جديد

روايه احببتها في ابتلائي الفصل الرابع عشر 14 بقلم حنان مصطفى

 روايه احببتها في ابتلائي الفصل الرابع عشر 14 بقلم حنان مصطفى 




رواية [ احببتُها في ابتلائي ] 🩷🕊


{ Chapter 14 } .


في بيت حامد العامري 


حامد : ادخلى يا زفته !!


فيروز كانت واقفه متنحه رجليها لازقه ف الارض مش عارف تخطى خطوة واحدة حتى ! 


حامد زقها و دخلها غصب: شكلك كدا هتقرفينااا معااكى !!!


فيروز بصتله ببرود اعصاب شديد و ماردتش عليه 


حامد اتغاظ من برودها :  بصي بقى مفيش خروج نهائي من البيت اوضتك هتتحبسى فيهاا 


و قرب خد شنطتها و طلع منها التليفون و خده و نزل من البيت و قفل الباب بتاع الشقه بالمفتاح 


فيروز دخلت الاوضه و قفلت علي نفسها 


و رمت نفسها على السرير و هي بتفكر هتتصرف ازاي ف المصيبه اللي هي فيها دي بصت ف الساعه لقت عدا ٣ ساعات دا معناه ان عمر خرج من العمليات

 

نزلت دمعه من عينها بس مسحتها بسرعه و قامت قعدت قدام التسريحه و بصت للسلسله اللي عمر اداهالها ، و افتكرت كلامه ؛ السلسله دي مهمه اوي .


قلعت السلسله و قعدت تتفحصها لحد ما لقت الظرف بتاعها بيتفتح . فتحته لقت فيه ورقه متطبقه  بطريقه صغيره اوي فتحتها و لقت مكتوب فيها  : فيروز لو قريتي الورقه دي يبقى انا مش معاكي ، ماتخافيش من اي حاجه عاوزك قويه زي ما اتعودت منك ، انا دايما معاكي حتى لو مش جمبك ، بحبك .

عمر .


فيروز اتصدمت من آخر كلمه قعدت تقرأ الورقه اكتر من مره و هي سعيده جدًا .. قفلت الورقة و همست بحب صادق  : و أنا كمان ... بحبك .

و شالت الورقه  ف حته ماحدش ممكن يعرفها . 


و غيرت هدومها و خرجت مسكت التليفون الارضي لقت سلكه مقطوع بقصد ف قالت ف سِرها : لا إله الا الله .. الصبر من عندك يارببب !!


لقت الباب بيخبط قامت و بصت من العين السحريه و لقت نشوى عمتها و هند مرات عمها ؛ افت و قعدت على الكنبه و لقت الباب بيتفتح من برا فيروز و بصت لهم  بابتسامه صفرا 


نشوى : اهلا .. اهلا باللي عريتنا ف المنطقه كلهااا !


هند : بقى انا ابنى يتساب قبل فرحه بيومين بس ملحوقههه !! اديكي رجعتي اما نشوف بقى هتعملى ايه !


فيروز ببرود : هنشوف .. مستنيه  . 


دخلوا و قعدوا 


فيروز : هتشربوا حاجه؟ 


هند : قهوة سادة عقبال ما اشربها عليكي .


فيروز قربت منها و قالت  : حبيبتي يا مرات عمي عقبالك انتي كمان يا روحي مش هتتصوري فرحتي ساعتها بقاا !


هند : انتي واحدة مش متربيه و ....


فيروز قاطعتها و بصت ل نشوى : همم و انتي ؟


نشوى : شاي .


فيروز : طيب .


ودخلت المطبخ 


و بدأت تحضر الحاجه و طلعت علبه من جيبها و حطت منها ف الكوباية بتاعت نشوى  و قلبتها و خرجت من المطبخ ادتلهم الحاجه و شربوها و ...... 


عند عمر ف المستشفى


خرج عمر من اوضه العمليات و ودوه اوضه الافاقه و خرجوا كارم و معتز بعديها 


فريدة : عمر حالته ايه


كارم : كويس و شويه و هيفوق هيقعد انهاردة بس ف المستشفى و بكرا هيخرج ان شاء الله .. اومال فيروز فين ؟؟


رهف ردت ساعتها و هي بتشد كارم علي جمب  : تعالى يا بابا أصله حصل   ........... و حكتله على اللي حصل مع فيروز .


كارم : مش هقدر اتصرف عشان ......


رهف : بس ازاي !


كارم : عادى هيحصل .


في الوقت دا نيرة  بصت ل رهف : هو في ايه؟؟


رهف : أصله.....


نيرة : اه عشان كدا بس ...


و قاطع كلامهم صوت قاسم : عاملين ايه ؟؟

و عمر طمنوني عليه ؟


و طمنوه على عمر


فريدة : ماجيتش ليه قبل العمليه 


قاسم :  مالاقيتش حجز طيران غير الميعاد دا و صادف انه بعد العمليه .. 


كارم : الزياره هتبقى بعد ساعه .. يكون فاق 


في بيت حامد العامري

 

هند : انا قايمه طالعه شقتي يا نشوى عشان اشوف خالد عشان قاعد لوحدة


نشوى : ماشي انا هخلص الشاى و طالعه انا كمان 


هند طلعت شقتها

 و ف الوقت دا المخدر بدأ يعمل مفعول و بعدها نشوى نامت .


 فيروز راحت وأخذت ورقه من شنطتها و بعدها اخدت تليفون نشوى و فتحته و نقلت الرقم و اتصلت بيه 


فيروز : الو يا رهف 


رهف : الو فيروز صح ؟


فيروز: ايوا عامله ايه و عمر عامل ايه ؟؟


رهف : انا الحمدالله و  عمر كويس ساعه و هيفوق و كمان هيقدر يمشي علطول كمان  اسبوع و نص اسبوعين ، هيحتاج بس علاج طبيعي بسيط و ان شاء الله يبقى احسن .


فيروز حست ان كلام رهف طبطب عليها ف اللي هي فيه 


فيروز : الحمدالله ..


رهف : انتى اللي عامله ايه بعد اللي حصل


فيروز ضحكت : انا زي الفل .. أنا مايتخافش عليا😂


رهف  ضحكت عليها : يبقى عملتي مصيبه يا مصيبه انتي 😂 


فيروز ببراءة مزيفه و هي بتبص ل نشوى ب كره : أبدا ، أنتى تعرفي عني كدا !


رهف : لا  بامانه انتي غلبانه 😂


فيروز قفلت مع رهف 


و مسحت المكالمه من سجل المكالمات 


و قامت بصت ل  نشوى ب احتقار 


 و جابت مياه و دلقت شويه منها على نشوى 


نشوى شهقت و قامت مفزوعه : هو ايه اللي حصل !!


فيروز ادعت الدهشه و الخوف : اغم عليكي يا عمتى و انا فوقتك شكلك كدا تعبانه و مابترتحيش 

اطلعي ارتاحي شوية .


نشوى كان لسه مفعول المخدر ف جسمها :اه .. اه مانا هعمل كدا  


و طلعت شقتها علطول 


فيروز قالت ف سِرها  بضحك : شكلكم طلعتوا بيضحك عليكوا بسهوله اومال انا ليه كنت مكبره الموضوع 


عند عمر ف اوضه المستشفى 


كان عمر فاق 


كانوا كلا من : كارم ، رهف ، نيرة ، فريدة ، قاسم .


متجمعين عنده ف الاوضه


قاسم : حمدالله على السلامه يا برنس 


عمر : الله يسلمك يا عم 


عمر : رهف تعالي 


رهف قربت منه و هو همسلها ف ودنها : فيروز فين ؟ حد من عيلتها عرف مكانها 


رهف : ايوا يا عمر ابوها جه و خدها  بس ماتخافش هي كلمتني و اتطمنت انها كويسه .. و هي اتطمنت عليك 


عمر قال ف نفسه : يبقى لازم انفذ اللي ف دماغي ف اسرع وقت !


______________


في شقة حامد العامري


دخلوا خالد و حامد 


فيروز كانت ف اوضتها 


حامد : تعالي يا فيروز 


فيروز خرجت و هي بتحط الطرحه على شعرها لانها سمعت صوت خالد 

فيروز : خير !


خالد وهو بيتوعد لها : اهلا يا بنت عمى !! ولا اقول يا مراتي ..  عاش من شافك !


فيروز بصتله ب قرف و بصت تاني ل حامد بضيق : ممكن اعرف فيه ايه ؟؟؟


حامد : كتب كتابك كمان  اسبوعين  على خالد يكون عمك طلع من المستشفى  .. و ضحك ب استفزاز : بس المرادي بقى يا حلوة مفيش هروب !


فيروز سابتهم و ماردتش عليهم و دخلت الاوضه 

كانت قلقانه لا يكتبوا الكتاب فعلا و تبقى مراته ، لأ لأ .. دا مُستحيل يحصل مُستحيل !!! .


بس كان جواها ذرة اطمئنان غريبه م عارفه ليه بس 

هي حاسه انه في حاجه هتحصل  هتقلب الموازين كلها .


_______________


بعد اسبوعين


عند بيت حامد العامري 


كان البيت متزين بالانوار احتفالا بكتب الكتاب 


فيروز كانت قاعدة ف اوضتها مطلعتش منها من ساعة صباح اليوم دا . 


كان باقى عشر دقايق  و تطلع و هي ماكانتش لبست الفستان و ولا عملت اي حاجه و قاعده ب هودي اسود و بنطلون جينز اسود وقاعده ضمه رجليها ل صدرها و ماسكه الظرف اللي ف السلسه و هي لابساها و شاردة نهائيًا . 


خبط الباب بتاع الاوضه و فتحت فيروز لقت علا 


فيروز : ماما !!


و اترمت ف حضنها و قفلت الباب

 

علا : هشش اهدي يا حبيبتي ، مافيش حاجه هتم ماتقلقيش .


فيروز : ازاي !! دا فاضل عشر دقايق و اخرج و بعدين حضرتك ازاي جيتي هنا؟؟


علا : عادي قولت ل حامد لازم ابقى مع بنتي و الكلام الفاضي دا ..


فيروز : اه ، تمام فهمت 


نده حامد ل فيروز من برا 


ف فيروز خرجت و هي بترفع الزعبوط علي شعرها بكل هدوء و قوة و غالبًا دا كان هدوء ما قبل العاصفة 


حامد زعق بغضب : يا نهارك اسود زي اللون اللي لابساه دا .. انتي لسه مالبستيش !!!


فيروز ببرود : دا اللي عندي .. أنا مش هلبس القرف اللي جوا دا إذا كان عاجبكوا !! 


خالد قرب منها و كان لسه هينزل بالقلم على وشها بس فيروز مسكت ايده بقوة و غضب مالي عنيها : ايدك لا توحشك هااا !!


- والله البت فيروز دي جامدة 😂😂


خالد بعد عنها ماينكرش انه اتخض من شكلها بس بعد عنها و قعد تاني ب غيظ


حامد وجه كلامه للمأذون : اكتب يا شيخنا 


في الوقت دا الباب خبط 


و فتحت علا و ابتسمت ل اللي كان على الباب 

دخل عمر و هو لابس بدله كحلي و بصلهم ب ثقه : و هو شرع اي دا اللي يخلي كتب الكتاب يتكتب و العروسة مش موافقه و بتحب حد تاني؟؟ .


فيروز بصتله ب صدمه هي شيفاه و هو واقف على رجله و كويس  ، كانت بتحاول تستوعب ازاي هو هِنا ، حبيبها قدامها و كويس و بيدافع عنها كمان !


 بصتله ب نظرة حب ف عينه عمر بصلها ب نفس النظرة 


______________________________


" الليل و سماه 🌃 " 

" و نجومه و قمره ✨️"

"قمره و سهره 🌕" 

" و أنت وأنا ♡ "

" يا حبيبى أنا ♡ "

" يا حياتي أنا ♡"

"كُلنا كُلنا ♡ "

" فى الحُب سَوا ♡ " 


- اغنية : الف ليلة و ليلة .

- ل كوكب الشرق : أم كلثوم .


لمتابعه باقي فصول الرواية اضغط هنا  👇

(روايه احببتها في ابتلائي)




تعليقات



حجم الخط
+
16
-
تباعد السطور
+
2
-