوا ساحر لها برضه..
ضحكنا سوا، وإحنا جوا عربية الزفة اللي رايحة للبيت..
ـ زوزو مجهز لك مفاجأة guess..
ـ لو مكوناش خلصنا الفرح كنت قلت جايب لي أحمد سعد..
ـ حاجة كان نفسك تعيشيها..
ـ سمارا؟
هز راسه بالموافقة، وأنا الحماس والفضول أخدني، فضلت أزن زي العيال " إمتى هنوصل البيت بقى؟"
سمارا دول مجموعة شباب بيعملوا زفة إسكندراني على أصولها..
ـ قربنا يا مالك، الحماس full ، ينفع أشيل الإكستنشن؟
هز راسه، كان باصص لي كإنه بيبص لي للمرة الأولى..
الست بتعرف الراجل اللي بيحبها من عينيه حتى لو كل الناس اللي حواليها غزلوا فيها أشعارهم..
وصلنا تحت البيت..
نزلت أنا وهو من العربية، وكنا بنرقص ونغني الفلكلور الإسكندراني، الناس كلها طلعت في البلكونات، اللي تزغرط واللي يصفر واللي نزلوا يرقصوا معانا وإحنا منعرفهومش..
وبعد ما هلكنا من الرقص..
ـ يلا نطلع البيت؟
رفعت إيدي، استغرب وماكنش فاهم..
ـ شيلني..
ـ نعم؟
ـ عادات عيلتنا العروسة بتتشال..
ـ الكلام ده كان قبل الرقص والفرهضة..
ربعت إيدي واهلي واهله بدأو ياخدوا بالهم..
ـ قصدك إني تقيلة؟
ملس على شعره، بدأ يتوتر..
ـ عديها يا زهرة..
ـ لأ.
شالني واتداريت فيه، لف بيا في الشارع وكان بيضحك، وأهالينا كانوا بيسقفوا لنا.. لحد ما طلعنا شقتنا.
وصلنا قصاد باب الشقة..
ـ نزلني.
مردش، وطلع المفتاح بإيده التانية..
ـ عندي إيدين وإنتي خفيفة يعني..
ـ أومال مين اللي كان بيندب تحت، يا زهرة اصلي متفرهش، يا زهرة طب شكلي..
قاطعني..
ـ دلوقتي جاي على هوايا يا ستي..
ـ طب ما إحنا وصلنا البيت ودخلنا أهو، ومفيش حد معانا..
مهتمش لكلامي..
فضل شايلني لحد باب اوضة النوم..
نور النور..
بدأت اتوتر..
ـ نزلني بقى يا مالك، يوووه..
وصلنا عند السرير🤭
نزلني ببطء..
ميل عليا
ـ أصل إحنا عوايد عيلتنا العروسة تتشال لحد سريرها..
لساني اتعقد..
انزحت شوية، فقرب عليا..
شال الكرافتة، خلع البدلة..
طفيت النور..
وشوشني..
ـ كان في واحدة متفقة إننا هنبقى إخوات، فكراها..
ـ هشششش.
#من_نظرة_عين
ـ الحلقة التاسعة