رواية زهرة أصلان كاملة جميع الفصول

 رواية سجينة العادات الفصل الثامن 8 بقلم نرمين قدري

الفصل الثامن

قال دكتور وهو يا نظاراته الطبية :

+ ولا عمرها حملت اصلا ازاي تحمل والرحم مقفول خالص كأنها بنت بنوت دي الحاجة اللي محيراني مش هيه كانت مرات اخوك 

ازاي بصراحة يا استاذ امير أنا كشفت عليها وطلعت لسه

عذراء وعلي  علمي أنها متجوزة المرحوم اخوك كم سنه تقريبا 

اشتدت غيرة  امير عليها وقال بغضب:

- وانت ازاي تسمح لنفسك تكشف عليها كده واستأذنت مين

قال دكتور  بجدية 

الحكايه مش محتاجة إذن حضرتك ده من صميم شغالي حضرتك انا دكتور نسا 

بس اللي خلاني كشفت أن لما عملت سونار لقيت رحم مقفول خالص ده اثار شك فيا بس انا محتاج افهم

امير  بعصيبه وقد تجاهل كلامة 

 انت قلت الكلام ده لحد فوق

هز الدكتور راسه نافيا:

 لاء زي ما انت أمرت ما تكلمتش مع حد خالص حتي الست الحاجة ولدتك 

في هذه اللحظة دخلت هانم 

هانم/ خبر ايه يالولدي في ايه الحكيم قالك ايه وشك مش بيتفسر عاد 

امير  بلجلجة 

اصل يا امي الدكتور قال ملناش نصيب في البيبي 

خبطت هانم علي صدرها

 يالهوي يابوووي ياحزني ولد الغالي راح كمان الصبر يارب 

هي اكيد وش البوم قتلته والله في سماه مهعديهلها 

امير/ وهي زمبها ايه بس يا امي. دي حاجات بتاعت ربنا ملناش يد فيها 

هانم / انا جلتلها تحافظ عليه زين بس تقول ايه الحساب يجمع يا مرات ابني الله في سماه لتكون ايامك هنا اسود من شعر راسك  ورحمة ابني الغالي ما هعديهالك أكده 

دكتور / يا حاجة مدام نورما ملهاش زمب هي ضعيفه وعندها انميا و الزعل أثر علي اللي في بطنها ملكوش نصيب فيه استعوضي ربنا 

هانم /وه عاد عاوز تقول إن ولدي كان مجوعها إياك ولا ايه. 

امير / في ايه بس يا امي صلي على النبي كده واقعدي لحد دكتور مايخلص كلامه

هانم / اباي يا ولدي اقجعد كيف وانا جلبي جايد نار عاد 

حتي العيل اللي قولنا هيعوض خايك اللي راح هو كمان راح اااه يا حرجت جلبي عليك يا ولدي 

امير/ خلاص بقي يا امي استهدي بالله بقي انتي ست مؤمنه بالله

دكتور / البقاء لله ياحاجة استأذن انا و الف سلامة علي مدام نورما. وزي ما فهمتكم اهم حاجة الراحة التامة ليها 

امير شكرا يادكتور معاك للباب اتفضل 

امير / ثواني يا دكتور اي كلمة هتطلع برا هعرف انك انت اللي قلتها مش عاوز حد خالص اين كان هو مين يعرف بالسر ده زي ما حضرتك عارف موضوع حساس و اكمل اخويا في ذمة الله ملهاش لازمة الفضايح 

دكتور /عيب يا استاذ امير دي اسرار المرضي واحنا حلفين قسم بس المهم المدام عاوزة راحة علشان حاله الانهيار

وصل امير الدكتور لخارج السرايا 

طلع مسرعا عند نورما و التي كانت نائمة مثل ملائكة 

قامت ليلي واقفة 

 -  اتفضل يا ولدي ادخل هي نايمة ومش حاسة بحاجة خالص 

امير/ انا بس عاوزك في كلمة يا حاجة برا شوية 

ظهرت علامات القلق علي وجه ليلي وقالت :

 - خير يا بني في ايه الدكتور قالك حاجة تقلق علي نورما 

+ اهدي بس وتعالي نتكلم برا علشان نسبها ترتاح 

- حاضر يا بني اخرج وانا ححصلك علي طول 

خرجت ليلي مع امير خارج الغرفة 

قال امير بتوتر 

+  بصي يا حاجة كل شيء قسمة ونصيب و نورما ملهاش نصيب في البيبي قدر الله وماشاء فعل

خبط ليلي علي صدرها 

-يالهوي نورما سقطت العيل مات ياقلب امك يابتني ربنا يصبر قلبها يارب جوزها وابنها في يوم واحد 

 +اهدي بس ياحاجة وانزلي ارتاحي تحت شوية انتي شكلك تعبان 

ليلي /واسيب بنتي لوحدها مينعش يا بني انا حفضل جنبها احسن تصحي وتحتاج حاجة

امير /متقلقيش انا هخلي ماهيتاب تقعد معاها 

ارتاحي بس انتي شوية علشان تقدري تصدي 

ليلي/ لا يابني متتعبش مراتك انا سمعت انها حامل ربنا يكملها علي خير وتفرح بضناك 

امير وكأنه قد نسي أمر ماهيتاب 

امير /اه اه اه يارب يا حاجة بس متقلقيش انزلي انتي اقعدي تحت وارتاحي شوية وهي كده ولا كده نورما نايمة 

ليلي / في موضوع تاني يابني عاوزه اتكلم معاك فيه

امير /خير ياحاجة الموضوع ده ميتأجلش النهاردة كان يوم صعب علينا كلنا 

ليلي /بصراحة لاء ميتاجلش علشان في نقط لازم تتحط فوق الحروف وخصوصا بعد اللي حصل لنورما والليبي اللي راح 

بص يابني دلوقتي قعاد نورما هنا خلاص ماعدش له لزوم تخلص عدتها و أخدها معايا اللي كان مخليني موافقة علي قعدها هنا العيل اللي في بطنها بس دلوقتي

قطع امير. كلامه وعنيه احمرت من الغضب و بطريقة حاده 

+ خير ياحاجة هي مين اللي تاخديها دي وعدت ايه هو حضرتك متعرفيش عوايدنا ولا ايه المفروض انتي اللي تعقلي بنتك مش تشجعها انتي عارفه عوايدنا هنا كويس مرات الاخ لاخوه مافيشهاش كلام

ليلي / يابني انا عارفة كل ده وحفظاه كمان بس انت متجوز واحدة غريبة متعرفش عوايد هنا غير كده مراتك حامل ومش حتواقفك انك تتجوز عليها وانا كمان مش عاوزة اظلم بنتي اكتر من كده .

كفايا ان كلنا جينا عليها وصممنا نجوزها المرحوم وهي ماكنتش موافقة سابت شغلها اللي بتحبه و اللي قاعدت سنين تبني وتكبر فيه يابني دي كانت مبتنمش بالايام علشان شغلها ده يكبر وبكل بسطا هنا الكل اعترض واتنزلت عنه غصب عنها وانا عارفة أن دي اكبر حاجة كسرتها لأن شغلها هو حياتها. 

و يارتها بعد كل ده اتهنت أو رتاحت كفايا معملت ولدتك ليها كفايا أنها عروسة مكملتش سنه وبقت ارمله 

بعد كل ده كمان نحكم عليها تقصي باقي عمرها مع راجل متجوز غيرها. وحيكون اب بزمتك ده مش ظلم 

امير /بصي يا حاجة انا عارف ان بنتك اتظلمت بس كلنا مش في ايدينا حاجة نعملها غير أننا نقف جنبها 

ويكون في معلومك طلوع نورما من باب السريا هنا مستحيل ياريت بس تريحي نفسك كده ومتفتحيش في مواضيع ترجع بحر الدم من تاني احنا ما صدقنا أنه اقفل 

هما كان شرطهم حفيد يوقف الدم وان شاء الله الحفيد ده حيكون مني 

امير في نفسة قال اسبها قال انا لما صدقت لقتها دي خلاص بقت قلبي ودقاته بقت نبض الحياه 

ليلي / يعني ايه يابني كلامك ده انت هتجوزها غصب عنها بردو. ولا ايه فسر كلامك الله يرضي عنك 

امير / قفلي علي الكلام ده ياحاجه ده لا وقفته ولا مكانه وخشي اقعدي معاها لو مش عاوزة تنزلي تحت

ليلي / انا مش عاوزاك تزعل مني يابني انا بس قلقانه عليها. ومش عاوزة اظلمها اكتر من كده

امير / متقلقيش ياحاجة نورما هنا في عنينا كلنا استأذنك بس محتاج ارتاح بقالي يومين منمتش 

دخل امير غرفته  وكأنه اتبدل واحد تاني خالص غير القوي اللي كان برا بقي عامل زي الطفل صغير بقي يعيط وينهنه زي الاطفال 

امير اه يا خويا اااه مش عارفه احزن عليك اااه اله وجعت قلبي يا يا ابن قلبي بس ظلمت ناس كتير معاك يا حبيب ربنا يرحمك ويسامحك يا قلب اخوك 

بس حعمل ايه مع مراتك دمغها هتتعبني قوي انت كنت بتتعامل معاه ازاي دي 

لا وكله كوم و حمل ماهيتاب كوم اه يادماغي 

فتح الباب ودخلت ماهيتاب بلبس فاضح قوي 

ماهي /ميرو حبيبي انت لسه منمتش بصراحة أنا خايفه انام لوحدي البيت غريب عليا خودني في حضنك يا ميرووو. خد ماهي حببتك وجرت علي حضنه 

زقها امير وقام واقف

وبحده ماهيتاااب انتي مبتحسيش في ايه مش شايفة اللي انا فيه انتي شايفه أن ده وقت المسخرة دي 

ماهي / الله يا ميرو. البيبي هو اللي عاوز حضنك بلاش ازعله بقي 

امير/ بعصبية بصي يا ماهي كل اللي بني وبينك هو العيل اللي في بطنك لكن اي تعامل تاني انسي انتي حتبقي مراتي علي ورقة بس و حكتب عليكي بس بعد أربعين اخويا فا قصري وبلاش شغل ده علشان انتي عارفة انه ميجبش معايا سكة يعني تتلمي كده وتروحي تنامي في الاوضة بتاعتك وانتي عارفة انا بعمل معاكي كده ليه 

ماهي /في ايه يا أمير مكناش غلطة غلطها وهو اللي كان معجب بيا و انت عارفة اني موديل وليا معجبين 

امير /معجب بيكي في اوضة النوم اللي رحمك مني موت اكمل اخويا غير كده الحساب يجمع واوعي تكوني حيله الحمل دي دخلت عليا انا هعمل تحليل ولو مطلعش ابني اقسم بالله ما هرحمك هعمل فيكي اللي ماعملشغ

 واجري بقي علي اوضتك

ماهي / بخوف شديد حاضر حاضر يا امير خلاص متعصبش نفسك انا خارجة حالا 

خرجت ماهي وفي نفسها 

هو في ايه يالهوي لازم يحصل حمل اليومين دول احسن انا حتسوح. بس هيروح مني فين الصبر حلو دخلت غرفتها . واغلقت الباب خلفها  

اشعر امير بنغزه في قلبه بدون سبب وتملكة شعور أن نورما بيها شيء 

اسستوب

كتير  هيقولو  اخوة ميت وهو عينه علي مراته 

 في حاجة اسمها عشق الروح الروح بتحس باروح تانية من اقل حاجة عشق الروح اسمي معاني العشق واجملها لانه عشق لا ينظر لجمال ولا لمال 

بااااك

جري امير علي غرفت نورما وفتح الباب بدون استئذان وجدت ولدتها تستغرق في النوم   العرق يملاء وجه نورما  

وضع يده علي جبينها وجد أن حرارتها مرتفعة بشده 

قال امير بصوت مسموع 

نورما. نورما فوقي 

أمسكت يده بشده وتضغطت عليهاو بتخترف باسمة امير 

صعق امير و شعر  أن الاحساس متبادل دق قلبه بشدة وشعر قد  أمتلك الدنيا 

أخدها بسرعة علي حمام وفتح الماء البارد  عليها لحد ما الحرارة نزلت 

طلع بهدوء  أيقظ  ولدتها

امير / حاجة ليلي يا حاجه اصحي

صحت ليلي في ايه يابني بنتي حصلها ايه

امير/ مافيش بس نورما سخنت شوية من فضلك ممكن تغيرلها هدومها علشان انا نزلتها تحت دوش

ليلي ومصحتنيش ليه انا انزلها تحت دوش متزعلش يابني انت ملكش حق تلمسها أو تيجي جمبها ميصحش الأصول بتقول أن ده غلط يابني علشان كده انا بقول أن نورما لازم تروح معايا 

امير / اسف يا حاجة وعارف وربنا يعلم انا ملمستش غير أيدها دي مهما كان لسة في عدت اخويا وانا بعرف الأصول. كويس و صحيتك علشان تغيرلها هدومها. متقلقيش يا حاجة انا عارف حدودي كويس و معلش انسي بقي حكاية انها تروح معاكي هي لسة في عدت جوزها 

ليلي/ كتر خيرك يا بني بس انا قاعده معها علشان اشوف طلبتها اي حاحة تخصها قولي عليها وانا هعملهلها متشكرين يا بني 

خرجت نورما من الحمام. في حاله اعياء وبتعب شديد. قالت بوهن :

 في ايه بس بتتخانقو ليه انا بقيت كويسه اطلعوا انتم الاتنين وانا هغير مش محتاجة حد معايا 

ثم نظرت اتجاه  أمير وقالت 

وانت متخشش هنا تاني مش مسمحولك هنا. واللي عملته فيا مش هيعدي علي خير واياك ثم اياك تحط ايدك عليا تاني او تلمسني واتفضلوا بقي علشان مش قادرة 

قال امير بتحدي وفرح أنه القطة الشرسة اللي جواها رجعت تانى. 

هاتي اخرك علشان مش حسيبك 

نورما / بتحدي أخري هيوصلك بس اصبر كل شيء بوقته حلو 

فتح الباب ودخلت ماهي بنفس اللبس 

ماهي /ميرو حفضل مستنياك كده كتير تعالي بقي وحشتني وال يبي بيسأل عليك واخدت يده ووضعتها علي بطنها ثم التفت إلى نورما وقالت:

مش تبركلنا يا نورما حيجلنا بيبي 

اوبس اسفة معلش وقعت بلساني وانتي لسة ابنك ميت معلش بقي 

امير وقد تملكه غضب دنيا كلها ولسة عيتكلم

ردت نورما مسرعة 

الف مبروووك ربنا يهدنيكم  وانتي خارجة خودي. جوزك في ايدك 

لمتابعه باقي فصول الرواية اضغط هنا👇

(رواية سجينة العادات)

تعديل المقال