سكريبت زينة وفارس (كامل) بقلم فيروز عادل
-وقعتي في حبه يابنت الشيخ!
بصتلها بخضة وانا بشاورلها توطي صوتها:مش بإيدي يافرحة!
-ولو عم الشيخ ابوكي عرف ايه اللي هيحصل؟
اتنهدت وانا بخرج من الخيمة وبردد لنفسي قبل مايكون ليها:مش عارفة!
اخطر دروب الصحرا مو الضياع ..
إلا الضياع اللي يجيك بعين تشبه وطنك،
وهالضياع ما له رجعة.
وقعت الجملة على ودني من الشيخ عُمير اللي كان كالعادة قاعد وجمبه حارث الولد الصغير اللي بمثابة عيون شيخنا الكفيف، اللي الصغير والكبير بيتلف حواليه كل ليلة يسمعوه!
سرحت وانا قلبي دقاته بتزيد، وبفتكر اليوم اللي عمري ما عرفت انساه!
-ضايعة؟!
لفيت بخضة بعد ما كان مفيش صوت الا صوت الريح ودقات قلبي اللي كل شوية بتزيد، سمعت صوت حوافر حصان بتقرب مع نبرته الشبه عالية،
فارس فوق حصانه جاي وجوا عيونه نظرة قلق.
بعدت عيني عن عينه وانا بحاول ارد:الريح لخبطت الرمل، ماعدتش عارفة طريق الرجوع من وين.
نزل من على الحصان ووقف قدامي:طريقك شمال الجبل ولا مع الوادي؟
رفعت عيني تاني غصب عني فقابلت نظراته لعيوني اللي كانت الحاجة الوحيدة اللي باينة من ورا نقابي.
-الشمال.
فضل ساكت لدقايق وكأنه بقى هو الضايع!
سارح مخلي قلبي دقاته زايدة اكتر من ماكنت خايفة وانا بطولي في وسط الصحرا.
عقد حواجبه بشويش وهو بيفوق من التوه اللي كان فيها وبيتكلم:شمال؟!
هزيت راسي بهدوء وانا ببعد عيني عنه.
مسك لجان حصانه:امشي ورايا، ما بعدتيش اوي.
مشيت وراه لحد وانا بيتسلل جوايا شعور راحة غريب سببه مجهول زيه زي الفارس اللي ماشية وراه ده.
قاطع شرودي صوته:اللي اعرفه ان بنات السوالمة ما بيطلعوش وحدهم.
-كنا في رحلة بنجمع نبات الشيح وضعت منهم.
-بنت شيخهم؟
وقفت وانا حواجبي بتتعقد:كيف عرفت؟!
وقف وهو بيلف وعلى وشه مرسوم ابتسامة:شكلك بنت شيخهم.
رجع وهو بيمشي بحصانه تاني:يلا قبل ما الشمس تغيب، هيصيروا يدوروا عليكي في الصحرا شبر شبر.
وقف بعد ما ملامح القبيلة ابتدت تبان، وقفت قدامه وقبل ما اشكره الكلام تاه مني من نظرة عيونه!
-مين انت؟
ابتسم:غريب.
-اتفضل ياغريب نضايفك.
مسك لجان حصانه:لازم ارجع.. طريقي طويل.
قربت خطوتين وانا شيفاه بيطلع على حصانه:حتى اسمك!
-لو انكتب على العيون اللقى مرة تانية.. وقتها لازم هقول.
لف ومشي بحصانه.. رجعت البيت اه
بس توهت في عيون غريب!
…
الحب قدر وان جاك ما لك مهرب منه
سهم ان صابك ما يفرق بين دم ابن عم او دم خصم،
القلب ما تريبه أرض.. القلب ريبته نظرة!
-كأنك بتبصلي ياغريب!
قرب كام خطوة وهو بيضحك:من يوم ما سبتك قلبي حاسس اني هشوفك، ضايعة تاني؟
ضحكت:لا ما تخاف..
-كيفك يازينة.
عقدت حواجبي:كيف عرفت؟
-زينة؟
هزيت راسي:ايوه.
ابتسم:عيونك عيون زينة.
اترسمت ابتسامة متخبية ورا نقابي ودقات قلبي بتزيد وانا عيني بتبعد عن عيونه،
هديت ورجعت ابصله تاني كان لسه باصص ليا!
-اللقى انكتب مرة تانية.. مين انت ياغريب؟
اتنهد وهو بيبص حواليه وبيرجع يبص ليا تاني:لازم تعرفي يابنت الشيخ؟
ابتسمت:انت ابن شيخهم؟
عقد حواجبه وهو بيقلدني:كيف عرفتي؟
عيني اضيقت فبان اني بضحك فضحك هو كمان وانا برد:شكلك ابن شيخهم.
-هما مين؟
بصيت على حصانه.. اتنهدت قبل ما ارجع اتكلم:الفوارس.
……
بالصحرا الريح تمر وتروح
الا ريح الحُب، تمر وتخلي مرارتها في الروح.
قومت من مكاني بعد ما فوقت من كل ذكرياتي اللي مبقدرش انساها على صوته..
قربت وقعدت جمبه والنار الهادية متولعة قدامه.
حارث اتكلم:بنت شيخنا ياشيخ عُمير.
اتكلمت انا بإبتسامة:كيفك ياشيخنا.
-كيفك انتي يابنتي.
-زينة ياعم الشيخ.
-دايم زينة يازينة.
-رايداك في سؤال ياشيخنا.. قبيلة الفوارس بينا وبينهم خلاف؟
-يااه موضوع طال عليه الزمن يابنتي.. عقد جواز خلى القبيلتين ترسم حدود بين القلوب.
-ليه ياشيخنا!
-طلبوا بنتنا وفاتوها بعد كام يوم.
شهقت بخضة:جوزها فاتها!
-قلبه مدقش من الاول يابنتي.
-واللي قلبه يدق ياشيخنا؟
بص للسما:جبان؟
ابتسمت:فارس.
-الحُب يحب الفوارس.. يمكن يصلح غلطة كان سبب فيها جد له فارس جبان!
…….
نمت على سريري وانا بتنهد، الشتا دخل ورحلتنا اللي البنات بتطلع فيها بتكون في الصيف وبس.. عدى شهرين من غير ما عيوني تلمح عيونه، بس لسه واقفة عند اخر مرة شوفتها فيه!
-اخرتها ايه؟
-الحبيب ينول حبيبه.
الدموع اتجمعت في عيوني:صعب ياحمزة.
قرب خطوة:مسألتيش عني؟ كله هيقولك ابن شيخ الفوارس مايحب الا الصعب.. خصوصًا لو كان الصعب اخرته اني اقدر امسح دموع عيون الزينة.
….
-قاعدة وحدك ليه يابنت الشيخ؟
بصتلها وانا ببتسم:تعالي يافرحة.
-لا تعالي انتي.
-ليه!
-فيه غريب عند ابوكي الشيخ في الخيمة.
-غريب مين ده!
-غريب لينا.. انما قريب للزينة.
قربت من خيمة ابويا لحد ما لقيته خارج معاه.. عدى قد ايه وانا ملمحتش عيونه!
قلبي هيخرج من مكانه.. واقف جمب ابويا!
اول مرة فارس من الفوارس يدخل ارضنا بعد سنين طويلة من ايام اجداد اجدادنا.
-الشيخ علام شيخ الفوارس طلب زينة بنتي لابنه الفارس حمزة..
اغلى ما املك هي بنتي زينة عمري ما افرط فيها بالساهل بس الفارس يستاهل، من النهارده السوالمة والفوارس قلوبهم تعشق في العلن وتكون لبعض كمان.
اصوات زغاريط ملت الدنيا بعد ما كلمة ابويا اللي بصوته العالي خلصت!
بصتله في وسط الزحمة كانت عيونه عليا..
قرب مني كام خطوة:ماقدرش عيونك تروح لحد غيري، اموت وده مايحصل.
عدى من قدامنا حارث اللي ماسك ايد الشيخ عُمير اللي كان بيتكلم بصوته العالي.
"يازمن قلبه دايم ماضعش،
الفارس اللي دقاته صادقة صمد.. وعيون الزينة صارتله وطن."
……….
تـمت
#حكاوي_فيروزه💃
تمت