رواية دموع الورد الفصل السادس عشر 16 بقلم جمال المصري
بسم الله ما شاء الله ولا حول ولا قوه إلا بالله
#دموع_الورد
#الحلقه_السادسه_عشر
شريف .. البنت دي لازم تموت يا نسرين لو السر ده انكشف هيبقى نهايتنا
نسرين .. انا من اول ما عرفت وانا مش علي بعضي هتجنن
شريف .. يعني اتاكدي
نسرين .. ابوها اسمه عدلي وامها الدكتور عفاف ومن الاسكندريه عايز ايه اكتر من كده
شريف .. اهدي وتعالي علي القصر وهنشوف حل
نسرين .. حاضر سلام
شريف .. حماده
حماده .. بيدخل من بره نعم يا شريف بيه
شريف .. جهز نفسك في عمليه مستعجله وما حدش هيقوم بيها غيرك
حماده .. وانا تحت امرك يا شريف بيه
شريف .. اهز نفسك وبمجرد ما اظبط الدنيا هبلغك
حماده .. وانا هستنا اوامرك
شيرين .. بتنزل خير يا شريف فيه ايه
شريف .. ولا حاجه يا امي بس عادل الهلالي اضرب بالنار واللي بتعالجه اسماء مراتي ومش بس كده دي عايزه تطلق
شيرين .. بتبص في عنين شريف انت اللي عملتها
شريف .. لا يا امه
شيرين .. كداب يا ابن بطني صرحني قبل ما توقع الفاس في الراس
شريف .. ايوه انا واسماء بتقول معاها فيديو وبتهددني بيه
شيرين .. اعمل فيك ايه يا غبي انا ليا سنين بحاول اجهز نفسي لليوم الي نقضي علي الهلاليه فيه وانت بتخرب كل حاجه
شريف .. مش كده كده هنقتلهم يبقا ايه الفرق من دلوقتى او بعدين
شيرين .. فرق كبير يا حمار قوة الهلاليه كبيره اكبر منما تتصور حتي ولاد عم عادل كلهم في مناصب حساسه في الدوله هو فعلآ عادل مش بيدخلهم في مشاكله وقادر يتحكم فيهم وإلا كنا انتهينا من زمان بس لو حصله حاجه هيهده البلد علينا ووقتها هننتهي
شريف .. بس لو عادل قادر يعمل كده ايه اللي يخليه يسيبنا لحد دلوقت واحنا اعدائه
شيرين .. مش بقولك حمار عادل اسم علي مسما طالع لي ابوه بيمشي بالحق والاصول حتي لو علي رقبته
شريف .. انتي شويه وهتقولي فيه شعر
شيرين .. مش شعر بس لازم تعرف عدوك
شريف .. طب العمل ايه
شيرين .. انا هقابل اسماء عشان ما تقولش لي عادل
شريف .. وحكاية الطلاق
شيرين .. هو انت اتجوزتها اصلآ عشان تطلقها ولا مش عارف ان جوازك باطل يا شريف عشان كانت حامل
شريف .. عارف بس هعمل ايه كان لازم اعمل كده لو استنيت لحد ما تولد ما كنتش هتتجوزني
شيرين .. انا مش عارفه انا و فقتك ازاي في حاجه زي دي وهي رغم انها متعلمه بس ما كنتش عارفه والحمد لله انها ما عرفتش لحد دلوقت
شريف .. في فرق بين التعليم العام والشرعي الي بيدرسه في الازهر عشان كده هي لا عرفت ولا عمرها هتعرف ورغم كده مستحيل اطلقها هي رسمي مراتي
شيرين .. لازم تطاطي للريح لحد ما تعدي وانا هروح واشوفها عايزه ايه
شريف .. ماشي يا امه بس ارتاحي دلوقت لحد ما تروح الدوار عشان دلوقت هي في المستوصف ورجالة عادل كلهم هناك
شيرين .. هطلع ارتاح شويه واول ما اسماء ما تروح الدوار قولي
شريف .. حاضر يا امه
نسرين .. صباح الخير
شيرين .. صباح النور كنتي فين بدري كده
نسرين .. كنت عند اسماء بشوف ايه الي حصل
شيرين .. عادل لسا عايش
نسرين .. ايوه يا ماما فاق وانا هناك وكمان بعته يجيبه اكل
شيرين .. بصت لي عادل حتي ايدك خايبه زي قلبك وعقلك وبتطلع لفوق
نسرين .. بتقعد جنب شريف هنعمل ايه
شريف .. ما تقلقيش انا جهزت كل حاجه واول ما تكون لوحدها هنقتلها
نسرين ..ازاي وانا متاكده اني اسماء هتاخدها عندها في الدوار
شريف .. حتي لو ده حصل ما تقلقيش سعديه تخلص عليها ولو ما قدرتش حماده جاهز يخلص عليها
نسرين .. انا مش عارفه دي طلعتنا من فين
فارس .. هي مين دي
شريف .. انت جيت امتي
فارس .. لسا واصل يا عمي مين الي مخلياكم متجمعين كده
نسرين .. ما لكش دعوه وركز في شغلك بس
فارس .. مالك كده مش طيقاني يا ست الحبايب وبيبوس ايدها
نسرين .. مش عارفه طالع بكاش لي مين بس
فارس .. ده انا غلبان
شريف .. يلا اطلع فوق دلوقت في موضوع عايزين نخلصه انا وامك
فارس .. انا دراعك اليمين يا عمي معقول مش واثق فيا
شريف .. يا ابني في حاجات انت ما تعرفهاش بيكون احسن ليك المهم سلمت البضاعه
فارس .. تمام يا عمي والمعلم مبسوط اووي من الصنف ده
شريف .. في نوع جديد هيوصلك النهارده اسمه شابو عايز كل المعلمين تشتغل منه
فارس .. تمام اول ما يوصل هظبط الدنيا
وعد .. بتدخل تطمن علي عادل عامل ايه دلوقتى
عادل .. الحمد لله يا وعد بس زهقت من النومه عايز امشي من هنا
وعد .. معلش خليك بس لحد ما اطمن عليك
عادل .. صدقيني انا كويس
وعد .. انت نسيت اني انا الدكتوره وانا الي اقول ولا زهقت مني
عادل .. بالعكس انتي فيكي حاجه غريبه مخلياني مبسوط اوي وانتي جنبي احساس غريب
وعد .. انا كمان جوايا نفس الاحساس مش عارفه اترجمه
عادل .. قوليلي انتي ليه هنا
وعد .. لو قولتلك تساعدني
عادل .. اكيد يا بنتي
وعد .. انا جايه هنا ادور علي امي
عادل .. ازاي مش فاهم
وعد .. طلعت الظرف الي عفاف كتبتهولها ودته لي عادل
عادل .. اخده قراه وبص لي وعد معقول في ناس زباله كده في حد ياخد طفله لسه مولوده ويبيعها حسبي الله ونعم الوكيل
وعد .. انا مش عارفه هما بعوني ليه ممكن اكون بنت حرام
عادل .. اسكتي اوعي تقولي الكلمه دي تاني انا متاكد انك بنت حلال مصفي وانا اللي هوصل لي امك و ابوكي
وعد .. بجد
عادل .. بجد يا وعد و اوعدك اني هعمل المستحيل عشان اوصل لي اهلك
وعد .. مش عارفه اشكرك ازي
عادل .. انا لو ربنا كرمني وخلفت كان زمان معايا ابن او بنت في سنك ومن اللحظه دي انتي بنتي
وعد .. قربت منه بابا
اسماء .. دخلت وسمعت كلمة بابا ايه ده بابا ايه مش فاهمه وبتبكي ليه
وعد .. انهارده انتي بقيتي عندي زي امي وعادل زي بابايا
اسماء .. بتمسح دموعها من دلوقت مفيش دموع يا بنتي وبتحضنها
عادل .. بيبتسم
اسماء .. الدكتوره وصلت هاخدك عشان ترتاحي انتي جايه من سفر ومن امبارح بالليل قاعده هنا معانا
وعد .. انا مش هسيب عادل غير لما يبقا زي الحصان (وعد كان جواها احساس انها نفسها تترمي في حضن عادل بس عارفه انه حرام عشان كده ما حاولتش بس الاحساس اللي جواها كان قوي وهي مش عارفه سببه؟
عادل .. ربنا ما يحرمني منك يا بنتي (نفس الاحساس جوه عادل ودي اول مره تحصله بس برده كان مسيطر علي نفسه )
وبيعدي الوقت ووعد قاعده مع عادل واسماء وبيهزره ويضحكه لحد ما حالته استقرت وخلاص هيمشي
عادل .. قرب من وعد مش عارف اشكرك ازاي علي الي انتي عملتيه يا وعد
وعد .. انت قولت مفيش شكر بينا
عادل .. ماشي يا ست البنات ده رقمي في اي وقت تحتاجي اي حاجه كلميني
وعد .. اكيد هكلمك اطمن عليك بس خلي بالك من نفسك وانت يا عمو محمود خلي بالك منه
محمود .. في عينيه يا وعد ما تقلقيش
..وبيطلعوا كلهم سوا من المستوصف ..
اسماء .. شمندي اسحب الرجاله كلهم علي الدوار
شمندي .. حاضر يا جناب العمده
عادل .. شكرآ علي كل الي عملتيه عشاني
اسماء .. انا عملت واجبي كا عمده عشان الناس الغلابه ما تضعش وسطكم
عادل .. من امتي وتعرفي اني باذي حد
اسماء .. لا مش بتاذي بتقتل بس
عادل .. فعلآ قلة الكلام معاكي احسن يلا يا محمود
وبيركبه العربيات وبيتحركه
اسماء .. يلا يا وعد هنروح الدوار عشان ترتاحي
وعد .. هو ايه اللي بينك وبين عادل
اسماء .. نروح الدوار وناكل لقمه وترتاحي وبعد كده هحكيلك كل حاجه
وعد .. ماشي
وبيتمشه لحد ما بيوصله الدوار وبيدخله الله البيت جميل اوي وانتي ازاي عمده
سعديه .. بتدخل عليهم عشان الي ما يتسماش الي اسمه عادل قتل ابو الست اسماء العمده فتحي وكمان عمها
اسماء .. اسكتي يا سعديه ويلا جاهزي العشاء
سعديه .. حاضر يا ستي
وعد .. معقول عادل عمل كده
اسماء .. كل الادله ضده حتي انا كمان بس دلوقتى جوايا احساس ان مستحيل عادل يعمل كده
وعد .. وانا كمان مستحيل اصدق ان عادل يقتل
سعديه .. الاكل جاهز
اسماء .. يلا ناكل وبكره احكيلك كل حاجه
وبيقعده ياكلوا وبعد كده بيشربه الشاي واسماء بتوري الاوضه لي وعد عشان تنام وبتدخل اسماء اوضتها
شريف .. بيرن علي سعديه
سعديه .. ايوه يا شريف بيه
شريف .. عايزه تاخدي ١٠٠ الف جنيه
سعديه .. هو فيه حد يكره الفلوس
شريف .. عايزك تقتلي الدكتوره اللي عندك
سعديه ..لا إلا كده انا اعمل كل حاجه لكن اقتل بي ايدي لا
شريف .. خلاص هبعتلك حماده و هيدخل من نفس البرنده وتفتحي له و تدخلي اوضتك وهو هيخلص عليها
سعديه .. ماشي والفلوس
شريف .. هتاخديها بس مش عايز امي تعرف حاجه
سعديه .. انا لا بشوف ولا بسمع ولا بتكلم
شريف .. تمام يلا هبعتلك حماده سلام
سعديه .. سلام
شريف .. حماده
حماده .. ايوه يا شريف بيه
شريف .. هتدخل دوار العمده زي ما دخلناه من زمان وتخلص علي البنت الدكتوره الي هناك
حماده .. الدكتوره طب ليه
شريف .. البنت دي لو فضلت عايشه كلنا هنموت
حماده .. ازاي مش فاهم
شريف .. مش مهم المهم مش عايز حد يشوفك وبلاش تستعمل المسدس اخنقها بي ايدك
حماده .. حاضر يا شريف بيه وبيتحرك لحد ما بيوصل الدوار وبيلف من ورا وبيخبط علي البلكونه بالراحه
سعديه .. بتفتحله
حماده .. فين اوضة الدكتوره
سعديه .. الاوضه الي في وشك دي وبتدخل علي اوضتها
حماده .. بيفتح الباب براحه وبيدخل وبيمسك المخده وبيحطها علي وش وعد وبيضغط بكل قوته عشان يكتم نفسها
إلي اللقاء في الحلقه السابع عشر
#عباد_الله_اذكره_الله