رواية احببتها في ابتلائي الفصل السابع عشر 17 بقلم هنا مصطفى
رواية : [ احببتُها في ابتلائي ] 🌸🕊
{ Chapter 17 }
ف قصر الشافعي
رهف و نيرة دخلوا يشوفوا عمر و قاسم
كان عمر لابس بدله سوده و قميص أسود
و قاسم كان لابس بليزر بيج و تيشيرت ابيض
نيرة كانت لابسه فستان سَك روز هادي
و رهف كانت لابسه فستان جنزاري
دخلوا و شافوهم
نيرة : اش اش اش .. اي الحلاوة دي
رهف : يلاهوي على القمرات اللي معانا دول
عمر ضحك : والله انتو اللي قمر .
و قرب من نيرة و لم لها شعرها و بعدها قرب من رهف و دخل شعرها ف الطرحه
عمر : لمو نفسكوا شوية هاا !!
قاسم : مسيطر يا كبير
عمر اتكلم بهزار و ثقه : اوماال يا بني احنا جايين نلعب هِنا ولا اي
______________
ف اوضه كارم و فريدة
كارم دخل الاوضه و هو بيلبس jacket البدله
اتصدم لما لقى فريدة لابسه فستان احمر صا.خب و اوفر و ضيق جدا و مفتوح بصلها بصدمه و قرب منها
كارم ب غضب و صوت عالي و هو شاددها من دراعها بقوة : هو في ايه بقااا !!! ما تحترمي نفسك و سنك شويه !! يا شيخه دا انتي رايحه تخطبي لابنك المفروض تلبسي محترم حتى عشان لو مش خايفه من ربنا خافي علشان منظرك قدامهم !!!!
دخلوا عمر و قاسم و رهف و نيرة على الصوت
فريدة شدت ايدها بقوة: لا .. أنا مش خايفه من منظري قدامهم ما عادي يعني و بعدين انا اصلا هخاف على منظري قدامهم ليه ، انا اصلا لما اروح هغطي عليهم كلهم دول ماكانوش يحلموا انهم يناسبونا احنا ، احنا صحاب الحسب و النسب مش هما اللي مالهمش ديّا اصلا !! و لا نعرف اصلهم ولا فصلهم !!
كان عمر هيرد عليها بس قاطعه كارم لما قال ب حدة : بس عمر اللي هو ابنك الكبير المفروض ، هو اللي اختارها ، قلبه اختارها ، فيروز اكتر واحدة محترمه انا قابلتها كنت بشوفها لما كنت بنزل المستشفى اللي ف القاهره لو كنت شايف انها مش هتصون ابنك و تحافظ عليه و على اسمه و اسم عليتنا ، ماكنتش اخترتها تبقى مراته و أم ل عياله .. هو انتي ليه مصممه تقفي قدام سعادته سيبيه يختار اللي قلبه حبها !! سيبيه عشان مايندمش كل يوم على اختيارة زي ما انا ندمان على اختيارك كدا !!
و كمل كلامه : خمس دقايق و الاقيكي تكوني مغيره القرف اللي لابساه دا و الا و ديني هتصرف معاكي تصرف مش هيعجبك !
و سابها وخرج مع ولاده
فريدة كانت شايطه من الغضب و كانت قرفانه اكتر ماهي كانت قرفانه اصلا
لبست حاجه تانيه مقفوله و واسعه و خرجت
كارم بصلها ب استهزاء : ما كان من الاول
عمر : طب يلا عشان اتاخرنا ولازم كنا نكون اتحركنا من ساعه اصلا
ركبوا عربيتين
كارم و فريده و صبا و سيرين ف عربيه
و عمر و قاسم و رهف و نيرة ف عربيه
و اتجهوا ل طريقهم على القاهره ل بيت فيروز
ف بيت فيروز
فيروز لبست و جهزت كانت لابسه فستان قطيفه نبيتي مطرز لولي لانهم كانوا ف الشتا و الطرحه كانت نفس لون الفستان وحاطه ميكب بني خفيف اوي و لابسه هيلز نفس لون الفستان
علا دخلت عليها و كانت لابسه فستان لبني وعنيها مدمعه : يا روحي بسم الله ما شاء الله ربنا يحفظك من عيون الناس يارب
مريم و ريم كانوا مع فيروز ف الاوضه مريم ضحكت : صحبتي قمر اصلا
و بعدين كملت كلامها : بصي يا بت اللون الكحلى بتاع فستاني اللي لونه ماكانش عجبك هاا .
فيروز : لا طلعتي قمر يابت
ريم : فيروز فيروز اي رايك ف فستاني
ريم كانت لابسه فستان موف فاتح
فيروز : عسل بس مفتوح و قصير اوي هاا
ريم ضحكت ب احراج : خلاص بقا يا روزا
عمر كلم فيروز : اي يا عروسه جهزتى
فيروز اتكسفت : ايوا جهزت
عمر: طب بصي انا عشر دقايق و اكون عندك
فيروز : توصل بالسلامه
و قفلوا مع بعض
عمر وصل مع عيلته
وكانوا ماشيين ف الشارع بتاع العمارة و فريدة اتصدمت لما شافت شكل العماره اللي بذوق modern
ركنوا بعد ما عملو زفه و نزلوا و طلعوا وعمر كان شايل بوكيه ورد لونه احمر ب غلاف اسود
و علا فتحت لهم : اهلا وسهلا نورتونا اتفضلوا
كارم : دا نورك يا مدام
دخلوا وقعدوا
و فريدة كانت مبحلقه ف الشقه و تصميمها اللي كان شيك جدا
كارم : اومال فين عروستنا الحلوه
علا : حالا هندهلها
دخلت علا على فيروز
فيروز بتوتر: شكلى حلو ؟؟
علا : قمر ربنا يحفظك ويبارك فيكي و فيه
فيروز خرجت وسلمت و هي شايله الشربات و كانت بتدي ل كل واحد فيهم لحد ما وصلت عند عمر
عمر : قلبي مش مستحمل الجمال دا خدي بالك
فيروز وشها قلب طماطم و قعدت جمب مامتها و اتفقوا على كل الحاجه وقروا الفاتحه و طلعوا الشبكه اللي كانوا اشتروها و قعدوا ف الكوشه عمر لبسها الدبله و الانسيال و المحبس و الخاتم و جه يلبسها السلسله لقاها لابسه السلسله اللي أداهالها : اي دا انتي ماقلعتيهاش ؟؟
فيروز : ولا عمري هقلعها
عمر ابتسم لها و هي دخلت السلسله الاولي جوا الفستان ولبسها سلسله الشبكه
عمر : مُبارك عليا انتي
فيروز : الله يبارك فيك يا حبيبي
عمر : ايه ماسمعتش كويسس قولي تاني !
فيروز ضحكت :خلاص هي مرا واحده بس
وقربوا كلهم يهنوهم و جت سيرين و همست ل فيروز بحقد : مبروك عليكي دخولك الجحيم ، غريبه إنك لسه عايشه بعد الثعبان اللي جالك ، عموما ما تفتكريش بس إنك خلاص كسبتي و هو بقا ليكي ، لأ دا عمرة ما هيحصل انا مابسبش حاجه تخصني !!
فيروز همست بكل برود : المهم هو قلبه مع مين و بيحب مين بس انصحك يا حلوة ماتلعبيش مع فيروز العامري عشان هتخصري اوي .
سيرين بصتلها ب غيظ و مشيت و الغضب ماليها
كملوا الخطوبه و جم فارس و حازم
فارس :مبروك يا عريس
عمر :الله يبارك فيك ايه اللي اخركوا كدا
حازم : الطريق كان نيله
اتحرك فارس عشان يجيب مايه و هو راجع خبط ف ريم و المايه ادلقت على فستانها
ريم و هي باصه للفستان من غير ما ترفع عنيها تشوف مين اللي دلق عليها المايه : دا اي الغباء دا
و بعد كدا رفعت عنيها : هو انتَ !!
فارس : دانتي لازقه يا شيخه طلعالي ف كل حته !!
عموما انا آسف
و سابها و مشي
ريم قالت ب غيظ و صوت عالى : لا و لازمتها اي آسف بقااا !!
ريم قربت من فيروز و ورتها فستانها اللي بقا مايه و هما ف الشتا
فيروز : طب ادخلى أوضتي هتلاقي سشوار في درج التسريحه التالت خديه و نشفي بيه الفستان
ريم : تمام يا روزا شكرا
وصل ساعتها جيجي و كمال
جيجي :مبروك يا علا .. الف مبروك
علا : الله يبارك فيكي يا جيجي عقبال ريم يارب
كمال : الف مبروك يا مدام
علا : الله يبارك فيك تسلم
و باركوا للعرسان
و الفوتوجرافر صورهم صور كتير و صور عائليه
و الخطوبه خلصت و عمر راح ل علا
عمر : بقولك اي يا حماتي يا عسل انتي ما تخليني اخرج مع فيروز على النيل و مش هنتأخر
علا : ماشي اخرجوا يا حبيبي ربنا يسعدكوا
خرجوا و وصلوا على النيل
فيروز : عارف انا مبسوطه اوي بجد يا عمر
عمر : طول مانا جمبك هخليكي مبسوطه و ماتكونيش محتاجه ل حاجه بإذن الله
فيروز : ربنا يخليك ليا
عمر : و يخليكي ليا يارب
عمر حس ان فيروز سقعانه ف قلع jacket البدله و حطه عليها
فيروز ابتسمتله : لا عشان ما تبردش
عمر : لا انا مش سقعان
بعدها كانوا بيتكلموا و فجأه لقو الدنيا بتمطر سيول
فيروز : خير ان شاء الله .. المطره خير 😂
عمر : طب والرعد و البرق دول نظامهم اي؟؟😂
فيروز ضحكت : خير برضو😂
فيروز: تعالى نرقص تحت المطر
عمر : هنبرد يا بنتي يلا نروح
فيروز : يلا يا عمر خليها ذكري حلوه يوم خطوبتنا
عمر : طب يلا يا بينا
فيروز شغلت اغنيه حالة حُب ف الايربودز
و قعدوا يرقصوا مع بعض
و الناس كانوا بيتفرجوا عليهم و بيصوروهم
.......................
" عايشة حالة حُب معاك وخداني ♡ " .
" وصعب إنها تتكرر تاني ♡ " .
" و بعيشها لو أنتَ بعيد أو قُدامي ♡ " .
" و أخيرًا الأيام رِضيوا عَليّا ♡ " .
" أخيرًا جِه يا حَبيبى يوم ليا ♡ " .
" أرتَاح ♡ " .
" مِن قَسوة أيامي ♡ " .
الأغنية : حالة حُب
المغنية : إليسا
لمتابعه باقي فصول الرواية اضغط هنا 👇
