سكريبت فهو نال حبيبه (كامل) بقلم ريهام زيدان

سكريبت فهو نال حبيبه (كامل) بقلم ريهام زيدان

ـ شوفتي العريس جايبلها فستان رخيص اوى 

*ولا القاعه بجد بيئه جدا مش عارفه إذاى اميره وافقت عليه ومشوفتيش المكان اللي هتسكن فيه حرفيا لو انا مكانها هقعد ف بيت ابويا احسن 

كنا ف فرح أميره صاحبتنا من ابتدائى وصحابنا البنات فضلوا يتريقوا علي كل حاجه حرفيا ف الفرح 

كنت واقفه بسمعهم وكلمة تمنى دي كلمة قليله علي اللي ف قلبي اني اكون مع الشخص اللي بحبه حتى لو كله هيلومني كدا بس اكون معاه 

فوقت من سرحاني علي صوت ليالي 

ـ ايه ي بنتي الابتسامه اللي علي وشك دى محسساني انها متجوزه توم كروز دا محمدسالم يعني 

رديت ببساطه = كفايه انها اتجوزت الشخص اللي بتحبه وبيحبها 

ـ مشوفتيهوش عمال يطنطط زى الديك الرومي !!

طبطبت علي كتفها = فرحان بيها عقبالك ي ليالي أما تلاقي اللي يحبك وتحبيه كدا 

ـ بقولك ايه ي الاء يالا نمشي انا زهقت 

= خلينا شويه انا مبسوطه اوى 

بصتلهم كتير وانا بقول ماشاء الله بس حرفيا جوايا كان بيعيط 

كان نفسي يكون نصيبي مع حبيبي زيهم 

تخيلت سيناريوهات كتير ليا مع الإنسان اللي بحبه بس للاسف كان للقدر كلمه اخرى ..

بصيت للدبله اللي ف ايدى خطوبه ملهاش علاقه بقلبي خالص مجرد شخص مناسب

ي بختي ي حظي الحلو بيك ...

محمد شال اميره ولف بيها وجو كله سعاده 

فستان اي وقاعة اي اللي بيتريقوا عليها كل دا ساعتين وبأي باي اللي هيفضل معاه هو الإنسان اللي بيحبها هو اللي طاير بيها ومش مصدق أنها بقت مراته ادام الكل 

ـ الاء هو أسعد خطيبك مش هيجي ياخدك ؟

*مشغول وانا مطلبتش منه يجي 

شاورت علي باب ـ بصي مين هناك

بصيت وياريتني ما بصيت كان ليل داخل بطلته اللي بتوقف الدنيا من حواليا لابس بليزر اسود وبنطلون اسود وتوب ابيض 

بصيت ف الأرض واستغفرت  

*ي ليالي حد قالك تقوليلي مين جه 

ـ احم معلش ي لولو انا بس كنت بوريكي شكله واصلا هو خطب وانتي اتخطبتي   يعني تخطيتوا بعض صح ؟

الفون وقع من ايدى وانا بحاول أهدى *صح عندك حق انا عاوزه امشي ي ليالي 

ـ استنى بس نص ساعه رامز جوزى جاي هنروح سوا 

*لا انا همشي دلوقتي

ـ ي الاء استنى..

 وطيت جبت الفون واتعدلت لقيته في وشي  ف خرجت بسرعه حرفيا بجري  وخرجت من القاعه بسرعه بس وانا خارجه حسيت بحاجه بتشد الفستان بس انا للاسف  كنت ماشيه بسرعه ف لقيت جزء من ديل الفستان انقطع اتضايقت ومسكته وقتها عيطت كاني مستنيه اي حاجه تخليني اعيط 

وقفت أعيط والميكب اتبهدل مسكت الفون عشان اكلم اسعد بس  

لقيتني معنديش طاقه للكلام معاه أو اني استحمل  طريقته  وقفت شويه   استنى تاكسي بس مفيش اي تاكسي جه مسكت الفون وطلبت اوبر بس لسا ادامه نص ساعه ع ما يصلي

∆جميل اوى اللون  دا  عليكي يا الاء 

رفعت عيني واول حاجه عيني جت عليها أيده مفيهاش دبله 

*فين دبلتك ؟

∆فسخت الخطوبه من يومين 

انتهدت وبصيت بعيد 

ف كمل كلامه ∆ معرفتش اضحك علي نفسي اكتر من كدا معملتش زى ناس غميت عنيا وقولت هو دا قدري 

*سايب فرح صاحب عمرك وجاى هنا ليه  اظن كلامك كان واضح اخر مره أن مفيش حاجه بنا 

ضحك بسخريه∆ كنتُ مغفلٌ

*نعم !

∆اها والله سايب فرح صاحب عمري وجاي اقف مع حببتي اللي حاليا مخطوبه لغيري ابقي مغفل أو لسا مش عارف اتقبل اللي احنا فيه 

*الاوبر جاي حالا وانا همشي ومش هنتقابل تاني 

ـ لا في فرصه نتقابل تاني لو فتحتى عينك ومكملتيش مع خطيبك 

*وانت مالك انا اشتريتك وبعت الكل عشان خاطرك ف الآخر ايه والدتك رفضت ارتباطنا ،رفضتني بدون سبب 

∆تقومى سيادتك بكل اندفاعيه وعدم وعى تتخطبي لغيري بعدها بشهر  

*عايزني استنى ايه ولا اقعد اتحايل عليك ولا نهرب ونتجوز زى الافلام 

∆لسا ادامك فرصه انا لسا بحبك وعندى استعداد أني ..

*وانا مبقتش عايزاك ي ليل 

الاوبر وصل وانا روحت ركبت وهو من غير كلام ركب ادام جمب السواق ووصلني وطبعا بنظره  منه  رفض يخليني ادفع طلعت البيت بصيت ف الفون ملقتش ولا مكالمه من أسعد بدلت هدومي وقعدت ف اوضتي يمكن الفرح دا قَلب مواجع كتير جوايا يمكن عشان حلمت كتير انا وليل نحضر فرح أميره ومحمد لأنهم بيحبوا بعض من زمان يمكن خططنا كتير ليه واهو جه بس واحنا بعيد عن بعض 

نمت مكاني بعدها حد صحاني ولبسنى فستان أبيض جميل اوى وتاج فل علي شعري وانا بحاول استوعب انا فين بس المكان متزين حلو اوى وأسعد قاعد هو و بابا وهيكتب كتابي عايزه اصرخ واقول لا بس مش عارفه وقتها جه شخص واخد سعد اتكلم معاه بس فجأه اتخانقوا سوا وانا واقفه بعيط وببص حواليا للمكان اللي اتملى دوشه وخناق بس وقتها ليل جه وهو بيبتسم عطى المأذون بطاقته ومسك ايد بابا وكتب هو كتابي 

*هو إذاى دا يحصل وانت إذاى توافق ي بابا 

وقتها هو قرب مني وخبطنى بالراحه علي راسي ∆ شوف البومه اللي هتخليني اتغابى عليها

لسا هرد شدنى لحضنه لدرجه رجلى مش طايله الارض∆ بحبببببك

ضحكت وانا متعلقه ف رقبته ومش عايزاه يسيبني 

::لكم العالم بأكمله واتركوه هو لي فقط ..هو فقط ::

صحيت من النوم علي صوت المنبه قفلته ونمت تاني عشان اكمل الحلم بس مفيش عيطت اوى اني طولت الفرحه اللي انا بتمناها بس طلعت مجرد حلم 

انهارده وبعد سنه كان فرحي انا وليل وبنرقص وعنيا علي صحابي وشايفاهم بيتهمسوا زى بالظبط فرح محمد واميره 

حضنت ليل وانا بضحك

∆ خير ي قلق الضحكه دي مش مريحاني 

*ابدا افتكرت فرح أميره ومحمد اما اتمنيت نكون سوا حتى لو هيتريقوا عليا طول الفرح معنديش مشكله 

∆مين دا اللي بيتريق وانا اروح البسه التورته ف وشه 

*سيبك منهم بص اميره ومحمد بقا معاها مالك بص جميل إذاى اللهم بارك 

∆حبيبي عقبالنا كدا انا نجيب مالك ومليكه وعلي وعليا و عمر واروى

*بس بس ايه كل دا 

∆ ستى الله يرحمها قالتلي لو مراتك بتحبك هتجبلك دستة عيال ف انتي ايه  بقا ؟!

ضحكت و انا ببصله * هجبلك دستين 

∆الصلاه علي النبي 

ضحكت وقتها جه كوبليه" ي عوض العمر واتشالي  وجيت بالوقت والمللي "

شالني ولف بيا وانا بضمه وبحمد ربنا اني معاه وربنا كتبنا لبعض 

وافتكرت اسعد أنه هو اللي نهى الخطوبه بدون اي مجهود مني لانه حس أنه مش مرتاح ودا كرم كبير من ربنا وبعدها ليل اتقدم تاني  بعد ما اقنع مامته وجابلها أمة لا اله الا الله تقنعها وحلف لها أن أبوه جاله ف الحلم وقاله اتجوز الاء بنت سميحه 

مش عارفه كان يعمل ايه اكتر من كدا عشان توافق بس الحمدلله انها وافقت واتجوزنا وهي راضيه 

تمت#

علي من نال حبيبه الا ينظر إلي السماء نظرة المحروم  حتى وإن حُرم حتي وإن حُرم ...

فهو نال حبيبه

ريهام زيدان 

تمت