منذ عامرواية زهرة أصلان كاملة جميع الفصول

 رواية ضحية عشق الفصل السادس عشر 16 بقلم مريم احمد 

16

فضلت تصرخ جامد و هي حاسه ان جلد وشها

 بيتكـ ـوي مش عارفه حتى تفتح عينيها تشوف اي الحاجه الي غدير حدفتها في وشها دي

اتجمع الكل على صوتها  اولهم كان خالد و شيرين 

خالد.....في ايه في ايه مالك!!!!

شيرين...مالك يا نغم ايه الي حصل

بس هي فضلت تصرخ جامد بسبب كمية الألم الي هي حسه بيها في وشها

هيام...تعالي معايا طيب اغسلك وشك

خدتها هيام للحمام و شيرين الي كانت معاها

غسلتلها هيام وشها و نغم الي هديت شويه و حست ان جلد وشها مبقاش يوجعها او تحسه بيتحـ ـرق زي الاول 

خرجوا و نغم الي كانت دموعها على خدها بغزاره

قالها حسن بقلق

حسن...ايه الي حصل يا نغم

بس نغم سكتت و مردتش عليه

قال خالد بصوت عالي

خالد....سيبوها دلوقتي كله يخرج 

بص لشيرين و قال

خالد...و انتي يا شيرين خليكي معاها

هزت شيرين راسها و الباقي كله خرج

...................

راح خالد على اوضة سجده و خبط على الباب

سجده...اتفضل

اتفتح الباب و دخل خالد و هو باين على وشه الغضب

قامت سجده وقفت و قالتله

سجده....ايه يا خالو انت مضايق مني في حاجه؟

خلصت سؤالها و لاقت ايده بتضربها على وشها بقوه

خالد بغضب...الغل و الحقد عموكي لدرجة انك عايزه تشـ ـوهي وش البت!!!!!

بصتله سجده بصدمه و هي دموعها نازله و قالت

سجده....انا مليش دعوه!!!

خالد....اخــــرســـــي!!!

في الوقت دا دخل حسن على صوت خالد و هو بيقول بدهشه

حسن...في ايه يا خالو

خالد...اختك الحيوانه قالت لغدير ترمي في وش نغم ماية نار عشان تشـ ـوهها

بص حسن لسجده بزهول و غضب و هو مش مستوعب

سجده...يا حسن انا....

قطع كلامها لما حسن ضربها بالقلم بقوه و غضب و مسكها من شعرها و هو بيقول

حسن....انتي ايييييه ...ايه الغل و السواد الي ف قلبك داااااا

فضلت تعيط جامد و هي بتنادي على صباح عشان تيجي تلحقها و تدافع عنها

و بالفعل جات صباح و خدتها في حضنها و هي بتقول لحسن بغضب

صباح ...انت بتضرب اختك يا حسن انت اتجننت!!!

حسن....اختي الي اتفقت مع الخدامه انها تحدف في وش مراتي ماية نار 

بص لسجده و قال بغضب

حسن....عملتلك اييييه عشان تعملي كداااااا دي عمرها م اذيتك في حاااااجه!!!!

خدت سجده تليفونها و مفاتيح عربيتها بسرعه و هي دموعها مغرقه وشها و خرجت برا القصر كله 

مسك حسن راسه بتعب و هو مش قادر يستوعب ان دي اخته ابدا

بص خالد لصباح و قال

خالد...انتي السبب في كل الي احنا في دا يا صباح كله بسببك انتي

و خرج هو حسن من الاوضه

.................

كانت قاعده بتعيط جامد و هي بتفتكر كمية الالم الي كانت في وشها

شيرين...احكيلي طيب ايه الي حصل

في الوقت دة خبط باب الاوضه 

و شيرين الي كانت فاكراه حد من العيله جاي يطمن على نغم و قالت

شيرين...اتفضل

قد يعجبك ايضا

دخلت غدير و هي باصه في الارض بإحراج

بصتلها نغم بغضب و قالتلها

نغم...جااايه ليه امشي اطلعي برا

غدير...نغم هانم من فضلك اسمعيني

نغم...مش عايزه اسمع منك حاطه يلا اتفضلي امشييييي

اتكلمت غدير بسرعه عشان نغم تعرف الحقيقه قبل م تطردها برا الاوضه و قالت

غدير....كل دا بسبب سجده هانم دي كانت قايلالي اني ارمي في وشك ماية نار بدل الخل عشان تـ ـشوهه وشك  بس انا قولت قولت لخالد بيه و هو قالي احط مايه عاديه و احط عليها خل 

بصتلها نغم بزهول و شيرين الي قالت بدهشه

شيرين...و بابا هيعمل كدا ليه!!!!

جالهم صوته و هو بيقول

خالد...عشان لو نغم مكنتش صرخت كل الصريخ دا كان زمان سجده عرفت ان غدير منفذتش الي هي قالتلها عليه و كانت هتفكر تإذي نغم تاني

حسن...يا خالو م هي كدا عرفت اننا عرفنا ان هي و هتإذيها

خالد....لأ هي عرفت اننا عرفنا بس معرفتش اننا غيرنا خطتها

حسن...م هي هتشوف وش نغم و هو طبيعي

سكت خالد شويه و قال

خالد...ازاي مفكرتش في كدا!!!

نزلت دموع نغم و قالت بحزن و هي ناسيه تماما وجود حسن

نغم...خالو انا زهقت يا خالو و تعبت من كتر الظلم دا انا عايزه اطلق و ابعد عنهم كلهم و اعيش حياه هاديه بقى 

حس ان قلبه اتكسر و هو سامعها بتقول كدا و قالها

حسن...نغم لو سمحتي اسمعيني

خدت بالها من وجوده و بصتله بحزن و هي بتقول

نغم...مفيش بيني و بينك كلام اصلا عشان اسمعك و لو سمحت طلقني يا حسن

قالها بغضب....و انـا مـش هـطـلـقـك يـا نـغـم

كانت لسه هترد عليه بس سمعوا صوت خالد و هو بيقول بعصبيه

خالد....اخرسوووا انتوا الاتنين دلوقتي خلونا نفكر هنعمل اييييه

................

كانت ماشيه بعربيتها على سرعه كبيره جدااا  بغضب و هي معاها واحده صاحبتها

ضحى...اهدي يا سجده هنعمل حادثه

بس سجده مردتش عليها 

عادت ضحى كلامها تاني و هي بتقول

ضحى....يا بنتي هنعمل حادثه بقووولك

زعقتلها سجده بغضب و هي بتقول

سجده....شايفه في عربيات في المكان اوووي دا طريق سفر!!!

ضحى....انا مش انتي مالك بس ايه كمية العصبيه دي

نزلت دموع سجده و هي بتفتكر زعيق حسن و ضربه ليها

و بعد وقت كانوا وصلوا للنادي هي و ضحى

ضحى...يا ريتنا كنا كلمنا البنات يجوا 

قالت سجده و هي باصه للزرع

سجده....كلميهم

هزت ضحى راسها بفرحه كبيره و قالت

ضحى ..اوكيه

سجده...انا هقوم اتمشى شويه

ضحى تمام

مشيت سجده و فضلت تتمشي في النادي و هي عينيها مليانه دموع 

ازاي حسن يضربها و يزعقلها دا عمره م قالها كلمه تضايقها ابدا !!!

فضلت ماشيه و هي الرؤيه مش واضحه بسبب كميه الدموع الي في عينيها 

بس في ثواني كان صوت صريخها مالي المكان كله لما حست ان في سكيـ ـنه او مطـ ـوه ضربت وشها جامد لدرجة انها مكنتش قادره تتحمل كمية الألم الي في خدها 

حطت ايدها على خدها للي كان الد.م نازل منه بغزاره

و فضلت تصرخ و تعيط جااامد بوجع و هي صوت صريخها مالي المكان كله وووووو

لمتابعه باقي فصول الرواية اضغط هنا👇

(رواية ضحية عشق ) 

تعديل المقال