روايه ملازي الامن الفصل السادس بقلم ايمان الرشيد
_ خدوها علي البوكس.
= لا لا انتوا فاهمين غلط انا مقت_لتوش.
_ وبتعملي اي في موقع الجريمه.
= بلعب.
_خدوهاااا.
/بلعت ريقي بصعوبه لما اكتشفت حجم المُصيبه اللي عملتها في نفسي.
_ لا لا ياخدوني فين انا كنت بهزر.
= واحنا بنحب الناس اللي بتهزر عشان كدا هناخدك معانا.
_ بجد ؟! وهتجبولي اي هناك.
= انتِ بتحبي ايه ؟!.
_ عايزه كريب واي مشروب ميكونش مقاطعه و...مكملتش كلامي ولقيته اتكلم بزعيق:
= انتِ جايه تهزري ، خدوهااااا من قُداااااااميييييي.
_ متزقُش طب محدش يلمسني انا همشي لوحدي.
= اتفضلي قدامي.
/اتحركت ببطئ وانا ناويه علي مُصيبه تانيه هتحصل ، وقبل ما اركب معاهم البوكس جريت بأسرع ما عندي مكنش في لحظه حتي ولا ثانيه اتلفت ورايا ، كُنت باخد نفسي بالعافيه لكن كملت ، كُنت سامعه صوته وزعيقه ، وهو بيقول للعساكر تلحقني ، قدرت اشوف شكله وعروقه اللي بارزه ، استخبيت منهم وفضلت اتلفت ببطئ لحد ما يمشوا اتفزعت من زعيقه:
_ يعني اي هربت ؟!.
= ملهاش اي اثر.
اتقدم منهم بزعيق وقرب من كل واحد فيهم:
_ بنت زي دي تهرب منكم ازاي ؟!.
=....
_ انطقوااااااااا.
= يا فندم والله احنا جرينا وراها بس اختفت فجأه.
اتكلم بعصبيه ولكم واحد منهم في وشه:
_ بنت زي دي مقدرتوش تمسكوها عال اوي مشغل بها_يم معايا؟؟.
=.....
_ انجروا من قدامي مشوفش وش حد فيكم.
/كُنت بتفرج عليهم وانا مرعوبه ، استنيتهم لما اتحركوا فضلت بشاهد في صمت بلعت ريقي وخدت نفس عميق لما لقيتهم مشوا ومفضلش اثر لحد فيهم اتلفت وكُنت همشي شهقت بخضه لما لقيته هو ورايا اتكلم بضحكه خبيثه:
_ فكراني اهبل ولا اي عشان اصدق انك هربتي بالسرعه دي ؟!.
رمشت بعيوني كذا مره واتكلمت بتوتر:
= اهرب!! استغفر الله اي الكلام ده يا حضره الظابط.
_ اها فهميني هتعملي اي غير انك مستخبيه عشان تهربي.
= مسمحلكش انا مهربتش ، انا ضيعت الطريق.
_ لا والله.
= اه والله.
_ طب قدامي انجري.
= هتروحني لبابا.
اتكلم بعصبيه وملامحه متبشرش نهائي بالخير:
_ لا هناخدك في القسم مينفعش تمشي من غير ما نضايفك.
= كلك نظر وذوق والله بس مُش لازم ضيافه.
_ ودي تيجي ازاي مينفعش يالا قدامي.
= طب اي لازمتها الكلابشات بس انتَ بتخَوني كده !!.
_ احتياطات.
= مبتثقوش في الشعب حسبي الله ونعم الوكيل هيا دي اللي الشرطه في خدمه الشعب.
بصلي بنظره خلتني اتخرص خالص:
_ قدااااامي.
/بلعت ريقي بخوف واتحركت معاه مفيش مفر منه للاسف ، حاولت اعمل حركه واهرب لكن فشلت بصلي بحده واتكلم بنبره لا تقبل النقاش:
_ متحاوليش واتظبطي !!.
= بس انا معملتش حاجه والله.
_ هناخد اقوالك وهنعرف هناك في القسم.
/وصلنا القسم ، كُنت بقدم خطوه وبأخر خطوه ، كُنت خايفه من المناظر اللي اول مره اشوفها ، انكمشت علي نفسي بخوف كُنت قدره الاحظ نظراته الحاده ليا ، قاطعت
الصمت بخُوف:
_ ممكن اعمل اتصال ؟!.
= مُش الوقتي تعالي ورايا.
/اتحركنا وخدني لمكتبه ، قعد علي الكُرسي وطلب مني اقعد علي الكُرسي اللي قُصاده ، قعدت بتوتر وخوف الجو كان مُشحون بتعابير كتير ، قاطع الصمت بزعيق:
_ كُنتِ بتعملي اي هناك؟!. انتِ اللي قت_لتي الجثه دي.
شهقت بخضه:
= انتَ هتلبسني مُصيبه ، انا مقت_لتش حد.
ملامح وشه اتغيرت
_ اعترفي بالذوق احسنلك.
= والله معملتش حاجه.
_ امال كُنت بتعملي اي هناك.
= مكنتش بعمل انا هكذب لي.
/بصلي وعيونه بتطق شرار ضرب بايده علي المكتب بعصبيه اتفزعت من مكاني بخوف تابع كلامه بنبره حاده :
_ يا عسكرييي ، خدها في الزنزانه لما تبقي تشاور نفسها وتعترف بالحقيقه وتجاوب !!.
بلعت ريقي واتكلمت بخوف:
= ياخدني لي انا معملتش حاجه.
اتكلم بصوت عالي:
_ انتَ لسه واقف مكانك اتحرك.
اتكلمت بفزع:
= متقربش مني انا هروح لوحدي.
تابعت كلامي بصوت متحشرج:
_ انتَ متعرفش انا مين ولا اي.
= محصلنيش الشرف.
_ انا الدكتوره عائشه ال..!!.
قاطع كلامي بحده:
= ميهمنيش خدها يبني.
- انا همشي لوحدي بس عاوزه اعمل مكالمه قبل ما اروح.
= مفيش مكالمه هتتعمل.
_ بس ده حقي علي القليله لازم اعمل مكالمه واحده.
= اتفضلي.
/مسكت الفون بإيد بتترعش الخوف كان متملك مني علي قد ما كنت عامله نفسي قويه ، اتصلت برقم بابا:
_ رد يا بابا رد.
فتح الخط اخيرا ورد عليا:
= خير يا رسلان فيه حاجه ؟!.
اتكلمت بلهفه:
_ انا عائشه يا بابا الحقني.
اتكلم بخضه:
= عائشه انتِ فين.
_ انا في القسم يا بابا تع...
/قاطع كلامي وهو بيسحب مني الفون بصتله بغضب حاولت اتمالك لكن فشلت اتكلمت بعصبيه:
_ انتَ ازاي تاخده انا لسه مخلصتش كلام.
اتكلم بسخريه:
= فاكره نفسك في دريم بارك ولا اي مده المكالمه انتهت ، هتتحركي بالذوق ولا اخليهم ياخدوكي.
اتنهدت بضيق:
_ هتحرك.
/دخلت الزنزانه انكمشت علي نفسي وقعدت في جنب بخوف ، شكلها يخوف ، ونظرات الناس اللي هنا متطمنش، كان باين عليهم مُجر_مين فعلا قاطع شرودي واحده قربت مني واتكلمت بحده:
_ جايه في اي يا حلوه.
= انا مظلومه معملتش حاجه.
اتكلمت بنبره سرسجيه:
_ كُلنا مظلومين يا اختشي بس انتِ جايه برضوا ف اي.
اتكلمت بزعيق:
= قولتلك مُش جايه في حاجه مبتفهميش.
/قامت وقفت وبصتلي بنظره خلتني انكمش علي نفسي اكتر ، اتكلمت بعلو صوتها ، البنت دي بتقول عليكم ناس مُجر_مه وبيئه وشايفه نفسها علينا ، بصتلها بخوف وتابعت كلامي بزعيق:
_ انتِ كذابه انا مقولتش كده متصدقوهاش.
تابعت كلامها بتمثيل:
= ده احنا عشره مع بعض هيصدقوا واحده زيك هما كده الناس الاكابر بيشوفوا نفسهم علينا وعلي الفقره اللي زينا.
/بلعت ريقي بخوف لما شوفتهم اتلموا حوالين بعض وقربوا مني ، قومت من مكاني وانا بقرب من الباب وبخبط عليه بعزم ما فيا ، وبنادي علي العسكري يلحقني منهم ، لكن قربوا عليا ، غمضت عيني بسرعه ودعيت ربنا يطلعني من المصيبه دي لقيت واحده منهم بتحسس علي الأنسيال اللي كنت لابساه مكملتش و العسكري فتح الباب ونادي عليا :
مين هنا عائشه محمد :
_ انا انا عائشه.
= تعالي معايا
/حمدت ربنا انه جه في الوقت المناسب مش عارفه لو مجاش كنت هعمل ايه:
رحت و أول ما شوفت بابا جربت عليه حضنته:
_ بابا عشان خاطري خدني من هنا.
الظابط اتكلم بصدمه:
= انتِ بنت اللوا محمد !!.
تفاعل ورايكم يا حبايبي عشان اكمله، اكمله ولالا ؟؟♥.
#بقلمي_ايمان_الرشيد
هذا الفصل مازال قيد الكتابة عاود زيارتنا مجدداً او تابعنا على صفحة الفيسبوك
لمتابعه باقي فصول الرواية اضغط هنا 👇
قد يعجبك ايضا
