منذ عامرواية زهرة أصلان كاملة جميع الفصول

  رواية قصة قلب كاملة وحصريه بقلم دعاء فتحي 

_ سهرانة لوحدك ليه؟!

كنت قاعدة فى البلكونة وسرحانة وبتأمل فى السما فجأة سمعت صوت التليفون.

= الو

_ ايوة ياست 

= نعم يا نور 

_ ببعتلك مبترديش ليه؟

= والله مأخدتش لبالى 

_ امم ، طيب سهرانة لوحدك ليه؟

= مفيش بس اهلى كلهم ناموا وانا صاحيه. 

سأل كذا مرة سهرانة وحدى ليه بيحبنى ابن الفقرية😅😅.

_ طيب بصى قصادك

لقيته طلع البلكونة وبيضحكلى ، طيب والله بيحبنى 😂😂.

= اى دة ، طلعت البلكونة ليه الجو برد

_ مش مهم المهم انتِ.

= طيب تقعد شوية صغيرين معايا

_ طيب تيجى نلعب 

= تؤتؤ 

_ طيب ممكن تحكيلى اى اللى مسهر ميار 

= تؤتؤ 

_ يا بنتى الحقى 

= فى اى 

_ حاجة غريبة اوى 

= فى اى يا نور 

_ انا شايف دلوقتى قمرين فى نفس الوقت 

= فين دة 

_ اهه واحد فى السما والتانى قصادى

ابتسمت ونزلت عنيا فى الارض

_ اى اتكسفتى 

= ااه

_ طيب خلاص بقاا فكى كدة واضحكى

= اقولك

_ نعم 

= هتروح الفرح بكرة 

_ مين قالك انى معايا فرح بكرة 

= العروسة صاحبتى يا نور

_ امم ماشى كنت فاكر قطعتوا علاقتكوا ببعض

= وانت اتعزمت من مين ان شاءالله 

_ من اخوها 

= طيب هتلبس اى بكرة

_ والله لسة بفكر.

= امم 

_ اقولك على فكرة حلوة اوووى

= قول 

_ تيجى ننزل بكرة الصبح واشترى هدوم جديدة انا وانتِ

= بس...

_ مالك يا ميار 

= مش معايا فلوس 

_ هو انا جبتلك سيرة فلوس تعالى انتِ بس معايا وربنا يحلها

= حاضر ، يلا دلوقتى ننام ، تصبح على خير يا نور

_ وانتِ من اهلى .

بحب اوى نور يقولِّى وانتِ من أهلى، بحس انى فعلا حاجة بنسباله ، بس اعمل اى لينا 10 سنين على الحال دة ومش راضى يعترفلى بحبه ليا.

= ماما انا برن على نور مش بيرد واصلا خارجين النهاردة، روحى شوفى ابن اختك صحيه من النوم.

** يا بنتى انا مش فاضية روحى انتِ عند خالتك وصحيه. 

= حاضر 

= ازيك يا خالتو عاملة اى 

^^ الحمدالله يا ميار 

= نور فين

^^ نور صاحى من بدرى وبيلبس وجاهز باينله هيخرج.

قد يعجبك ايضا

= ااه انا وهو خارجين مع بعض 

^^ خلى بالك عليه عينيه تروح على اى بنت كدة ولا كدة فى الفرح النهاردة 

= تقلقيش يا خالتو

^^ ميار انتِ الوحيدة اللى تستحقى تكونى مرات نور

= يا خالتو هو ابنك اعترفلى بحبه وانا رفضت دة انا بقالى 10 سنين مستنياه يعترف

^^ هانت هانت يا قلب خالتك 

_ انا جهزت

= مكنتش ترد على الفون ليه بقاا

_ عادى مكنتش سامع 

= طيب يلا بينا يا استاذ نور

دى مش اول مرة أخرج فيها مع نور بحكم انه مش معاه اخوات ف بياخدنى معاه علطول اى مكان .

_ اختارى الفستان اللى عايزاه وانا هجبهولك

= بجد يا نورى

_ قولتى اى ! يا نورى!

= لا مقولتش حاجة 

_ طيب يلا اختارى اللى عايزاه وبأى سعر 

= بس انا مش عايزة فستان

_ عايزة اى طيب

= عايزاك انتَ

_ اى 

= قصدى عايزاك انتَ تشترى الاول

بَص عليا وبخبث كدة قال : اممم 

_ انا هشترى بنطلون وجاكت

= طيب وانا عايزة جيبه وجاكت برضه

_ طيب اى رأيك نلبس زى بعض

= ازاى

_ يعنى نطقم الألوان 

= ماشى موافقة

نور جابلى كل حاجة كان نفسى فيها اشترالى طقم كامل والحلو اكتر من كدة اننا هنلبس زى بعض.

_ ميار يلا هنتأخر على الفرح

= حاضر اهه بلف الطرحة

_ بسرعة يلا

** نور خلى بالك على بنت خالتك 

_ بصى يا خالتو من اللحظة دى تقولى خطيبتك 

** هو انت قولتلها يا واد

_ النهاردة ان شاء الله ، النهاردة هفاجأك 

** هتعمل اى يا ابن حنان

_ استنى بس نيجى من الفرح وهتعرفى 

= انا جهزت 

_ اوباااا دة كدة انا اغير بقاا

= تغير ليه من بنت 

_ لا اغير على البنت دى 

= طيب يلا الفرح يا ظريف 

روحنا الفرح وكنا سارقين الاضواء ، وفجأة لقيت نور بيقولِّى : ترقصى معايا.

= قدام الناس عيب 

لقيت صوت الاغانى هدِّى خالص ونور نازل على رجله قدام الكل وصوت نبضات قلبى زادت ونور طلَّع خاتم من جيبه وقالِّى: تتجوزيني 

= نور اى اللى بتعمله دة قدام الناس

_ تتجوزيني يا ميار

= طيب قوم هنتكلم فى البيت 

_ تتجوزيني يا ميار

= والله هجاوب بس فى البيت مش هنا

_ تتجوزيني يا ميار 

ولقيت نفسى بزعق واقوله: ايوة اتجوزك بس قوم، كل اللى فى الفرح صقفوا والاغاني اشتغلت تانى وأخدنى من ايدى ورقصت معاه، واخيرًا حلم عمرى اتحقق.

لقراءة باقي فصول الرواية اضغط هنا  👇

(روايه قصة قلب  )

تعديل المقال