سكريبت شلبي (كامل) بقلم منه سلطان
_شلبي مهانش عليه اجي أخطب من غيره ، ده كمان صمم يلبس هو الفيونكة بتاعة العريس.
_الله يا نوح ،ده كيوت أوي .
_حاسبي عشان بيغير.
_بيغير على مين؟!
_بيغير عليا.
_طب شيل القط بتاعك وقوم رَوح .
_أنتِ بتتكلمي بجد ولا بتهزري يا دعاء؟!
_لا بتكلم بجد، أصل والله أنا مش ناقصة عبط كفاية كده يا حبيبي شبعت.
_كل ده عشان قولتلك شلبي بيغير عليا؟!
_لا طبعًا، كل ده عشان أنت متخلف يا نوح متخلف ومحتاج تتعالج.
_كتر خيرك يا بنت الأصول يا غالية.
_تسلم يا حبيبي، يلا مع السلامة.
_أنتِ متأكدة من قرارك ده، ولا لما أروح هتفاجئ بيكي بتعضي على ايديكي من الندم وبترني عليا عشان أوافق أرجعلك؟!
_لا اطمن، اعتبرني عملتلك بلوك.
_يا بنتي فكري، الفرصة مبتجيش في العمر غير مرة واحدة..
_الفرصة دي يا حبيبي، أنت اللي ضيعتها من إيدك، روح لشلبي شلبي أولى بيك.
_تصدقي أنا غلطان فعلًا إني صارحتك من البداية؛ عشان تبقي على ماية بيضة بس خسارة فيكِ.
_أمشي يالا من هنا يا ثقيل يا بارد.
_على كلامنا بقى ملمحكيش ترني عليا .
_يا اخي اتنيل.
_يلا إحنا يا شلبي، اللي باعنا خسر دلعنا.
_وهو أنا دلع إيه اللي خسرته بقى؟؟
_ضاع عليكي الدراي فود بتاع شلبي ده بقى طعمه يجنن وغالي، أصل أنا مَبستخسرش في شلبي حبيبي أي حاجة.
_أنا مش موافقة على الجوازة الزفت دي، ويلا بقى اتخفي من وشي أنت وقُطك المُتخلف زيك ده.
_بقى كده، طيب هاتي بوكيه الورد اللي شلبي جايبهولك ومنقيه بنفسه بس خسارة فيكِ.
_معندناش بوكيهات ليكوا.
_طب وعلبة الجاتوه اللي دافع فيها د.م قلبي...ضاعت هي كمان؟
_اه، اتفضل أمشي أنتَ والكائن اللي بيوزع نظرات غريبة عشان مبلغش عنكم العباسية.
_ده في أحلامك يختي، أنا لسة مقرتش فاتحة، أومال أنا جاي ومكلف ليه؟
_هو بالغصب؟
_لا، بس شلبي عايز كده وأنا عيوني لشلبي ولدودو عد.وة شلبي..
#تمت
#إسكريبت
#منة_سلطان
#شلبي.
تمت